必勝客

營業中

休息中

當玩完之後，諗住去Pizza Hut食下pizza，見到佢10點先收，咪去食個晚餐。去到之後明明聽到佢話未收只係差唔多截單，但佢竟然話我哋而家已經截咗單，令人失望。

Pizza Hut 最推出一款「比利時朱古力火鍋」呢款香濃幼滑嘅朱古力醬，配上Häagen-Dazs 雪糕球、清新水果同必食推介「必勝芝芝甜奶油批」！喺農曆新年頭先食返個「俾利是」朱古力火鍋，為新一年帶點甜蜜暖意！係情人節帶埋摰愛嚟，一啖一啖享受甜蜜時刻！💕 🍨🍓比利時朱古力火鍋 💰 單點價$138 💥 套餐58折追加$79用香濃幼滑嘅比利時朱古力製作嘅「比利時朱古力火鍋」，加熱後會散發出暖暖嘅朱古力香氣，特別附上嘅Häagen-Dazs 雪糕球有兩款口味，朱古力同士多啤梨，喺點上朱古力醬之後瞬間結成一層脆皮朱古力外衣，帶嚟冰火交融嘅享受！而新鮮士多啤梨同蘋果片嘅清新味道，中和咗朱古力嘅濃醇馥郁，真係一對絕配！🍨🍓仲可加「必勝甜芝芝奶油批」，外脆內軟🥐🍮另外仲新推出嘅花花批同海龍皇湯，兩款都係期間限定㗎❤️

我落去叫外賣，當日平日嚟嘅，去到即刻搵職員落單，等咗20幾分鐘，我問職員 佢話好快整好，最後我等咗40分鐘出到嚟係咁嘅樣…菠蘿飛走曬，係米想照顧啲pizza唔加菠蘿嘅人？

呢間好似裝修過有好多卡位，坐得比較舒服午餐叫咗一個煙三文魚沙律，卡邦尼意粉，香辣蜆肉闊條麵煙三文魚普通，色水唔係好靚，配料嘅麵包脆脆幾好味，撈埋一齊食落有層次感卡邦尼意粉蘑菇好香，煎香嘅煙肉同埋普通煙肉都有足夠分量，意粉有掛到啲汁，好食！香辣蜆肉闊條麵麻麻地，蜆肉小又細粒，闊條麵就好腍，唔彈牙！

今日上到嚟Pizza Hut見到佢有主題佈置spy X family幾得意，當然要打吓卡😂食完仲有贈品，揀咗二人套餐$338，點咗超級至尊三藩市式手藝薄餅、千層肉醬闊面配薯蓉、雞翼、仲有兩杯嘢飲，都幾多嘢食，所以幾抵食👍🏻超級至尊三藩市式手藝薄餅：薄餅鬆脆仲好足料，芝士好濃厚，仲有拉絲嘅感覺，仲好細心切好晒俾你，唔使下下要自己切👍🏻千層肉醬闊面好重料，麵度適中爽口彈牙芝士好食，薯蓉仲好蓉、而雞翼都好食有少少辣

今日去pizza hut食晚餐，星期日會員八點都有八折，一個有一個驚喜，唔洗等位。先嚟咗個意粉冇跟次序上餐都算。黑椒蜆肉意粉三倍鹽量。再嚟32度慢煮蘑菇湯，唔知要擺幾耐先可以擺到個蘑菇湯咁凍。跟住我食唔關你咁高級嘢，我叫佢再加熱。幾分鐘後畀咗個佢話應該夠熱嘅，我懷疑有34度。超健康汽水，因為加咗大量水入去。pizza同埋薯角正常，老懷安慰。平時食深水埗嗰間完全冇問題。臨埋單嘅時候，check到佢冇畀八折我唔知係咪博大霧，暈

Pizza Hut 瑪格麗特大厚批這款長青不敗的經典口味Margherita材料非常簡單，蕃茄醬配上柔軟香滑的Mozzarella水牛芝士，灑上羅勒葉及奧勒岡香草作點綴。pizza餅底麵糰吃起來富有淡淡的麵粉香氣，邊緣烤得很焦脆，餅芯卻帶着柔韌。芝士可以造出拉絲效果，口味清新輕盈，不會吃得飽飽滯滯。

喺屋企屈咗一日半😴，等到八號風球落波之後同屋企人即刻去咗旺角食晚餐，去咗pizza hut 叫咗個千島海鮮批套餐🍕配香草烤雞薯角、芝士焗菠菜長通粉及翹翹薯🥔千島醬海鮮批套🍕批底簡咗鬆厚批，魷魚、帶子、蝦、蟹柳、菠蘿、青椒及紅椒等做tappings 😋批上加上千島醬及芝士，將一其中一塊批拉起，芝士變成拉絲芝士用量非常足夠👍🏻Pizza脆口易咬，非常夠熱，反映出佢係新鮮出爐👍🏻香草烤雞薯角🍗香草雞為半隻燒雞，雞身肥大多肉，點上黑椒汁，非常惹味😋炸雞亦跟咗大量薯角，香口又美味😄芝士焗菠菜長通粉🥦長通粉上加上大量芝士、菠菜、磨菇及少許洋蔥，焗起上枱後，芝士香氣撲鼻，長通粉爽口唔腍，清新之選👍🏻趬趬薯🥔優化及取代咗薯格嘅角色、炸得脆口，外形變咗螺旋形，凍咗亦唔會好似薯格痴埋一堆👍🏻😋

今日放工同啲朋友一齊食飯，去咗Pizza Hut。見到有個新批，點芝扭扭批,堂食仲有埋套餐。點芝扭扭批 ─ 海鮮配魷魚鬚堂食2人套餐|$338有2個餐湯 蘑菇忌廉雞湯。忌廉湯都係幾好飲有1個普通必勝批 點芝扭扭批，今次揀咗配埋蜂蜜芥末醬，普通批size好夠兩個人一齊食。扭開邊邊一粒粒點醬食都幾得意🫰🏻小食揀咗翹翹薯，脆脆地嘅炸薯角，個形狀幾得意😊另外仲有1客原味雞翼4隻意粉飯仲可以揀一個，最鍾意食香蒜肉絲意粉。仲包2杯飲品。

食物質素：連鎖餐廳食物大致上都差不多，沒有什麼特別的評價。正常發揮。服務方面：剛到店 企左係店鋪入面2-3分鐘都無人理我，我仲要係舉起左我想要既坐位人數既手指，（其間係有3個職員見到我），最後我要再行去佢面前先帶我去坐。上飲品好慢好慢好慢，我食哂所有野先到🙃🙃另外想一讚個小肥哥哥，落單上出現誤會，哥哥都幫忙處理左好一段時間，都亦然保留住應有既態🙏🏻🙏🏻

我去Pizza Hut（旺角店）享用晚餐。餐廳位於熱鬧的旺角區，裝潢簡潔而現代化，提供了一個舒適和輕鬆的用餐環境。菜單上有各種各樣的選擇，從招牌披薩到沙拉、意粉和小吃，滿足了不同口味的需求。我點了一個海鮮披薩和一份蘑菇意粉。披薩的外觀誘人，烤得金黃酥脆，上面滿滿的海鮮令人垂涎欲滴。每一口都散發著新鮮的海洋風味，配料的搭配非常出色。蘑菇意粉則是以新鮮蘑菇和奶油醬汁為基礎，口感豐富滑順，配料的味道完美融合在一起。價格方面，Pizza Hut的價格合理且物有所值。菜品的份量足夠，價格與品質相符。無論是情侶約會、家庭聚餐還是朋友聚會，Pizza Hut都是一個不錯的選擇。

今日黎食二人餐嘢食非常滿意 個套餐包左兩個餐湯一個意粉，一個普通批，兩份小食，兩杯嘢飲份量十足，兩個人食好飽但係服務真係好想比差評第一 到餐廳門口既時候 冇人招呼攞左飛都冇人嗌明明有超多空枱 要入去搵職員問有冇位第二 入到去既時候 我地張枱隔離搞緊生日party 應該散晒場客人走晒，員工清理緊但係不斷係我地隔離吉爆D氣球一路食嘢一路比D氣球爆炸聲嚇親😅第三食到全部嘢食都就黎食完嘢飲都未黎超口渴😅😅 又要問先有嘢飲D員工好似完全唔知做緊乜咁全部要人講先去做 入黎食嘢冇人招呼要自己黎嘢飲一路漏單都冇發現要人追問先有嘢飲😅😅😅😅😅

由細到大我都最鍾意食pizza！尤其是Pizza Hut出品嘅 我都好喜歡 佢哋嘅芝心批 真係冇得輸 入口芝士味非常濃郁！同埋我最鍾意食佢哋嘅千層闊條麵 香港真係冇乜邊間餐廳做得好食過佢哋

同朋友真係好耐冇食Pizza Hut，今次經過旺角見到有即刻入去試吓🫡我哋叫咗個超級至尊厚批～一上到嚟熱辣辣要即刻食🤤厚批邊依然都係口感煙韌得來又好脆👍🏻芝士每次都好多😆勁拉絲又同茄膏好夾！隔咗咁耐冇食，依然都keep住水準，正！

好日都唔食一次Pizza Hut，竟然係兩個禮拜內食咗兩次新出嘅極芝熔岩批，真係要評下佢。-❤️‍🔥極芝海鮮呢款Pizza 算係薄皮，就算係外面個圈都唔會太硬同太厚，唔會俾個餅底整到好飽好滯，平時食開薄皮嘅人表示好啱口味。上面啲料嘅配搭都係「比較」fresh。🧀芝士真係好多，係比較流質嘅，拉唔到絲個種，但同時唔會好膩，芝士味好香好足。🆚對比起芝士扭扭批同芝心批，呢款無論係個餅底定係啲芝士都更勝一籌。