復興粥麵專家

營業中

休息中

粥鋪一向的服務態度都一般，自從太子女接手，鋪頭行系統化又換埋入面啲服務員後更係向住負分再負分的方向邁進。之前試過幾次去買炒米 (只是夾起，不是即炒的）都要等10幾分鐘（等得仲耐過叫隔離餐廳的即炒小炒），之後都唔多想幫襯。今日係屋企人病左想食粥先再光顧。係就係行系統，但外賣叫餐後面號碼的先處理 （大家都係叫粥，唔係其他要煮耐啲的食物），無系統可言，比之前因為人手工作，分唔清客人前後更令人討厭。啲服務員係就係換左批後生啲嘅，但佢地的工作態度比之前啲“譚仔EE”輩 更差。都係再早10幾年前佢地啲老員工的工作態度更好。佢地雖然都係黑面，無現代所謂的friendly 服務態度，但勝在做嘢手腳快，又記得客人先後。望入去廚房睇下點解跳號，但原來已經整緊，咁就算啦。但個員工整完後就放一邊唔處理，卻不斷出堂食的食物；另一方面，其他員工行過都當睇唔到，由啲食物放喺度，放左幾分鐘佢地都好似唔想處理，最後要指明廚房前面枱前，問嗰份係咪我的食物，再搞左幾分鐘先攞出嚟。講返食物，啲粥比以前更稀，呢度又次次都等好耐，再送你一肚氣，記得要提自己咪鬼自作賤再去幫襯

2024年1月5日我到上址幫襯一碗牛腩河和燒賣堂食，碟燒賣上到面前沒有給我長竹籤，我問女店員可否給我長竹籤，佢話叫我用枱頭嘅牙籤就得啦，我感覺到完全破壞咗進食燒賣感覺，女店員懶到一個點，我以後都唔會再幫襯呢間嘢😡另外，碗牛腩河啲牛腩鞋嘅冇牛香味，啲湯冇香味，仲要食完好口渴，口渴咗我大半日😤，店內職員經常互相傾偈，有冇戴口罩，口水滿天飛，感覺佢哋似係去咗遊樂場一樣，佢哋就開心啦，可以we哇鬼叫，咁有冇諗過食客嘅感受呢😡

相信區外的人很少會到這兒來覓食，我也是到附近的政府門診求診，才發現這粥麵店。點的是豬紅艇仔粥，售價$25。粥是熱騰騰的，這點很重要，夠熱的粥才好吃，而且因為點的是艇仔粥，夠熱，才能令免治牛肉由生變熟。這粥不但夠熱，而且粥底綿滑。至於粥裏面的食材，也令人滿意，除了免治牛肉，還有魷魚、豬皮等食材，全都味道好，份量多，特別想一讚粥裏面的免治牛肉，顏色粉嫩，可見十分新鮮。總括來說，這粥食材豐富味道好，而且價錢大眾化， 路過的話值得一試。

鵝腸米粉，唔知算唔算新產品，還可以，新穎平時吃D食物食厭曬，新口味系好事。期待更多新產品出世。燒賣就一如既往，13元10粒，其實都真系沒咩好要求，加少少辣油吊下味，醫肚

香港傳統粥麵店近年買少見少，執一間就少一間🥲呢間位於荔景既復興粥麵小店全港只此一家，並無分店。今次我叫左牛腩炸魚角河粉，牛腩呈半肥瘦，充滿牛香味又唔會好un👍🏻，炸魚角好彈牙，有新鮮魚肉味😋，絕非超市x寶買到既貨色；河粉幼滑，湯底清甜，個人喜好加點醋更佳😃P.S 之前食過雲吞麵都好足料，粥都煮得好綿，下次有機會黎會再食😉呢間應該算係荔景數一數二好食既餐廳😆（注意荔景本身無乜餐廳😅😅😅）

啲人成日話馬鞍山小嘢食，其實我覺得荔景仲小…如果想食好啲，唯有去美孚或暫葵芳，完全兩個境界。今次黎到呢間粉麵檔到食嘢，坐低左一分鐘，呀姐就問食咩，我呢啲有選擇困難症嘅，真喺要多啲時間呀叫左個煎蛋炸醬麵同油菜，普普通通，冇咩特別。唯獨是醬汁比較少，如果偏向健康人士會岩啲，上菜都好快，適合食快餐既朋友仔

荔景村本身已經好少餐廳, 好彩仲有一間救星係度, 就係復興!!佢既墨魚餅真係好出色!! 有時唔係堂食既話 都會買番一斤番屋企, 自己切黎打邊爐, 都幾過癮嫁, 平時堂食既話就大多數會叫一個牛腩墨魚餅撈都食, 佢既牛腩半肥瘦都好出色!最緊要食配埋佢既辣椒油, 真係無得頂

啲人成日話馬鞍山係美食沙漠 但我覺得荔景先係真正既美食沙漠😂😂 作為地鐵站轉線站 冇諗過得咁少野食 今日黎到揀無可揀之際下就食依間魚蛋粉店舖細細但都高朋滿座 可能係因為真係冇乜選擇😂😂但食落魚蛋粉都幾好食 魚蛋幾香魚味 湯底雖然一定係味精 但都幾好食既真係 🥰

夜晚6點幾收工諗住入去食碗麵，當時人流小，隨便搵左個位坐，坐底叫左碗雲呑面同豆漿，野食同飲品到左時，我位上面部冷氣機滴水，滴正喺我杯豆漿到，當時杯豆漿我完全未開始飲，跟住我當時同個長髮阿姐講冷氣機滴水滴正喺我杯豆漿到，個阿姐當時態度勁差咁呼喝我，話我咁多位唔坐，係咁岩坐喺依張枱，你唔調位我就唔換杯豆漿比你！當時全餐廳得幾個人食緊野都望住我，勁尷尬，我鬼知依個位冷氣機會無啦啦滴水？我專登坐落個會滴水既位再叫杯豆漿等你換？好似乞佢杯豆漿咁！以後都唔會再幫襯！

放工想食少少香口野，所以去左呢間度食煎蘿蔔糕煎蘿蔔糕（一碟兩件） （$13）蘿蔔糕煎得個皮好香脆，點埋甜醬同花生醬就好惹味。再搭配左鮮豆漿一杯（$5）唔太甜好清新。整體感覺好好。

荔景身為多條地鐵線既轉車站 竟然係一個美食沙漠既地方黎🙁🙁🙁基本上冇餐廳可以選擇 但入到黎 唯有去食下依間魚蛋粉啦…舖頭人流多 可能真係冇乜餐廳可以選擇😅😅位置好逼 食食下野都不時有人會頂到你背隻行過🤨🤨 食物選擇都叫做多既粉麵店黎講今次嗌左碗魚蛋米線黎食多次強調要加腩汁多蔥 侍應先肯寫落張單到 😓 湯底明顯係味精湯黎 但又冇乜味 要落辣椒油調一調味🤭🤭🤭 𣎴過魚蛋口感都okay 唔會話咬落去好粉 都有dd彈牙同魚香既🤔🤔總括來說 係冇得選擇既情況下 都可以食既😂😂😂😂

N年粉麵店由細食到大咁多年來牛腩麵係好出色 入口軟林 又夠多料 價錢非常便宜呀 雲吞水餃都好鬼正 入口爽口 皮夠薄 粉麵加油菜都係$7至$8 良心價錢 魚腩粥 艇仔粥 豬紅碎牛粥 粥類煲得好綿 好香滑 再配埋炸兩 油炸鬼凍食都好脆 呢間粥麵店好過某某粥店啲油炸鬼食嘅口感好似麵包咁唔知點解 每次兩個人食到好似放題咁$100都唔使 又飽又滿足 😊

在荔景站, 大多的香港人都會用作轉車之用,所以每天的人流量都極之高，但會不會代表在荔景站或附近的食市極度多人?原來都不是,今天有幸見識了一間專做街坊生意的麵檔。它在荔景站商場出口轉左位置, 一直前行的市集附近。入到去, 見到裝修並不是十分輝煌, 因為街坊生意嘛，但環境都算企理乾淨。餐廳有各種麵類和粥品, 十分多選擇。但因為見完客，食既時間都已經約四點幾, 所以一心諗住簡單地食碗牛腩麵.嘩! d 牛腩肥瘦適中, 牛味濃郁，而且份量都幾多。愛牛之人應該會幾滿足。麵底亦不會太腍，算有咬口。所以呢度既一碗簡單的湯麵都可以當一餐了.再加多一支大可樂, 對於本來諗住hea 食的我, 都飽到爭d 連晚餐都食不到😆

帶小朋友去睇牙科保健，順手去荔景村感受童年回憶。呢間粥舖以前細細個返學嘅時候日日都食。好似裝修過，唔記得個名係咪一樣嚕！嚟得呢啲舊式嘅粉面店，真係唔預佢有服務可言！艇仔粥就少左好多料，以前啲艇仔粥真係料多過粥，而家撈到底先有...不過而家乜都貴，少左料都好正常。但係真係抵讚， 潮式四寶河，啲肉丸樣樣都好食。最正係佢粒墨魚丸，鮮味、彈牙！ 一碗裏面只得一粒。真係唔夠喉。好想買一斤返去同老公一齊嘆！埋單嘅時候問阿姐可唔可以睇下一斤大概有幾多。阿姐串爆話冇數過唔知幾多粒...邊得閒逐粒數...咦咦哦哦⋯⋯挑！唔想賣咪鬼寫個價出嚟吖！（利申:當時十一點幾，係非繁忙時間！睇杯豆漿就知幾多位淨！）

來到荔景搵野食你就慘嘞！不過，有一家香港特色嘅粥粉麵店，可以一試！因為這裡有香港情懷雲吞麵，外國人來香港除必要吃廣東點心外，另外，就是雲吞麵了，當然牛什麵、魚蛋粉果啲一定有啦！廿幾蚊個麵、加個油菜加七蚊！order多杯豆漿再加五蚊！健健康康又一餐，唔駛日日都大魚大肉嘅！食餐清清地，份量六成飽，正在減肚的你啱數啦！這裡都係做街坊生意，香港舊區情懷，對出仲係傳統街市，鋪內都算逼，即係食食下有人撞到背脊唔出，呢的咪係香港文化咯！所以這裡見客？No！朋友吹水？No！帶外國朋友吃香港特色？Yes！吃味精湯底？Yes！記得準備大大樽水呀！