影片
開飯介紹
德美壽司有多間分店，日式木門及窗棱設計，使你尤如置身於日本。供應日式料理包括壽司、刺身、燒物等選擇。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
Blingbling美食推介✨📍沙田🍣 德美壽司✨ 人氣高質壽司店😋💠💠💠💠💠💠💠💠德美壽司沙田店其實都食左好幾次，每次去都覺得食物質素好高，發揮穩定👍而且環境都好日式，坐bar枱仲可以望住師傅整壽司添~ 今晚就黎食下壽司，同朋友傾下計🧡💠蟹籽沙律 $58蟹籽沙律係我最鍾意既日式沙律~ 好鍾意沙律醬+青瓜+蟹柳既配搭🧡加埋蟹籽就perfect啦😋💠煎鵝肝帶子卷 $92鵝肝煎得外脆內軟，入口即溶，帶子好鮮甜，兩者嘅口感完美配合😋💠甜蝦刺身 (5隻) $96 甜蝦刺身真係鮮甜到爆😍蝦肉晶瑩剔透，口感軟糯得嚟帶微微彈性，完全冇腥味😋💠三文魚腩壽司 (2件) $42三文魚魚腩好肥美😋新鮮之餘仲好夠油香☺💠左口魚邊三文魚丼 $135左口魚邊三文魚丼真係鮮味雙重奏☺左口魚邊重油香，入口即溶；三文魚鮮甜厚切，配搭特製既醋飯，絕對係魚生飯既滿足之選🧡餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5
繼續閱讀
搬了入沙田區後發現其實沙田都幾多美食，這天去了朋友家拜年，之後朋友帶我去晚餐！晚市坐無虛席，可見人氣程度確實不低！本來想叫朋友幫忙點菜，她說還是我先看，因為食物種類多的程度嚇了一跳！天婦羅烏冬定食定食配了沙律天婦羅種類有四款，分別有蝦，冬菇，南瓜和蕃薯。天婦羅外層鬆軟，不會硬，配上天婦羅汁，比得上日本的水準。蝦很大隻又彈牙！烏冬也很有口感，冬天吃一口熱烏冬，寒意全消。煎鵝肝帶子卷這款是他們家自創的卷物，鵝肝加上帶子，兩款都是我的最愛，想不到配合起來是那麼好吃。加上上邊有一些脆脆作調味，好有層次真是令人欲罷不能。炙燒三文魚壽司三文魚魚油豐富，燒得非常香！牛油果軟殼蟹卷我覺得這個卷物必食，因為很喜歡吃軟殼蟹，而這裏的軟殼蟹炸到非常脆，比薯片還要脆！而且非常足料，啖啖肉！加上非常軟滑的牛油果，好滋味！雞皮餃子我第一次吃雞皮餃子，雞皮香脆，好惹味！燒免治雞肉棒免治雞肉棒，裏面有雞軟骨，沾上鵪鶉蛋液，很不錯！燒牛舌高質素，爽口！燒菠蘿好甜好多汁！
繼續閱讀
喺沙田行完街過咗嚟呢間朋友推介嘅德美壽司，平日晚市幾乎滿座。店員安排咗吧枱俾我哋，可以睇住師傅處理刺身、壽司。🍣 火灸海膽（2件 ) $84 海膽表面用火槍燒過，增添咗唔少香氣。海膽好creamy，味道濃郁而且冇腥味，加上焦香嘅味道加咗唔少分~🍣 煎鵝肝帶子卷 $92 飯卷入面包住青瓜、鵝肝，面頭係帶子同帶辣味嘅脆脆。帶子鮮甜，鵝肝偏乾身但香氣濃郁，加上辣辣地比想像中好食，好惹味。🍣 牛油果軟殼蟹卷（原隻） $88 上枱時好震撼，份量好多，而且軟殼蟹金黃嘅顏色好靚。飯卷上有飛魚子配牛油果，內裏包住青瓜絲及軟殼蟹，好有口感，而且食落唔會鬆散。軟殼蟹炸得好鬆脆但唔油膩，唔會好厚粉漿，配上牛油果好夾！🍣🍚 魚子蔥吞拿魚腩茸丼 $145丼飯可以揀多飯或小飯，我哋叫正常份量感覺都幾多。丼飯有蔥絲、三文魚子、青瓜、吞拿魚腩蓉，加入鵪鶉蛋蛋黃撈勻食更香滑。吞拿魚腩蓉好濃郁而且滑溜，食到一半先發現魚茸嘅厚度同飯嘅厚度一樣，非常誇張絕對唔孤寒！同三文魚子一齊食好滿足~兩份卷物都比想像中大件，埋單嗰陣仲有雪米糍送，食到好飽！太飽冇叫到串燒鍋物，下次再嚟試吓！
繼續閱讀
魚子蔥吞拿魚腩茸丼 $145 ✔️肥美新鮮嘅吞拿魚腩茸，油脂度非常夠✔️加上大大粒嘅三文魚籽，而陪上香蔥同青瓜，每啖都好fresh同滿足，仲有鵪鶉蛋係面，整體唔會太鹹，剛剛好✔️份量大方值得一讚😸炸雞軟骨 $49✔️先要大讚係個層炸粉好薄，加上沙律醬同七味粉，食落唔熱氣👏🏼✔️炸得香口，質感唔會太乾，外脆爽口燒多春魚 （4條) $40✔️燒得唔會太乾，外脆內軟，而加好香✔️比我想像中大條，都幾抵食蟹籽沙律 $58✔️份量驚人！咁大碟只係$58😂！✔️因為青瓜整體好fresh✔️個汁調得剛好，喜歡佢淡得黎又有少少鹹香，唔會酸！因為質感薄薄，食落冇罪惡感免治雞肉棒 $28✔️有蛋汁可以沾✔️喜歡佢帶有雞軟骨嘅口感，外脆內嫩Overall: 份量勁滿足，所有野都有水準而且唔貴，食完唔會覺得好鹹/好heavy😸呢間已經食過好多次，回訪率90%lgable打卡度：8/10好味度：8.5/10worth revisiting返兜度：9/10
繼續閱讀
德美絕對係沙田圍附近既高質日本菜。環境坐得好舒服，bar 枱位置可以睇到兩位師傅準備食材，盡顯手藝。店員介紹每日都有多款新鮮刺身供應，近期更有大熱喜知次料理，性價比好高。雖然我本人對魚類冇咩興趣，但都見到有幾枱客落單，相信識食之人一定會欣賞。我地叫左德美海膽魚生丼飯，牛油果軟殼蟹卷，大蝦天婦羅，黃金汁焗蠔同埋免治雞肉棒。野食份量好多，特別係軟殼蟹卷，可以用巨大形容，絕對真材實料。另外好欣賞個丼飯，刺身十分新鮮，飯底係經過調味及混合了野菜的醋飯，如果可以話真係想添飯😹 其他配菜都好出色，保留住食材的鮮味，調味得宜。最後仲會送上雪米糍做甜品，為呢餐飯畫上完美句號。另外侍應們的服務態度更值得一讚，時刻留意食客既需要，亦都好樂意為食客介紹當天特色既食材。呢一份細心同埋熱情待客的態度令我十分欣賞。係絕對會想再回訪的餐廳，推薦👍🏻👍🏻👍🏻👍🏻👍🏻
繼續閱讀