怡香園茶餐廳 (已結業)

已有一年沒有光顧怡香園，今趟再來給予一次機會，食物品質還是覺得麻痲地。早餐A以豬扒、餐肉、炒蛋及牛油餐包作主打，上枱後的第一感覺是油光處處，很肥膩。豬扒煎得不錯，肉質幾腍。餐肉只得半塊，少了一點。炒蛋顯然不是嫩滑貨式。牛油餐包普通。再來的是火腿通粉，火腿係貴，但都唔止得三條咁少啩？？唔係... 湯中還有三粒紅蘿蔔及一粒粟米，多謝哂喎！！加上湯底淡而無味，連味精都o堅噃！！最後一杯熱奶茶(茶走)，茶底還是過於苦澀，no good！

自從怡香園上手老闆張先生賣了盤後，生意一落千仗將軍一去，食客流失？還是質素下降所致？一天路過，眼見午市竟然店內只有三兩個食客，在海怡半島食肆選擇如此少的情況下，仍只得少貓三兩隻？於是入內一試，叫了盒茄蛋飯外賣味道十分一般，完全是無誠意之作先說其蛋，只是原雙炒蛋放在飯盒內，而未有將炒蛋剪碎才上盒；蛋味淡薄，吃不出蛋的香味再論其茄，的確充滿茄味，但卻是酸澀的茄味，降低了整盒飯的口感；再加上茄蛋汁十分杰，杰得來帶點酸怪味…… 實在令我吃不下去了我少有地連盒飯都未吃完，便把它棄掉了，實在難吃！老闆娘送上一些優惠券，試圖挽回生意，我看她還是好好調較一下廚房的水準吧！

下午到怡香園食tea，價錢由$16起，連熱飲一杯。點了五香肉丁出前一丁($23+$3)一碗，價錢略貴，味道不會有特別騖喜。一杯熱奶茶，茶底略帶苦澀味，以茶餐廳水準來說，並不合格。

小菜套餐$75包括1盒小菜, 1盒油菜, 1 盒飯 和2 例湯或飲品, 全部都是滿滿的, 兩個人份量超飽, 所以我通常選擇無咁肥膩的小菜 : 如苦瓜煎旦 (走汁), 冬菇豬扒, 菜心炒牛肉,… 等.因為舖頭比較逼,所以我會外賣自取. 今日吃: 蓮藕眉豆豬骨湯,清甜潤喉.我很喜歡怡香園的例湯, 因為佢不加味精.馬蹄煎肉餅: 唔係蒸, 係煎呀, 香口d, 容易増磅d. 肥瘦豬肉比例剛剛好, 馬蹄好大粒,但略略加多點會更有嚼勁,.通菜: 腐乳和通菜一起炒, 好香. 通菜微軟, 只是今日過火少少, 黃咗少少.

最近家裏較忙,叫外賣的次數多了,一周可能會叫一次,以往多叫粉麵飯,近期叫小菜多點,因為小菜的size蠻大的. 住在這裏的人都知吃的選擇很少,但不能每每出去香港仔,這裏或許能提供多點點新意(在無選擇下.........)推介菜式 :西檸雞 : 炸雞塊,再加上檸汁,幾開胃椒鹽豬扒 : 很惹味,洋蔥粒,紅椒粒等等,豬扒亦鬆軟中式牛柳 : 又一醒胃小菜,酸甜度適中,而且很多洋蔥腐乳通菜牛柳 : 原為沙爹,改了做腐乳,牛柳很淋,菜亦很多星洲炒河 : 又一自改菜,將米轉河可考慮菜式 :菜心斑片 : 時好時壞, 有數次班片很新鮮,但有時很"梅",看運勢吧咕嚕班塊 : 情況亦然.看班塊新鮮與否,但略嫌汁太少有待改善 :腐乳蒜香骨 : 完全唔得. 將D骨炸完就算,無汁無配料,好像整咗一半唔說得就出街. D骨亦無所謂的腐乳味.細盒油菜只係$10,好大盒,抵食$50 以上有送貨,唔洗煩,亦有多款套餐,但係二人小菜餐個食同一人小菜餐個飯差唔多大,唔夠食之餘又唔抵