同朋友去咗石籬邨嗰邊做嘢，因為嗰邊人生路不熟都係要問吓啲街坊先知道石籬商場響邊度，跟住係經過啲好好嘅街坊帶埋我哋去石籬商場度搵嘢食，我哋都想食得清淡少少，所以見到有啲更心粥館就走咗入去試吓。可能因為係下午嘅關係，入到去都冇乜人，環境都算可以嘅，都係乾淨企理。我就簡簡單單嗌咗個叉燒腸粉下午茶餐，加一杯熱檸水。叉燒腸粉都係似以前广州嗰種唔係一卷卷嘅，係一片過嘅，食落去嘅口感都唔錯， 啲粉皮還可以，但係唔算好滑，豉油唔夠可以自己去加。我朋友就叫咗個皮蛋瘦肉片粥，就跟埋腸粉同燒賣嘅，其實依份糧你計到船係抵食，個粥底本身已經有味道，材料亦都算多。我腸粉燒賣嘅份量都好合理，其實性價比都算高。都係一樣所有嘅醬料唔夠可以自己去加，呢方面都好好。發現原來佢有幾間分店，下次有機會見到有幾度會再試吓其他嘢。…查看更多
