必勝客 (已搬遷) 新店位置

陪太太的家人到樂富逛逛，女人們血拼了個多小時，要中場休息，於是去了很久沒去的pizza hut。下午茶時間，人流唔算多，地方尚算清潔。點了三款下午茶餐，四個人食少少都ok。薯蓉配蒜蓉包，pizza hut 的蒜蓉包一向都有水準，香口而且好多蒜蓉味，而薯蓉亦都好香口，加咗牛油，焗得好夠，入面仲有少少海鮮，唔太漏。雞亦腸仔拼盤，雞亦唔會過熟，入面剛剛好，腸仔雖然唔知係咩肉，但都好食，少少咸咸地，肉丸就普通，個人覺得某某傢俬的肉丸比較出色。迷你pizza，新鮮出爐，雖然比較細，但餡料都算多，不錯。

稱得上Coupon之王的Nosir並非浪得虛名，不知道他又那來的會員優惠，又可以買一送一吃晚飯了﹗今次Coupon來自我們甚少光顧的Pizza Hut，因為Pizza Hut已經變了高級餐廳，價錢已經不是大眾化，所以即使一大班朋友晚飯聚餐都已經沒有去Pizza Hut了⋯我們又在比較夜的時間入座，所以餐廳內人客不多，可以靜靜地吃一餐，而是次Coupon是在主餐版上單點任何飯或意粉都可以享有買一送一優惠，於是我們這次只吃飯和意粉，也沒有點任何小食，慳得就慳嘛餐牌的選揀不算很多，但大部分都附有精美相片看相片就好像有很多款都想試最後我點了拿破崙帶子意粉，意粉有口感，好吃﹗Nosir點了同價的海鮮寬條麵寬條麵一點都不寬，但味道不錯今餐除了很抵食之外，原來送的那客意份並沒有另外收加一，慳錢之道真的要向Nosir多多指教了

上星期同BB去樂富冒險樂玩，玩到攰攰地，就去左Pizza Hut high 個tea.BB話要食燒春雞，所以就叫左一份，成$98加埋一成過百蚊，真係幾貴下。燒春雞肉質唔錯，幾有雞味，但燒得唔夠香口，調味淡左D，配薯條但有D過火，大部份都好硬，差過M記。呢款燒雞價錢貴，味一般，下次吳會再叫

由細到大媽媽都只接受中菜，今天突然自己提起要食pizza,難得的一天，同埋爸爸一行三人叫左個信用卡二人餐，炸尤魚圈沙律好一般,炸尤魚是凍的，紅白湯就正常，最差就係白汁雞肉意粉芡汁太多，但本身$98現特價$48的小食拼盤以為平野冇好野，點知又唔係喎，小食拼盤有豬仔骨，雞亦，薯格，雞肉腸，同小量沙律菜！味道拍得住oxxbxxx,但價錢真係好抵！講返主角星星pizza先，又幾特別喎，入面有提子乾+同核仁碎+芝士，估唔到味道又幾夾，幾清新！希望阿媽肯一直試新野，我就唔駛再餐餐酒樓！下次再帶佢食其他好野

pizza hut下午茶有不少選擇pizza, 蝦當然係雪藏蝦，但除此之外，芝士濃郁又有車厘茄，餅底香脆好味。呢個honey mustard真係太酸，個醬超級敗筆，應該再調較下

28/12日共2人去Pizza Hut樂富店午餐點了卡邦尼煙肉意粉及海鮮闊條麵兩個午餐我們二人大約一時入座,收據上註明1:04分落單湯及包無甚特別,pizza hut一貫水準但兩個主食一直未到,等到大約1:35分到,卡邦尼煙肉意粉才上桌蒲上桌已見到意粉的汁呈水狀,賣相像湯意粉,不是一貫的濃稠一試之下,配料中的磨菇仍未熟透,而意粉整體淡而無味,慘不忍睹大約同時,我向職員催單,職員表示海鮮闊條麵剛入爐,將於7分鐘後送上到大約1:50分,海鮮闊條麵仍然未到,我倆因需上班及另覓地方午餐關係決定離開職員表示取消兩客午餐,唯仍需付兩杯飲品的價錢(見圖)因為今次極差的食物質素，本人之後將永不光顧此分店

 晚上再一次來到pizza hut,這次因為剛巧和朋友都吃過下午茶因此免除了pizza 外ribs 和簡單的沙律份量比較合當。之前試過九龍城分店的同一款套餐真的一度卻步但見鄰座的餐點賣相不錯。雖然是同一品牌的BBQ ribs但這分店的燒製調味比較好多了而且沒有油浸雪藏豬排的感覺。試過很多不同大小平貴店鋪的Ribs, 味覺比較敏銳對食品的質素有了要求。配製的薯條亦不過火外脆內軟炸得金黃，雞肉沙律亦賣相很好份量頗多甜味得紅莓醬汁令沙律更清甜爽脆。

五個人的晚餐星期五六曰外賣自取有六折非常抵食，叫左一個3至4人套餐$253 x 40%off ，另外兩罐汽水同一個蒜蓉包。套餐包括一個大批,兩個飯或意粉,4客蘑菇忌廉雞湯izza揀咗意式風情厚批，有雞肉火腿意式香腸蘑菇菠蘿同千島醬，全部都係喜歡的材料好味 - 但係個大批好似縮左水喎!菠菜肉醬通粉 - Okay咖喱雞肉焗飯 - 咖喱甜甜地，好似日式咖喱-好味然後揀咗辣雞翼－雞肉好嫩，加上少少辣味另加既蒜蓉包－$24 - 蒜蓉味重，食咗咁多年一直冇變，新鮮出爐會仲好味兩罐汽水 - $10唔知點解每次食完Pizza Hut都會非常口渴，唔通西餐都有味精？

大家可以用親民的價錢去試一下芝士火鍋。正宗的芝士火鍋，其實材料只有麵包；這個我想是因為加入了港式元素，而配料豐富，有薯條、麵包、香腸、肉丸、炸雞、青萍果等等，不同的配料沾上芝士槳味道各有特色，我還是最喜歡簡單的麵包，因為可以沾上最多的美味咸香的芝士槳！這才是真正的芝士火鍋啊!

今日有人接放工 , 好野 ^^ 本來打算食個下午茶 , 然後夜晚再戰甜品 ,由九龍城廣場行到去樂富廣場 , 可惜計劃中o既下午茶目的地兩間都已結業 ,於是隨便就走入 pizza hut , 諗住用 cash dollar 食 tea set點知 .... 原來有 citibank 信用卡 , tea set 係三送一 我地把心一橫 , 叫四個 set , tea 連 dinner , 唔再去食甜品未得囉四個 set , 有四杯飲品 , 兩個湯 ~ 飲品可以揀要罐裝拎走 , 又幾好喎湯就叫晒兩款 , 意大利蔬菜湯 , 忌廉雞湯 , 兩個都好好味 , 好夠熱 ^^ pizza hut o既忌廉雞湯係少有我鍾意飲o既白湯1. 歐陸小食拼盆~ 嘩 ..... 全部都好好食 , 熱烘烘上枱 , 全部都好香脆 , 薯格炸得好正 , 份量都唔少o家 , 炸雞件同蝦多士都唔錯, 每樣有四件 2. 千層肉醬闊面~ 呢個簡直係我去 pizza hut 必點o既 , 平時我係連闊條面都唔鍾意食o家 , 怕整到成 pat 野咁但呢個千層肉醬闊面真係好正 , 少闊面多肉醬多薯蓉 ,我就係鍾意佢咁 xdxd

很久沒有到Pizza hut食Pizza了，自從看到電視廣告介紹最新Pizza＂芝士七重奏＂後，心思思一直很想試，我算不上是個芝士迷，但是看到芝士起絲的一刻卻很吸引~還記得小時候很喜歡到Pizza hut，那時還有自助沙律吧，大家都出盡法寶把沙律叠得高高，好像比賽一樣，我不斷地看別人的沙律為何可以叠那麼高，經過多番的嘗試，現在我變成叠沙律的達人喔!現在想起不太在意那成果，很多時也許太多吃不完，其實那個過程才是最快樂的~久別重逢的Pizza，今天也一樣好味，新品＂芝士七重奏＂充滿濃郁的芝士味，聽說是用七種不同的芝士所做成，最好味就是餅邊，鬆脆得來還有點點烤得香噴噴的芝士，十分美味~千島海鮮卡邦尼煙肉意粉也做得不錯，味道不咸不淡剛剛好，不過要快食，否則卡邦尼汁會很快變乾~另一值得推介的是熱甜果蜜茶，當我每次的餐飲只可選擇熱檸水時，這杯熱甜果蜜茶卻有驚喜，新鮮蘋果及士多啤梨切片，很清香的果香！很清新啊~

是日大約4時到達可能因為平日 個場都幾空同女友嗌左3樣野因為早餐+午餐+下午茶當一餐 香蒜肉絲意粉($32)葡汁雞皇焗飯($32)墨魚塊拼蝴蝶蝦($35)跟餐有2個湯 & 3杯野飲白湯味道依舊 又夠熱湯上完冇耐個意粉就上左快得奇怪 而且仲有部分意粉嚴重乾硬都唔知擺左幾耐 同平時食開既爭好遠-_-之後上野飲 杯凍檸茶好睇唔好飲-_-汽水有得無限添飲 不過都系少飲為妙-_-之後就上焗飯 維持水準 又平又抵食^^最後黎既系小食 得果6舊 仲貴過個主菜-_-果3舊墨魚塊真的令我笑鳥 個樣似麥樂雞-0-但單憑味道 你系唔會知道自己食緊乜-.-蝴蝶蝦點埋個醬都幾好食 不過好多炸粉 隻蝦好細埋單$99 環境黎講算唔錯 不過野食就比其他分店爭左少少尢其是歷史悠久的香蒜肉絲意粉!!!!

樂富既pizza hut 比起其他分店的確係少人流,由入到走都冇佔餐廳總人數既一半, 侍應大概有四個, 但係佢地都好似好忙咁, 反應都唔係咁快趣,連廚房出菜都有d 慢, 聽到隔離台追單, 佢地飲完湯食埋蒜茸飽, 再食埋個 salad , 坐左好耐都未黎由於我地比佢地早黎, 叫既野食就同一時間黎晒而家做緊恒生 promote, 我地四個人嗌左精選堂食二人套餐 HK$248.00 再加多一個千島海鮮普通批HK$113.00pop pop 大蝦批冇千島海鮮批咁好食, 可能千島海鮮批有好多千島醬醒胃d 啦跟住就講下個焗粟米肉醬薯蓉, 只係好普通既一pat pat薯蓉千層肉醬闊麵, 薯蓉仲多個嘜 至於湯, 飲品同埋雪糕就唔多講, 一般大路野

4月11日星期一晚約左朋友食飯,朋友話好想嚟呢度食寛條麵,好耐都冇食pizza hut啦,依家都出左好多新款既菜式,見都有寛條麵,但朋友話好想食傳統的海鮮寛條麵.於是我地就叫左一個海鮮寛條麵,一個三文魚鮮果沙律同埋一碗磨菇忌廉湯一齊食啦.可能係樂富區再加上係閒日的夜晚,所以都唔算多人,食物都好快嚟呀.先嚟個湯,都好creamy及好香呀,好味,唔會太水.又唔會好咸,雖然冇咩料不過都好味呀.跟住嚟三文魚鮮果沙律,都幾大碗喎,三文魚有好幾片,都好新鮮的,鮮果沙律都好多及多款式的,味道都好開胃好味,唔會太多沙律醬好漏,味道都配撘得好好.正喎!!另外就嚟埋個海鮮寛條麵啦,份量都唔細喎,我成日都覺得寛條麵會好漏的,所以如果可以選擇都未必會揀嚟食,間唔中一次就冇所謂.這裏的都算多海鮮,個汁都唔係好漏的,感覺冇咁滯口.我地傾下計食下嘢都幾舒服,靜靜地咁!