恒發點心

小時候經常食中式糕點，因為中意古早味，其他零食反而吸引唔到我。今時今日食正宗糕點有啲難，因為配方、手勢唔同左。馬仔：馬仔卜卜脆🤩，不過偏甜同埋痴牙，但新鮮製造冇油溢，而且只係$18/4件，冇理由唔試，可以encore。砵仔糕：揀左黃糕有豆，紅豆夠淋，黃糖夠出味👍🏻，但質地似蘿蔔糕，唔係清爽彈牙果種。味道：🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅速度：na（5🔅為滿分）…查看更多

行過幾次，今日就決定一試！店內有好多糕點種類，大菜糕、砵仔糕、紅棗糕，芝麻糕、西米糕、白糖糕，除此之外仲有好多懷舊小食，麥芽餅、花占餅、米通、沙琪瑪。感覺好似去咗媽媽嘅年代！🔸芝麻糕-黑芝麻香味濃郁，不過口感略為偏實少少🔸紅棗糕-棗味清香，微甜👍🏻🔸西米豆沙糕-豆沙唔會太甜，西米豐富，不過椰汁味好重🔸蝦子花生-鬆脆外皮包着花生，少少鹹香👍🏻🔸米通- 脆卜卜，又帶有花生粒香，甜度剛剛好🔸花占餅-兒時小食，少少糖塔配合餅仔，甜而不膩總括🔹部份糕點大概$13-14有3件，小食餅大概$15-30左右一包，價錢公道。如果路過九龍城，又想食d懷舊小食，不妨一試！…查看更多

掃街不嬲都係我地呢D食貨, 最常做既野, 呢排都要去九龍城做野, 俾我發現到一間賣懷舊糕點既舖頭, 好多都係細細個媽咪買俾我食野糕點小食, 依家唔係周圍有得買架.(起碼我住果邊既舖唔會見到呢D糕點)樣樣都想食,可以點呢? 我就決定每去一次就食一樣野喇.第一次黎就試左 盒雜綿齋, 味道唔算太濃.我食過有D超咸,我覺得最贊既係平時食都係凍架, 但我今次食係暖暖地, 咁新鮮?呢個去齋舖都未必食到.成盒我最鐘意既食就係齋叉燒同咖喱齋,呢盒齋可以N CALL。至於其他既下次再試。…查看更多

我喜歡食中式點心，特別係糯米糍，所以見到都會買嚟當小點食。一般只食紅豆味。偶然發現這家中式點心店舖，起初我只買紅豆，但有次紅豆售罄，唯有試䒦蔴味，嘩！真係一試難忘！其外皮混有芝麻，而佢嘅芝麻餡簡直係100分，除咗甜又有少少咸！好有層次。另外佢件頭都唔細，大大個只售$5。一盒3個$14。比個小提示大家，如果係佢地收工前去會再抵D$10/盒。真係好好食。我每次去九龍城都會特別行過嚟買。真正的大件夾好食。…查看更多

今日放工行去九龍城竟然被我發現我最喜愛的雞屎藤老實說依家在市區都真係比較難見到，一般在大澳、長洲、南丫島先會買到，反而白糖糕、砵仔糕、糯米糍或者其他糕點就成日都有。耐無食見到當然買番兩個試下買咗返去第二日蒸來食唔錯喎，內有花生🥜超好味。總結: 最愛懷舊糕點，會再幫襯…查看更多