德記茶餐廳

營業中

休息中

今日我去咗南丫島一間好有特色嘅茶餐廳，環境清幽，真係好舒服。揚州炒飯一上嚟，炒飯已經散發出香味，色澤金黃，粒粒分明，睇落好吸引。飯粒唔會黐埋一齊，炒得啱啱好，唔乾唔濕。裡面有新鮮蝦仁、叉燒同埋青豆，蝦仁彈牙，叉燒味道香甜，整體味道好均衡。吃落每一口都可以感受到唔同嘅材料，真係好滿足。熱奶茶呢杯熱奶茶真係唔可以錯過！奶香同茶香交融得好好，飲落去好順滑，唔會有苦味，甜度啱啱好，唔會太膩。佢哋用嘅茶葉質素高，令整杯奶茶更加香醇。總括嚟講，呢間茶餐廳嘅食物質素真係一流，服務態度都好好，工作人員笑容可掬。

尋日 25號聖誕假期，我帶澳門過江龍親戚入咗南丫島盡吓地主之誼。我哋由索罟灣一路行到去榕樹灣，到咗榕樹灣隻腳又攰肚又餓，見到有間德記茶餐廳，於是我哋二不話說準備衝入去醫五臟腑歇下對腳。門口都未入，老闆娘同伙計們笑容滿面殷勤地招呼我哋入去坐，第一個印象已經覺得好今時今日呢種服務態度，真係好難搵到。入到裏面，雖然鋪面唔大，但係好乾淨好光猛，座位唔迫，一啲都唔似我哋平時食開果啲黑麻麻，坐得又迫，地下又污糟嘅茶餐廳。入到去我哋叫咗份雞翼薯條，仲叫咗一個肉絲炒麵，一杯熱齋啡，一杯熱奶茶。因為唔係老闆娘落單，啲嘢未嚟果時，老闆娘專登走過嚟問我哋，你哋有冇叫雞翼薯條呀？老闆娘叫我哋試吓，話好好味㗎。薯條一到，咬第一口，果然超級新鮮，脆卜卜、熱辣辣，而且仲係粗身薯條，完全唔係柴皮薯條又幼果啲。佢哋個雞翼仲可以炸到表面金黃脆卜卜，裏面一啲血絲都冇，而且啲雞肉仲好嫩滑，真係好正👍。肉絲炒麵個麵底炒到啱啱好唔硬，但係又係脆卜卜，啲肉絲唔乾唔硬，軟腍腍好新鮮，平時我食肉絲炒麵唔會食啲肉，因為好硬同雪味好大，德記竟然令我哋光盤，一粒肉絲都冇剩。個奶茶滑嘟嘟，我親戚話個齋啡好香👍。我親戚話，德記啲薯條同雞翼，真係

今日同同學去南丫島旅行，食飯嘅時候諗住搵間平平哋嘅嘢食，結果就搵到寶藏🤩。我就嗌咗乾炒牛河，紅豆冰同炸雞翼。乾炒牛河食落去完全唔制，但係味道又好好😋，而且包埋飲品都只係$50好抵，我就加咗$15買埋紅豆冰最後我就買埋炸雞翼同同學食，$30有四隻，喺南丫島嗰度絕對算抵👍🏻最想講嘅就係佢嘅服務態度，嗰個waiter好熱情，見到有空水樽將會免費幫你斟水，而且會一直同你傾偈，見到我買咗雞翼都會加鹽，而家喺香港好少見啲咁熱情又靚女嘅姐姐👍🏻如果大家嚟到南丫島，要試吓依間❤️

晨早起床見天朗氣清,嗱嗱聲準確郊遊...去邊好呢🤔南丫島島仔細細,坐船都係30分鐘就到,郊遊徑易行又安全...仲有唔同嘅餐廳.落船行大約10分鐘見到一間港式茶餐廳,都有好多街坊係入面,心諗應該都好食嘅😅坐低,老板娘好有禮貌咁招呼我坐同比餐牌揀嘢食. 我就揀咗A餐, 火腿通粉,炒蛋,牛油方飽,配熱奶茶. 出餐好快！火腿通粉,湯夠熱,通粉係大粒果種,火腿切幼絲,老板娘建議落D潮州辣椒油更加好味,果然係正👍炒蛋正常麵包新鮮😉杯奶茶濃滑😍埋單$39. 係南丫島算唔貴☺️之前喺索罟灣食早餐要食50蚊以上一個人,仲要唔好食🤬

今日和老公本來去上環換回鄉證，落車時過了一個站去了中環離島碼頭。既來之則安之，於是突襲轉場去了南Y島。平日時間沒甚遊客，很多cafe也沒開，也不是太餓，於是入了這家茶餐廳吃下午茶。眼見在座的都是原居民，加強了信心保證，叫了一個餐肉雞扒出前一丁，及煉奶西多士。出前一丁煮得剛剛好，仍保留彈牙爽口的口感，在家中煮不出來。雞扒煎得香脆，餐肉一樣有煎過甚有誠意。煉奶西多士略嫌細件，還是比較吃慣蜜糖多於煉奶～

「德記茶餐廳」這裡客人非常之多，而食物方面，我就點選了以下（炸薯條加雞翼）-此店的炸雞翼真的要試下，皮脆肉嫩多汁，十分香口而不油膩。薯條就鹽味不足。（練奶西多士）-糖漿嘅西多士大家就食得多啦，唔知練奶嘅西多士你哋又食過未呢？唔講大家可能唔知，其實早在三、四十年代已經有（練奶西多士）嘅出現，當時因糖漿較貴的關係，所以好多茶記都會用上練奶。言歸正傳，味道方面，入口唔會大甜，練奶配合西多，食落十分滑。（腸仔煎蛋湯米）-湯頭味道不足，從而令整碗米粉失色。（紅豆冰）正呀~紅豆大大粒，仲要起沙，飲落好舒服，而且不會太甜，我好鍾意杯紅豆冰♥️

「帶埋老母去搵食」系列之蒸鷄飯好靚，但我要咕嚕魚柳飯呀，唔該～是日同老母去南丫島 we we wet wet，咁行完山餓到腳仔軟，就梗係帶埋老母去尋尋覓覓去搵好野食啦～咦？咁多人企係門口度既？哦～原來係士頭婆係度介紹緊是日靚餐～ 咁我地都行埋去睇睇先～ 一見我地，佢好好笑容好有禮貌咁sell 我地蒸鷄飯。可惜，邊有貓唔鐘意食魚架～ 當我地入去坐定定：「菠蘿咕嚕魚柳飯 ＋XO醬叉燒炒飯呀！唔該～」士頭婆失望咁喵了一眼menu 繼續落單。炒飯一上台，e～ 個樣雖然普通，但XO醬好夠喉個飯好夠鑊氣喎！菜絲、蛋皮、叉燒仲好好味添！咁就開餐食住等個魚柳飯啦～ 說時遲那時快，個魚飯就上台，哇～好香酸甜味喎！當成碟魚柳加埋成碟靚仔都清光哂，就知抵食夾和味～咖啡都OK，茶記質素雖然我冇叫。。。鷄，但埋單時士頭婆仍然用佢熱情有禮既服務態度同笑容同我地講多謝同bye bye，真係俾多幾個 LIKE妳～值得推介

Easter去南丫島行吓，由索罟灣行到榕樹灣已經肚餓，又唔係好想喺度食海鮮，大街果邊啲餐廳都偏貴，唔知性價比如何，費事行嚟行去於是就近喺呢間平實親民嘅茶餐廳醫肚。本來冇任何期望，但估唔到樣樣（雞翼薯條、炒飯）都幾好食，尤其個楊州炒飯好乾身好爽，份量多，價錢公道，幾個夥計都好好人好親切，食得好開心好滿足🫶🏻

南丫島食早餐, 食返香港人最喜歡的地道茶餐廳！☕最緊要一杯好味滴咖啡,老公杯奶茶都好好飲😋正宗的沙爹牛肉味有洋蔥的煮法非常好味！個汁香而不滯, 真係好欣賞有洋蔥嘅配搭!🫶🏻通粉用上有坑紋的傳統通粉, 感覺特別好食$39, 唔係特別平,都唔算貴枱上面貼心有紙巾提供,都要加多一分💪🏻事頭婆又親切又好客, 呢份禮貌令到食物都更加好食坐得好舒服~

魚香肉碎及茄子的比例, 味道 配搭得宜; 每一啖都吃到鹹魚香呢是其精髓～尤其喜歡他們的豆腐粒,每粒都是炸過的, 加埋一齊很有口感!自己特別要求另外再加青菜,平衡返原本的香濃口味,很搭呢!! 色香味俱全,吃過返尋味唷~~~🤤

南丫島真係一個好寫意既地方，遇著week day 遊客唔多，真係可以慢慢探索一下呢個異國風情既地方🤗。未入黎南丫島之前，一心只係覺得食海鮮，無咩其他選擇，點知今次二日一夜，反而無食過海鮮😂😂。其他野食仲有驚喜，一早醒左，四圍行下，發現呢間德記茶餐廳，外面好似舊式冰室咁樣，不過入面應該係新裝修過，好乾淨😊。見到早餐牌，竟然有久違左既回鍋肉，以前細個好鍾意食回鍋肉通粉😍，但係唔知係唔係而家啲罐頭好貴，而家已經好少餐廳早餐有回鍋肉嘅選擇😅，好懷念嘅味道， 其實只係一般罐頭嘅回鍋肉，但係佢嘅份量都唔少， 同埋啲通粉係粗坑紋好大粒嗰款， 索曬啲湯汁，好好食。另外沙嗲牛肉出前一丁，啲牛肉都唔錯，奶茶茶味都好香濃😋。悠悠閒閒一個早上，可以搵返兒時嘅回憶， 心情真係好relax 😎。

嗰啲招牌菜實在非常好食，我同我啲friend一齊去食，值得一試！特別係雞翼和薯條雞翼外脆內軟，吃得出薯條炸的油不是千年油。紅豆冰既紅豆係優質嘅，甜而不膩，西多不會像其他餐廳太甜，比例剛剛好。公司三文治🥪ge配搭十分夾，用心做的食物永遠好食既。收銀員服務態度良好，很好吃的餐廳🍴。看到水巴位的衛生是整潔的，餐廳是非常衛生。係茶餐廳中嘅代表ge 代表啊食完一定會一試難忘希望你哋可以食到充滿幸福ge食物

南丫島除左食海鮮、豆腐花出名，呢間茶餐廳都叫島上有名氣😃難得入到黎，又唔想比D海鮮餐廳劏，就去左呢間試試！ 👌乾炒牛河 $42炒得好有鍋氣～咸度岩岩好～料好多，牛肉都好腍！食落都唔油膩，雖然食完成個碟都油luplup🤭哈哈～但食得乾炒牛河就唔能夠厭佢肥😊邪惡既食物就係好食既！.💁🏻‍♀️辣椒醬 免費加料唔知大家食乾炒牛河會唔會落橙紅色個隻辣椒醬？Bubu問員工有無辣椒醬既時候，佢就係出餐個位拎左個辣椒醬（茶餐廳平時一個鐵兜裝糖個種）比Bubu😯仲話bubu識野叫辣椒醬🤭～ 打開蓋就好香，bubu畢左一羹，撈埋河粉😋～有少少辣味，同時又好香D蝦米個D味～果然好惹味👍～食食下個員工就問bubu仲要唔要辣椒醬，bubu就話唔洗😯～員工就拎左去第2枱比其他客～interesting～成間店得一個？睇黎係限量波～哈哈～如果大家難得入到黎食就記得配埋佢既辣椒醬;).🙅🏻‍♀️沙嗲牛出前一丁 $26員工推介😯～可惜bubu唔推介😭～沙嗲一D都唔濃郁😣，叫左出前一丁底，硬度係適中，但佢竟然落左麻油😫oh my gosh！麻油既香味重過沙嗲味～Oh～no~ 成個面就fail左🙊🙊😭bubu接受唔到麻油溝沙嗲

第一次來南丫島，從索罟灣行到過來已經肚餓非常，腦袋已經太累無能量思考，隨便挑了一間茶餐廳吃個午飯。點了個招牌紅豆冰（我很愛紅豆冰，但還沒試到好味到哇然的紅豆冰），真係粒粒的紅豆，好像是整堆紅豆結左冰才加奶和水的。口感不錯，但味道還欠了些。主菜是腸仔五香肉丁出前一丁，正當不過不失。發現南丫島的居民都係唔戴口罩的，唔知點解呢。🤔🤔

藉著假期，到南丫島走走，從榕樹灣落船，向著索罟灣方向行。行到德記茶餐廳，見有6個人排隊，我們也跟著排。典型的茶餐廳，細細的，重要的菜式貼在牆上，我們揀了星洲炒米及公司三文治，午餐包熱飲一杯。星洲炒米看落唔錯，配料多，有火煺丶蝦丶青椒丶紅椒丶洋蔥及蛋。米粉炒得乾身，不過油和硬，啱啱好！加埋咖哩粉，微辣兼香口，好快俾我地KO曬。😋😋😋公司三文治有特色，有生菜和蕃茄，夾著午餐肉丶豬排及炒蛋，多士烘得香脆，食落口感豐富，好味，絶對值得推薦。👍🏻👍🏻👍🏻