快樂蜂 (黃埔天地)

營業中

休息中

旺角同紅磡都食過，紅磡哩間炸雞太乾，雞皮咬唔落掉佐，但內裡雞肉都算嫩滑。蘑菇飯既蘑菇極少，都算，但連汁都勁少，食幾啖已經冇晒餸同汁🥲如果比較KF·我覺得炸雞係BEE好啲啲，因為我食KF·大部份都係雞肉好老，尤其係雞上髀嘅部位。

尋日嚟咗食快樂蜂，食咗炸雞、意粉、薯條。炸雞令我有少少失望，因為我覺得有少少炸過龍，啲皮太硬，唔crispy，但係雞肉都係依家好嫩滑、多汁。薯條有少少鹹，但係係幼薯條嚟嘅，我比較鍾意食幼薯條多啲，因為我會脆啲，所以如果薯條冇咁鹹嘅話，就應該會好好食啦！意粉就正常發揮，大家都知道jollibee嘅意粉同平時出面食啲意粉有唔同味，鍾唔鍾意就見仁見智啦。總括而言，如果可以改善下炸雞嘅脆皮同埋薯條嘅鹹嘅話，呢一餐嘅享受應該會好好多！

今次第一次食快樂蜂（終於）， 之前聽人講佢地炸雞做得唔錯同KFC比，但食了過後又唔認為好食，相對比麥記和KFC, 快樂蜂會是排最尾。性價比上我和口感上，1）麥記，2）KFC 3)快樂蜂。以下是今次外賣食評食物：祖樂堡套餐+薯條+炸雞祖樂堡，$26 單點，佢就好過麥記，有肉味，不過芝士就是感覺膠膠地，口感都幾重，食落去唔會是空氣包，因為都相隔15分鐘，包雖然濕，但唔會一堆野，汁醬分量適中。幾好味。個醬汁應該是菲律賓口味。薯條分量少同over cook,好乾，唔好食。唔食好過食。炸雞唔好食，又係over cook, 好乾，沒味，雞好淡，但好重食粉。好難食，所以唔明話呢間雞好食。始終係主做姐姐生意，口味上唔太適合。所以唔會再食，仲有一點就係價錢貴，埋單$75。快餐來講唔算平，真係食隻興華或大家樂炸脾都好食過2件雞。

早上起床后一直在忙，没有时间吃早餐，差不多一点半时肚子有点饿，就在附近找东西吃。途经黃埔花园的 Jollibee, 感觉很久没吃炸鸡了。店外入口处有一个快乐蜂像，也是这店的标志。由于过了午夜的最繁忙时间，店内光顾的人不多。环境和座位都很宽敞，没有中环店那么挤迫。两件鸡的套餐包括了小薯条和饮料，汽水是免费提升至大杯。炸鸡的皮很脆，鸡皮没有炸干，入口咯咯有声，非常香脆。中间的鸡肉仍然要保持着水份，肉汁丰富。以炸鸡来说，他们的味道 比KFC 好吃，

前幾日周街都好多人，好多食肆都要排隊，所以最後去咗Jollibee食。第一次食呢度嘅炸雞，望落冇乜特別，但一咬落去，肉質鮮嫩、好滑，而且肉汁好多，絕對唔輸畀啲貴價炸雞店，快餐店黎講更加冇一間比得上。薯條就味道適中，冇咩驚喜嘅地方。

🍴三件pancake加兩條腸加咖啡$28 放假嘅朝頭早如果可以買個Jolibee早餐心情就會好好比起麥當勞嘅pancake我鍾意jolibee多啲塊pancake比較有生命力Fluffy 嘅程度啱啱好麥當勞嗰塊pancake就好似就死嘅人咁樣令人好sad 食落去有一種陰沉嘅感覺Jolibee嘅pancake係活力嘅化身加埋啲糖漿就Perfect條腸就OK可以收貨我加咗一蚊轉即磨咖啡咖啡正常冇乜特別總括嚟講食呢個pancake令我好開心所以會再食架👍🤓...#尖沙咀美食 #foodiesofinstagram #foodie #foodiegram #hkig #hkigfood #hkfoodie #hkfood #hkfoodblogger #jolibee #jolibeehk #coffee #香港美食 #microinfluencer #followforfollowback #pancake #mcdonalds #mcdonaldpancakes #jolibeepancakesandwich

落雨天叫咗兩個$59一人外賣餐意粉、樂脆雞漢堡包配熱朱古力～樂趣雞漢堡同炸雞味道一樣嘅～個意粉醬D紅色好勁紅得有D離譜～食落完全唔似茄汁味可能係色素～上面仲要得少少芝士好孤寒～腸仔淨係食到麵粉味完全冇肉味加上好紅都唔知係咩肉腸蘑菇飯、樂脆雞兩件配鹹檸七～樂趣雞食完喉嚨會痛～好懷疑佢用嘅炸油有冇換過～蘑菇飯得好少切得好薄嘅蘑菇同少量汁～成盒白飯叫人點食得落整體來講價格同食物嘅質素唔成正比～應該唔會有下次

早已久仰Jollibee大名，可惜新界東沒有分店🥺一直沒有機會嚐到！昨天難得到黃埔工作，就順道買套餐回家品嚐😋果然大有驚喜😍👉🏻食物:4.8/5注意⚠️買完外賣隔了一個多小時才到家，再用焗爐200度加熱7分鐘，所以和堂食口感、味道可能有岀入！▪️炸雞(辣味)雞件非常大！有一件雞胸、一隻雞髀🤤回到家再翻焗，中間仍然肉質嫩滑、超有肉汁！炸雞胸難得入口肉質如此嫩！🤩外皮香脆度剛好，不會沾上太多分，皮薄而脆！味道不算太辣，嗜辣的朋友可能會不滿足🙈特別欣賞有附上蘑菇汁，沾著吃能減低油膩感👍🏻總於明白為何那麼多人推介Jollibee😋吃完就再也看不上其他家的炸雞🙈期待能來到美食沙漠馬鞍山開分店🙏🏻🙏🏻🙏🏻🙏🏻🙏🏻

今日lunch好想食Jollibee 炸雞，所以一家人去左食， 我地叫左炸雞餐及 漢堡扒飯餐，加$升級限定大大杯嘅夏日特飲，再叫多杯朱古力脆脆新地。夏日特飲有3款，我就叫咗士多啤梨雜果梳打，係香甜士多啤梨口味糖漿，仲有粒粒雜果，小朋友一定鍾意飲。朱古力脆脆新地 – 雪糕上面 加上KitKat鬆脆威化及香脆朱古力粒，口感層次豐富。

令我想起從前吃過的嫩滑回憶便是你 - 快樂蜂。連鎖快餐店 - Jollibee快樂蜂正正做緊樂脆雞 - 火辣香脆的新推廣，非常吸引，當然要試試啦。店舖內整齊擺放了一系列食物，睇到已經流晒口水了。N1a - 意粉配2件辣樂脆雞Jollibee的炸雞色澤金黃，雞件而且還聞到香噴噴的氣味。熱辣辣的樂脆雞當然要趁熱食，用手撕開時，已冒出熱騰騰的景象🍗。炸雞外層皮脆薄身，肉質結實，吃起來香脆可口，肉質嫩滑；雖經過油炸，但一點都不覺油膩、且能保留著其肉汁味道👍🏻。Jollibee 肉醬意粉的醬汁較淺色，加上香味濃郁的芝士，融合意粉一同進食，更有一種幸福的甜美感。

好耐冇食過脆雞,平時去開KFC.不如試吓佢哋.估唔到好夠熱同夠脆Juicy.🤩佢哋脆辣雞,唔錯👍🏻再配上佢哋個燒汁,一流但係佢哋個蜜桃批,麻麻哋,唔啱我口味🤷🏻‍♀️平價之選

Jollibee嘅選擇真係唔算多 餐牌最主要都係圍繞住幾樣食物 只不過係唔同組合配搭 餐廳一開始比我嘅感覺其實唔係幾好 經過朋友介紹後就決定去試一次 發現有驚喜😋 雖然設計外面層皮唔係話特別脆 但係好好Juicy 肉質好嫩 感覺上比KFC隻雞更好食 衰在佢只係得一隻味揀 ( ；´Д｀) 不過佢個餐本身係跟埋蘑菇汁 加落啲雞到食落幾特別 薯條方面 唔係話特別大包但係好有薯仔味 所有嘢都係即炸特別好食😋 環境都尚算乾淨 唯獨枱櫈空間有啲細 整體上來講都幾滿意 可以一試

突然好想食炸雞，咁就去左買Jollibee，我地買左2個餐外賣回家食lunch 。今次叫左肉醬意粉炸雞餐，及蘑菇飯炸雞餐，都不用$100，好抵食，D雞又嫩滑D，味道又香口D，肉醬意粉仔仔話好好食，下次home gathering 多D人，一定要買桶餐食。

Jollibee雞包淨係個包都25蚊， 差唔多等同一個 麥當勞嘅超值套餐，但係點解我都仲會間唔中食下呢？雖然個配搭好簡單 生菜雞扒同埋沙律醬 但係巧妙之處就係在於雞扒 用嘅係雞胸， 炸完出嚟嘅效果係一啲都唔鞋，而且係嫩滑嘅感覺。 如果你叫餐 有埋薯條汽水 真係飽到得人驚， 所以有陣時我淨係叫個包 屋企又有罐汽水 咁樣已經係一餐可以好飽。

講開食炸雞我一定會嚟黃埔呢間jollibee自從食過jollibee炸雞我就返唔到轉頭唔會再食其他快餐店嘅炸雞因為佢嘅炸雞真係超級juicy ，即叫即炸，無一次令我失望首先，佢嘅炸雞皮超級脆，而且唔係厚粉個隻而佢嘅雞肉係非常嫩， 唔單只係雞髀肉，就連佢既雞胸肉都係好嫩，非常多汁， 食嗰時啲雞汁係多到會流出嚟🤤🤤🤤之前試過佢嘅薯蓉，覺得一般般今次就食佢個粟米，都係冇咩特別嘅個重點都係因為件炸雞先吸引我嚟食環境方面，黃埔呢間係好光猛嘅雖然佢唔會提供膠手套，但佢有洗手盆可以喺你食炸雞之前之後洗乾淨手黃埔呢間jollibee真係食炸雞嘅不二之選