53
18
25
餐廳: 悅來酒店咖啡室
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。現更可憑優惠券專享折扣優惠!
港鐵大窩口站 B 出口, 港鐵荃灣站 B2 出口, 港鐵荃灣西站 D 出口 繼續閱讀
電話號碼
24093218
開飯介紹
咖啡室供應頂級環球美食,精選前菜、湯、主菜和甜品源源奉上,帶來全新的自助美食體驗。 繼續閱讀
特色
飲o野傾計
營業時間
今日營業
06:00-23:00
星期一至日
06:00-23:00
付款方式
Visa Master AE 現金 銀聯 JCB
座位數目
230
其他資料
酒精飲品
自帶酒水
切餅費 詳細介紹
泊車
電話訂座
加一服務費
清真認證食品
招牌菜
加拿大扇貝 朱古力噴泉 長腳蟹 青口 美國生蠔 特級乳酪雪糕吧
食評 (106)
等級4 2017-06-13
6104 瀏覽
公司的提早退休計劃真受歡迎, 想不到半年內已是第二個同事「退休」, 大家prefer收早後半小時車程便到的Panda酒店, 上次在30樓殷悅飲茶好正, 今次黎lobby食lunch buffet. 一入座已經被甜品bar吸引了, 要留肚食 新鮮焗起餐包外脆內軟, 最高享受莫過於加上一大抹牛油然後一口咬下去, 脆卜卜, 軟棉棉, 暖笠笠, 充滿牛油香, 一不小心會讓這盤精緻麵包填滿肚子 熱食選擇不多, 卻每款都各有特色, 我吃了海鮮蒸豆腐, 好滑, 整盤都充滿蝦, 菇... 在天婦羅bar夾了南瓜, 茄子, 魚, 食物去得快, 廚師同事炸得快, 所以是剛炸起, 薄薄炸漿令人一件接一件吃, 旁邊是叉燒, 牛扒....很juicy, 無咬不下的筋呢. 頭盤我最喜歡是南瓜和風乾火腿 可惜剛剛腸胃炎好返, 放棄了蝦, 青口, 螺. 只能望著同事大快朵頤 躲在小朋友playroom旁的湯麵檔, 走近一看, 單是麵款已經很多款, 我揀粉絲, 有齊說得出的配料&菜, 同事推介喇沙湯底, 超濃郁, 就是連湯底都KO了. Movenpick雪糕有多種味道, 我吃panna cotta, 市面不常有售, 即使有售也超貴的, 若不是胃的空間有限我真會吃多一盒, 超美味超滑! 朱古力噴泉不能錯過 Tiramisu.... cheesecake.... 朱古力mousse... 玫瑰石榴mousse cake...每款都切了一小片慢慢品嚐, 對Panda酒店的甜品師傅手藝salute, 不是一味甜的cake, 吃了很多款再加上隨便斟的coffee, 正 繼續閱讀
(以上食評乃用戶個人意見 , 並不代表OpenRice之觀點。)
快閃午餐 焦點食評
等級7 2017-06-08
4534 瀏覽
Panda Cafe嚟過一次,但已經喺5年前嘅事,跟上次一樣嘅都喺老婆教會搞活動,包晒成場,唔同嘅喺上次食夜晚,今次就嚟食晏晝自助餐。因為又喺有嘢幫手,所以,比人遲食,但又比人早要食完,不過,又唔喺要搏命回本,個半鐘時間都OK嘅。我哋團體包場,當然有優惠價,但實際幾多就唔知。不過,都影低佢哋門口個水牌,有晒自助餐嘅詳情,俾大家當喺參考。個場環境喺點,一張相講晒,一就喺環境夠晒大,地方闊落;二就喺樓底高,空間感十足。總體俾人個感覺唔錯,服務亦算妥貼,收碗收碟頗快手。跟住就講吓有咩食,當然,唔及上次食晚餐多選擇啦,至少無咁多貴嘢。刺身、壽司、冷麵晚市有多幾款和式小食,而午市就只有3款刺身(吞拿魚、三文魚、鯛魚)及幾款壽司、壽司卷,都見佢哋有輪流轉吓款;此外,仲有啲冷麵供應吓。老實講,試就無試架喇,但睇外觀啲質素都唔差,同枱教友都話有質素。自選沙律吧沙律吧有多款沙律菜做膽,配搭上10款配料及7款醬汁,已經可以做出好多配搭。冷盤當期時實在太多人,都唔方便影相,隨意影咗張打底,記得晌眾多冷盤嘢,巴馬火腿、烤意大利黃青瓜、煙火腿粒就最得我心。凍海鮮午市自助餐嘅凍海鮮當然一早無咩期望,但都介紹吓有咩,分別喺大螺、凍蝦及青口,陣容就肯定唔太吸引,但配搭埋啲沙律、冷盤一齊食,其實都唔錯。頭盤小弟嘅頭盤就由沙律、冷盤、凍海鮮,再加少少鮮果組成,夠晒清新健康。基本上啲食材質素唔失禮,沙律菜冰涼爽脆,巴馬火腿油潤鹹香,凍蝦爽甜,伴以法式香草醬,簡單味美。熱盤、餐湯、麵包依幾類食物就放晒晌餐廳中央嘅大長枱,菜式乜都有,有中式小炒、西式料理、印度咖喱、亞洲風味、和風精選、雞牛豬魚……等等大概13、4款,湯品就有中西湯各一款,不過,都喺大路嘢,唔似夜晚咁有燉湯飲;兩款麵包睇相就知亦喺普通款式,所以,整體嚟講,款式確喺唔少,屬大包圍式,但就唔會有咩意外驚喜。開放式廚房另一邊廂晌餐廳尾,有即煮粉麵、泰式粥品、天婦羅、烤肉……等等自助餐常有嘅項目。主菜小弟嘅第二碟食物喺以肉類為主,拎咗烤西冷、燒豬柳、叉燒、烤雞、咖喱牛腩,再配少少蔬菜搭個芝麻餐包用嚟沾咖喱汁,唔好嘥。對住成碟肉就梗喺食得開心啦,啲西冷同烤雞燒得唔錯。飲品未講甜點,先講吓飲品方面,當然喺自助,但選擇普通,一邊有百事同七喜,另一邊就喺咖啡機,印象都好似唔覺有茶包或紅茶供應。甜品大部份甜品放晒喺中央位置嘅甜品枱上,亦有少部份放晌餐廳尾左邊嘅小枱,又不時會轉款,夾夾埋埋十多款,都唔憂無選擇。甜點拼盤小弟慣順次序嚟食嘢,所以,第三碟食物就喺我嘅甜點拼盤,出到去甜品枱有咩就食咩。詳細就唔多講,因為唔喺好有特色嘅款式,都喺來來去去嘅大路嘢,慕絲蛋糕、芝士餅、奶凍、布甸之類,不過,質素都幾平均,算得上幾好食,雖然拎咗一大碟,但清晒半啖都無剩。Movenpick雪糕較為驚喜,喺午市竟供應Movenpick雪糕,一大櫃雪糕,無刻意考究有幾多款口味,一切隨遇而安,有咩味咪食咩味。見同枱對面幾個細路喺咁食,無5杯,都有4杯,佢哋仲喺收兒童價,翻晒本啦,小弟都唔弱,前後食咗3杯,哈哈!前後試咗士多啤梨、意式奶凍及瑞士朱古力,呢個品牌唔使多介紹,雪糕底本身喺軟滑而富奶香,喺質素嘅保證。雖然3款口味都好食,但意式奶凍就最得我歡心,因為加入咗紅桑莓果蓉,令奶味更突出之餘,酸香細緻。雖然有「工作」晌身關係,但用餐時間都算啱啱好,變相嘅「三道菜」午餐,食得飽之餘,感覺都好滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-18
11446 瀏覽
因為爸爸有悅來張會員咭,續會有coupon 送,就係lunch buffet 半價,所以立即黎食下。先講冷盤,魚生有三文魚,吞拿魚,章紅魚,仲有壽司,冷面。三文魚十分肥美,每次可以拎到5-6片。正!海鮮有青口,蝦同螺。沙律有自助嘅波沙律菜吧,同埋有煙三文魚,ham,雜果沙律,薯仔沙律,燒茄子冷盤。沙律菜算新鮮,青口就稍嫌冇味。湯有分中式定西式,西式係雜菜湯,中式係赤小豆,但偏咸左。熱食方面都算多,有薯條同雞塊比小朋友食,有雜菜,茄汁牛油雞,豬柳,豉油雞,燒靖魚,炒飯,炒面,牛扒,天婦羅。個茄涴牛油雞好味,牛扒都唔錯,生熟程度適中。天婦羅就奇怪左少少,唔知點解係有好多蛋汁。佢仲有即場煮嘅生滾粥同粉面。我食過個粥,叫左魚片同豬潤,粥底係好味嘅,但魚片好腥,豬潤有陣怪味,我爸爸話佢叫左肉片有陣叔味。甜品就都幾多款蛋糕,但味道就一般,粟子蛋糕就唔夠粟子味,綠茶一樣唔夠味,朱古力就十分濃味,正!面包布甸就出水但味道算不錯,印尼千層糕就好香椰汁味。佢地嘅雪糕係哈根大師,有雲呢拿,朱古力,士多啤梨同咖啡味,食幾杯都抵哂。野飲方面有果汁同汽水,仲有咖啡奶茶檸茶檸水自己沖。本身二百幾一個人用左半價就百幾蚊一位,真係不錯。佢仲有個小朋友遊戲室可以比小朋友食飽時入去玩下,大人又可以休息下。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-09-17
69 瀏覽
有日行過 Panda Cafe,諗住搵日去試,咁啱報紙有6折優惠券,便同家人去試。其實都考慮過要唔要去食,因為畢竟唔使$200- 就可以食個 lunch buffet,太平了。於是乎上網睇左啲食評,當然有讚有彈啦。算數吧就去試下。我睇左其中一篇食評,佢講得幾好,介紹既野食真係唔錯,家人都好滿意,都幾啱食。由於有6折優惠券,埋單真係唔使$200/人,就算無6折優惠券,open rice 都有7折優惠。好老實,lunch buffet 都唔使$200-,大家唔好期望有生蠔、長腳蟹食。雖然食物款式唔多,但樣樣都好新鮮,個頭清晒啲食物,轉頭就立即補給。個喇沙湯麵真係好好味,鍾意食幾多就夾幾多,但我個碗比人攞左……仲有汽車,咖啡,茶,任飲。呢餐食得真係好飽,好滿足。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-09-04
316 瀏覽
去左呢個商埸,行下行下肚餓,就找到呢間 坐位闊落 就high tea 打邊盧 ,食品新鮮,員工不斷refill food 又有好鐘意食的乳酪 ,蔬菜又新鲜,員工又好nice 招呼招到 。 繼續閱讀
(以上食評乃用戶個人意見 , 並不代表OpenRice之觀點。)