惠比壽本店

營業中

休息中

🍱😋 嘩～呢碗灸燒海鮮丼一上枱真係好搶眼！色彩繽紛到好似打卡神器咁📸✨，啲食材睇落都好足料，令人即刻想開餐！🔥 裡面有灸燒三文魚、蝦、扇貝同章紅魚。不過講真，三文魚燒得有啲過火🔥，食落去太軟腍，冇咗啲口感，少少可惜😕。蝦就唔錯喇，鮮甜又夠多🦐，食完有種「嘩～好滿足啊」嘅感覺💯！🧐 扇貝就比較細粒，味道偏淡，冇乜驚喜😐。章紅魚就一般啦，唔差但都唔算突出，感覺同出面餐廳差唔多🐟。飯嘅份量啱啱好🍚，配埋啲海鮮一齊食，味道都算唔錯👍。🍣 仲有嗰個三色刺身拼盤（油甘魚、扇貝、三文魚）真係驚喜位！新鮮到爆💥，入口即化，鮮味勁足～食完有種「嘩！呢啲先叫刺身！」嘅感覺😍！👀 如果你嚟呢間餐廳，我真係會建議你主攻刺身，味道真係出色到令人回味無窮～下次我都想再試多幾款刺身，睇下有冇其他寶藏🧭！📝 總括嚟講，今次食得幾開心，雖然丼飯有啲小瑕疵，但整體都值得一試。建議食刺身類～😄🍽️

喺平台用300幾蚊買咗個2人套餐，12道菜加埋三得利特級神泡啤酒，有驚喜捧住個肚走，食物質素值回票價。🥢塘心蛋野菜沙律👍👍👍👍🥢日本生蠔大隻兼新鮮 👍👍👍👍👍🥢特選刺身三點，油甘魚同吞拿魚都好鮮美👍👍👍👍👍🥢火炙芝士炸蝦卷 （6件）即叫即做好脆👍👍👍👍👍🥢串燒拼盤 （4串 雞翼 雞軟骨 冬菇 茄子）呢個稍為咸咗D👍👍👍🥢和風清酒煮蜆👍👍👍👍🥢日式炸絹豆腐👍👍👍👍👍🥢鐵板牛舌👍👍👍👍🥢 銀鱈魚西京燒，呢個廚師推介👍👍👍🥢薄燒牛肉配溫泉玉子丼，呢個係必食👍👍👍👍👍👍🥢日式茶碗蒸👍👍👍👍🥢 甜品 : 紅豆魚燒👍👍👍🍻啤酒係三德利特級啤酒250ml👍👍👍👍👍環境都幾舒服，喺葵廣對面嘅大廈，感謝租金減低先至可以食到平靚正嘅嘢

環境:今日嚟到呢一間實惠比壽總本店,環境乾淨舒適,以海魚為主題,燈飾都有魚網罩起,全店以黃白藍三色為主調,給人陽光、藍天白雲與海洋的感覺! 口味:以往一般都會吃刺身和壽司,但近來這幾個月都喜歡上他的下午茶餐,細三文魚吞拿魚蓉丼飯,和燒牛舌拉麵是我近期最喜愛的菜式!怕吃不飽的話可以加一個$12 的三文魚手卷! △服务:服務都是很不錯的,一般都隨傳隨到,而且都算有禮貌! ◎性价比:總括來說,這間日式料理餐廳算是性價比很高的,價錢算合宜!

今日又來食午飯，叫了溫泉蛋牛肉丼，又用上次幫襯後獲贈嘅小食換領卡點咗茶碗蒸。個丼嘅牛肉鋪得滿滿，醬汁味道調得啱晒口味，茶碗蒸雖然免費，但做得一啲都唔馬虎，嫩滑又蛋香足另外，掽巧遇上店內部份冷氣機故障，冷氣有啲唔夠，但個看似兼職嘅妹妹仔侍應（平時少見佢）見我哋撥扇，主動遞上一部充電式風扇仔給我哋吹，我即時讚佢服務態度好，埋單時更給佢少少打賞作鼓勵。亦想藉此平台，告訴大家香港飲食業仍有值得說好的故事，希望香港人多留港消費，多啲幫襯服務好的食肆甚或多給鼓勵服務態度良好的從業員。

附近工作平價壽司🍣$100樓下吳比用信用卡，又不註明 ，口頭講。職員話冇帶現金先可以碌卡，用信用卡消費話要收2.5%手續費。平時消費都可以用信用卡，而家口頭上轉制度，失望吳係間間信用卡都收手續費？ 餐飲吳包？而家想再額外收費？ 香港有多一間x店

今晚天氣比上日凍咗好多，好想食火鍋，於是再次幫襯食一人一鍋，自己再食廣島蠔烏冬鍋，夫人食海鮮烏冬鍋及追加一客蟹籽沙律。再者，正所謂食過返尋味，再加兩件八爪魚壽司添。夫人因為生痱滋，所以慷慨地叫我食埋佢個餐嘅炸軟殼蟹，水準依然，外脆內嫩又熱辣辣，所以佢唔敢食就係咁解。至於八爪魚壽司，同樣keep 到水準，八爪魚鮮味豐厚。不得不提，夫人對惠比壽的蟹籽沙律情有獨鍾，每次佢都會追加一客，佢話沙律醬汁味道除有胡麻醬香之餘，汁的濃稠度及份量不多不少，啱晒佢口味，採用的青瓜絲粗幼恰到好處又新鮮，蟹籽入口卜卜脆食得好過癮咁話喎！最後，唔知係咪天氣凍，食咗咁多嘢，仲有胃口，於是再order 多兩件八爪魚壽司先滿足😁

首先利申，我住惠比壽所在地區，不時都去幫襯，叫做熟客仔啦，3月14號晚再度光顧，叫咗唔係慣常食嘅選擇。今次食廣島蠔火煱烏冬，湯底味道鮮又濃郁，主角廣島蠔好肥美，雖然份量都正常豐足，不過今晚胃口幾好，食完仍想叫啲嘢食。結果揀咗$14一件嘅八爪魚壽司共兩件，一件件賣真係好方便我喱啲想食少少嘅人。一上枱見到擺盤同盛載嘅陶瓷方形碟就覺得好靚，食落味道仲有驚喜，我估係用咗海苔捲住八爪魚同壽司飯糰所致，當沾少少醬油同食，竟然提升咗八爪魚嘅鮮香味，おいしい再者，伴碟的兩片醃漬大根都好食呀，爽脆清甜，好想食多幾片，不過可能再開胃一啲，要再叫多樣嘢食喇。

朋友介紹第一次黎，座位舒服，價錢好抵，叫左個牛舌丼，牛舌好淋好入味，另外叫左一個刺身定身，剌身好新鮮，帶子好甜。另外叫左2個小食，一個炸豆腐，一個餃子。👍👍💯仲有2杯特飲，一杯係荔枝青檸梳打，一杯巨峰提子梳打，十幾蚊就有特飲，真係抵。餐廳仲送每人一個沙津，一個味噌湯。沙津D麻酱好好味，個酱仲有得可以買返屋企，一支超大支先$58蚊一支。我買左一支走。味噌湯唔係好咸，我响其他餐廳唔會飲既，尼度我竟然飲晒。會再黎幫襯，又多一間可以成日黎既餐廳。見到隔離檯叫壽喜燒好想試。

入到門口沒有人招呼, 自己搵位坐低咗, 佢就埋嚟問你有冇訂位, 冇嘅就要坐第二度, 間舖頭都未係好多人, 大概坐咗一半人啦, 未滿人都咁樣嘅服務 , 再多啲人都唔知點算 , 唔怪得知啲人鍾意北上,

無意中發現葵芳竟然有間高質又抵食嘅日料，而家已經成為咗我嘅飯堂，呢度環境舒適，地方大，聚會一流。壽司🍣刺身食材都好新鮮，就算唔好生冷嘢，都有好多其他選擇，有串燒，燒物，鍋物，石鍋飯等等，豐儉由人。今日叫咗最鐘意嘅手握壽司🍣每件都係厚切，鮮味十足，比平時食嘅壽司更加足料，toro入口油香滿溢，吞拿魚蓉份量十足，新鮮魚生與日本米赤醋飯完美融合😋隱藏菜單係日本直送原條魚，可以刺身或者鹽燒，今次揀咗鹽燒，魚肉非常鮮嫩，魚皮焦香，冇過多嘅調味，可以食到食物最原始嘅鮮美，咁大條海魚都係3百零蚊，性價比極高另外叫咗份三文魚牛油果沙律（全份$108，半份$54）三文魚嘅肥美配埋牛油果🥑生菜青瓜絲，爽脆清新，每啖都好滿足葵芳高質日料選擇唔多，以後都會繼續支持小店

住喺附近，佢新開店就開始幫襯，疫情期間都不時光顧。可謂食開有感情，鐘意喱度嘅食物水準平穩，環境濶落，價錢合理。一直見佢唔係好旺，可能我多數非繁忙時間去吧。疫情時期更見人少，擔心佢做唔住㗎。好彩疫情過去，人流有番起色，佢堅持到而家，覺得佢都好嘢喇！中午慣常食燒鯖魚套餐，因為唔食刺身，否則選擇更多。套餐有用日本米煮嘅飯，連麵豉湯，漬物及菜沙律，沙律啲菜好新鮮㗎，比好多餐廳一早整定擺到變色，優勝得多。佢哋又會送張免費小食卡你，等你下次用，我就最鍾意食茶碗蒸，啲蛋好嫩滑又熱辣辣，店員話係即叫即蒸嘅。今次晚餐，叫咗非慣常食嘅牛舌丼同燒深海池魚骹。牛舌份量十足，質感軟熟有肉味，池魚鮫燒得咸香魚味濃，今餐略為叫多咗，不過仍然食得晒，個胃非常滿足。

首先個生魚片拼盤嘅每一片魚肉都切得恰到好處，口感鮮嫩，入口即化。其次個烤魚嘅魚皮金黃酥脆，內裡的魚肉鮮嫩多汁。搭配的醬平衡了魚肉的油脂，讓整體味道更加層次分明。總結來說，每一口都是對味蕾的極致享受。

無意中發現葵芳竟然有間抵食日料，性價比極高，餐廳環境舒適寬敞，最最重要嘅係唔限時！新鮮食材，價格親民。食物選擇好多，啱晒有選擇困難症嘅我，夜晚唔想食太多澱粉質，所以今次試咗灃洲漁市場直送原條鹽燒金線鯛，非常新鮮好味，完全唔腥。另外見到廚師推介油甘魚頭鮫，本身就好鍾意食魚鮫，梗係要試埋，果然冇令我失望，啖啖肉，超滿足。餐廳仲有白身魚，刺身半價優惠，叫咗份魚生，新鮮魚生搭配赤醋，唔需要點豉油都可以食到食材本身嘅原汁原味。

一個人午市找食，處處都人頭湧湧，這店算是可自己一張小枱，不會逼得唔自在。嚐了溫泉蛋豬軟骨飯，是石鍋盛上。熱辣辣，若冬天食應該不錯。豬軟骨肉不鞋，很軟林。份量不少，味道不錯。因套餐，有沙律、湯及甜品，而且標記優惠價，唔洗七十元，要加一。如果想好好坐著食飯，這是不錯選擇。

呢間餐廳喺葵廣隔離午巿生意爆場環境闊落光猛9成食客都係附近嘅打工仔講真，佢午巿套餐都幾抵食㗎款式多之外，一個主食會配埋和風沙律及味噌湯🌼 燒豚肉溫泉玉子丼（$88）石燒鍋上菜熱辣辣影相嘅時候仲噴緊煙😅除咗豚肉之外仲有配菜，色彩繽紛賣相精美😍汁燒豚肉有六大塊，厚身juicy 唔會韌；因為汁燒過仲帶少少甜味，送飯一流溫泉蛋啱啱好，石鍋飯焦撈温泉蛋汁食好香😋😋加多罐可樂都只係$3，比起其他餐廳算實惠了