必勝客 (油塘中心)

營業中

休息中

好耐無食過pizza hut 神經一觸就去享受下不過就無叫pizza食叫左個雜菌意大利飯原味辣味雞翼豬仔骨配薯條意大利飯好有香濃忌廉味 ~啲飯夠濕潤索晒菇菌味雞翼依舊好食豬仔骨本身都入味 點埋bbq醬更加昇華配薯條組合真係爽yy餐飲叫左檸水飲only haha無叫pizza驚食唔晒整體pizzahut水準都有保持到

同屋企人第n次黎了！每次都覺得堂食d野食係好食d😂今次試左個燒春雞、小食拼盤同埋卡邦尼意粉，都係冇令我失望。美中不足既係燒春雞唔夠熱，但味道都係唔錯既P.s.做會員仲可以用積分換野食架！

對於芝士控嘅我見到pizza hut 出咗個咁嘅批當然要試一試佢今次我叫咗拿破崙黃金烤嫩雞由於得2個人食所以揀個普通批首先講下個批底，外型好似一朵花咁每兩片花瓣為一件，批底好薄軟身一D批邊灑上絲絲芝士，食落好脆口整個批中心都俾融化嘅芝士覆蓋而佢地嘅狀態係半液體咬落去可以拉到絲，而且帶有小小嚼勁芝士味道好濃郁，有淡淡嘅奶香味算係易入口同大眾化嘅種類其他嘅材料都算幾好雞肉鮮嫩彈牙配上小小新鮮蕃茄同紅椒會有開胃嘅感覺減低食太多芝士會膩嘅情況總結，如果係鍾意食芝士嘅人呢個批會俾到你無窮嘅滿足。

下午茶食左呢個set, 至尊辣肉pizza加凍檸茶。Pizza味道係唔錯嘅，辣肉香腸夠脆，香辣味亦足夠，不過得4塊真係太少喇; 雞肉同芝士同樣出色，雞肉有少少胡椒味，非常惹味，芝士亦相濃，當然，如果份量double一倍就更加好。相反，凍檸茶份量就好夠，而且仲少冰，檸檬仲有4片添。

係電視睇到必勝客出咗三文魚批媽媽同家姐不嬲都鍾意係三文魚 所以叫個餐一試海陸至尊必勝批套餐$219一打開個批 唔係呀話 一片三文魚都見唔到可能係繁忙 所以唔記得咗啦本來係可以打電話番去投訴既 不過費事啦 又唔知要等幾耐撇除三文魚唔講 個批味道都唔錯既 不過就冇咩特別有蝦 魷魚 青瓜 車厘茄 冇味既薯蓉 醬汁係千島醬成個批批邊最好食 因為係芝士最rich既地方因為好多肚餓既關係 媽媽好好人咁比埋佢個塊pizza我食但可能冇咩料 所以食完三塊薄飯都冇飽肚感覺因為爸爸同媽媽唔係芝士白汁 所以盒海鮮寬條麵我同家姐一人一半芝士汁唔算好多 但都好夠味 我覺得好好食家姐感冒唔食得雞 所以6隻秘製雞槌3人分剛好雞槌微辣 幾惹味 但比較鞋身燒排骨係送既 份量少得可憐 得三條 又係家姐自動放棄唔係骨多肉少 但其實味道唔錯 送既就冇所謂啦整體黎講 冇味特別 價錢偏貴 尤其冇咗最貴既三文魚

今日係家姐同爸爸既生日 唔知食咩好 算啦 唔諗啦 叫外賣啦叫咗個皇冠開心批套餐$199(不過加多個燴肉醬意粉$41)對新出既皇冠開心批冇咩興趣 所以都係要番大和風味好D大和風味芝心批:個批有蟹柳 辣肉腸 免治牛肉 蘑菇等等既料 全部料我都好鍾意特別係辣肉腸 脆卜卜 好好味 而且重要係芝心批 真係好正唯一唔鍾意既係千島醬 不嬲唔鍾意呢陣味 但都真係好好食媽媽都話呢個好食 我諗點都好食過皇冠開心批掛蘑菇忌廉雞湯:普通忌廉湯味 不過家姐話夠杰身 好好飲意式迷你豬肉腸拼雞肉丸:豬肉腸係普通脆皮腸 雞肉丸我就覺得幾好食 家姐就話太鹹蕃茄焗薯皮:呢個係送既 可能我唔鍾意肉醬啦 所以覺得麻麻地媽媽同家姐就話唔錯但爸爸就咬咗一啖就擺埋一邊 睇黎佢覺得好難食意式雞皇飯:家姐同媽媽話個汁唔知點解地甜甜地 唔好食我就覺得普通白汁味 冇咩野 都幾好食 而且雞肉都幾嫩滑 不過飯就好濕燴肉醬意粉:因為媽媽唔鍾意食Pizza 每次都正係食一件就停手所以叫多個燴肉醬意粉比佢我就完全冇興趣 媽媽話意粉夠乾身 幾好味

很喜歡上網order pizza hut，方便又直接! Pizza 一個鐘就送到，相當準時!午市套餐- 田園風味迷你批x 1- 七喜-罐裝x 1 午市套餐- 加勒比風情迷你批x 1- 百事-罐裝x 1 @$40 each由於我比較鐘情千島醬pizza，所以覺得加勒比風情比較好味，田園風味相對來說比較多料。但始終迷你批size 比較細，所以唔會話太飽肚，得閒食一餐，都幾好既!