御點軒點心專門店 (已結業)

首次叫佢地嘅腸粉明明有三條，今次叫得個兩條？打電話去問得到嘅答案係，「我地不嬲都係兩條」我再睇翻佢地以往嘅食評有人都分享過張相係三條。。。我就話明明你地openrice上面相都係三條點解會變兩條😂😂丫姐即刻兜話其實係一樣只係擺法唔同，個師傅用同一塊皮去造嫁係造法唔同同擺法唔同份量係一樣所以變左兩條，唔通你嘅意思係想客人去用個秤去秤？？？我只會覺得係客人嘅角度就只係份量上有明顯分別3變2，不如連價錢都變變？並非20野嘅問題而係不實，而且丫姐態度差！相信作為客人並唔會理會你地嘅做法有幾多種，客人只會相信自己眼前睇到嘅問題！

夜晚倆口子唔知食咩好，行過見到不如飲個夜茶😂 有別於區內茶樓，點心唔錯又坐得舒服！落單後 點心未到先尼茗茶！每台會有一包獨立茶葉，自己沖泡，我地揀咗鐵觀音，茶葉先放入壺，待一會後用隔篩掉茶葉後用透明壺裝茶 ，再倒入杯中飲。幾特別嘅體驗😂鵪春蛋燒賣大大粒 好味道！咖哩牛筋好入味 好軟腍 唔錯唔錯！北菇滑雞飯好多雞，冬菇又大塊！ 份量夠兩個人食！非常推介！叉燒包驚唔夠飽仲叫咗叉燒包😂點知個飯咁大碗 食唔落個包😂 叉燒包不過不失，叉燒唔太多，味道一般

食左呢間幾次，覺得扺食兼質素唔錯！呢套茶具幾有feel！唔會好似平時酒樓嗰啲咁，一開頭啲茶好淡，最後好澀。叫左五樣野食。皮蛋瘦肉粥：有少少涼左，但係係真粥黎，唔係平時啲粥舖咁用粉煮！味道唔錯，又有足夠嘅瘦肉同皮蛋！懷舊豬肚燒賣：第一次食豬肚燒賣，估唔到呢個配搭又幾夾喎！好食，啲肉同蝦都用足料！蝦腸：一樣足料！好多蝦！啲皮又唔會太厚！尖椒：個汁幾好味，釀嘅魚肉又多，好！芒果糯米滋：呢個皮太厚，不過芒果都算大舊，所以都ok! 同埋有一樣野我自己唔習慣嘅係，我本身食開芒果糯米滋都係凍嘅，但呢到嘅係暖嘅，所以唔太習慣個味道同口感！總括黎講，呢間野扺食又足料！同埋啲人都幾Nice添！