影片
招牌菜
😈新蒲崗邪惡宵夜食堂😈-住附近嘅街坊或者夾開玩studio或party room嘅朋友都應該知道新蒲崗呢一區好多賣宵夜嘅舖頭😉 不過要有心即叫即做嘅comfort food真係買少見少🤣 今次就搵咗呢間專門整錫鍋飯同鐵板燒外賣嘅宵夜舖 同班friends一齊分享深夜嘅脂肪😍-🎏特色脆鰻錫鍋飯 $98佢其實係用錫鍋造嘅外賣石鍋煲仔飯 份量以宵夜嚟講 算幾大份😝 加上飯上面放滿咗肉鬆都脆米粒糕 口感同層次都幾豐富😚 最驚喜係鰻魚 真係超大條 佢係蒲燒鰻魚再去炸 味道好足之餘 炸粉好脆😛-🐷玻璃燒爽脆豬頸肉炒烏冬 $70另外我灺仲㨂咗佢哋嘅炒烏冬 好有份量 叫去party room 一人一啖就最啱啦😋 豬頸肉燒得幾入味 外層有少少烤到乾身而入面仍然幾軟嫩😎 而炒烏冬都唔會太淋 仲有幾㨂辣度 幾高質🥳-🐙章魚小丸子 $45/12粒夜晚有得食章魚小丸子真係好幸福😂 佢係一口一粒外皮脆身路線 加埋醬汁一齊食 唔錯😙-🥐流心芝士豬扒牛角包 $45呢個值得一讚 除咗牛角包有預先用牛油烘過所以好香 佢嘅豬扒大大塊 仲會包住芝士拎去炸到熱辣辣 咬落有流心嘅拉絲芝士 係邪惡宵夜嘅表表姐🤓 -🐥蒜辣雞軟骨 $60軟骨好香口 配埋蒜辣醬 少少辣唔係太鹹 送酒一流-🥭樂而芒返 $35另外我地叫咗啲嘢飲都唔錯 第一杯係「樂而芒返」用咗乳酸 芒果奶同爆爆珠 可以配埋爆炸糖一齊飲 好有料-🍍黃金甜夢 $35另外呢杯有百香果 菠蘿 蜜糖 爆爆珠同梳打 配上爆炸糖 螞蟻人最愛-📍心燒町 (新蒲崗)新蒲崗衍慶街56號衍慶大廈地舖-
繼續閱讀
喺新蒲崗租咗studio 夾band，玩到凌晨肚餓是常識吧！緊係要叫外賣醫肚，《心燒町》就係我深夜嘅好伙伴，有齊炸野配啤酒岩晒vibe✨早啲Whatsapp 6696 2918，快啲有得食～《心燒町》開到凌晨4點！採用獨家玻璃燒製法，揉合熱玻璃及自家技術，有別坊間一般做法，不易燒焦食物。茄子、翠玉瓜等蔬菜的鮮味更突出，啖啖鎖汁夠juicy 。芝士控留意‼️大推心燒套餐💛🔥 \ 5芝脆辣撈麵 / $138▫️芝士撈麵(辣）（1份）麵條自家秘製，彈性十足，好好咬口，好食高質嘅撈麵！都幾辣但好惹味，整體感覺似韓國辣麵，想encore!▫️金妹芝士腸（5條） 親切嘅味道，配自家撈麵特別惹味。▫️流心芝士豬扒（1件）豬扒堅流心，爆醬半溶，金黃鬆脆，肉質仲好juicy！▫️脆炸芝心蝦丸（5粒）蝦丸彈牙，一咬芝士湧出嚟。▫️一口脆芝（3粒）食落脆口，芝士香濃滑順超誘人🥰▫️指定飲品（1款）（可選汽水或加$25配1664罐裝啤酒）\ 脆辣滑雞扒牛角包 / （加$5轉蜜糖芥末醬） $45組合新鮮，醬汁好滋味，估唔到原來咁夾。雞扒大大塊好meaty!\ 辣豬頸肉烏冬 / $70豬頸肉肉味好香。烏冬口感彈牙兼有嚼勁，吸收濃郁秘製醬汁。\ 炸莞茜燒賣 / $25炸得好脆，莞茜味好香。\ 炸花枝丸 / $38嚼勁十足，粒粒紮實飽滿。\ 蒜辣雞翼尖 / $50啜完一隻接一隻，蒜辣汁好入味。\ 燒雞翼 / $35伴隨孜然味，肉嫩香脆😋
繼續閱讀
以前住元朗，深夜回家的日子總會去宵夜街走一轉。搬到九龍後，不知道去哪裡買宵夜，宵夜選擇只剩便利店/快餐😟機緣巧合下找到這家新蒲崗小店，真的顛覆了對「宵夜」的想像～驚喜1️⃣：以前可能會去幾間鋪，買不同款式的宵夜。這家小店卻有非常多選擇，串燒、錫鍋飯、炸物、甜品應有盡有。驚喜2️⃣：種類多，食物質素卻沒犧牲，每樣都超用心製作❗️驚喜3️⃣：鏡粉會懂的💃✨炸物系列✨😋椒鹽炸燒賣：好少地方有炸燒賣，每次看到都必點！有時在別處吃炸燒賣，感覺像吃不知名炸物。這家的很彈牙👍🏻😋爆汁韭菜餃：皮薄而脆、緊鎖肉汁，連平常不吃韭菜餃的家人都被攻陷了😌😋脆脆蠔：炸粉薄薄一層，蠔新鮮味美，抵食👍🏻✨玻璃燒系列✨😋蒜辣雞翼尖：表面上是雞翼尖，實際上還有滿滿一碗配菜，尤其覺得沾上蒜辣汁的菇類非常入味❗️😋原隻燒茄子：表面上是茄子，實際上店主也是狂加料，肉鬆又豐富了口感❗️😋燒雞翼：我自細鍾意食～今次選了鹽燒，下次試試辣粉❗️✨錫鍋飯系列✨😋特色脆鰻鍚鍋飯：你以為它只是鰻魚飯，又想錯了🧐 除了一塊大大炸鰻魚，還有炸翠肉瓜、炸菇，飯後甜品窩夫都奉上😱 肉鬆飯裝在鍚紙盤，加強保溫，這點小心思又是值得欣賞👍🏻為了食物質素，這家小店的食物都是即叫即做的。在香港這個「唯快不破」的城市，仍有小店堅持質素行先，不想隨便填飽你的肚子，也是一種生活態度。（當然大家也可以預先WhatsApp店家哦，那就更好預時間了😀😀）
繼續閱讀
呢間餐廳主打炸物同小食,小編好鍾意佢既蜜糖炸魚蛋,好濃蜜糖味,但記得呢間餐廳落單後要整大約半個鐘先有得拎食物,所以提早用WHATSAPP落定單就一定可以預返岩D時間去拎啦,唔駛等咁耐,食物全部即叫即整,所以要耐心等候下,另外,推介食物仲有好味既流心芝士豬扒包,好邪惡但係就真係好好味,因為餐廳用左M記既脆豬包皮面去整漢堡所以食落係好脆身,值得一讚既整法,而且塊炸芝士豬扒係大過個包O家,所以呢個價錢都真係幾大份同抵食,小店黎講要食佢既食物可遇不可求,有時佢夜晚都未必開O家,所以去之前都可以WHATSAPP問下先,免得白行一次。
繼續閱讀
約左幾個朋友去打麻雀，佢地揸車黎左新蒲崗買宵夜。餐廳主要做外賣生意，冇座位可以坐。以玻璃燒為主要烹調方式，另外仲有其他飯餐，選擇好多。 - 飯餐 -⦁特色脆鰻錫鍋飯 $80尼一個set不得了！大大個飯上面舖滿肉鬆、蛋絲、海苔粉等。而脆卜卜既鰻魚係另外分開一兜，入面仲配有炸菇、炸翠肉瓜、炸茄子等。咁都未夠，仲有一份waffle做甜品。 - 炸物 -⦁脆炸花枝丸$30⦁炸魚肉燒賣$20⦁爆汁翠玉瓜 $20⦁炸巨髀 $40所以炸物都只得薄薄一層炸粉，唔會粉多過肉！花枝丸雖然得4粒，但每粒都好大粒。魚肉燒賣一共10粒，口感彈牙，味道就揀左椒鹽味，按大家需求仲有泡菜醬、辣粉同泰式辣醬可以揀。我覺得翠肉瓜係必嗌❤️，就算炸完都好多汁。巨型雞髀果味道好似用左沙薑汁去醃，味道濃厚，肉質鮮嫩多汁。 - 玻璃燒 -⦁識食就叫雞翼尖 $40⦁香噴嘖原隻燒茄子 $30雞翼尖可選辣度，亦有BB辣提供俾唔食得辣既朋友。一兜都好多隻，岩晒同朋友share！到我最期待既燒茄子，濃濃蒜蓉同孜然粉既味，有街邊燒烤檔既風味。玻璃燒比起炭燒既感覺係有D唔同，但玻璃燒可以減少進食燒焦食物而致癌既機會。 - 飲品 - ⦁神隊友 $35⦁黃金甜夢 $35店主好似都係mirror粉，唔少飲品都改左佢地既歌名，仲有餐具都貼有12子既相。講番飲品先，神隊友果樣粉紅粉紅，好似mirror既教主一樣，以草莓為主，味道酸甜酸甜。而黃金甜夢就係百香果同菠蘿為主，加左蜜糖，味道唔會太酸。兩款飲品都附有爆炸糖，非常特別！飲完都好解膩！
繼續閱讀