7
4
1
電話號碼
24885500
營業時間
今日營業
07:00 - 21:00
星期一至日
07:00 - 21:00
付款方式
現金
其他資料
餐廳運作模式 - B類
室外座位
招牌菜
七彩飯
食評 (17)
跑完山,2021最後一餐飯就係呢間發哥都幫襯嘅茶餐廳食,希望2022年可以好似招牌「七彩飯」一樣,七彩繽紛🌈 七彩飯 $55鎮店之寶,份量好足,整體味道唔錯。1️⃣ 酥炸雞翼:有2隻,肉質緊實2️⃣ 太陽蛋:篤爆個流心蛋黃,攞嚟撈飯食一流3️⃣ 火腿:一大片4️⃣ 餐肉:煎得外脆內軟,幾香口5️⃣ 紅腸:有兩大片,幾厚身,好好肉地6️⃣ 梅菜腩肉:鹹鹹地嘅梅菜,加埋半肥瘦嘅腩肉,又係好啱送飯7️⃣ 咖喱雞:有薯仔、雞鎚、雞翼,炆得軟腍,加埋少少辣嘅咖喱汁,幾惹味👍🏻紅豆涼粉(少冰)$32一上枱真係好震撼,係用啤酒杯裝,非常大杯,份量好足❗️紅豆甜甜地、有咬口;農村涼粉草幾有驚喜,食落帶有甘味,唔會好似坊間嗰啲咁冇味。整體黎講唔會太甜,又多料,大力推薦👍🏻原本我好肚餓同埋口渴,食完之後好飽🤣👍🏻 老闆同夥計態度唔錯;見好多人外賣都嗌食七彩飯同埋羊腩煲,下次想再試埋舖頭嘅招牌奶茶涼粉😋 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-20
111 瀏覽
去完大帽山, 點可以唔黎恩記食個飯。恩記勁多街坊都會去嘅飯堂。食物質素有一定嘅保證先有咁多回頭客。地點十分唔方便,唔係揸開車都唔會去到果到。郊區嘅一間老店泊車都好難,冇位泊。入面環境如何,正正常常。出名嘅七彩飯。有哂7樣餸,等你每樣都可以試d紅腸,煎蛋,咖喱雞,炸雞翼,梅菜豬肉,火腿,午餐肉份量十足老闆推介特色飲品叫左杯紅豆涼粉冰,好x 大杯飲唔哂,足料。夏天消暑一流 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-16
123 瀏覽
「恩記茶餐廳」————————————————店舖位置:元朗八鄉錦田公路上村12號A————————————————今日一行幾人喺元朗八鄉附近遊車河,之後嚟咗恩記茶餐廳呢度食嘢, 叫咗個蝦干炒通菜,椒鹽排骨,同埋一個麻辣雞!!!!!整體來講不過不失,呢啲餸用黎送飯啱晒! ☝🏻☝🏻☝🏻☝🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-17
1738 瀏覽
喺石崗軍營看完紅棉樹,黃昏6點肚餓想即刻附近搵食。第一次經過這裡(上村總站)見到有幾間食店,完全冇idea,行嚟行去,最後選了這間,都冇乜要求,茶餐廳一間,但估唔到啲人比你睇到勁污糟既一面;肺炎疫情本來人人都有帶口罩,兩位呀姐喺隔離枱做湯丸,反而將口罩整左落條頸度,兩個一路做湯丸一路唔帶口罩有講有笑,又唔用手套做湯丸,我都明廚房既嘢唔一定用手套,但比我睇住唔用手套就好唔開胃。跟住肥呀姐冇帶口罩突然間向住我枱方向打左個勁大乞嚏!(因為佢本能唔想向住湯丸打乞嚏)嘩!啲飛沫肯定超過1米!大佬我碟3絲炒烏冬啱啱嚟都唔知食唔食好!瘦果位呀姐仲經典,隨手喺佢張枱度攞枝唔知擺左幾耐既紅酒樽底嚟壓碎啲花生(湯丸餡)跟住又放番枝紅酒喺枱面。你明啲茶餐廳枱可以幾汚糟嗎? 枝紅酒樽底咁汚糟用嚟壓花生碎?其實當時未食碟3絲炒烏冬,我老公就食晒碟早嚟既义雞飯。想走又驚,叫佢換過碟都冇意思因為唔知換碟乜嘢比我,冇下次,勁勁勁汚糟兼核突! 繼續閱讀
(以上食評乃用戶個人意見 , 並不代表OpenRice之觀點。)
今日我們元朗八鄉附近做完嘢之後,行過錦田上村見到呢間係用可口可樂做主題嘅「恩記茶餐廳」,所以作為超級可樂迷嘅我們,當然要影相打卡一吓兼食個下午茶!喺諗緊叫啲咩食嗰陣,我突然諗起呢度會唔會有窩蛋免治牛肉飯?因而家好多茶餐廳嘅免治牛肉都變成西式嘅肉醬,但呢度竟然仲係中式人手剁嘅鮮免治牛肉加青菜,所以我們就即刻叫咗嚟食,出到嚟果然無令我們失望,免治牛肉非常鮮嫩軟滑,肉味亦相當香濃,再撈埋窩蛋一齊食,質感更加滑溜,真係超正呀!豬扒包嘅包質係我們最讚賞嘅一點,因質感係非常軟熟,而且完全無「硬實實」嘅感覺,而豬扒就煎得色澤好金黃香口,肉質亦相當鬆化!魚蛋麵嘅麵質超煙韌彈牙,而魚蛋亦相當爽口彈牙,最好就係無乜魚腥味,正呀!喺差唔多食完嘅時候,我們先發現他們有外賣專車,車上印有他們嘅招牌七彩飯,感覺好似好專業兼呢個招牌飯應該唔錯,所以我們要另外再搵日嚟食吓先得! 繼續閱讀
(以上食評乃用戶個人意見 , 並不代表OpenRice之觀點。)