德記大排檔 (已結業)

自中學就開光顧德記，不敢相信今天就要結束營業了⋯⋯.席上看見不少人都相約三五知己到來，互訴往事，大談回憶。.大排檔總給予我們一種舊式情懷，是別的餐廳不能賦予的。.所以阿魚都相約了中學同學一起來！懷緬過去！.✅紅燒乳鴿.每次去德記都要食！因為乳鴿真心出名！熱辣辣！😍不過唔知點解今次無蝦片.....平時每次都有.✅豉椒炒蜆.有鮮味，無沙！正！.✅椒鹽鮮魷.夠脆！份量都多！.大家如果今晚未諗去邊到食，不妨約去德記啦！.🐟FISH'S REMINDER🐟💡阿魚提醒💡.今晚最後一夜了。.🐟📝：8.5/10

做了38年生意，都敵不過加租，德記最終也要向地產霸權投降！慘呀！德記最後營業到2月19號，今晚特登嚟捧場，食吓我嘅初戀鼓油王炒麵，二十年前食已愛上這個炒麵！大排檔的鑊氣真係唔講得笑，非一般酒家可做到這風味！另外也食了椒鹽鮮魷，中式牛柳，保持一貫水準！晩飯時間好多人，紅燒乳鴿也已經賣哂了！最後一次都食唔到，我點算？問咗老闆會唔會搬去第二度，佢話唔會了，退休仲好......唉，地產霸權對本地美食的禍害，令我都好想寫返本書伸訴吓，叫”再見我的初戀炒麵”! 😭👋🏻👋🏻👋🏻

港式大排檔買小見小，沙角邨德記是值得回味一間，環境雖然比較窄迫，但菜色絕不求其，和種類都不少，舊同事請我吃飯指定呢間懷念一番最後點了廚師精選 紅燒乳鴿 薑蔥生蠔 豉汁白鱔，無介紹錯，上枱 熱辣辣，鑊氣夠，份量十足，又夠入味，食到流口水

在香港的大排檔已經差不多絕跡，大部份都是位於街市上層，這裏位於火炭火車站步行10分鐘左右便可到達，交通尚算方便！沙田雞粥、紅燒乳鴿這兩味都一定必食，雞粥的肉非常滑溜，粥底軟綿綿，火候十足！金牌紅燒乳鴿$68-即叫即做，新鮮炸起，皮脆香噴噴，內裏鮮嫩，肉汁豐富，不用加椒鹽已經夠曬味道！豉油皇炒麵比較多油，但味道啱啱好，不太鹹，下次可以要求小油會比较好D。每逢週末假日都吸引不少人前往晚飯宵夜，這裡的確是不錯的選擇！

今晚同家人睇完戲，費事返屋企煮飯食就去大排檔叫幾個小菜食飽就算，住左呢到噤耐呢間大排檔未試過，聽人講幾好味一於入去尋食吓先，入到去見一張空枱都冇大約等左10分鐘先有枱，睇到隔離檯d小菜好正即刻睇餐牌叫餸先，叫左隻紅燒乳鴿、時菜炒斑片和豉汁蒸白鱔紅燒乳鴿，皮脆肉嫩，可囗嘢味時菜炒斑片，白菜仔好有鑊氣，斑片夠件頭啖啖肉豉汁蒸白鱔，鱔肉鮮嫩彈牙，可惜豉汁唔夠嘢味今晚覺得呢間味道適中得來唔太味精味，下次可再試其他小菜

中秋節一家人食過團圓晚飯，我們一起散步去海邊賞月，又圓又亮的月光高高掛在天上，我們許願誠希香港經濟繁榮，識飲識食及世界和平！然後回家就寢，明早去沙田踏單車，由中午玩到黃昏六點後去沙田沙角邨大排檔食晚飯！大排檔是沙田區的特色之一，裝修不用介紹，冷氣欠奉，即叫即做，夠鑊氣，款式勝多，各式各樣的小菜，任君選擇！雖然沒有空調，感覺不太悶熱，風扇足夠，還可以！我們來一個妙齡乳鴿，肉質奇嫩滑溜，新鮮味美，感覺是小型乳鴿，比較飽肚不夠，小吃一碟！再來個荔灣艇仔粥，料夠熱粥而米煮得軟綿，食落滑順，但份量太小，味精太多！最後來一個濕炒牛肉河，即炒即食，足料量夠，是最心滿意足的地道滋味美食！

從小就會一家人入去沙田食乳鴿但自從水準有異之後都好耐無呢枝歌仔唱今晚難得有人請食飯，當然俾面派對啦點知今次唔係沙田，係沙角邨？！入到去至知原來係冬菇亭之前食過隔籬嘅邊爐，所以一眼就望到…人哋間舖之後搜索咗一輪，終於見到今晚嘅主角去到當然要試吓乳鴿上枱時好有光澤，並且好貼心咁一開咗四食落香口，肉色有點紅，但好嫩，無話燒過籠除此之外，仲食咗個艇仔粥，非常足料，食到底都仲有好多魷魚、豬皮，同埋入口都幾綿之後仲叫咗個咕嚕肉，炒得好有鑊氣，顏色好靚，幾吸引到眼球最有印象都係呢幾味鑑於小店買少見少，真係有時間就要多啲支持至得嘞，如果唔係，以後都唔知可以去邊度搵lu~

Truely another extremely good experience. This place has not failed me until this point!  I got there at 7pm and the place was already packed with people, and had to wait around 10 mins to find a seat, pretty much a free-for-all situation.  椒鹽鮮魷: Super thin crust, very crispy, not greasy at all. The squid cooked to perfection, seasoned well with a vinegar dipping sauce   It could eat as it, it's not too salty or overfried. 紅燒乳鴿: We ordered 4, so there were 2 pairs of wings and legs eac

啫啫雞煲，呢個煲仔原來只是用嚟裝飾，煲仔唔熱，師傳只是把炒好的雞放在煲仔內上枱，而不是用個煲仔嚟生啫。令到煮好的雞不夠乾身，因為煲仔不熱的關係，不能做出啫啫的效果，煲底仍然有好多汁，令到雞件唔香口、唔惹味、唔夠熱辣辣，唔好食之餘，豬潤亦切得大舊又唔夠熟，真係好失敗。唯一可取的還是乳鴿，我食乳鴿就是喜歡食這種大小的乳鴿，有幾片蝦片裝飾。乳鴿炸得剛剛好，不會太乾身還有肉汁，滷得也很入味，多年來仍能保持水準。

小學聚會，於德記食dinner，我們點了燒乳鴿，椒鹽九肚魚、半隻菜膽雞、沙拉骨、椒鹽骨和汽水，脆皮乳鴿好脆好食；椒鹽骨炸得乾身，餐前小吃佳品；半隻菜膽雞好入味；椒鹽九肚魚炸得乾身香脆和沙拉骨個汁好食，好入味，今餐食得飽飽，很有鑊氣的小店!

上次經好友介紹後, 今天順路再來, 為的是..乳鴿...  皮脆.. 很入味.. 香.. 真的一流. 星期日晚大約8時多到來, 不用等位, 很好彩 ! 最近天氣涼涼地, 吹吹水, 飲飲啤, 正.. 

家人帶我來呢度食野，他們話平時有泥鯭食，不過今日無我們只點了油鹽水炒菜，豉汁涼瓜，乳鴿2只油鹽水炒菜，很好，因為平時食的炒菜好多油，呢間油不會太多，感覺好健康美中不足是菜好硬，老人家不宜進食豉汁涼瓜好香，因為真係好多豉汁，而涼瓜不苦，好鍾意食乳鴿的我們平時去美心食60蚊隻，呢度都要54蚊，感覺上大排檔價拍住大型連鎖酒家，真的不便宜，但味道是不錯的，夠曬味，調味料不需要用 

中午go green, 帶了素菜飯. 放工后, 與一眾同事, 一行八行, 坐同事老公的快車去食沙田乳鴿. 此沙田乳鴿並不是旅遊書上見到的, 而人香港地道"民間"平靚正街坊乳鴿 3 款乳鴿分別是紅燒, 豉油同卥水, 都是$50一隻. 可要求斬4件或2件,或全隻食好似野人咁用手食.只有紅燒才送炸薯片,要趁熱食, 先會脆.是晚食了紅燒同豉油, 我們都覺得紅燒最好食. 皮脆肉香.豉油乳鴿都好味. 同時食兩種味:大排擋有大鑊野, 當然食小炒啦, 夠火喉. 我們食咗好滿足. 好味.個豉油皇炒面推介, 條條都有豉油, 入味. 但個海鮮什菜煲就可以跳過. 下次叫其他菜

香港大排檔嘅食物非常地道，而且夠晒「鑊氣」，但可惜愈來愈少，沙田沙角邨對開熟食中心僅存左幾檔買少見少嘅大排檔。德記大排檔乳鴿皮脆肉嫰，非常香口﹗如果炸雞配啤酒因為來自星星變成大熱，我認為來自香港的乳鴿配啤酒係更完美嘅組合﹗上星期六同班朋友就突登揸車去左沙角邨食德記大排檔。當日大概 7 點去到，由於係星期六晚，人已經開始多，好彩有張空檯唔洗等，如果再夜 DD 就可能要等好耐喇﹗廚房就喺旁邊，非常地道，好有大排檔風味德記大排檔嘅價錢非常經濟實惠。乳鴿 50 蚊大大隻，而一般嘅小炒都係 HKD50-60﹗唔好講咁多，4 個人，一人整番一隻乳鴿先﹗順帶一提，德記大排檔乳鴿可斬件或成隻上，落單嘅時候記得講清楚。我就覺得成隻上好食 D，因為乳鴿要用手攞住食，熱辣辣大啖大啖咬先過癮。德記大排檔乳鴿夠晒大隻，炸得好香，一上檯已經聞到陣陣香味。咬落去，乳鴿外皮超級香脆，唔算好油。乳鴿本身好厚肉，肉好嫩，而且好多肉汁，唔會炸到「乾曾曾」﹗因為乳鴿本身已經夠味，所以唔洗再點野﹗大家極快速就消滅左隻乳鴿，再加點左一 D 小炒。招牌雞粥，粥底好綿，每啖都有雞嘅味道，夠晒香清炒油麥菜，菜本身好甜，炒得夠晒「鑊氣」

很久以前已經聽聞沙角邨對出有個大空地乃熟食中心，入面進駐了不同型式的店舖如大排檔小炒，自助火鍋以至糖水店也有。 在轉折的車程後終於在馬鞍山線的沙田圍出閘往目標進發了。本來想吃所有店中排行榜最多笑容的火鍋店，無奈有投票下想選小炒，於是便上網再看結果選了比較偏遠墮後的這間。 入口正正在沙角商場的對出，從鐵路站過來可算是兜了一圈，話需如此還是見到為數不少的客人。由於不是爆滿所以很快便被安排到一個旁邊的位子，但桌子附近卻有少少高低不平以致坐得不太舒服，而且有點貼著主要出入地方所以要很小心。沒有心水情況下各人點了自己喜歡的食物，分別有：豉椒炒蜆: 色澤亮麗令人開胃，但入口感覺是，香味欠奉,辣味欠奉，味覺上帶點豆豉味和適中的鹹味，但前2者的欠缺正正令到真正的惹味帶不出來所以可說是失敗作。椒鹽鮮魷: 上台熱辣辣，色澤金黃而入口又帶燙口非常好，而上了少量的椒鹽剛好不太搶味，但個人覺得底下放些菜絲吸油會更好同時會更美觀。芝士斑塊: 魚塊沒有大陣雪味而炸得脆口值得一讚，但芝士很淡口而質地偏稀，像芝士水一樣變得不太易黏上魚身，應該改善，不過也要一提廚師做了功夫令其帶香口和咬感就是加了洋蔥碎入芝士汁內。蘿蔔牛