影片
今日lunch time去到荃灣, 原來荃灣廣場外面咁多街舖咁多嘢食。 見有幾間都排隊排到好長龍， 與時搵咗是但一間， 呢間個樣舊啲但係都算企理， 咁就行入去食下佢個lunch。 46蚊一個餐， 鹽焗雞飯， 都好有多兩條菜， 不過唔知點解生菜入面夾咗兩條通菜。 鹽焗雞個味道都ok嘅， 但唔算太大份， 46蚊嚟講唔算平， 不過佢都有返個菜湯跟。 但菜湯就好似比較甜啦， 酸味唔係好夠。 杯凍檸茶都大大杯， 間嘢唔多人呀， 如果要求唔係太高， 都可以接受呀。 當然附近有好多食肆， 如果價錢差唔多嘅， 又唔使等位， 就未必會行入去啦。
繼續閱讀
垃圾又漏單又難食又貴！個奄列係太陽蛋求其摺埋夾火腿就算！唔係年初三度度唔開一定唔食佢！個奄列加爛q公仔麵加凍奶茶收我五十蚊！我屋企自己煮都好食過佢！永久black list
繼續閱讀
晚飯諗住住試下舊式扒房，有幾間選擇，見呢間無乜人，點知真係瀨晒野，一入去見有個阿伯怒插d 扒有味又韌，百幾蚊又唔係平，即刻打退堂鼓唔敢試佢d扒，改食80蚊晚餐焗意粉，仲衰，我和朋友的紅、白湯都無味，個局意粉出晒水，見到唔想食，個汁無味，d肉變晒味帶點酸，食落口有想嘔嘅感覺，杯凍檸茶淡而無味，甜品都唔敢要，剩返3份2無食，速速埋單走人去第二度補飛，點解呢d水準仲可生存，仲要價錢拍得住前幾間高級少少嘅餐廳！睇返open rice評語，原來好多人話好難食係真嘅，真係嚴重影響呢帶食肆形象！
繼續閱讀
28-10-2017(Sat)同老公睇早場,買完飛至食早餐,戲院對面有好多食肆,我o地先求祁o黎呢間,入到去唔多人,我叫o左$34.00o既司華力腸羅宋湯通粉,要熱檸水.老公要$28.00o既西煎雙蛋火腿通粉,加$2.00要凍檸水.飲品正常冇問題, 之後羅宋湯通粉同西煎雙蛋火腿通粉都到o黎,先食羅宋湯通粉,味道唔濃,冇羅宋湯應有o既酸味,而且唔濃似滑o左水,一啲都唔好味;蔬菜都幾多但過腍;通粉都腍o架.而食食吓,諗諗吓,$34.00一個早餐就只有呢個羅宋湯通粉?睇返menu,有司華力腸個喎,問吓侍應,佢答係未俾,炸o緊.啊,重o岩o岩炸好端上添.司華力腸又大條又粗,切開同老公share,好彩冇炸過火,外脆.而老公o既西煎雙蛋火腿通粉呢,味道對版冇問題.味道: 2.63分環境:唔知係咪老店,卡位坐墊已經爛到要用封箱膠紙黐住.服務:好好禮貌.抵食2.5分
繼續閱讀
今日同朋友去睇戲 、咁見有時間就去食個飯近近地就去番呢間，點知中哂伏一個人話難食都算 ，幾個朋友都覺得難食比茶記更貴既價錢 但食物質素 真係差到冇人有食個晚餐推介「雜扒飯」 豬扒同雞亦都有異味 個樣睇落番炸好多次 想掩蓋變左味既食物，炸到勁乾、一番扒值幾錢阿 慳埋呢D小數目奶茶冇茶味、檸茶冇茶味。第一次去都幾好食 所以在去， 但估唔到變到咁差，我相信係換左個唔識煮既師傅，一間餐廳差 最大影響既就係師傅！！真係永遠不在去
繼續閱讀