133
20
2
港鐵旺角東站 B 出口, 步行約11分鐘 繼續閱讀
電話號碼
2624 4002
營業時間
今日營業
08:00-20:00
星期一至六
08:00-20:00
星期日
09:00-18:00
公眾假期
09:00-18:00
付款方式
現金
座位數目
10
其他資料
電話訂座
招牌菜
熱狗
食評 (161)
等級3 2017-05-06
115 瀏覽
之前朋友介紹個D間德國熱狗,平時好多人排隊就冇試到,但今日見到唔多人排隊就試下啦。雖然舖仔細細,只有約7-9個位左右,但食飯時間經常都滿坐,最好都係叫外賣或者人少少食會方便D。原本想試下薯蓉,但剛好個日賣晒,唯有試返熱狗。熱狗腸有好多款,今次試左珍寶辣味燒烤腸 + 燒烤醬 配薯餅。珍寶辣味燒烤腸腸皮夠脆,而且肉質都唔錯,值得一讚係麵包外脆內軟,燒烤醬味道偏咸,下次可以試其他醬。薯餅都係新鮮即炸好好味。跟餐有罐裝飲品,但都可以加$2 轉樽裝飲品,於是都係要左個道地解茶。最後見到好多人都叫匈牙利辣味腸,下次都要試下先。整體而言,雖然價錢唔平,但勝在多款同味道唔錯,得閒試下都唔錯。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-11-22
791 瀏覽
唔講唔知道,原來油麻地行去何文田方向,有一間小小的地舖,簡簡陋陋的小店,可以吃到德國風味既熱狗。當日星期六下午,店不少附近的學生黎買午餐加上間舖好細間,坐位很少,所以都等左一陣位。睇見memu有好多唔同既熱狗腸,睇得我花多眼亂,都唔知道試邊款好於是叫左個脆皮煙肉火腿腸,加肉醬;男朋友則要了辣肉腸加肉醬。跟餐還有飲品和薯條,我們要了薯條和薯餅試下。首先上左炸物,炸得岩岩好,唔會過燶。薯條:外脆,內裡好多著仔肉!這薯條比起外面快餐店吃到的大有不同。很滿足!薯餅:如果薯條有90分的話,這個薯餅便有99分了!外面睇落好似好多炸粉,但咬落又是啖啖著肉!剛剛炸起新鮮熱辣,就算放耐左都仲會脆口的!而且不會很溜。可以話暫時黎講係最好食既一間薯餅。薯餅薯條食到一半,就到主角-熱狗上場了!醬料的話,店員姐姐會問要咩醬,唔洗怕食到d自己唔想食既醬料。(除了肉醬是額外加錢)脆皮煙肉火腿腸,加肉醬脆皮煙肉火腿腸:很香很夠味道,可能是煙肉本身有少少"un",變左條腸仔口感咬落都un少少而脆皮也不算很脆皮肉醬:這個肉醬真係冇得輸!夠多肉醬之餘仲要多醬汁,味道又match,超好味啊!肉醬多到完全夠cover晒成個包,食到最後唔會dry辣肉腸加肉醬辣肉腸:辣肉腸肉質口感比較軟身,感覺比煙肉火腿腸較好入口。少少辣味道很不錯!幾似外國餐廳吃到的腸仔風味。小女吃不了辣但都可以吃到。這個配埋bbq汁,肉醬,味道也不會奇怪,還意外地夾!值得一試。同事听到好多人都點了芝士撈丁加肉醬,搞到我都想試下。不過一個包餐真係好夠飽了!下次會再來試試撈丁,還有著容和甚他腸仔想試呢! 繼續閱讀
(以上食評乃用戶個人意見 , 並不代表OpenRice之觀點。)
等級2 2016-11-09
617 瀏覽
成日行經呢間小店,一係中午好多人,一係太晏佢收左檔,永遠就唔到時間去試佢。呢間鋪收6pm, 今日真係心血來潮,見鋪頭無乜人,唔洗排隊,一於唔肚餓都試試佢。但係我覺得佢啲野食都偏貴,一個套餐:熱狗+薯餅+飲品=$47 ,咁樣睇落mos burger 同麥當勞好似好抵食。我無買成個餐,淨係成日見人推介,所以想試下佢啲熱狗,但佢賣得最平都要$32,而我就係試左最平個款熱狗落左單佢會問你要咩醬,我要左芥末同茄醬,我印象中佢仲有bbq 醬、酸瓜醬、沙律醬等等,你可以揀幾款醬,重口既話可能你話要落晒佢都得hahaha 就咁睇個熱狗,我真心第一下sad 左,條脆皮芝士腸會唔會係迷你左啲?我心諗早知order 個正常size 既大腸因為佢呢張相既賣相真係唔多吸引,連條腸都見唔到,精髓黎咖嘛!不過既然都叫左,就試下佢咩料子啦!包身:熱辣辣軟綿綿既熱狗包脆皮芝士腸:幼係幼左啲,但係口感外皮的確脆,香腸味亦唔會太鹹,係好食既。車打芝士:對於芝士控既我黎講,我覺得好食,而且佢仲係可以拉絲拉到唔斷咁濟,因為個熱狗入面真係放左唔少芝士yum yum 芥末醬:鹹鹹地酸酸地,無咩辣味,有少少青結味,我個人對呢個醬麻麻茄醬:對於我來說是永遠地安全的選擇,但隻味都係偏Heinz? 我個人喜歡麥當勞個隻茄醬酸度多啲。總的來說,貴,但係整體融合起一齊、睇落平凡得黎又真係幾好食既,但我應該試一次就夠了haha, 因為$32 一個熱狗,抵唔抵食你自己諗啦 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-15
634 瀏覽
今日中午我們去咗何文田勝利道嘅「德國熱狗」買外賣自取食!我們買咗香蔥豬柳腸熱狗嘅腸皮好脆身,肉汁都幾多,配上炒香咗嘅洋蔥一齊食,令到味道更加芳香惹味,包質亦好鬆軟!德國肉餅包嘅包質好外脆內軟,肉餅都幾厚身,味道好似煎香咗嘅午餐肉咁,但質感比較爽口!黑椒豬扒包嘅豬扒肉質好鬆軟,香辣嘅黑椒粒,令到味道更加醒胃!火腿煎蛋公仔麵同腸仔煎蛋公仔麵嘅公仔麵唔係好爽滑彈牙,而且質感比平日食開嘅「嚡」咗啲! 繼續閱讀
(以上食評乃用戶個人意見 , 並不代表OpenRice之觀點。)
等級3 2016-07-01
1341 瀏覽
去徳國熱狗食熱狗,究竟德國係咩味道,我唔明…生活真好抽象…入到店內第一時間叫左個熱狗,好期待,然後用刀叉切開,諗住食得斯文小小,朋友好大聲咁喝停,食熱狗係咁食架…用口大啖食第一口咬落去,麵包外脆內軟,加上德國辣肉腸重有應該係秘製醬汁,真係好好味,難怪朋友經常來食 繼續閱讀
(以上食評乃用戶個人意見 , 並不代表OpenRice之觀點。)