快靚正燒味粉麵茶餐廳 (已結業)

睇深水埗有燒味食嘅茶餐廳唔系咁多，而呢一間系我每次入到去都一定滿足嘅。呢度有燒味碟頭飯，車仔面同埋正常嘅。即炒碟頭飯。最過分就系跟餐嘅飲品可以揀凍飲，仲可以叫紅豆冰，菠羅冰同凉粉冰。仲要紅豆大大粒，超正。仲记得之前有一次我系叫燒肉雞飯，最後佢冇晒燒肉俾咗乳豬我咯！所以真心推介

今日去咗深水埗行街走嘅時候順便斬料返屋企加餸 之前屋企人幫襯過快靚正燒味，覺得唔錯~ 今晚決定斬舊叉燒番屋企!!!! 原來燒味旁邊仲有間茶記， 價錢貼地，下次可以過黎trytry*去到見到款款燒味都好吸引所以決定咗叫三味#叉燒#燒肉#乳豬各少少黎食，返到屋企啲燒味仲暖暖地好香叉燒特登叫師父斬半肥瘦 肉質好林外面燒得好香，而且好多蜜汁正~ 另外乳豬、燒肉外皮都好香脆眼闊肚窄叫得太多不過第二日煮返嚟食都仲幾好味，燒肉乳豬用焗爐焗一焗好似新鮮出爐咁

黎間燒臘店位於西九龍橋底，位置真係好方便！每次斬料加餸都係必選的，除左方便之外，性價比真係好高👍今次又唔例外，因為懶😂所以就直接斬料返去俾媽咪加餸 (其實都懶左好多次)，但屋企人都中意食黎間😋除左燒臘之外，其實佢都有做茶餐廳，如果比我更多加懶既話，可以食埋先走叉燒(美味指數: 😋😋😋😋😋)肥瘦比例岩岩好，肉質鬆軟🙆‍♀️。紅卜卜的表面充滿了蜜汁的光澤，有蜜汁焦香味燒腩骨(美味指數: 😋😋😋😋😋)外皮酥脆😉，肉質油香厚實帶滑，帶有鹹香！肥肉相間，好有層次感燒鴨(美味指數: 😋😋😋😋)皮簿飽肉有光澤，肉質嫩滑有油脂香味，味鮮多汁，肥而不膩！鴨油做到齒頰留香😬，鴨肉仍然保持嚼勁😍(5分為最高)整體食物質素：性價比：推薦指數：

#快靚正係深水埗既燒味店，一向都幫襯緊2間✌🏻，💁🏻‍♀️其中一間就係「快靚正」燒味。👨‍👩‍👦‍👦有朋友上屋企食飯，🙆🏻‍♀️今日又要斬料加餸。#明爐燒肉 $90/斤燒肉大大舊，唔會過肥。😈我地都比較怕食太肥既燒肉。🐖外皮燒得夠脆，色澤均勻。😇買到返屋企都唔會腍哂。肉有咬口唔會韌。😚瘦肉部分仲帶小小鹹香。#叉燒 $90/斤要左半肥瘦的叉燒。🍯蜜汁比較少，所以唔會好甜。肉質比較軟實。雖然半肥瘦但唔會過份油膩，送飯岩岩好。切得相對厚身。🌗如果燒得多啲燶邊就好啦，🤩最鐘意食燶邊既脆同焦香。仲有呢度既燒味飯🍚都好抵食！依加$2x一盒飯🍱都買小見少🤪所以大家可以試下。

兩個人吃飯，懶得煮飯，所以決定吃燒味及公仔麵。我這天品嚐的燒味有三款，第一款是燒腩骨，這是一隻燒豬最美味的部分。我覺得燒腩骨整體是好吃的，不過可能運送需時，所以外皮稍微不夠脆。外賣食品總無法避免這個問題。第二款是叉燒。平常的叉燒都是啖啖肉的，但這個叉燒附上了一些軟骨，我非常喜歡。另外，這個叉燒雖看上來有點肥，但其實這件叉燒白色位置是爽肉，口感非常棒，吃著亦不會很油膩。最後一款是油雞。油雞很嫩，醬油味道不算太重。

本身好少食燒味，因為總係覺得大部份都又肥又唔健康，今晚因為屋企冇飯開，一支公就諗住頹頹地食算夜晚六點幾嚟到，都有唔少人排隊買燒味外賣，我嗰盒係叉雞燒肉，大概等左5分鐘就有。果然夠晒快，出邊好熱，好彩唔使等太耐呢下奏買嘅話仲抵價格合理，原來晨早六點已經開門，好早呢靚唔靚要返去食過先知，買完坐車返屋企已經聞到好香，加上肚餓嘅關係，一返屋企就即刻食俾大家睇吓個賣相，其實拎走個刻都冇得睇個樣，原來都幾靚㗎喎逐樣簡單介紹下，燒肉：皮脆肉厚；切雞：夠熟唔肥；叉燒：香甜多汁。果然全部都好正可能因為我返到去已經隔咗一段車程嘅時間，啲燒肉雖然已經唔係熱辣辣，但味道依然唔錯每件雞嘅雞皮都好薄，而且冇血淋淋不過三樣燒味之中我最鍾意叉燒，好甜、肉質又唔太硬，夠曬鮮嫩真係快、靚、正呀！其實食燒味都唔係好頹啫只係一個人食嘅話⋯⋯我⋯食唔曬⋯！

晚晚諗食咩餸諗到頭都大埋，所以今日諗住去買啲燒味，炒碟菜就算啦！收工就過咗嚟深水埗間快靚正燒味鋪外賣斬料返屋企！我哋揀咗燒腩骨、叉燒同油雞🤤燒煵骨雖然外賣返屋企，但個皮仍然都係脆口嘅，腩肉肥瘦肥瘦，咬落去腍腍地， 但又好有嚼口😋叉燒叉燒望落去好似好瘦，以為咬落去會好硬啦！點知咬落去肥瘦適中，一啲都唔硬，而且外層帶有蜜糖嘅甜味，肉質就鹹鹹地，十分美味👍油雞呢隻油雞值得一讚，我叫咗雞髀位，一啲都唔肥，唔會似出邊啲雞一樣有一層厚厚嘅雞油，而且雞肉仲十分之嫩滑，配埋蔥油一齊食，正🤤

今天收工去了西九龍中心買嘢，另外買了兩包新口味的日本即食麵，想返屋企煮來試下，剛好在對面的《快靚正燒味茶餐廳》看見啲燒味都幾靚，於是就選了三款買來餸麵，回到家就馬上煮麵食餸燒味，首先試一下义燒先，我來說义燒帶一點點肥是最好味的，今天的就是我喜歡吃的，再試一下燒鵝，雖然坐了十五分鐘車回來煮麵才吃，但燒鵝皮依然有一點脆，鵝味也不錯，最後試的燒肉，夾起巳經層次分明，皮脆肉夠味，再加上麵吃真是大滿足，不過其實在《快靚正》買盒雙拼都只是二十八元，下次可以直接買盒雙拼飯回家吃。

去西九龍中心逛，臨走時一落天橋就見到這店，於是斬啲料返屋企做餸叫左師父斬個燒味拼盤例牌乜都有啲，包括出名嘅燒腩仔、叉燒、燒鵝、燒鴨燒腩仔-攞到返屋企外皮依然係趣嘅，而且層次分明，一層皮，一層肥肉，一層瘦肉，一層軟骨，一層硬骨連肉共五層，唔怪得咁出名，而且肉味很濃，充滿豬味叉燒-肥瘦均勻，肉質很淋，而且鮮嫩，叉燒醬醃得非常入味燒鵝-皮厚充滿油香，皮脆有光澤，肉嫩而有咬口，充滿鵝的味道，肉味很濃配酸梅醬食，味道更佳燒鴨-與燒鵝形成對比，皮較薄，但味道很好，充滿鴨香醬料分開放，方便又衛生

深水埗一直是臥虎藏龍之地，買東西便宜之外，也有不少非連鎖餐廳的選擇。這天就順便外帶一點燒味回家加料～快靚正燒味就在西九橋下，晚飯時間也有不少街坊在排隊買斬料店長推薦這裡的燒腩骨，所以就點了份燒腩骨、油雞和叉燒～這裡的燒腩骨是在自家火爐原隻生豬燒製而成，果然沒介紹錯，油香帶滑，而且頂層脆皮很香口，水準有驚喜！油雞肉質鮮美，熟度剛好非常滑嫩，不老不柴加上蔥油絕對可吃上一大碗飯，很滋味哩叉燒賣相不俗，閃著蜜汁的亮澤，肥瘦適中，腍滑香甜

今日係阿爸生日一年一次就俾阿爸放肆一次食呢啲燒肉啦咁我就嚟到呢一間快靚正店員就推介我哋食呢個叉燒同埋燒腩我自己仲叫咗啲燒鵝之後我就外賣左返屋企叉燒燒得啱啱好 咬入去仲有啲肉汁唔會太老而且啲邊 有少少窿我就最鍾意呢啲位而且佢個蜜汁都好正啲燒腩亦都好抵讚行街行咗好耐先返屋企但係個皮都仲係脆呢樣真係好難得而且肥瘦亦都好均勻至於燒鵝呢我就覺得佢個皮好香肉質亦都好鮮嫩呢一間小店果然同個名一樣快靚正所以我一定會再去㗎

平時要斬料加餸，我實會幫襯呢間！今日咁岩有親戚黎食飯，比人叫左去斬盒燒味加餸😉一睇舖名就知係高性價比之選，外賣燒味飯兩草野有交易，良心企業❤️❤️除左好多人外賣之外，亦有座位堂食，眼見有唔少街坊幫襯架🙋🏻‍♀️鋪頭除咗燒味之外，仲有好多其他嘢食嘅👀有早餐、快餐之外，連車仔麵都有👍🏾今日冇乜頭緒唯有叫老闆推介，話燒腩仔同叉燒靚，所以每樣要左啲，仲斬多個例牌燒鵝先，呀媽至愛😬聽老闆話啲燒味都係自己醃製自己燒既，質素有保證😎味道方面，燒腩仔望落已經知靚，層次分明，燒到脆卜卜既皮，既香口，亦唔韌。第二層既肥膏唔會太油膩，正好同瘦肉大家互補，醃得唔會過鹹，唔錯！燒鵝皮亦都仲保持脆度，肉質唔柴，蘸少少酸梅醬正好開胃，略嫌有少少肥，但一啲騷味都冇👍🏾叉燒係我至愛既少肥，瘦肉佔多數，但仍有啲油脂，令食落唔膩之餘仲嗒到甜甜肉香🥰🥰

提早食中秋飯局出開深水步買野,順便斬料加送例牌三寶燒腩叉燒,燒鴨　燒肉，燒骨，叉燒　９０蚊一斤燒腩１４８蚊斤，乳豬１８０蚊斤另有油雞，切雞，燒鴨，燒鵝叉燒都做得唔錯 燒腩偏瘦，肉味濃層層分明,食起來有口感,骨夠脆,皮又脆口 叉燒同樣走肥,但食起黎少少甜蜜味屋企人食完都話唔錯燒鴨肉多少肥,食起來唔油膩肉質細緻,醃料味道偏淡 #燒味 #快靚正燒味 深水埗基隆街383-385號地下383-385 Ki Lung Street, Sham Shui Po

黎開哩頭買餸，煮飯俾媽食慶祝佢生日，經過哩度斬左d燒味，就算我煮果d唔好味，都有餸丫🤣好近西九龍中心，個招牌吸睛離遠都見到。價錢標明喺當眼處，我媽中意食燒腩仔，爸中意食油雞，一人一味啦。見到d燒味乾淨企理，隔住玻璃都覺得好正。燒腩仔皮好脆呀，肉爽，肥瘦岩岩好，未開飯前都忍唔住偷食一件。叉燒都好食，有驚喜，有蜜味，個邊燒到脆，半肥瘦，好食過好多間燒味鋪。油雞半隻都好大盒，好入味，店員仲俾多盒薑蔥俾我，好友善。

夜晚黑想斬料加送返屋企食，依間餐廳位置非常方便，喺西九龍商場天橋一落嘅右手邊已經見到佢，佢都幾大，除咗斬料外賣之外仲有茶餐廳喺度，價錢都非常之合理佢依度做外賣飯盒都幾平，$25.一個餸，28兩個餸，不過今次我就唔叫飯盒喇，淨係叫燒味燒鴨叉燒個樣都非常之靚，同埋個樣都好新鮮今次我就叫咗叉燒，燒鴨同燒腩仔，順帶一提依度啲店員非常之有禮貌😂燒腩仔好食，可以媲美太興，肥瘦適中，好淋，個屁擺咗幾個鐘仲係脆既，好食燒鴨，同樣地個皮好入味，好食最鍾意食嘅叉燒，同樣地肉質都非常之林，唔會咬唔開，因為有啲燒味做得好差又咬唔開個皮又淋又貴，依間食物嘅質素可以媲美返個價錢個人來講，如果想斬料加送嘅話依間係一間非常好嘅選擇