悟茶 (已結業)

今天天氣真熱了，下雨又濕又焗。不得不買支飲品解渴了，行過葵湧廣場，選了一間臺式特飲。點了苿莉花綠茶，茶味甘香，很香苿莉花味，大杯裝15元，超值抵飲。點了苿莉花綠茶，茶味甘香，很香苿莉花味，大杯裝15元，超值抵飲。

喺葵涌廣場食嘢食到好口渴 雖然有好多唔同種類嘅台式飲品鋪頭 但真係唔想下下都飲甜野 又唔想下下飲3樓嗰啲$10$8杯嘅西瓜汁或者楊枝甘露 之後行過一間地下嘅悟茶 見佢有冷泡茶又唔係貴 $19一枝 就決定買來試吓鋪頭妹妹好窩心問我係咪第一次飲 我話係 未飲過 本來想試玉露 之後妹妹話四季春都唔錯 咁我話好啦即管一試 佢仲教我飲完第一次可以返去加返溫水 然後再放落雪櫃10個鐘 再飲第二次 如果唔講我可能真係飲完一次就掉咗 服務加分到手 微凍既冷泡茶 一飲落口 似綠茶 又似鐵觀音 唔錯 都好解渴 好過飲乜乜奶蓋果d 返到屋企再加水 但我冇雪依然有茶味可以翻飲幾次會再回購！

黎料啦，中國嘅著名連鎖店都殺到黎香港，有齊好多唔同嘅飲品 🤩🤩 包括有奶蓋，又有冰沙，又有水果茶，但當然我最愛依舊係黑糖珍珠鮮奶啦 😍😍 當然繼續飲黑糖不散嘅黑糖珍珠鮮奶啦，#沖繩黑糖鮮牛奶 $32，第一件事，沖乜春繩呀，黑糖味都冇，真係影衰日本，珍珠仲要係半生熟，個心硬嘅，奶味就不再話下啦下，做臭哂個朵，搞咩呀，這就是悟茶，中國的悟茶，世界的悟茶，悟你 _ _ 👯‍♀️❤️-悟茶葵芳葵涌廣場地下 A45 號鋪

同樣係葵涌廣場，用同一款飲品對比喜茶嘅飲品，究竟邊一間芝士系列嘅芝芝莓莓最好飲呢？悟茶嘅芝士士多嘩梨係同場最貴嘅（$39），但物有所值！悟茶嘅芝士奶蓋係我至愛嘅鹹甜口味，奶蓋口感幼滑，芝士味道超濃郁！係唯一可以媲美喜茶嘅芝士奶蓋。下層嘅沙冰係用新鮮士多啤梨打成，味道微酸但啖啖都有果肉，口感清爽，絕對係真材實料沙冰同芝士奶蓋混合後，口感變得冇咁粗糙，有啲似奶昔咁。鮮草莓嘅酸甜配芝士嘅鹹甜，每一啖都有唔同層次嘅口感，真心講句「正」呀！

問老細邊杯最好飲，佢就同我講呢杯白桃烏龍奶蓋最受歡迎，女仔飲會健康啲。🥰.我叫咗少冰少甜😚冇咁肥啊！.茶底係用靚茶葉沖製，有陣陣嘅白桃花香味，幾獨特！暫時未係市面上見過呢種味道嘅芝士茶😝.未飲茶之前，我啜咗啖奶蓋先。佢嘅芝士味重啲，老細話係用真正嘅忌廉芝士打成，唔同市面上普通嘅奶蓋，比較鹹香。不過我唔建議飲太多啖，否則真係太鹹啦🤣.最後將啲芝士同茶撈匀，好夾wor，好香醇！既有白桃花嘅淡香，又有奶蓋嘅奶味，越飲越好飲，我中意！❤️❤️❤️成杯好大杯，飲完飽飽！附上Menu:

點咗一杯凍嘅芝士士多啤梨同一杯熱嘅特濃朱古力奶蓋。已中伏。。。一黎兩杯嘅芝士奶蓋都超級無敵咸！飲極都飲唔到底。。士多啤梨都幾好飲嘅，但熱朱古力就唔係特濃。。係淡而無味嘅朱古力。。我係見佢店長推介先叫黎試飲。。。希望之後會有改善啦。

今日經過葵廣，心血來潮想飲甜野。行到見到小確茶同悟茶開正係隔離，選擇困難大症發作，就決定上IG睇下邊間好評多啲。最尾決定試悟茶～黑糖珍珠奶茶細杯只需$22，但一出到黎個賣相同普通珍珠奶茶冇乜大分別。開頭個一兩啖有極淡既黑糖味，基本上成杯野只係一杯好甜好甜既奶茶，無黑糖味無茶香，完全唔合格呀😭飲左兩啖就放棄，頂唔住。-不過可能係我嗌錯左，應該嗌返最出名既水果茶系列先岩！不過有左今次既經歷，葵廣選擇又咁多，我應該唔會再飲呢間。

行葵涌廣場，除左可以行街買衫，搵美食，仲有另一樣嘢多就係台式飲品多，近來葵涌廣場新開不少大陸過江龍台式飲料的，悟茶係一間我覺得唔錯的。今次叫左一杯熱的8窨茉莉花奶蓋（走甜），最初覺得個名有些奇怪，為什麼要加上8窨？原來窨制係制作花茶過程又叫熏花茶，8窨就係經過8道工藝過程挑選的茉莉花。8窨茉莉花奶蓋$30，茶味十分香濃，奶蓋夠厚，甜甜的，奶味亦算濃但重奶精味。茶底夠香加分。奶精味重扣分。整體不過不失啦！

見今日買一送一放工去買杯黎飲，叫左杯珍珠奶茶。點知一飲珍珠太淋，好似一pat野禁，杯奶茶係無味，無奶味無茶味，只係有顏色既水希望改善質素先好開業！唔好再俾依d個客飲

葵涌廣場一開就開佐幾間都係賣台式飲品既 茶控既我 緊係要試下今次呢間就係地下 鋪仔細細 就咁格離已經有一間都係賣台式野飲 另外果間就下次先試啦價錢唔貴wor 大杯既淨茶都係15蚊 我去親試呢d台式飲品台都係會叫淨茶+珍珠(走甜) 所以今次就叫佐梨山鳥龍加珍珠喇(佢推介嫁)但係好可惜呀 佢冇哂鳥龍 轉佐茉莉 嘩 真係好大杯呀 飲落去d茶係幾香 唔係甘果種 因為本身茉莉都係比較清 我俾6.5/10啦 但係!!! 珍珠絕對係敗筆 淋又冇咬口 而且冇味評語: 下次會試第二間

哈哈由於系葵涌廣場一邊行一邊食已經掃左幾杯野飲。所以唔想再飲奶茶，奶蓋，芝士，珍珠甘肥既飲品，但系就系口渴，要飲野。🤣本身想買支烏龍茶，但唔知邊到可以買，又去左一間飲品專門店買，鋪面裝修好靚💁🏻我整系想飲‘茶’，所以叫左茉莉花茶大杯$15茉莉茶帶有苦甘味，茉莉花味香。我隔離個個話苦，可能佢唔鐘意苦甘味，但系我覺我ok, 可以接受😀😀😀😀🔸職員好有禮貌，驚我飲到底下沈澱物，所以提一提我。

平時好少去来葵芳，早兩個月難得去開呢一頭 俾我發現有新嘅台式飲品店剛開張 咁難得當然要試吓佢啦！ 唔知係唔係因為新開張兩日的關係 材料未準備充足 所以當日係無珍珠系列飲品，而我又因為非常口渴所以想飲清淡一點的飲品就決定叫奶蓋茶試試白桃烏龍奶蓋L $21- 8折茶味香夠濃 非常清新 解渴又唔甜，奶蓋夠厚又滑身 份量又足夠 飲到最尾個啖都重有🤤同我係台灣飲過嘅奶蓋茶一樣味，禁熱嘅天氣飲返杯真係超正😍希望下次經過可以試到珍珠系列嘅奶茶啦！

今日放工同阿肥喺葵廣掃街食到咁上下,佢話口渴想試下呢間新開嘅「悟茶」,見佢唔洗排隊就買咗杯試下啦。 拎咗佢份餐牌嚟睇,其實佢都同其他台式飲品店一樣有好多選擇,無論奶類/茶類/奶蓋類/水果類都有,今日我哋買嘅呢杯就叫做超級水果四季春,價值$39蚊。 點完單之後,等佢即叫即整,已經冇其他人等架喇,但係都略略等咗7-8分鐘,對我哋嚟講,似乎耐咗小小......(可能因為已經口渴中)心裡面諗:冇人都整咁耐,多人排隊嗰時咪等餐死?! 飲品拎到上手,都覺得好大杯,咁貴嘅價錢嚟講,都真係見到裡面水果滿滿,我都嘩咗一聲出嚟驟眼睇已經有鮮橙+士多啤梨+青檸+西瓜,好似仲有小小熱情果添,但係飲落口就冇乜茶味喇,只係好似飲緊糖水咁,有啲失望

聽朋友講 廣場開左新嘅奶茶店 話時話 來左香港咁耐第一次飲到中意嘅奶茶 好似大部分香港人飲奶茶都中意飲茶味重啲 但是我就中意飲奶香重啲嘅 試左招牌悟空黑鑽奶茶 超級超級超級超級……中意 奶味重香 茶味同甜度剛剛好（但是朋友講有小小甜 但是好饮😂 可能我飲得甜啲啦😂） 聽老闆講係焦糖味奶茶加焦糖暏喱特別係啫哩 超級好吃😍😍 好釆影左相 （請忽略我的肥手😂）最后老闆同員工非常有礼貌好nice啊

葵涌廣場地下一連開了兩間台灣飲品三人行來到決定各買一杯試等了約十五分鐘這杯近期大熱的黑糖珍珠鮮奶到手這個夏天 我已試了很多間～咁近我上班地方 如果有好飲的就發達咯但很可惜 這杯令我很失望飲左好幾淡都唔知自己原來飲緊奶賞試提高飲管去淨飲奶真的很淡耶～🤦🏼‍♀️黑糖珍珠的黑糖味也很淡珍珠很散 唔夠完整一粒粒 我只能夠如果說10分係滿分 盡比只能有2-3分分數來自黑糖掛杯樣子算不錯～或者佢有其他出色的項目 但絕對不是這款下次有機會再試其他吧🤷🏼‍♀️