御苑皇宴 (已結業)

係 wedding expo 知道佢地新開, 有靚view, 於是一心去睇下環境, 就試佢地既下午茶。自從等一次試過之後, 就好鍾意去里度tea, 因為佢地既野好食, servcie 好, 服務員有禮貌, 環境好, 價錢仲好抵......我都未試過下午茶, 有waiter 幫我換碟.......食物推介：台南珍珠雞, 綠茶珍珠糕, 魚翅灌湯餃最好就係一唔多, 唔洗等位....

9月19日晚約了很久的4人聚會終於到了, 我從報章得知這間尖東御苑皇宴於7月開張, 我會便4人去試新食物, 我們叫了2個二人餐, 因其中一個朋友不吃牛, 怎辦好呢, 我們另三人很想吃安格斯牛, 在這情況下,有位WILLAIM 既高級職員幫我們解困...幫我們其中一位轉了雞...很好呀, 我們的分歧終於得到解決, 有個 大海景, 加不太多人,感覺好好...在上翅前,WILLAIM 送了每人一杯紅酒給我(唔知還是餐有) ,味道很易入口, 上翅了, WILLAIM 很細心幫我們4人上菜...個翅....係排翅....係我地冇想過佢和相同一樣大的,之後上了杏汁斑球, 可能我們4個女子都不太喜歡杏汁, 所以就一般...要上重頭主打....安格斯牛....入口溶化...煎得七成外熟,中間帶了小許生, 鎖了牛排原先既鮮牛味...加埋紅酒.....,好回味....之後到梳夫厘焗五色飯,好健康的感覺...因有紅米,占米,粟米,糯米,紫米,五種.. 到了最後燕窩燉鮮奶.....一句講完.....好滿足, 價錢又合理, 我們4人每人只付$171

同舊同事相約食飯,一行五人就去舊同事介紹的御苑皇宴,離地鐵就遠左少少,唔就腳,但係環境好清靜(也許附近係寫字樓,閒日晚上冇乜人)當晚叫了兩個孖寶套餐,每份都係$1xx 左右都幾抵食荷葉飯 (唔知係咪即整,整左好耐,新鮮)冬瓜盅有十碗到孖寶套餐有(走地雞 不過好細隻 + 咕嚕蝦 本人不太好但ok)(金銀蛋莧菜 ok + xx骨 <---唔記得左個名係有南乳味既炸骨,好好味)環境靜好好坐,服務態度一流...成日同你換碟,添湯...希望呢間野可以keep住水準,但講真成個場好大,但十張唔夠,怕佢做唔住...我下次一定會再帶爸媽一家去幫襯...so gd,咁既價錢係超值,不過注意雖然價錢唔貴,但都好細碟下尤其隻雞,不過咁平價錢咁好質素確係唔錯！

帝國中心好彩樓上開咗間新嘢,星期日同屋企人去試吓,樓下就排大隊,樓上就唔駛排,唔通好差?其實係樓上全層包嘥,多好多位.點心種類唔少,新頴創意就無乜,一般大路點心水準係有但唔係咁突出,义燒飽餡多比較好,比較特別有辣汁牛肉餅,狀元龍蝦餃,辣汁牛肉餅原來唔辣,連鳳爪都辣過佢,牛肉餅裡面D汁都幾多,比小籠包好,狀元龍蝦餃,一籠一隻以為好大隻,原來size同一般蝦餃無異,啅頭而己,不過食味唔錯,蝦夠鲜先.雖然水準唔係話好正,但坐擁無敵大海景,檯又唔逼,飲茶都好舒服,如果下面無位可以上嚟試下.

好朋友生日, 壽星女提意搞吓新意思食中菜賀壽,揀咗尖沙咀一間新開張嘅中式酒樓….佢哋好好,俾咗一間無敵大海景嘅VIP房我哋, 仲根據我哋嘅預算預先寫咗一張菜單 (雖然我哋只係得7個人)!!裝修都幾華麗, 有好多水晶燈(新派,唔係老土個隻), 結婚酒席應該有得做.服務態度都唔錯. 首先頭盤有六小碟,重點推介蜜汁燒鱔, 燒得表皮好脆!!見頭盤唔係咁大碟, 有小小擔心唔夠食!!個湯係杏汁萬壽果燉白肺, 同香港大學校友會一樣咁好味!! 我哋仲要咗以下嘅餸菜:蠔皇靈菰扣鵝掌 – 好入味!!骨香石班球 –石班用咗兩種煮法, 賣相同口感都唔錯.金銀蛋時蔬 - 好大碟!!蒜香脆皮雞 – 都幾滑同埋香脆.食食吓, 個waiter哥哥一入嚟就問邊個係壽星女, 話代表酒樓祝壽星女生日快樂!!我哋見到佢咁講,同時見到一個心形嘅梳乎厘蛋糕,上面仲有士多啤梨!! 心諗不妙啦點解咁快上咗個生日蛋糕?? 個waiter哥哥仲叫我哋唱生日歌,跟著叫壽星女切蛋糕!! 切開咗原來係豆酥梳乎厘焗飯,都真係幾搞笑!!豆酥梳乎厘焗飯 - 賣相100分,食落去就有d失望啦!!五穀米係好健康, 但係無咩味道,仲有好大嘅進步空間!!