影片
今日有免費電車坐，搭叮叮嚟跑馬地行下，順便在區內搵食，喺斜路見到有間「快活谷餐廳小廚」。餐廳主打茶餐美食，而晚市就有鑊氣小炒、家常小菜等供應。一坐低店員就隨即為我哋送上每人一碗節瓜紅蘿蔔豬骨湯，湯底清甜鮮香，飲落好滋潤。菜膽雞，雖然只係點左半隻，但原來份量都幾多。菜膽清甜爽脆，雞肉嫩滑，入口滲出雞香，讓人食慾大增。西蘭花炒龍躉球，龍躉大件肉厚，魚香濃郁，嫩滑得來啖啖肉；西蘭花翠綠爽口，做到酒樓風味。燒汁雜菌炒鮮牛，牛肉香嫩多汁，雜菌爽口帶點菇香，配上鹹甜燒汁，令味道互相提升，佐飯一流！飲品點左凍奶茶同凍檸樂，奶茶茶味濃郁，奶香順滑；檸樂汽泡感強，飲落好爽快。飯後仲有喳咋糖水送，用料好豐富，芋頭粉糯，豆類軟腍，香甜中帶濃郁椰香。
繼續閱讀
和朋友在跑馬地相聚，在他家附近覓食時，看到這家餐廳坐得滿當。心想人氣旺，味道應該差不了，便進去试试。 紅燒乳鴿端上桌時還冒著熱氣，外皮微脆好吃。店主推介的椒鹽鮑魚個頭小巧，咬下去有勁，炸蒜下飯不錯。蜜糖薯仔牛柳粒最對我胃口，甜甜的薯仔配軟嫩的牛肉，不消幾口就光盤。啫啫生菜砂鍋熱辣辣，生菜吸飽了醬汁，很入味。 服務員像是街坊熟人般親切，臨走時還送甜品，我們說很飽，還特意給我打包。這裏除了小炒有鑊氣，沒想到在居民區隨便選的小館子，既有地道家常味，又有人情溫度，下次路過再來！
繼續閱讀
呢晚同朋友一齊嚟咗呢間喺跑馬地嘅餐廳食晚飯，呢度估計早餐午餐應該係茶餐廳食物而晚餐就有多款港式小炒同埋各種海鮮提供🤣一坐低就有老火湯飲，目測應該係「菜乾南北杏紅蘿蔔煲豬骨」，好飲喎🤣$78「紅燒乳鴿」：雖然叫乳鴿但係都幾大隻，好多肉，而肉質又好軟熟喎，外皮仲燒到脆脆哋，香口好味道🤣$168「菜膽雞半隻」：雞肉不同部位有不同口感，總括嚟講都夠滑，又好雞味🤣；仲有好多白菜仔可以食🤣$118「土魷蒸肉餅」：喺外邊啲餐廳食蒸肉餅一般都會加好多肥豬肉🤣，而呢間餐廳肥豬肉應該放得比較少，健康啲又好味道啲🤣；「土魷蒸肉餅」就咁食好味道，要嚟撈白飯食又非常之夾🤣$168「豉汁涼瓜炆䱽魚」：䱽魚大大條，好多肉，夠新鮮，仲應該煎香咗，肉質鮮甜，再用麵豉涼瓜炆一炆，香口得嚟又好味道🤣$27「凍檸茶少甜少冰」：大大杯非常清新🤣呢度嘅招呼亦都好好，抵讚👍
繼續閱讀
約咗朋友去跑馬地打羽毛球🏸，體力勞動之後好肚餓。去左附近的快活谷餐廳小廚💕食下午茶，餐廳好受歡迎，過了lunch Time仲係人頭湧湧。😆🥰🍅蕃茄焗豬扒飯好多芝士🧀，有拉絲效果，朋友非常鍾意。🥢炒貴刁朋友大讚好食，我覺得好有鑊氣，炒得香口乾身。少少辣好好食，食唔停口。🍴🍽常餐沙爹牛肉米粉，牛肉惹味，口感軟滑👏丹麥酥酥脆，火腿奄列非常香滑。食物美味的街坊茶餐廳，難怪咁多人支持👏🥰
繼續閱讀
今次嚟到跑馬地city walk住咗響港島區咁耐 都係第一次行過嚟～見到呢間餐廳都幾多人幫襯 價錢又公道 就食呢間先嚟一碗老火金銀花菜乾湯 好濃郁 真材實料 夠晒火喉❣️菜胆雞半隻份量都多 雞肉有咬口 食落比較淡口 冇咩調味 而且仲有大量嘅菜芯 配少少芡汁食 感覺好健康 ❣️鹹魚雞粒炒飯夠晒鑊氣 飯粒粒粒分明 炒得夠乾身唔油膩鹹魚具鹹香 配埋啲蔥花同炒蛋 食唔停口❣️蝦醬通菜蝦醬香口惹味 通菜爽口 夠晒翠綠 送飯一流❣️豆腐斑腩煲一上枱時吱吱聲 夠晒熱 斑腩口感實淨 啖啖肉蔥頭爆到好香 豆腐吸晒醬汁嘅香味 勁滋味最後仲有一碗煲到夠晒稔又重薑嘅蕃薯糖水送❣️聽到老闆叫得出大部分食客嘅名字 大部分幫襯嘅都係老街坊 好有人情味
繼續閱讀
您可能會有興趣的...