德馨苑海鮮酒家 (已結業)

話說， 都黎左好多次， 晚市真係平靚正（有時都會唔覺意出d變壞野我食， 但都好快即換或取消）。 今日咪試下佢午市d 13.5點心， 不過未試都已經嬲嬲地。 我地不嬲都好乖拎號碼等叫台， 點知當叫到我地既時候， 就有個大媽唔拎號， 直接入去搶台。 仲企埋係我地張台度想搶台。 嘩， 咁早講丫， 咁我唔洗拎號走入去咪得囉。 跟住我同經理講， 佢仲答我「係丫， 係咁架喇」嘩， 咁都得。 咁對守規矩既唔公平， 酒樓又唔理， 個大媽又冇填紙又唔見有用安心出行， 直衝入去。 呢個真係接受唔倒， 大家去食又唔想等位， 記得衝入去搵台坐低就得架喇。 唔洗拎號碼等叫咁傻。 …查看更多

同家人來吃飯好多人, 差不多滿座可能是因為不用加一好抵!-今天吃了一食的片皮鴨都算不錯, 之前沒有跟他們說他們不太切鴨肉給我們就收走雖然片皮鴨是吃皮為主但是有一點肉都是需要的吧-吃了粟米魚 都不錯, 汁唔會太咸魚都炸得好脆,吸埋D汁食都會有脆的感覺-咖哩牛腩好好味入面仲有牛筋, 家人都好中意食份量都好多 好夠食-椒鹽豬扒仔, 之前好好味的今次有點過火乾左小小希望下次會更好-中式牛柳汁好夠味然後牛柳都好夠軟食入口好好味同埋好下飯-仲有個魚煲都好夠味好乾身唔會太水覺得佢炸完個魚好香又唔會太乾, 入面仲係滑的班…查看更多

食物質素差不在話下……龍蝦$298份，只有殼………龍躉兩味肉質似擦字膠（應該是雪藏太久）因所有菜巳上完，向職員查問是否有落乳鴿，回答：唔知呀，唔理喇……再問其他職員都是不禮貌回答“不知道，如果落了單不可以取消”……最後要發爛渣才能取消乳鴿……後來追問收銀的職員才知答“唔知呀，唔理喇”是酒樓的店長姓麥……最大就喺佢了……食一餐飯，上菜碟全黑邊都算，還要如此受氣………查看更多

份量夠，味道一如以往OK。 注意禁夜市堂食期間: 晚上外賣無得簽卡，如揸車過去要 free parking 要去到 counter 講話佢地簽唔到卡。打定電話去落 order，晚市會有啲嘢無，6點幾已經話有嘢無。…查看更多

一行十多人，下午茶時段到達，只有一張大枱，但不想久候，只好坐得比較擠。主食點了皮蛋鮮魚片窩米和蝦仁蛋白炆伊麵，每款兩碟。皮蛋鮮魚片窩米味道好，清清爽爽的，很適合夏天吃。蝦仁蛋白炆伊面味道也可以，但伊面結在一起，要用筷子把伊面分開，極需改善。此外還點了大量點心和小吃，例如炸韭菜餃、蝦餃、潮州粉果、雞扎、菜肉包、煎腐皮卷、煎墨魚滑和豬腳薑等。總的來說，點心的味道都不錯。大家吃得飽飽的，每人也只是五十多元，性價比高。這兒環境不錯，透過大玻璃，可以看到美麗的海景，加上侍應的服務也不錯，可以再回頭。…查看更多

外賣孖寶孖住唔掂叉燒乾到似煲湯湯渣 冇汁全瘦 颜色暗黑鷄肉鞋冇汁 重要係D鷄肉一陣陣舊口味汁有油益味 完全唔係路 拎D隔夜餸咁樣嘅嘢出嚟賣如果想外賣煮少個餸 恐怖不適合 冇下次.…查看更多

剛剛裝修咗兩個月又話清潔又話搞好衛生但係情況都係好差今日叫外賣竟然有加料叉燒包最可怕係同經理投訴佢完全唔當係一回事話最多搵個雞包比我大佬見完小強仲點敢食你個雞包！…查看更多

門口冇人帶或分配坐位 等位冇系統 要自己搵位員工冇表情 態度極差 冇招呼送餐員工完全冇禮貌 食物太慢 明白疫情生意有影響 但要維持服務質素要多些員工培訓唔明白點解仲有咁樣服務嘅餐廳…查看更多

小西灣 港島最右方 最盡頭 美食沙漠藍灣半島 小西灣唯一私人住宅 商場入面有家不起眼的酒樓賣點係做街坊生意晚市竟然免收加一茶芥住附近的 已成常去飯堂白切雞粵菜酒樓不可缺少同其他酒樓唔同 呢到雞皮較爽但雞味比較淡紅燒乳鴿炸乳鴿有兩種做法一種係先奄味再生炸第二種係先鹵，再炸呢到後後者吃得出胸肉較老，而且無乜汁水但味道唔錯，而且皮脆！上湯白菜仔(孖寶價)有肉碎，干貝，蒜子夠濃味，可惜白菜仔太生咬落去仲shot shot聲雲耳紅棗蒸斑頭腩(孖寶價)最差的一味菜魚腥味重，唔滑，豉油冇味面頭的蔥是裝飾？冇爆油但孖寶價$168算係咁街坊飯堂算係咁有時食嘅係人情味…查看更多

平時入藍灣飲茶都貪個海傍落地玻璃位同埋下午茶時段。期待已久，成日食唔到甜薄餅。今次終於叫到！但同唐宮差好遠，味道麻麻地。腸粉都係不過不失。而瀨粉同南瓜排骨都幾好味！推介…查看更多

住係本區咁耐，去呢間野非常失望，門口等帶位不需帶位.叫左餸呆等了半小時，再問吓D經理，佢就話出緊，再等20分鐘，终於有菜上……點知個菜係涷，我再叫經理，我唔要，佢叫我等多陣，好快有……再再等15分鐘，毫無起色，起身走人，今日無聊賴，下午茶時段再去睇吓點，m叫左個双併飯，好快泥左，雖然D叉燒好似貧血咁色.這間等塊執笠…查看更多

本人不喜歡寫文章.但真是忍無可忍要投訴這間酒樓.我叫點心食.用筷子拆開點心裹面好多肥羔 看似大件  其後叫蒸魚.條魚涷的.原來半個鐘一直沒人傳菜.過份.問部長.不知佢講什麼走開了.真的不知所謂.等執笠.…查看更多

突如其來既假期留係屋企都唔係一個辦法😂 想飲茶都當然要揀時候2點之後既下午真真係抵到無朋友🤣兩個人叫左百三蚊左右🤤本身想叫沙律海鮮卷，點知交錯炸蝦卷，雖然叫錯都係蝦卷都好好味，份量都十分足料🥰另外個蟲草湯餃都係好好味，入面既函多料又汁 如果唔係下午茶時 真係覺得幾貴😂…查看更多

放學後黎飲茶，之前食過幾次，有時好得好好味，有時勁唔掂，d食物係凍既同侍應唔show你。今次2大1細，食左150蚊。 中午時間，半滿。叉燒包勁大個，但唔多新鮮，似放左幾日，麵粉好硬。炸蝦角有4粒，好脆，入面餡多。正白菜蝦餃，材料豐富，可惜皮太厚。燒味飯，明明點左燒骨同燒腩仔，張單打錯左變左油雞同燒腩仔。算喇，20幾蚊都okay架。胡椒豬肚超正。夠酸夠胡椒。俾完錢先知有coupon, 每100蚊減10蚊。下次要問定收銀拎定。茶位每位8蚊。餐具不潔。…查看更多

呀爸生日諗住近近地食個晚飯 藍灣就執淨只有呢間酒樓 我地叫左個套餐 入面包12罐汽水 一開頭已經冇人理我地到上菜 第一道乳豬已經好難食 好大陣蘇味 皮厚唔脆 一食就知擺左好耐 好失望 到食雞啦 雞都可以出事 勁多血水 未煮熟就拎出黎食帶子西蘭花啦 d菜凍既 師傅！你懶都有個譜呀 道道都係咁點食呀芝士龍蝦伊麵 個麵冇味 龍蝦有味 但係係臭味其實之後果d都唔洗講咩味嫁喇 難食兩個字形容晒 林尾仲連個炒飯都唔記得上....我諗其實食完呢餐冇柯冇嘔真係要還神嫁喇 唉 連酒樓都冇間好食…查看更多