德克士

前幾日去做緊優惠，$40 10隻辣雞翼，即刻外賣咗返屋企食。通常外賣炸雞翼拎到返屋企都腍晒冇咁好食，不過佢又例外！ 返到屋企食仲係好脆！非常推介非常好食，完全皮脆肉嫩！已經榮升為我覺得全港最好食嘅炸雞翼！唯獨外賣等咗成15分鐘先拎得有啲耐…查看更多

第一次幫襯，$42 套餐，價錢合理，出菜速度正常，沒驚喜也沒失望。菠蘿鷄腿堡，包大小合理，麥當奴的現在縮得太小，味道正常。麻辣啃骨鷄正常。拿鐵太淡。麥當奴、肯德基外，多個選擇。…查看更多

呢間開係Jollibee 對面，平價取勝其實餐牌有雞，有漢堡，又有飯，絕對滿意到追求中西合璧品味嘅顧客雞肉🍗肉質幾滑，比KFC 好食，但又未去到Jollibee 級數推介藤椒雞值得一試，新鮮炸，肉質鮮嫩，連d肉都有藤椒味熱奶茶已經加咗糖，味道唔係太甜，咁樣啱啱好雞柳有少少失望，因為口感似麥當勞麥樂雞，Jollibee 真係原條雞柳炸出黎，同埋佢哋有自家製醬汁，德克士欠缺左一啲招牌貨，令人記得佢哋嘅食材可能係接近收舖，薯條唔夠脆同熱，不過今次主要試雞肉，所以無所謂如果佢哋想取代到Jollibee,似乎需要再提升雞肉品質先得…查看更多

環境光猛，但係冷氣完全唔掂，簡直冇開，超熱超焗，廁所維修中，雞肉完全冇雞味，完全唔知自己食緊咩，全部雞都沒有味道，沒有醬汁提供，只有唔夾的辣椒粉，薯條唔熱好腍完全唔脆，自助付款機信用卡付款位置，接觸不良無法付款，要多次嘗試才成功，明顯店舖人手不足，見到員工走來走去補位，員工不主動提供飲管、紙巾及手套，冇人執枱，枱面及座位有很多食物碎屑，店舖環境衛生有待改善。食物未齊已經叫顧客去取餐，令到食物攤凍，唔夠細心…查看更多

全港最高性價比炸雞小食 近年係香港插旗 主打炸雞小食快餐 最平$6.8炸雞$8雞排包 見到網上竟然冇咩人講 見到咁平幫大家試下（‼️記住分享俾朋友 追蹤同like 支持🙏🏻超感謝）.⭐️脆香雞翼$6.8 2隻 （每逢星期六$6.8 原價都只係$10）單單講價錢 應該平絕香港 平過晒其他連鎖店味道同KFC差唔多一樣 細細隻🔥炸粉脆口層次多少少 有小汁 而且熱辣辣👍🏻呢個價錢 性價比超級高.如果對比麥當勞脆香雞翼 麥當勞會大隻少少 雞肉嫩dd個人會鍾意麥當勞多啲但麥當勞而家賣緊$14.5 相比之下其實都幾貴以上評價係講緊雞翼 唔係講緊小雞鎚 雞鎚就唔評價啦.⭐️鐵板嫩煎雞扒堡$8（逢星期三$8 原價$10）超級平民之選 漢堡包同平時唔同 包底黃黃地比較甜雞扒都幾薄 但呢個價錢絕對足料再加多少少沙律醬 同兩片蔬菜味道唔差 絕對係窮人良美恩物呢個價錢都唔會對佢有咩要求.⭐️孜然雞柳$10 7條👌🏻炸雞柳 炸粉落咗一粒粒孜然 比較特別口感似麥樂雞 今次唔係爆熱 暖暖地 ok啦（同行朋友覺得好好食🙈）.整體真係好平 質素唔會太差由垃圾徵費開始大家都睇到政府咩水平以後只會愈黎愈多基層需要佢地 值得分享一下我就睇到由治及興嘅好處 你哋呢？.#hkfunfoodrecord窮遊香港#hkfunfoodrecord_北角.#德克士 (北角)地址：北角英皇道377號地舖現時有兩間分店 喺北角同灣仔見到Openrice 新蒲崗將會再開一間.⭐️評分：味道：3.2/5 如果加埋泰式辣醬3.5分環境：3/5 服務：3/5抵食 : 5/5.#飲食 #美食 #優惠 #抵食 #hk #food #hkfood #hkfoodie #hkfoodblogger #hkblogger #hkfoodies #香港美食 #食評 #香港旅遊 #銅鑼灣美食 #銅鑼灣必食 #週末好去處 #尖沙咀美食 #灣仔美食 #灣仔必食 #天后美食 #旺角美食 #灣仔 #炸雞 #快餐店 #北角美食 #北角必食…查看更多