怡園粥麵小廚 (已結業)

我點了菜遠排骨麵，已問清楚店員會否好耐，她說都不會。點知多次催促要20分鐘才到...而且碟麵大概是趕忙炒出來，只有一條菜芯加兩片菜葉😡我跟店員講，佢就話都係配菜而已！雖然廚房不配合，但樓面都算識做，我氣沖沖，佢就俾左碗湯我飲住先！

晌美孚區，想食粥嘅話，最近小弟住嘅屋苑就喺晌恆柏道內街嘅「味味佳粥麵店」（跟同區嘅味味佳茶記喺兩間鋪嚟），不過，4、5年前執咗笠，之後，就多數去萬事達廣場對面間「海皇粥店」。而再遠啲美孚廣場嗰邊有家「彬記粥麵小廚」，但兩三年前轉咗名，叫「怡園粥麵小廚」，嫌遠甚少過嚟幫襯。其實，實際路程就唔多遠，只喺懶行貪方便去「海皇」多啲啫。作為美孚街坊，點都要走過去試一次嘅，所以，今早趁星期六例出街食早餐，就嚟「怡園」食番餐，跟住行吓公園。小店格局，雖然地方唔大，但都算乾淨企理，加上星期六一大朝早，又仲喺暑期，無乜返工、返學客，環境就更清靜。我哋揀咗靠埋牆嘅二人卡位，輕鬆自在。早餐有兩類套餐，一款叫「早晨粥餐」，顧名思義啦，就喺食粥，4款粥供選擇，再配蝦米腸、炸兩、齋腸、油條或炒麵1客，定價$32，且可加錢配飲品。另一款叫「醒晨早餐」，選擇類別多少少，有3款盅頭飯、鹹肉糉、4款腸粉供選擇，配熱飲，都一樣喺賣$32。最後，我哋兩個都揀粥餐。炒麵都幾大碟吓，比預期多，炒出嚟嘅質素不過不失咁啦，唔喺話好食，亦無話難食，只喺無乜豉油香，幸而炒出嚟唔算好油。炸兩腸粉喺新鮮拉，腸粉皮拉得夠薄，而油炸鬼大條又脆口

今日放工要去美孚上堂，得15分鐘食飯，唔知食乜好，亂撞入咗怡園。店舖小小，但都坐到20人到。有飯有麵，都幾多選擇。今晚試咗南乳豬手飯，仲有湯送，唔錯。碟飯大大碟，豬手都有三大件，賣相唔錯。南乳豬手好入味，d軟骨好好味，南乳汁撈飯又正，食到我成個佬咁。 個湯係老黃瓜湯，唔多油，算唔錯。$47食到飯同飲呢個湯，算係不過不失。侍應服務態度親切，唔係d唔憂做趕人走嘅侍應，就算要你搭枱，都會有禮貌咁叫你去搭。

原來等外賣嘅，要棟喺佢面前等，或自己去問出咗未！唔理外賣出咗幾耐，只要見唔到人棟喺門口，老闆娘係冇任何意欲嗌下問下有冇人叫咗乜乜㗎！坐正喺對正門口嘅水池邊，仲要不停對望，佢都話睇唔到㗎！

雲吞湯幼麵- 湯底清甜帶淡淡大地魚甘香- 青蔥花微辛惹味芳香- 聞到微量鹼水味，食落沒有，幼麵幼細彈牙- 雲吞皮薄滑，蝦味淡雅爽脆，豬肉甘香，惟整體來說有點淡*辣椒醬較乾身，味道香辣甘香

好日唔落街宵夜，本來想去潮州舖食碗麵，但恰巧當日東主有事，唔開鋪。唔想去返萬事達嗰面，咁呢間變咗唯一選擇。兩公婆分別叫咗芫茜魚片肉碎湯飯同埋牛筋腩麵。先上湯飯， 平時食開的湯飯，我估應該係餸同飯一齊煮。 但呢個湯飯就係芫茜 ，皮蛋，魚片同飯放在一個碗裏面，然後再加一個雲吞麵湯底而成。 所以完全唔覺自己食緊湯飯，似食緊雲吞麵多啲。食食下仲食到啲紙碎出嚟。之後再上牛筋腩麵， 牛筋腩好重柱侯味，有點偏鹹。 麵質就都仲有點鹼水味。埋單82蚊。價錢算係可接受啦。

呢個位置以前係做左好多年嘅彬記，以前佢哋嘅豬手飯扣肉飯好好賣，粥底唔錯，但嫌佢貴左的，所以好少叫粥，午市最鐘意去食盅頭飯，送埋大碗例湯，由佢賣25、6蚊，食到轉左手賣32蚊，雖然呢個餐係經濟，但舊名或新名都係食完口渴，加上買嘅嘢及味道差唔多，所以我覺得都係新瓶舊酒，同樣平均兩個月去一次。今次去係因為我家人病左想食粥，叫左碗蠔豉粥，嚟到見唔到蠔豉，粥底好無以前咁棉，但個病人話還算唔錯，食食下見到幾多蠔豉，手指頭咁大粒，數一數都有8-10粒，四十二蚊呢個價又幾合理。

秋風起，早餐吃一碗粥就最暖胃。經過美孚，門口企理整齊，早晨粥餐只是$32，馬上叫一碗碎牛粥配炸兩。粥底夠綿，但碎牛不是很多，粥既靈魂系要夠軟綿，所以好好味。炸兩是即拉腸粉，即拉的製作已買少見少，難得在小店也保留著此。店務員應該是老闆娘，所以服務也很好。

這裡的雲吞和水餃都讓我有選擇困難⋯這次就來個雲吞水餃麵，今次也試了兩款小菜......雲吞水餃麵，蝦肉爽口彈牙，每次必食的！（特別愛吃這裡的水餃）咸蛋土魷蒸肉餅，咸蛋土魷很香，味道唔過鹹，好味！配上白飯，真係不知不覺吃很多⋯椒鹽鮮魷，我有點喉嚨痛，只吃了一件，不厚粉，亦炸得香脆。豬潤滑雞粥，粥底夠綿，豬潤爽口油條，略嫌硬了點，必須沾上粥品來吃

現在的香港，能夠吃到師父即拉腸粉的店子，真的少之有少，懂得這門手藝的師父，相信亦不多吧！ 但在這個小小美孚區，大家就能品嚐得到了。早上時間，在這區選擇吃早餐的店子不少，但能夠吃到師父即拉腸粉，就真只此一家。早晨套餐，豬潤腸粉、另加飲品一杯，亦只需$30(凍飲加$2)。 豬潤腸粉即叫即做，由師父親手拉腸粉，熱騰騰的腸粉，皮薄薄之餘、入口又滑滑的，豬潤很爽口，亦很足料。 但是如豬潤能切片的話，口感應比切粒粒更好、更佳吧！

店舖前食是彬記，之前見無開好耐，原來已改頭換面變成怡園，但據稱原來都是前老闆再同人夾份做，可惜價錢變貴了，但質素卻變差了，不成正比，小菜跟飯真的一般，但湯麵類都還好，今次叫了好耐無食嘅豬手飯但望一望價錢竟然要接近$50多蚊，嚇倒了～不過真係想食，坦白講豬手是夠腍身，可惜沒有惜日的膠口，也不夠入味，只有少量南乳味道，而且只有四隻，加幾條菜伴邊，當天飯有啲硬，只有靠豉油汁加濕少少，真心差咗好多，另外仲有似鹹水的例湯如果你收30多我會接受，但.....這價錢就...

因為佢哋係冇心機煮嘢食出嚟畀客人食嘅 啲料又少價錢又貴, 仲有佢哋啲皮蛋瘦肉粥嗰啲瘦肉呢係湯渣瘦肉嚟㗎 雲吞麵啲粗麵或者幼麺都未錄散佢哋又係就咁比人食啲湯就唔熱嘅接近係暖的,咁就比客大佬俾錢嚟食嘢唔係受苦呀!! 仲有個四眼老闆娘嗰塊黑口黑面, 最後一樣嘢呢間嘢係冇冷氣咁滯嘅

今晚我們叫咗喺美孚新邨百老匯街嘅「怡園粥麵小廚」外賣速遞去表姐屋企食！我們叫咗梅菜蒸鯇魚蒸嘅火候控制得恰到好處，肉質相當嫩滑，梅菜嘅味道好香甜！鮮茄斑塊同西檸煎軟鷄嘅炸粉極之厚身，主要係食到沾滿芡汁嘅一「嚿」炸粉，唔係好食到入面嘅斑塊或鷄肉！淨鮮蝦雲吞嘅皮都幾薄身，蝦肉都幾爽口彈牙，但豬肉嘅肉質就唔係好新鮮！菜芯加腩汁嘅菜芯都幾青嫩同無根，加上腩汁，令到味道更加鮮味！

下午叫個皮蛋牛肉粥外賣，比錢時話49蚊，即時打個突，但心諗自己無留意價錢就落單，都無計照比。出返門口等點知睇到有張下午茶餐poster有個「皮蛋碎牛粥+油條」30蚊！心諗牛肉粥應該大碗d卦，殊不知個碗都係普通外賣碗size。哇，呢間野勁呀！本人一定唔會再佢搵笨多次

剛剛新開將時去過一次，叫了皮蛋瘦肉粥、咸肉粽和淨雲呑，味道一般，比以前彬記差好遠但價貴了很多，服務又唔好😤。幾個月後的今天，想俾多次機會佢，決定和太太再去一試。先講環境，地下滿地是牙簽。食物方面都是點了皮蛋瘦肉粥、及第粥和咸肉粽，只是粥舗最基本的食品。但估唔到食物質素比上一次仲差，粽唔夠熱，又冇糯米質感而且散。一口食落去好像很濕的飯，連最基本的豉油都唔好味。粥底稀，而且味精超重，食到一半都唔想食。回家後兩個鐘都感到好口渴😱。真的以後都唔會再去