德里.西廚 (已結業)

有一間餐廳食過幾次，都有西餐廳風味。佢 d 意大利粉同 pizza唔錯！所以，我要再次幫襯:)。我今次叫咗醬燒烤雞肉薄餅，果然無失望。好多餡料有芝士，有雞肉，有洋葱同其他香料！芝士溶入嫰滑雞肉裡，加上香料同洋葱陣陣香味，令我興奮！Pizza 餡料很薄，很脆！真係絕配！羅宋湯味，都不錯！如果加入更多既香料更佳！…查看更多

今日下午同爸爸去左屋企附近間餐廳食晏，我地叫左一個西班牙風情薄餅同煙三文魚蔬菜忌廉燴飯。間唔中我都有係呢間餐廳食早餐，但午餐係第一次。由於呢間餐廳地方較細，所以餐枱就擺放得較狹窄。不過環境都好乾淨整潔。員工服務態度就一般般，因為員工數目唔多，所以叫餐時要叫多幾次先有人理。今日午餐其中一樣叫左西班牙風情薄餅，一開頭諗住薄餅應該係一人份量，比較細既薄餅。點知薄餅一黎到，見到分左8件，午餐兩個人食一個薄餅都足夠。西班牙風情薄餅好薄好脆，而且芝士好黏韌，份量又大，十分抵食。而煙三文魚蔬菜忌廉燴飯味道獨特，煙三文魚和蔬菜都好細細粒混合係飯，賣相亦比較色彩，吸引人嘗試。…查看更多

誤打敦撞 行到去東京街附近,太肚餓睇過lunch 價錢適中就走入去小店食! 小店一間沒有太特色裝修! lunch 以set 為主! 我們2個人點了一set 凱撒沙律 !夏威夷pizza ,all day breakfast &焗蠔! 沙律菜清甜個sauce夾 加埋bacon 麵包粒 好味道! 再來pizza 好有驚喜 又薄又脆又多芝士!😗😗 all day breakfast 配菜湯(湯比較淡)麵包!我們叫老闆比個碗 佢仲送左碗小湯比我們😂又同我們吹吹水 ! 最後個焗蠔 我frd 話咸左少少 但我覺得ok 好芝士香。下次會再試…查看更多

游完水好肚餓不遠處見到有間餐廳就沖入去，其實都未試過，門口睇入去都ok，但實在太肚隨便食個晚餐就算。我和男朋友兩人坐下卡位，都幾舒適看見menu多數都二人餐或四餐，我地兩人點了石燒扒二人餐$198。二人餐先上餐湯，餐湯係粟米煙肉廉忌湯，有幾粒粟米同有D煙肉粒，味道一般。頭盤有三個杯載着兩片蒜容包，芝士薄脆和沙律菜，我就喜歡吃沙律幾新鮮配黑醋味道Dressing。再嚟兩杯飲品我杯凍檬茶甜左D無乜茶味，接着送來plzza，嘩我見到個plzza上枱好大個，大個我塊面，重係我最鍾意食果種，薄底好脆面頭有層芝士，我就點沙樂美腸plzza，都幾好味因我好鍾意拉出芝士個feel，不過芝士味不夠濃和香但個薄底好脆夠熱腸就少左D，但都好吃，其實二人餐plzza都有幾款選擇。牛扒叫石燒牛扒但上枱見到果塊唔知係石乘載著，又唔咪鐵板，牛扒叫7成熟但切開都有9成熟，好嚡又細塊真係差D wo好在薯條多有幾粒红蘿白，望上去都握得下人，但食落就唔得。二佰蚊二人餐大至上都可受，因個plzza加左D分，牛扒就要改善下。…查看更多

網上搵到呢間似乎唔錯，睇落價錢唔貴，所以決定一試。小拼盤包括沙律、墨西哥玉米片和蒜茸包。沙律菜幾新鮮，醋夠多夠醒胃；玉米片香脆，在芝士香；蒜茸包則可多一點蒜味。西班牙雜菜湯:有菜有湯和酸甜，已經是最基本的要求了，不求怎麼樣的特別忌廉湯:本身已經唔係點D好特別的湯，但求安穩似樣，一睇出品確係有點失望，依個真係好普通，屋企自己都煮到。黑松露菌西班牙鮮蝦帶子燴飯:上枱時份量真係小得真係嚇左我地一跳，滿滿的細細碟的，只可以話係一般，餡料未算豐富，個汁夠濃，味道幾好。牛肉醬薄餅:全餐可話係主菜的薄餅,完全聞唔到香味，差D唔記得自己點左乜!薄餅底真係薄餅底，香脆，芝士欠奉好立克:同心中想像有距離餐牌的價錢好似唔貴，但食完就覺得其實好唔化算，份量其少，食完唔覺得自己食左野，總括黎講真係好普通質素，猶如茶餐廳水準，可能這個價錢的話，先放下自己的要求及幻想，全程食得很不高興，根本不值得，真心希望佢地他日可以有所進步…查看更多

下午覓食時路過, 見入面都幾多人, 就入去試下. Menu 上大部份午餐都$2x-$4X, 但唔啱心水, 最後叫了一份$55的扒餐--百里香豬扒配煎蛋(跟薯菜). 當店員上餐時, 見到個碟有一大堆薯條, 很好奇薯菜跟扒分開上?? 定神再看, 見到有隻蛋,蛋下面有一塊超薄, 細到差D俾隻蛋遮住哂的豬扒, 原來已經係整個扒餐!! 嘩!! 向Menu 上已經係比較貴的餐, 仲要叫得做扒餐, 收人$55, 塊扒同隻蛋差唔多Size(厚度都係), 仲要係偏咸同"鞋", 完全不能接受. 一定無下次!! …查看更多

今日同屋企人去食左個四人套餐($288)，，店舖環境過於狹窄，肥d已經行唔到入卡位坐。食物味道尚可 揀左個西班牙薄餅、芝士海鮮焗飯同咖哩牛胸腩，當中前菜既豬肋排較為好食，其他一般,惟特飲味道較差，而且冰既份量太多。進食時向店員要求要沙律醬同水，有位店員多次不理會，扮聽唔到，加上好耐先有店員收拾，而且埋單果陣 店員並冇提醒我地重有甜品未上。所以總括來說，食物味道一般，整體份量適中，價錢可以接受,店舖環境過於狹窄，店員服務態度較為差劣，尚有改善之處。 …查看更多

今日去開長沙灣買野，見到下午茶menu幾抵食！所以同朋友就決定一試～叫左兩個tea set~個薄餅絕對係超值之選$38有成八片～餅底係薄批，好香脆！個肉醬好濃好好味！！另外個全日餐都係大路有既腸吖、沙律菜之類！以尼個價錢尼講，算吾錯。總括尼一餐都好滿意下次會再尼試埋其他野食…查看更多