10
0
0
以上資料只供參考, 請與餐廳確認詳情
去完街搭車返嚟，經過街市就諗住買定盒外賣返屋企，唔使煮飯。周圍睇下有咩買，原來街市都有幾間燒味，行到尾尾發現呢間燒味店一盒雙併飯都只係$25 ，好抵喎，好耐未見過呢個價錢，似乎都幾多客，一於就買盒紅腸叉燒飯回家。白飯份量好多，叉燒好腍，有佢切果下已經睇到好似好鬆軟，果然都幾好味，紅腸不過不失。鋪頭仲有好多一份份燒味，豬手、鴨翼、鴨省、豬脷、生腸、滷水雞翼等，選擇都幾多，唔怪得知咁多人黎斬料外賣回家。
繼續閱讀
由於疫情關係，如果返沙田嘅教會 已經停止聚會轉為網上聚會， 好耐冇去過禾輋商場， 有啲掛住嗰度嘅嘢食同埋shopping嘅時間， 約咗兩個要好嘅朋友在禾輋商場食嘢行街。 除咗食飯之餘仲去咗街市行一圈， 買咗一啲餸， 臨走見到啲燒味好似好耐無食，就去買盒燒鴨飯 ，返屋企今日開餐唔使煮嘢食。原來“貌似店主”切了鴨脾俾我，鴨脾有肉地，鴨皮唔算脆但肉就夠滑， 肥嘟嘟咁， 鴨嘅汁同埋豉油汁都混喺飯內，唔太乾爭爭， 買嘅時候前面都等咗幾個人好似受歡迎咁可能價錢唔貴掛， 唔使30蚊有交易咁。
繼續閱讀
依家少咗出去食飯，日日都要諗煮乜餸，真係諗到頭都爆。。。於是就決定去買燒味加餸！德昌都幾多選擇，燒肉、叉燒、白切雞、燒鴨、豬手、墨魚、滷水野乜都有啲，而且食物賣相都唔錯！乳鴿$40隻幾抵食，我哋本來想買兩隻乳鴿食，但食肉獸嫌乳鴿唔夠厚肉，話要食啲啖啖肉嘅嘢！咁就買半邊燒鴨啦，抵食夾大件燒鴨好厚肉，皮下脂肪唔係好多，味道唔會好鹹，點小小酸梅醬送飯啱晒！其實佢啲燒肉都幾靚仔，下次加餸嘅時候可以食燒肉！
繼續閱讀
今日係禾輋街市買餸煮飯呢個街市新裝修行得都幾舒服見到呢間德昌燒臘有好多人排隊買燒味就諗住斬料加餸其實都有好多選擇，有白切雞、燒腩仔、滷味嘢、墨魚。。。見到佢啲叉燒整得幾靚，賣$88斤就買咗盒返屋企食返屋企已經忍唔住開咗盒叉燒黎食叉燒嗰邊燒得啱啱好，少少脆口，啲肉都好入味，肥瘦適中，呢個係精粹，如果只係得瘦肉就冇咗食叉燒嘅感覺，因為真係好好味，食完一塊接住一塊，未食飯就食咗半盒下次可以試吓佢其他燒味題外話，見到老闆娘同啲街坊都有傾有講，應該儲埋唔少熟客仔，人情味十足！
繼續閱讀
今日去舅父屋企食飯，咁就更係斬D料先上去，行入街市睇下有乜嘢買，斬料不外乎都係買燒味，方便唔使煮😝😝😝望見有間燒臘檔。見到都幾多人買，應該都會唔錯⋯⋯賣相都幾吸引，望落仲係熱辣辣燒鵝..........望見留哂口水，叉燒........醬汁的誘惑鹵水鵝.......巨形又大隻😋燒腩...........又係燒味之中我愛吃的一款多款燒味，食乜好昵？油雞又幾抵食——-半隻45元舅父鍾意食油雞🐔、叉燒我又愛吃燒腩，一於就買........燒肉皮脆卜卜，味道不錯油雞——雞肉滑溜溜，味道調較亦不錯買多盒叉燒飯，咁就飯都唔使煮叉燒軟熟好味😊飯軟硬度適中.......
繼續閱讀