必勝客 (東港城)

營業中

休息中

平日下午做緊買一送一款式選擇都啱小朋友食可以揀一個飯同埋一個意粉另外再配埋Pizza 有優惠價之後，感覺唔會太貴另外最好嘅地方係坐得好舒服而且有兒童座位同埋兒童餐具

同大家一樣, 隨時都會食 Pizza Hut~真係好想講Pizza Hut 真係好好, 真係好少咁好, 唔收附加費 都會肯送外賣嚟, 仲要外送嘅哥哥每次都係 勁友善 笑笑口, 毫無怨言~ 有時真係唔想郁, 唔想落去買自取…每次食到佢嘅外送速遞都好感動~ 住得偏遠嘅朋友一定會明白~ 超級至尊手藝批係近年最愛~ 即刻熱辣辣食好味、放涼咗食都仲可以 就算第二日 氣炸翻熱嚟食 (雖然, 近幾次會變咸咗啲, 但係自己加返啲芝士上去溝溝佢, 就會好味番曬!) 都好味呀~

今日中午堂食。落餐難度再升級，不能簡單用相機scan, 一定要在app scan. 但app user interface 好差，每張枱都要問侍應如何落單😑今日食物勁鹹，至少係平日的1.5 倍咁鹹，好心通知侍應叫廚房留意，但侍應沒太大反應 。另外，Pizzahut 一直好差的是汽水，正價$35一小杯的汽水，沒氣的，非常flat 。原因是餐廳一早將汽水加入大jar 內，有客叫才倒入餐杯，非常差勁及不理顧客感受的安排 。同樣　己告知侍應但對方也沒什麼反應 。希望餐廳留意 。

- 香檸蜜糖辣肉腸 ($79)揀咗大批 鬆厚批 貪平同貪得意試咗新口味 🫢檸檬皮好苦 要挑走去先食得🫢檸檬係唔落好過落🤣除咗檸檬係敗筆之外 其實味道係正常嘅 鍾意食厚批 有咬口- 辣味雞翼 8隻 (嗌pizza另加$40)呢個辣味雞翼改變咗我對pizzahut 辣味雞翼嘅壞印象 咁耐冇食 好似好味咗 微微辣 啱我食😋- 焗肉醬意粉 (牛肉) ($87)味道正正常常 兩個人食原來叫一個大批再加小食已經好夠飽🤰🏼後尾發現意粉叫多咗🫣飽到不要不要的

本身諗住去食Pizza Hut嘅榴槤放題，點知去到店員話已經冇出，淨係可以單點，問佢幾時會出返佢話唔會再出，但我話你推廣寫去到7月10號而家先5號，佢話因為啲貨源唔夠放題，淨係可以單點，所以全線淨係頭幾日有得賣，之後都取消咗，我話但係你個日期寫去到10號㗎喎，然之後店員竟然話，唔係寫乜就係㗎嘛，佢話出咗廣告都唔代表有得賣㗎，態度極差

近排榴槤當季！Pizza Hut新推出左榴槤新品既堂食放題！絕對係榴槤控既福音🥰作為其中一位絕對要去試吓啦🥰🌟【放題】 每人$129（連加一）=$141.9🌟放題係入座開始計起！最後15分鐘就會係最後加單時間～(⁎⁍̴̛ᴗ⁍̴̛⁎)個人覺得絕對夠時間食！加單既速度亦算正常！一開頭每人會有一碟頭盤（分別係千層蛋糕、麻糬同香濃卷）然後再俾紙仔order‼️1️⃣【三重口味榴槤迷你批】 （原價$89）呢個會等得比較耐！相信係即叫即整既！熱辣辣🔥趁熱食啱啱好～面頭芝士做到拉絲既效果😍榴槤份量都唔輸蝕！平均一塊有兩球榴槤+一層榴槤蓉！但係略嫌薄餅皮太厚（好快飽）麵包同榴槤&芝士既份量不成正比！2️⃣【貓山王雪香】 （原價$45）即係一球榴槤蓉+雲尼拿味既Hagendazs雪糕！呢個絕對係回本之選😆建議大家多嗌！3️⃣【貓山王麻糬】 （原價$64）頭盤入面我印象最深刻係呢個！榴槤蓉好滿～味道好足！但係與其話佢係麻糬🙈不如話佢係榴槤糯米糍🙈🙈食多左同樣比較漏！4️⃣【D24香濃卷】 （原價$49）類似pancake～有一層cream同一層榴槤蓉～感覺兩者比例差唔多！但係卷皮比較厚身 味道就正正常常🙊5️⃣【D24千層蛋糕】 （原

今日姨甥考完試唔使返學，於是同佢一齊去商場食吓嘢，小朋友都係鍾意食意粉，於是我哋就揀咗Pizza Hut，今次叫咗肉醬意粉餐配雜菜湯，另外再加咗份凱撒沙律☺️ Hut食咗咁多年肉醬意粉，我都覺得係好好食😋 小朋友都食到舔舔脷，而且仲加咗好多芝士粉落去🤣 覺得自己調味特別好食！我第一次食Pizza Hut呢度嘅凱撒沙律，感覺佢嘅沙律醋比較酸😵‍💫 我自己唔係太鍾意嚟呢間Pizza Hut食嘢多數都唔使等位，呢個都係我其中一樣鍾意嚟呢度食嘢嘅原因🤓而且呢度可以用yuu的分嚟換coupon 👍🏻👍🏻

阿女上贏取棒，佢話想食pizza，跟住就帶咗佢去Pizza Hut食pizza。其實都好少會去Pizza Hut食Pizza，多數都係叫外賣返屋企，今次嚟到，就叫啲平時少叫啲嘅嘢。有呢個花形pizza，形狀同傳統pizza唔同，都擔心味道會奇怪，好彩，個成品味道都唔錯。另外都叫咗蒜蓉包，雞翼，另外仲嗌咗兩杯特飲。整體味道都唔錯，份量都幾大，個個都食到好飽。幾百蚊就有家庭樂，真係一個唔錯嘅選擇。最後，個店員教我哋裝Apps用咗優惠券，呢個店員真係值得一讚。

Pizza Hut真係由細食到大但係其實每次食Pizza Hut我都唔係最鍾意食Pizza 😂😂😂你係我最鍾意食Pizza Hut入面嘅意粉同埋雞翼😍😍一般我都會揀下午茶時段去食，因為真係好抵最平$35就已經有一個套餐我好鍾意食佢哋嘅香蒜肉絲意粉同埋葡汁雞皇飯今次下午茶，我試吓叫肉醬意粉配雞翼🥰😋肉醬意粉真係有驚喜☺️嗰啲肉醬非常之多，而且味道好吸引蕃茄酸酸地好開胃雞翼就唔使講啦，我覺得一向都係咁出色仲配埋一杯嘢飲今次我呢個餐下午茶都係$44 再用埋yuucoupon埋單都係俾咗20幾蚊👍🏻👍🏻😆😆好鍾意一個人下午茶

為慶祝B女生日，與家人特地挑選這間Pizza Hut晚膳。餐廳環境光亮整潔，地方闊落，樓底很高，整體環境都予人悠閒舒服。龍蝦湯雖然找不到龍蝦，但龍蝦味濃得幾乎把所有味蓋過了，不過，我就是喜歡這一種濃味，顏色也相當濃。焗薯蓉以一個瓷碟盛載放在一隻大碟上，以花邊形式環繞碟邊，中間是忌廉煙肉，上面放了蝦仁，忌廉煙肉味道帶點鹹香，薯蓉磨得幼滑，吃起來有點奶油及天然的甜薯香，但略嫌薯蓉味道單調。蒜蓉麵包是即叫即製的，以香草和牛油烘成金黃色，相當香脆。焗葡國雞扒飯，米飯粒粒分明，口感硬身，嚼感很足，加上椰香的葡汁很香很好吃，雞肉非常爽口，和菇類等拌勻來吃，味道十分豐富，啖啖飯都好滋味。黑椒海蜆炒意粉亦非常惹味，既香且辣，蜆肉炒得很夠火喉，鹹鹹香香，麵條滑溜，蜆肉份量多，煮得很有水準，味道一流。今天的主角是意式風情厚批，用上了大量的肉腸、芝士、辣紅椒、橄欖，配上那層焗至軟嫩的芝士，肉腸的味道真的很濃烈，一片片平均的散在薄餅上，使其鹹香味很均勻。餅底以薄餅模式製作，有一定厚度，脆感適中。凍檸茶入口冰涼而很夠茶味，檸檬比例又下得足，餐後的一杯飲品，香甜提神，檸味濃郁，令整餐劃上一個完美的句號。

今日嚟試吓新出嘅三文魚紐紋批，叫咗套餐同屋企人一齊食，星期六7點零好快就有位👍前菜嘅薯角新鮮炸好好香脆👍刁草忌廉海鮮煲配蒜蓉包海鮮煲醬汁creamy香滑濃郁，好香刁草味，海鮮種類有幾款，配料都多，蒜蓉包脆卜卜，同醬汁好match，正香蒜肉絲意粉真係童年回憶嘅味道，由細食中大嘅意粉，聞落好香蒜香味，配料有青豆、蘑菇、豬肉粒、火腿、洋蔥、紅蘿蔔，會意粉軟硬度適中，香口好味，同細個食開嘅味道一模一樣🥰Seasea鮮煙三文魚扭紋批入口醬汁酸酸甜甜，面頭有滿滿既芝士，批邊鬆脆，同煙三文魚好爽，而且扭扭邊有芝心，非常好食🙌🏻

去過好多唔同地區嘅Pizza Hut，從來都冇諗過寫食評，但東港城分店真係要寫下。以往堂食過幾次，不發覺有問題，但呢次坐近廚房，就好大問題——好嘈。除了門口叫飛，因為收餐具嘅車都喺附近，侍應收碟和餐具後放低會有聲，有時仲推車行來行去。最嘈的是，剛巧洗完刀叉匙，侍應分餐具時發出極大嘈音，仲要兩個侍應分別喺唔同位分餐具，立體聲咁，嘈到同檯講野都聽唔到。很少西餐廳會咁嘈，可能本身設計問題，仲嘈過中式酒樓。食物方面，假日有午餐，便宜過散叫，但人均消費都差不多100元。試了新出嘅意式 辣肉腸Dip脆批，有啲似兩件薄脆批對摺。 兩款醬一款是蕃茄醬，另一款有點像凱撒沙律醬，還有少許有醋的沙律。個批很香脆，一共兩件，就咁望會覺得唔夠飽，食完都算ok，另外加了十蚊兩隻雞翼。食到第二件批會開始覺得有啲鹹，本身辣肉腸都鹹，所以越食越濃味，要飲水清下味蕾。 兩個醬汁方面覺得番茄醬較為適合，因為個批本身係蕃茄醬底，加沙律醬有啲怪怪哋。總括而言食物質量沒有問題，價錢也算適中，最有問題的是環境，真係超級嘈。

以前都食過幾次𝗠𝘆 𝗕𝗼𝘅 外賣不過得下午茶時間先有最近見到游學修嘅𝗣𝗶𝘇𝘇𝗮 𝗛𝘂𝘁廣告知道而家任何時段都可以叫𝗠𝘆 𝗕𝗼𝘅 就即刻訂離lunch食吸引之處係可以自由配搭主食、小食同飲品叫pizza或者意粉/焗飯再搭迷你窩夫或拼脆薯格等小食連埋飲品或湯同同事一人叫一盒揀自己嘅食物唔駛share我用app叫左最平嘅組合$58夏威夷風光pizza + 酥脆蝴蝶蝦+百事可樂女仔食嘅話一定好飽肚！

在疫情之下大家都少左出外吃飯，今次與好友在Pizza Hut再吃下午茶都是很難得的。😁😆大家都想吃公司三文治，那就叫一客分享吧⋯⋯😍😍下午茶餐牌好像沒有加價，除了公司三文治配薯格(Hkd61)之外，我們還點了拿破侖醬汁肉丸配蘋果薯仔沙律(Hkd28), 每人加Hkd3仲可以配一個熱辣辣的磨菇忌廉雞湯😋😋⋯⋯看到餐牌還可以追加原味或辣咪雞翼(Hkd10/2隻），我們叫了兩客，真是好味道！😍😍今次用了手機點單，十分方便！😃😃

Pizzahut外賣就食得多，堂食真係冇乜點試過🤣今日假期3點幾，突然間想食pizza🤭行過見到pizzahut有下午茶就走左入去😍堂食客都唔係好多，唔洗等就直接可以入去😆下午茶餐都有配飲品，加$3可以轉做湯😇Pizza card金會員仲有9折☺🌮墨西哥海鮮餡餅（三件）配薯條（$58）首先叫左個海鮮餡餅，餅皮煎到好脆🤗餡料唔算好多，有魷魚、蟹柳、蝦等等🦐蕃茄汁食落都有啲pizza既味道😂薯條唔係即叫即炸，所以上到枱都林晒，唔合格😔飲品叫左即磨咖啡，咖啡味都算香濃，幾滑☕🍕至尊迷你必勝批（$67）堂食pizza真係比起外賣好食好多，通常外賣羅到返屋企都已經凍左😚堂食一上枱即食，芝士仲做到拉絲效果😍厚批既pizza口感豐厚，pizza亦做到脆邊😋迷你批分到4份，2個人share岩岩好👍/📌必勝客將軍澳重華路8號東港城1樓199A號舖/😋食物質素：7.5/10🍽️用餐環境：8/10💰性價比：7.5/10👣回頭率：8/10