德興酒家 (已結業)

老闆請飲茶,簡左公司附近德興好似以前來打過邊邊今次來食LUNCH,都係普通食下點心但係一坐低已經好唔聚財,因為地下勁DIRTY,地毯好似幾年無洗過既樣,連著住鞋都唔想踏上去可能係反映你客多,但係對於我來講,衛生更重要叫左一些生炒牛肉飯,X燒油雞和刴椒魚頭生炒牛肉飯咸了一點,飯粒唔夠乾,但都有點咬口,合格燒味唔掂,X燒唔鬆化,油雞唔夠滑最後魚頭質素OK,刴椒無過咸,帶少少辛辣,魚頭入哂味,都幾惹味喔,份量也很多,以LUNCH 來講呢碟野幾大碟下可惜係,呢個環境下唔會再來,建議清潔一下…查看更多

早上六點起床飲茶不是人人能做到的，今天我做到了。點了燒賣，蝦餃，每籠2只，蝦好新鮮，夠曬彈牙，早上即做的果真靈舍不同。另外點了皮蛋瘦肉粥，粥底清甜，瘦肉咸味剛剛好。還有鳳瓜排骨蒸飯，如果一個人食剛剛好。如此早茶也只是HKD100.極底！…查看更多

今日老闆心情好，突然請大家食午餐。我地更係開心到死啦，一大隊人(約10個)一齊出去飲個茶。為咗就老闆同啲要去灣仔開會的同事，我地就去咗灣仔飲茶。德興啲點心都唔錯，佢唔係蒸咗好耐出晒水果啲，而係正到剛剛好。佢的用料好新鮮，啲燒賣同蝦餃都係皮薄料靚，個賣相都唔錯。個叉燒菠蘿包，個皮好好味好香脆，啲料好多汁。牛肉球又好鮮嫩，仲有就係個魚湯米線，個湯好甜。成餐飯都好好食，多謝老闆。…查看更多

朋友book左位所以好順便就入到去，環境都okay乾淨而且waiter都有理我地要求，基本上嗌咩都好快到而且服務都唔差，service 方便係ok既！ 但係食物方面，以＄14x任食呢個價錢黎講，食物種類真係好少。肥牛唔係個種種大大舊個隻，係細細粒食左好似冇食咁。仲有食物唔新鮮，丸類肉類都唔達水準，而且湯底超級無敵咁淡搞到擺咩料落去都好啖冇乜味，而且個價錢仲要唔包野飲（只係包茶水），打邊爐唔飲野點得架！所以其實加埋野飲埋單每人都差唔多要160－180，而呢個價錢絕對值得更好既服務同食物質素！仲有仲有，大家不妨去參觀佢地個廁所，真係不枉此行:(…查看更多

左加右加, 價錢變二百@德興酒家灣仔柯布連道130-146號建利大廈1樓火鍋我不常吃, 終覺吃不出食物真諦煮過頭或煮不熟情況時常出現但卻是一班人吹水大吃大喝的好場合湯底也有很多特別選擇要嚐遍也有難度吧!!當日回歸基本, 海鮮湯底好了有數隻蝦同青口,唔太海鮮再有機會叫下花膠/冬陰公這些另類湯底值得留意是有帶子片不過一行6人, 每次只上幾片....., 帶子片細細片要吃就多下幾次單吧!!!!也有花膠仔,多吃幾隻吸骨膠原養顏混醬, 每人加$9 就可以大溝特溝了有十來款 :如麻油, 蒜, 蔥, 辣油, 豉油, 醋, 紹興酒等等過足癮好好玩又可調出自己架味道兩小時不夠打每人再加十來元就可以再打多一小時了原本是$98元一位在沒有了免費飲品, 混醬及加時比賽後原似抵食的火鍋貴了一倍但與友人大大聲地豪放說話, 很開心~~~~~~不知為何斯文的女生(我)到了這些環境拒束感會沒了很街坊的感覺,是次消費每人$ hkd 200…查看更多

1700接女友收工後,1800到灣仔德興打邊爐.因為一早訂枱,所以唔使等就入座了.地方環境夠大,有電視直播.好嘞!首先我們點了個冬陰功湯底.正吖.材料有蝦,青口,洋蔥,蔥,椰菜,番茄.[湯底係免費].還送兩隻虎蝦.跟住就點火鍋料~~手切肥牛[正.無乜肥膏].鮮帶子[可以]炸魚皮[脆]手打蝦丸[可以]台灣貢丸[正]豬粉腸[可以]豬潤[一般]蟹腿肉[差]魚蓉麵[差]豬皮[爽]切片涼瓜[苦,但好正]水餃[鮮甜]潮洲魚蛋[差]通菜[一般]牛栢葉[一般].以上某些食物當然有叫第二輪嘞!!正係手切肥牛都三碟,切片涼瓜三碟[因女友勁喜歡].飲料,計有酸梅汁.庶水,還有各式各樣汽水,但無橙汁.[飲料係任飲].混醬每位加$9元[可接受]咁嘅價錢咁嘅質素.$140一位.值得再次光顧.PS.其實還有很多湯底選擇.例如~麻辣.沙嗲及皮蛋等等[真材實料].…查看更多

德興飲茶感覺好味, 抵食, 熱騰騰, 水準高, 星期一至五除午飯時間外, 點心五折, 抵食. 難得星期五放假, 來了食了下午茶.牛柏葉: 大大件, 頗爽口, 野味.蝦餃: mini版, 2件一籠, 得意, 熱騰騰送上，蝦餃爽口, 蝦肉多, 晶瑩剔透, 一看就知好味道.小籠包: 汁多, .豬肉味重, 大大件, 勁好味.春卷: 2件一碟, 炸得香脆, 不肥膩.…查看更多

今年，公司送上 <德興酒家> 的裹蒸糭劵！ 反正，那天我要出開灣仔，同事叫我順便幫她們取糭！我怎能 say No! 灣仔那間 <德興酒家> 所在地正是柯布連道長天橋下，California Fitness 附近便找到！:)當我一走入去，那位女侍應忙碌地把裹蒸糭分裝，由一籮一籮的裹蒸糭，逐個放入膠托，然後再放入青色環保袋。而她背後的架上還有很多籮裹蒸糭， 恐怕她有排忙了！當我拿上手覺得幾重秤！ 問她一袋有幾重？她以不太正的廣東話答：一隻一斤！嘩！ 怪不知孖裝那麼重！三袋？可想而知有幾重？！由德興行到地鐵站，已經重到我叫苦連天！:(套裝瑤柱裹蒸糭一隻裹蒸糭夠巨型！ 我與媽咪兩人分享一隻做早餐！一切開！餡料豐富！ 包括：瑤柱、鹹鴨蛋、栗子、綠豆、豬肉、肥豬肉、豬腩肉等，相當足料！糯米軟糯略帶微鹹！滲出淡淡清香！瑤柱滲透著鮮甜味！此外，肥豬肉帶出油份添香味！栗子則是粉得來清甜！豬腩肉又肉質軟腍！口感豐富而不太油膩！ 食完真是飽到不得了！端午節留在家與家人一起渡過是最快樂！…查看更多

每次有工作要到灣仔做事, 早上必來這間酒樓飲早茶, 今早叫了排骨飯HK$9.8及一碟雞札HK$12.8, 另HK$5一位茶再加一飯身夠乾不淋, 軟硬適中, 有數件排骨及一開二的鳳爪, 除了排骨有少許肥之外, 鳳爪又淋又入味雞札真不值推介, 腐竹卷著有魚肚, 雞肉和叉燒, 可惜叉燒較乾硬, 不及雞肉嫩滑這裡服務不太好, 可能早上人手不夠, 而且我們又不是熟客, 間中幫襯, 所以開茶要自己親力親為, 否則要等好耐…查看更多

Lunch 飲茶同同事farewell, 夜晚係同一間鋪 任食打邊爐.點知唔食又自可一食,食到氣都谷. 話明七點鐘任食食到九點.點知八點九就cut 單, 但係八點半前入單既餸都冇到. 追足七八次都冇.重要三吹四請咁, D傳菜阿姐就一路大嗌 埋左單果台又叫啦.每追一次講一次, 我夠知埋左單啦, 咁D野食係咪唔使黎先.仲有埋左單係咪冇權追order.果日除左送既蝦好食之外, 樣樣餸都一般, order 帶子又小又薄.唔想拎出黎就唔好做任食. 真係食到一肚氣.…查看更多

和家人到這間酒樓食午飯呢間酒樓人流真多,雖然找到個近窗台的好位置呢度的燒骨味道很好,但幾乎五成都是燒焦的最早到的雞很搶手,肉質很嫩,苛葉飯味道都幾淡,得個大份...覺得一般般,糕點方而太有彈性= ="但很淡,沒甚麼甜味炸魷魚好正...很快扒清光…查看更多

<價錢>一大班同事8點半收工，有人提議打邊爐...行過德興，見佢到大大隻字寫住9點後$68蚊位...於是就等到9點就上去...上到去先知原來計埋所有野埋單要$110/位...<食物>湯底好多選擇但係...食物質素真係差到唔知點講...D肥牛肥到得D根完全唔見到有紅色既肉...好多食物一睇就知唔新鮮...我地明明成10個人...但係食物每次都只係黎一碟每碟仲要得幾件...落單寫10樣野食每次都係黎得6,7樣仲要有幾樣係錯單既...<服務>見到佢地對住D熟客就幾熱情...但係對住我地就服務一般啦...有時仲會見到經理大大聲鬧D樓面TIM...總括黎講...我唔會再去第二次打邊爐。…查看更多

Book左位唔洗等~正所謂講野最緊要牙力, 打邊爐最緊要係要有食力, 加多罐凍可樂就perfect!平時都係幫襯開9點半後, 今次早左7點去食, 相對會俾平時冇咁抵~同埋可能係早左, 所以多d人, d阿姐都忙d, 服務都冇平時咁好, 不過我都唔係話差.. 只係有個阿姐冇啦啦渣住個淨番小小水嘅水壺將佢淨低d水當我地加「湯」... 大佬, 你唔係有湯可以幫我地加架咩? 點解要加d水落黎?任食黎講, 水準都幾好, 又坐得舒服有得睇電視~但係鐘意黎嘅原因係佢湯底多選擇~每次黎都可以試下新野~ 滾野食之前我一定會飲一碗試下先~ 正!今次試左個木瓜湯底都好好飲!不過呢坐後面有一家人唔知滾咩野滾到好燶.. 嘩..陣味臭到我地真係食唔落野, 冇哂胃口, 難為佢地仲食得咁滋味呀!!!…查看更多

吃過新星，試過第一，慣常吃悅興，然後該是時候試德興。選擇很多，花膠仔，帶子仔，牛利都有，基本上很多別店沒有，他都有，味道我覺得算是不錯，湯底也很多選擇，選了豬肚湯底，辣度很夠，豬肚和咸菜份量也不少，配料方面，粟米十分甜，而粟米馬蘭餃最好吃，反而其他只是不過不失，丸粒黑椒雞肉丸，味道很奇怪。而服務方面，真的麻麻，不過任食也不太會要求服務了，埋單是即使你芥醬全不要也收足的，或許9時後再來，會覺得更划算吧。…查看更多

食過幾間德興, 呢間ge服務係最差未夠兩個鐘就趕人走同熄爐, 以為門口有好多人等緊, 出到去就見到得兩三個人......漏入單加遲黎野食, 食都未食完就趕人走, 呢間都係算係經典.....:(…查看更多