德記潮州菜館

營業中

休息中

一嚟到就見到排晒隊 好彩事先有book位最推薦嘅菜式係胡椒豬肚湯 蠔餅 同椒鹽九肚魚椒鹽豬肚湯辣得來好清爽 而且冇味精味而呢度嘅蠔餅可以揀煎而唔係炸 平時喺出邊食開嘅都係炸蠔餅 而煎蠔餅都另外有一番風味椒鹽九肚魚既魚肉勁嫩 好似入口即溶咁而除咗打冷之外 都幾推薦呢度嘅砵仔糕同糯米糍兩個都好足料 啲砵仔糕啖啖都有好多紅豆 而糯米糍入邊嘅花生餡都好香會推薦呢間餐廳比其他人！

叫兩個中式牛柳飯外賣速遞，啲飯淋到冇牙都食到！啲汁好似水咁！啲所謂牛柳石頭咁硬！啲湯重要倒瀉哂！之前試過夜晚叫啲小菜同鹵水鵝以經難食，諗住午餐咁簡單野會好啲，点知重難食，都唔知点解咁旺！唔通西環啲人真係冇要求！可憐！

座落西寶城正門對面的德記潮州菜館屹立西區多年，以經濟潮菜出名因為在附近上班，所以時常幫襯午市套餐包湯或飲品，價錢只需三十多至四十多元，非常抵食，而且選擇也很多後來有一次家庭聚會，訂了晚上八點半的十二人枱，可怕的事情發生了.....我們朋友一行人分段到達，最早到的朋友攞位時大約晚上八點二十分，之後等到八點四十分，我們全部人到齊，當然是仍然未有枱，等了又等，走又走不了，最後入座時間差不多已經是九點十五分了，一肚氣加肚餓☹️但最可怕是點菜後好似趕收工，一下子所有菜都上齊，又有員工在附近執枱及清潔，食得非常不自在，奉勸不要在週末晚上幫襯🤦🏻‍♂️

西環德記一向都有好多人排隊，應該幾好食，於是去試吓。都係幾典型嘅潮州菜式，潮州菜裏面當然唔少得蠔仔粥同胡椒豬肚湯，兩樣都整得幾好味，豬肚唔臭，胡椒唔會太辣，個湯亦唔係死鹹。滷水鵝都係好食嘅，份量唔多，都預咗佢會用炸豆腐墊底，不過啲炸豆腐都幾好食。個侍應提議我哋食嗰個炸蝦球同墨魚丸就伏咗，唔知點解加咗好多馬蹄粒，可能我真係唔係好熟悉潮州菜，感覺好怪，結果我哋食剩好多。全晚我覺得叫得最正確嘅係杯鹹檸七，當然因為啲食物比較鹹，所以想飲汽水，不過佢嘅鹹檸檬又整得幾好味。整體來講基本嘅招牌菜都做得幾好嘅。少少貴啦。

想到中午食乜，所以叫外賣.用openrice落單，17分鐘已準備好，很快.我叫了2個餐，⑴涼瓜銀魚煎蛋飯，圖在下.真的好大份量，大食的也應該夠食.可惜味道冇乜，銀魚和蛋冇乜存在感，只有涼瓜是苦的.⑵之後到我最愛的蠔仔，叫了蠔仔粥. 打開，嚇親，很大盒，我估有3碗多的飯，蠔仔多又冇沙，大滿足.只是看真D，是蠔仔湯加飯，並非蠔仔粥.我是蠔仔發燒友，今次真的大滿足. 這兩個是午餐，一個選了例湯(今日是紅蘿蔔湯)，另一個選了檸水. 以49元一個套餐，我會說是性價比算不錯了.

作為西環人，無可能唔識德記西環以前係潮州人地頭，所以自然有好多出名既潮州菜館，而「德記」就係家喻戶曉、歷久不衰既一間星期五六日實有人龍，門口賣多豆砵仔糕婆婆多年都仲賣緊，依個已經係一個西環既「Signature」講返德記，典型菜館舒服光猛裝修，由於經營多年，餐牌有傳統潮州菜、新派改良菜式等，連素菜都有前菜豆乾送下酒都幾正架門口大大隻字黃油烏頭，當然要試下所謂黃油烏，烏頭魚體型要大，肉質豐厚，腹部夠肥先有「黃油」黃油係指魚煮完後，皮下會自然流出黃色脂肪油分，食既時候入口魚香四溢德記既烏頭係絶對非常大條，非常厚肉絶對唔難發現佢既魚肉沾到黃油，加埋佢自己配製既豆醬，比平時食到既普寧豆醬無咁咸，多少少甜味，來自甜麵豉入口魚香同味道一試難忘另一潮食必試當然係滷水鵝片，賣相精緻，鵝肉軟滑味道適中，滷水汁正中意嘅點返啲白醋或者潮洲辣椒油，更加有風味入面沾滿滷水汁同鵝肉汁既豆腐千祈唔好錯過椒鹽豆腐，上碟一見佢係三角形嗰隻豆腐就好有味道以前好多排檔都整依隻，但依家少啲見到，佢最大既賣點就係入面可以真係好滑，德記依個都係，外脆，但入面仍然非常滑溜香味十足既，但相對一般小菜既椒鹽會較淡，都係德記既風格黎既德

港大附近食左兩個星期最滿意的一次蟹粥吹爆！明明係第一次食，但係有童年的味道，非常之治癒。千其唔好凍左再食，味道不如趁熱食既1/10蠔仔餅好大份，兩層高，粒粒蠔都好肥好大隻，煎炸得唔錯椒鹽九肚魚第一次食，亦ok環境既話，周圍好多老街坊幫襯，一睇就知係好餐廳

自從搬咗之後都無返過去食德記，呢日提早慶祝生日所以就決定去食！野依然好食，但記憶中以前好似係大碟啲，不過價錢都好似差不多，咁都抵食嘅，最緊要係依然咁好食嘛！胡椒豬肚湯，椒鹽九肚魚，糖醋伊麵，明爐烏頭呢幾樣係我一定要食嘅野🤤特別係冬天食會好味啲，可能胡椒湯辣辣地飲完個身會好暖～呢間野一向都好多人等位食飯，今次我地已經一早6點半去食，去到嘅時候都係得幾枱客，一到7點就已經爆場，上菜好快，唯一美中不足係睇得出侍應好趕住執枱做下一輪客，有啲餸都明顯未食完就想收走🤦‍♀️不過明白嘅，因為真係太多人，最尾走嗰陣大約7:45左右門口已經塞咗幾多人喺度，建議早啲食好啲，起碼去到會即刻有位，夜啲就算訂咗枱都要等呀！

住係西環咁多年，一直都有幫襯德記，有時一個星仲要2次，叫外賣也從沒有出錯過，因為一直都後後生仔負責的接電話，估唔到今晚打去係個女人接，我：唔該叫外賣！女人：自取定係送？我：送，要鵝片拼2個鵝腎，(我仲未講完）女人：鵝肉片拼2個鵝頭，一個餸，係咪？(一直身邊有人同佢講野，唔係好理我)我：唔係鵝頭，要鵝腎（重覆2次）女人：仲有冇其他？我之後繼續點菜！但係佢一直理緊佢身邊既人，我唔知佢到底有冇聽清楚我講嘢啦！之後姐姐送咗野食來，當然係送錯左鵝頭來，兩大盒，我眼都突埋，重覆左2次話鵝腎啦，咁都錯！打電話返去，佢話我講既係鵝頭，好野，你唔認我吹得你漲咩，我從來冇係德記叫過鵝頭，從來都唔食鵝頭，你個餐牌都冇鵝頭呢樣野，既然你錯都唔認，我都冇辦法，我都唔會再幫襯你哋！

呢排唔駛點等位，可能聖誕日子個個都食下西餐😛呢度環境呢？係好舊式老舖感覺，見到啲客人都係一家大細/街坊街里。我地叫左6樣野，碟碟都好大碟😆鹵水鵝肉片拼什會（中）$148裡面有鵝片，腎，豆腐，腩肉，連骨鵝件同紅腸。鵝片大大件，而且幾多片，味道唔錯。豆腐好滑😋其他中規中矩啦，但鵝件就好韌，咬唔開🙈黃金墨魚卷拼蝦棗（$98） 每款有5件，呢個好似係人氣推介，我覺得味道ok,不過無我想像中彈牙，炸得唔算脆口，好似食緊齋墨魚卷同齋蝦棗。羌蔥鯇魚腩煲（$88）呢味有啲驚喜，味道唔錯，魚腩有好多舊，而且切得大小適中😋蠔仔肉碎粥（碗）$42抵食，好足料，大大碗，啲蠔仔食得出好新鮮👍🏼豉椒炒蜆（$78）有少少微辣，蜆都好新鮮，但食到幾隻有沙🙈啲醬汁比較厚身，送飯還好，齋食會有啲咸荳苗 （$98）比起其他地方食大碟好多門口有個婆婆賣砵仔糕，啲砵仔糕幾好食，都幾多人買，建議黎到幫襯下！

員工态度差，出手拉台靠近墻，客人坐吾到，吾想她服务我們，她説：我偏要企在此。有病的員工老闆要注意，要她看醫生吃药，否則萬一控制吾到情绪？當我們想离開吾想在此吃飯，有另一位員工才叫走她。今時今日服務态度非常差！德記要請态度正常的員工以免影响店鋪。

好友一直都推薦我去食潮州菜，話距自己知道一間超好味噶店，於是就穩左一日距帶我去穩食啦！環境挺不錯的，很有風味噶一間店，比人一種很親切噶感覺，菜式真的令我充滿驚喜，粟米魚肚羹真系好中意，好多粟米，好甜，魚肚好多啊，仲有蛋花，好好味，其他菜式我都好中意，下次繼續！

以前細個好耐之前有去過，今日又再次嚟到依間潮州嘅餐廳，午市有套餐，只係$50樓下，已經有一個潮州湯飯，同埋有凍檸茶，味道一流，價錢實惠，實在係抵食，一定會再去多一次

中秋冇得早放咁慘，梗對自己好d，食餐好嘅！提前bk定徳記，happy mid-autumn and Friday! 十二點半度去到，已經超多人，好彩有bk, 唔洗等！徳記d嘢食不嬲有保證，唔會另人失望！今次多人，嗌得嘢食種類都頗多！鹵水拼盤: 招牌黎，次次必叫！大腸釀糯米: 冇預期中咁好食，大腸味完全唔岀，得番糯米味！煎蠔餅: 炸蠔餅食得多，今次試煎蠔餅，都唔差，冇咁油添！芋頭粒？？玉子豆腐: 唔記得咗個名🤦‍♀️但有驚喜，樣馬馬的，但味係ok嘅，餸飯一流！蝦餅墨魚餅: 炸得啱好，好食！胡椒豬肚湯: 足料，夠胡椒味，有少鹹！總括黎講，食徳記未衰過！不過服務態度都係一如往常咁。。

日期：7月7日人數：3人有時係週末，我會同朋友喺香港大學打羽毛球。打完羽毛球之後，會去附近嘅餐廳食晚飯。呢晚去咗西環寶翠園附近嘅德記食潮州嘢。呢間餐廳都有唔少捧場客，好多都有訂位，所以好似我哋呢啲walk in嘅客人，就要等一陣。題外話，喺等位期間我哋幫襯左門口嘅阿婆，買咗砵仔糕。個人覺得個砵仔糕有啲太粉同埋太軟，唔夠煙韌。等左大概20分鐘，我哋終於可以入去。因為我哋都比較肚餓，都點左唔少菜式。包括有胡椒豬肚湯、鵝肉拼鵝翼、煎蠔餅、清蒸帶子、同埋炒通菜。胡椒豬肚湯不愧為餐廳嘅招牌菜之一，本身湯好有胡椒味，豬肚亦都夠腍，配埋鹹菜，飲起身非常療癒，打完波飲非常正。身為潮州菜館，滷水鵝肉拼鵝翼都做得非常入味，回味無窮。蠔餅份量非常大，蠔仔本身亦都好新鮮。帶子本身好新鮮，配合蒜蓉粉絲同埋豉油，非常鮮美。炒通菜就正常水準。餐廳裝修係比較舊式粵菜館裝修，地方不大，座位有少少迫。由於係週末晚上關係，食客非常多，環境有少少嘈，但都可以接受。環境算乾淨衛生，服務好到位，價錢好合理。