德國餐廳 (Mikiki)

營業中

休息中

有6個大人 又唔知食咩 於是就試下食德國豬手。 依間餐廳裝修好有外國風味，但係個環境就比較細。 我地點左一客豬手加其他小食拼盤。我對 豬手太大期望， 所以食第一口有小小失望。 成隻豬手太乾， 冇哂肉汁。 但係反而個德國腸拼盤高就好滿意， 因為啲香腸種類有三四種， 每種都好特別， 但係我就冇點到個芥末醬，我點左食豬手果種芥末醬，咁食就更加好味。 我地都有點到主餐例如意粉 但係就冇咩太特別。 食完之後一定要配埋啤酒，因為豬手要皮太脆，一定要加個啤酒先痛快！

今日又過咗Mikiki附近做嘢，做完嘢到附近食肆Tea一Tea先德國餐廳我嚟食過一次，咸豬手確喺正，不過以呢個鐘數，加上得自己一個人就食唔到啦，叫個下午茶食算啦店鋪唔算大，有室內同户外座位，天熱我就會揀坐室內，人少少都坐得幾舒服，話哂都叫有冷氣嘛！不過唔喺個個都坐面，眼見有外國人士坐喺户外嘆番杯啤酒傾吓計，感覺又幾relax嘅Tea Set (D) $48松露炒滑蛋+厚多士+肉眼牛扒牛扒薄切好易咬口，牛味就一般多士味道較為淡，我將黑松炒蛋放在多士度一齊食就滋味得多！

上星期五，收左工後約左朋友一齊去呢間餐廳試徳國豬手，間餐廳吾算好大，我們安排左係門口位，啲人不停岀岀入入都好熱我們叫左個豬手同一個西班牙海鮮飯同一杯香港友啤酒先講個豬手，都比想像中大碟，但味道就吾算好驚訝，都可以嘅，個皮我覺得硬左少少，但朋友就覺得脆。另外個西班牙海鮮飯就真係一般，啲海鮮好像差啲，料都吾算多。最後平均一人二百幾左右，但都岩坐下傾計嘅。

這間餐廳位處ＭＩＫＩＫＩ的外圈食街，若你是樓上住戶，憑住戶證可享９折優惠。星期五晚上人流不算多，ＷＡＬＫ　ＩＮ４位也有枱。食物價錢集中在＄１００－＄２５０之間，生啤沒有ＨＡＰＰＹ　ＨＯＵＲ，所以屬中價餐廳。叫了個煙三文魚沙律，菜確是爽甜，但一盤要＄１２８，感覺有點不化算。ＣＯＬＤ　ＣＵＴ　ＰＬＡＴＴＥＲ偏鹹，不值得推介。德國香腸併盤是一貫大路之作，當中最小一條肥肥短短的有煙熏微辣，算得上是個小驚喜。最後來個德國咸豬手，店家很細心地把豬手上桌時來過「骨肉分離」，而且是每片都有皮有肉必吃！

話說這家德國餐廳其實開左好耐，大家一直都找不到機會一齊去食，事關放工大家都會趕返屋企不過老細是日心情靚靚，叫晒我地TEAM中午一齊落去食正嘢，YEAH!!首先當然要叫返碟德國鹹豬手先，話晒都係招牌菜根據餐廳的介紹，豬手會先浸熟後再放於特製的風爐內風乾，抽走豬手中多餘的油份和水份，最後再放進烤爐烤焗，令鹹豬手外皮脆而不膩德國鹹豬手配酸菜及薯仔沙律鹹豬手已切成小件，外皮已經烤得乾脆，皮下確實沒有多餘的脂肪，入口脆而不"漏"反而豬手的肉質依然JUICY，質地腍軟酸椰菜的酸味令大家越食越開胃豬手一件接住一件咁食凱撒沙律配香脆魚柳魚柳炸得稍為乾身，內裏魚味一般而凱撒沙律份量稍後少，沙律菜的種類只有一兩款德國香腸拼盆沒有仔細請教店員香腸的種類，各款香腸各有特色，而家內裏十分Juicy，其中一款是有芝士，加熱後芝士呈半溶狀態餐廳另一個吸引之處，就是啤酒選擇不少同事話黑色果杯麥味好濃，好正我自已就沒有飲到，因為下午仲要趕起份proposal俾個客嘛我就唔搏喇，以免在office "中"眼訓

母親節正日，母親放假一天，但我工作了一天，又唔想同人迫，行行下見到有位，就隨緣一試。先黎2杯生啤，母親試左手工黑啤～正！我就揀番飲開既1664，爽呀！之後當然係叫每晚限定既「德國脆咸豬手」，真心好食，外皮脆卜卜，入要啲肉唔乾，個芥末薯仔沙律有驚喜（好食），反而個酸菜真係食唔慣，條骨俾母親拎返屋企第2日煲粥 之後再叫左個Cheese 墨西哥薄餅（原名唔記得），好食，不過一定要趁熱食，凍左就真係麻麻地。以第一次食德國餐而論，正體不錯

同家人慶生晚餐，因為有揸車既關係，去左Mikiki 食，平日夜晚食滿$100已經free parking, 真係非常方便。第一次嘗試呢間德國菜，所提供既座位唔太多，但佢有戶外座位，見到好多人揀坐外面隊啤 感覺幾chill， 不過今次同家人一齊既關係，我地揀左坐室內。 佢既白豬手唔錯，肉質煙韌唔鞋。牛扒$280 有10安士!! 非常大件 都有牛味。香腸拼盤有6款腸，不過我都唔識邊d打邊d, 如果可以於餐牌列出或服務員介紹下更理想! 意粉相對平凡，不過不失

難得閒日放半晝，又係時候tea 一tea。間餐廳有室外同室內，成30度氣溫，梗係坐入面歎冷氣啦。由於閒日關係，差唔多包場，所以環境清靜舒適。下午茶有4款：雞扒、德國豬肉腸、炸魚柳或牛扒加滑蛋配多士、炸薯條或意份。德國豬肉腸配炸薯條加滑蛋$42黎得德國餐廳梗係簡德國豬肉腸啦，成餐最出色係德國腸，好香香料味同有肉汁，份量又多。但薯條可以炸耐d，唔夠脆。滑蛋好大份，但唔係好滑。牛扒配多士加滑蛋$48塊牛扒都算大塊，有咬口。但多士無咩味，如果俾d 牛油搽下會美味d。兩杯凍檬茶都無咩茶同檸檬味，有待增強。睇黎都係集中叫番德國野好D，但幾十蚊個餐，唔加一又無咩人，坐下都抵啦。

好耐冇嚟Mikiki，原來向馬路嗰邊嘅餐廳差不多已經全部轉哂手，最熱鬧應該係呢間德國餐廳，連呢日星期三晚都有至少七成滿座。除咗德國菜式，呢度都賣唔少手工啤酒，對香港人嚟講最吸睛一定係 HK Yau，飲落幾清新，唔似真係港式牌子嘅啤酒般濃，如介紹般有小許陳皮味。食物方面選擇唔算多，一張雙面A3紙已包含哂，仲連埋圖片。前菜唯一我倆都想食就只有parma ham，看似八小件，但其實每件嘅肉都唔少。第一次試parma ham配酸瓜，都唔錯嘅配搭。主菜中以豬牛羊具多，唔太啱我。於是其中一個主菜揀咗沙律，好正常嘅三文魚凱撒沙律，都足料，但麵包粒就好似唔係好新鮮。另一主菜，好厚肉嘅燒架，加咗啲翠肉瓜同車厘茄，整體都OK。但如果怕羊架多肥膏嘅就唔好揀呢個主菜。

今晚同幾位朋友每月聚會想啤一啤佢 就搵到呢間呢區比較靜 人流算比較少7點嚟到鋪頭 只有半滿 環境都ok寬敞好坐 食物方面點咗兩個 2公升桶裝啤酒加德國腸餐啤酒好入口順滑 腸仔好香 又多汁又點咗美式燒排骨 薯條 燒春雞排骨肉淋味厚燒春雞 有水準 大小適中 多肉 又嫰滑薯條 佈滿芝士喺面 即炸且炸得很脆用來送酒 唔錯(雞 忘了影相)最後要介紹德國鹹豬手 先看圖份量夠大 皮十分十分脆 而且皮下還帶點豬油 十分邪惡豬手肉質很嫰 多汁 推薦是次 每人食了240元 可以話係抵

大年初一，睡到自然醒，来份brunch是最满足的事情了。这家餐厅属于all day breakfast，喜欢的朋友在休息日可以来关顾。我点了一份set B，如上图一样。图片绝对真实，绝无PS。最喜欢的是炒滑蛋，加了牛油，滑嫩但不腻，而且没有加糖和其他调味，使得口感更好。蔬菜沙拉的味道也非常好👍🏻。奶茶和德国肠总的来说一般般，不算出彩也无过失

3個朋友仔去行街再去食蛋糕。餐廳還算是很舒服，可惜我們坐靠近門口的位置，而且外面有點冷，所以我們越食越凍..蛋糕選擇不多，我們點了其中的三款。朱古力橙味蛋糕，朱古力味香濃，但橙味比較淡。 特濃咖啡柚子蛋糕，咖啡的味道突出。但由於我並不是太過愛好咖啡，所以我覺得它有點平凡。最後是班蘭椰子飄香蛋糕，我認為這是味道最清新、有驚喜的。蛋糕裏頭有一些椰絲，增加了口感，而且椰子味很香濃。蛋糕的味道屬中等，但勝在可以坐坐，一邊聊天，一邊吃蛋糕。鄰座的客人大多數是點德國鹹豬手，下次再來可以試試。

聽聞德國餐廳最出名係豬手，🇩🇪我同朋友本來要食。。。。🐷但餐牌有更心怡的食物——羊😍架，所以我毫無猶豫就點了一客羊架😆😆一上到臺，就聞到好大陣羊味。🤤唔知大家鐘唔鍾意羊的羶味呢？在下十分中意，而呢個羊架正合我意😍若不喜歡也不緊要，因為有薄荷醬可以去羶👍🏻羊架好厚好大件，一點也不似出面餐廳食個d細細件。羊架🐑肥瘦適中，瘦肉5成熟，還保留著大量肉汁。肉夠腍但不滑，食得出係隻壯健嘅羊🤣店員服務態度好好，有機會會再黎試試呢度嘅其他嘢。 208蚊 抵食

今日行mikiki，到夜晚搵間餐廳食飯。臨過年周圍都咁多人經過呢間德國餐廳嘅門口，裏面亦都坐滿左人見到餐牌有啱心水嘅嘢食，一於就入去啦！店舖細細，樓面得一個姐姐喺度做嘢，所以比較慢我叫了一個10oz牛扒$280，而友人叫了羊架$208牛扒一嚟到，我同友人都驚呆了😱😱😱😱：好大的牛扒呀！😍😍食肉獸來也！想知有幾大？大家可以睇睇同我隻手嘅對比圖👇🏻👇🏻👇🏻小妹最驚食血淋淋嘅牛扒，所以我order咗七成熟😳廚師都幾有水準，塊牛扒咁大塊都煎啱啱好唯獨是中間差不多全熟，但牛扒本身係靚扒，沒有太大影響。😎最欣賞係塊扒好多汁，牛味濃郁軟淋，灑上黑椒調味，隔離仲有啲蔬菜可以中和下，幾好。😜點牛扒的醬汁加左啤酒🍺，有好德國🇩🇪特色😏，而且同肉都幾夾！😆呢個牌嘅份量夠晒兩至三個人食，計返開真係好抵呀👍🏻👍🏻👍🏻👍🏻😆朋友叫的羊架，也是巨無霸size，好厚丫！呢度最出名嘅應該係豬手同埋德國腸仔，有機會嘅話再嚟試試😄

第一次在這餐廳食飯時，被說服做會員⋯算，因為都是附近，可多來吃！ 做會員正價食品可有折扣優惠，但今天去食，待應竟話（是但作個時間）換了會員的啤酒卷便沒有折扣?!? 為什麼？ 上次來吃還有呀！現在又話沒有，大家想做會員的，請留意這一點😡😡😡😡