影片
依家越黎越多昆蟲，食食下又有曱甴係枱面同地面，背後又有蜘蛛，d蠔又有異味，員工又無禮貌，差左好多！🤢🤢🤮🤮🤮🤮🤮無下次了😵💫🤢🤢🤢🤢🤢🤢如果唔係近同落雨都唔會落黎食😷😷😷🤢🤢🤢🤢🤢🤢🤢🤢🤢🤢🤢裝修又無改，衛生又唔改善🤢🤮🤮🤮🤮🤮🤮🤮眼見幾個客仔都唔耐煩了😷😷😷😷😷😷😷😷夏天又多蒼蠅，衛生太差了🤧🤧🤧🤧🤧
繼續閱讀
《😋晴晴港飲港食 #misshcfoodie 》除咗日本嘢 其實我鍾意食中式多過西式🤭呢日我就揀咗食上海菜呢間京川滬小店位於小西灣主要做街坊生意🧐估唔到仲有得打邊爐😲不過今次我哋就試咗幾道上海小炒🐷豬扒炒年糕 $70🐮京蔥爆牛肉 $75🥬鹹肉百菜津白 $60無論係豬扒定係蔥爆牛肉都好有鑊氣係略嫌有少少油膩本身我都好鍾意食炒年糕呢度嘅年糕夠哂煙韌🤤份量都唔少 2個人好夠食鹹肉津白清清地幾啱我個上湯好清甜仲有肉嘅鹹香加埋啲豆腐皮 好有咬口人均價錢: $100 (Lunch) 味道: 7.5/10環境: 7/10服務: 7/10回頭率: 7/10📍 御翠園京川滬小廚 地址: 柴灣小西灣道18號富景花園富景商場地下49-50號舖
繼續閱讀
除咗以前去運動場，好少入小西灣，呢日過黎探朋友，都唔知有咩食，但架巴士喺富景度落，一落車就見到御翠園京川滬小廚 (柴灣)，見幾方便，又想食下上海菜、川菜，就入嚟一試，估唔到一個簡單屋苑商場嘅京川滬菜館，啲食物食落都唔錯，又幾好味道。入嚟坐低，餐廳服務良好，侍應都主動介紹唔同菜式，而環境亦都很乾淨企理。呢日我叫咗雞絲粉皮($50)、小籠包（4隻）（$40），以及一碗小酸菜魚。雞絲粉皮我最鍾意食雞絲粉皮，呢度啲雞絲肉味香，粉皮夠薄但作彈牙有咬口，花生醬汁配製味道得宜，好快食完一碟，回味無窮。小籠包店員推介，今天剛剛包好，然後蒸煮，熱辣辣上枱，皮薄餡靚，新鮮味美。酸菜魚酸菜湯底味道濃郁，魚味亦濃，質地軟稔，亦有彈牙薯粉襯底，食完十分滿足。正宗上海菜御翠園京川滬小廚 (柴灣)柴灣小西灣道18號富景花園富景商場地下49-50號舖
繼續閱讀
今日嚟到小西灣，發現一間京滬上海小店，餐廳內放咗多張中式實木枱椅，而餐廳定價比一般上海店平，我哋下午3點幾嚟到，仲有特價午市客飯餐及炒粉麵飯餐供應（早上11:30至下午4:30時段供應）上海粗炒$58（跟餐凍奶茶+$3）大大碟嘅上海麵，炒得夠火候之餘，味道都好好 醬油份量適中，每一條麵條都沾滿咗醬油，但唔會過咸，麵條煙韌，加埋肉絲同菜一齊食…值得一試。爆汁鍋貼（4隻）$42必點美食，即叫即煎，上枱嘅時候非常之熱，外層煎得非常之香脆，就連鍋貼嘅底都係脆口嘅。食的時候要小心，一咬落去就爆汁，鮮甜美味。酸辣湯水餃(6隻） $58韭菜水餃🥟餃子皮是帶點嚼勁筋性的口感，濃郁的韭菜香，配上材料豐富，酸辣適中的酸辣湯，我好愛一直搶著喝。
繼續閱讀
好耐冇食過地道既上海野啦，今次路過呢間隱世小店，見到都有京川滬咁都款式，於是就去食下。冇諗過呢度仲有火鍋，每個湯底都幾吸引。配料都唔少，都係以單點形式。連茶餐都有，呢度既食物種類都幾多。出爐菠蘿油都係幾經典既茶記必食，諗起都覺得好邪惡。叫左個嫩雞煨麵，夠哂飽肚，好多朋友黎到都有點煨麵，因為唔係得好多地方食到呀。雞肉好鮮嫩，湯底幼滑濃郁。麵條都好爽口，同埋份量十足。另外就係超級超級邪惡既花雕醉雞，啲花雕浸著哂雞肉，吸盡酒香。大大啖既雞肉加上香濃花雕，真係味蕾既享受。仲有就係螞蟻上樹，原來就係經典中菜豬肉碎炒粉絲。爽口彈牙既粉絲加上惹味既辣椒仔，夠鑊氣之餘調味亦都好出色。總括而言，呢度仲有好多地道既上海野，出面宜家都愈來愈少機會食到，真係要黎食下啦！
繼續閱讀