143
6
4
港鐵深水埗站 C2 出口, 步行約4分鐘; 西九龍天橋口側 繼續閱讀
電話號碼
27283009
27285008
營業時間
今日營業
07:00 - 21:15
星期一至日
07:00 - 21:15
*截單時間: 20:50
付款方式
AlipayHK 支付寶 現金
其他資料
外賣服務
電視播放
當面支付
食評 (163)
等級4 2019-08-01
587 瀏覽
陪朋友去黃金商場選購電腦,回家前想順道買些燒味加料。記得西九龍中心對面有間粉麵茶餐廳,店裡的燒臘水準唔錯,一向深受街坊歡迎,反正店舖就在附近,一於過去看看。幸好來到時還未到下班繁忙時間,毋須排隊輪候。先看看近門口玻璃櫃內吊掛著的燒臘,幾款色水都唔錯,尤其是叉燒和燒腩,前者呈有光澤的深紅色,而且還帶有少少燶邊、而後者外皮亦滿佈像芝麻的粒粒花紋,未食已令人垂涎欲滴,另外櫃檯上的燒鵝賣相亦非常吸引,皮肉飽滿,就一於每款都選購一些吧!叉燒肥瘦比例剛好,肉質鬆化,食落不會過於油膩,帶恰到好處的蜜甜,但又不會喧賓奪主,吃到應有的肉香,加上切得夠厚身,口感十足,最正就係有好幾件叉燒竟然還有燶邊,吃起來多了份焦香,用來送飯一流。另外燒腩骨亦很有水準,外皮咬下脆卜卜,肥瘦均稱,而且層層相間,每層清晰分明,咬下既有肉汁又有豬肉的肉香,食落完全無渣,肉質夠腍又有嚼勁,即使放涼咗燒腩外皮仍然好脆,沾少許芥末醬吃,香口惹味。燒鵝特別揀咗鵝髀位,鵝皮色澤赤紅帶光澤,皮肉飽滿,外皮咬下薄身酥香,油脂豐盈不膩。至於肉質方面,鵝肉嫩滑不韌、入口完全唔乾又無雪味,鵝味濃郁,食完真係滿足度爆燈。這裡的燒味水準很不錯,是加餸斬料的好選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-18
604 瀏覽
好耐冇係屋企食飯啦,今晚心血來潮想喺屋企晚飯,一於就去斬料加餸!住喺深水埗嘅朋友推薦呢間「快靚正燒味」,就喺西九龍中心附近,地點非常方便店舖有各款明爐燒味可供購買,價格適中每日2:30pm後仲會有外賣燒味飯盒特價$16起,非常超值!區內的街坊可以受惠之餘,餐廳亦可以加快燒味嘅銷售速度同流量,然後再燒過新的,確保新鮮!乳豬、燒腩骨同叉燒都係餐廳熱賣嘅三款燒味!今次我就買左以下三款燒味各半斤:燒腩骨燒腩骨係餐廳用私伙燒爐自家製的,原隻豬燒香後再切出燒腩骨位置,絕不像坊間的燒腩仔般採用頭尾細碎的豬腩位。由於貨流量高,所以燒腩骨相當新鮮,外皮脆卜卜,半肥瘦肉層層相隔,肉質香軟腍滑,正啊叉燒半肥瘦的叉燒同樣美味,亦都係餐廳自家燒製的。叉燒肉好鬆軟,被蜜汁充分地包裹着,甜甜的蜜汁香,送飯食就啱晒油雞最後一款冇揀到乳豬因為唔想同燒腩骨重疊。油雞採用豉油同上湯煮製而成,雞皮同雞肉依然嫩滑,雞味濃郁,配搭埋餐廳自家製的蔥油,非常香口,使到油雞更加滋味 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-31
671 瀏覽
快靚正燒味粉麵茶餐廳2018有一間茶餐廳燒味店推出燒味放題任食一炮而紅,成功彈起當時朋友都食過佢既燒味都讚質素不錯油雞肉嫩入味,皮夠薄叉燒肉厚少油脂,肉質有彈性之餘又甘香,啖啖肉燒肉同燒腩都係夠脆皮,五層肉,一間肥一間肉,香口滋味今次經過深水步專誠走到餐廳斬料加送一盒叉燒少肥,半隻油雞,一份燒肉店家說,每天新鮮製作,堅持水準另外亦可以堂食,本身經營既另一鋪位有港式茶記炒粉麵飯與西多士等下午茶價位抵食份量大外賣飯盒單拼$25,雙拼$28燒肉,燒骨 $90斤 叉燒$90斤 油雞切雞 $100/隻燒鴨$160隻快靚正燒味粉麵茶餐廳#快靚正燒味粉麵茶餐廳#SpeedyGoodRestaurantSpeedy Good Restaurant深水埗基隆街383-385號地下383-385 Ki Lung Street, Sham Shui Po港鐵深水埗站 C2 出口, 步行約4分鐘; 西九龍天橋口側電話號碼2728300927285008#深水埗美食 #燒鵝 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-02
21 瀏覽
今日去咗深水埗行街走嘅時候順便斬料返屋企加餸 之前屋企人幫襯過快靚正燒味,覺得唔錯~ 今晚決定斬舊叉燒番屋企!!!! 原來燒味旁邊仲有間茶記, 價錢貼地,下次可以過黎trytry*去到見到款款燒味都好吸引所以決定咗叫三味#叉燒#燒肉#乳豬各少少黎食,返到屋企啲燒味仲暖暖地好香叉燒特登叫師父斬半肥瘦 肉質好林外面燒得好香,而且好多蜜汁正~ 另外乳豬、燒肉外皮都好香脆眼闊肚窄叫得太多不過第二日煮返嚟食都仲幾好味,燒肉乳豬用焗爐焗一焗好似新鮮出爐咁 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-06
87 瀏覽
黎間燒臘店位於西九龍橋底,位置真係好方便!每次斬料加餸都係必選的,除左方便之外,性價比真係好高👍今次又唔例外,因為懶😂所以就直接斬料返去俾媽咪加餸 (其實都懶左好多次),但屋企人都中意食黎間😋除左燒臘之外,其實佢都有做茶餐廳,如果比我更多加懶既話,可以食埋先走叉燒(美味指數: 😋😋😋😋😋)肥瘦比例岩岩好,肉質鬆軟🙆‍♀️。紅卜卜的表面充滿了蜜汁的光澤,有蜜汁焦香味燒腩骨(美味指數: 😋😋😋😋😋)外皮酥脆😉,肉質油香厚實帶滑,帶有鹹香!肥肉相間,好有層次感燒鴨(美味指數: 😋😋😋😋)皮簿飽肉有光澤,肉質嫩滑有油脂香味,味鮮多汁,肥而不膩!鴨油做到齒頰留香😬,鴨肉仍然保持嚼勁😍(5分為最高)整體食物質素:性價比:推薦指數: 繼續閱讀
(以上食評乃用戶個人意見 , 並不代表OpenRice之觀點。)