御石燒 (已結業)

經過廣華街見到有間新開嘅石燒牛就入去試一試兩個人就各自叫一個餐一份豬一份牛大家share食啱啱好我自己揀咗個上級吉列豬扒另外加咗流心蛋、麵豉湯估唔到豬扒真係好厚切，同埋好大塊切開總共有七件因為豬扒真係好厚，所以食落真係有大滿足啖啖肉嘅感覺豬扒食落鬆化可口，唔會覺得太韌， 皮脆肉嫩朋友就叫咗份吉列牛， 上菜時候見到賣相一流而且份量幾多鐵板上仲比咗一嚿牛肉脂肪 令到牛味更加香而且冇咁容易黐底牛肉脂肪分佈均勻 件件牛肉色澤都覺得好靚， 脂肪分佈平均覺得一面燒一面食感覺都幾過癮 傾下講下 睇住佢燒都幾自癒兩個人加埋食咗三百蚊，輕輕鬆鬆又過一天

今日試左新開的石板燒肉餐廳！新餐廳都會感覺好乾淨，都會心情好啲😂我哋叫左2個主食《御燒特級牛小排》同《御燒極上級吉列牛》將生肉放係熱石板上直接燒烤。呢種方式能夠保留肉類的鮮嫩和原始風味！石板燒肉能夠讓肉類保持多汁同鮮嫩既口感。燒烤過程中，肉類油脂滲出，更加美味。此外，石板的高溫能夠使肉表面迅速煎烤，形成外酥內嫩既口感！石板燒肉通常係一種共享式的用餐體驗，我同男朋友一齊食，一齊燒，增加用餐的樂趣和互動性。呢度牛肉既分量算好多，平時啲石板牛好似食幾塊就無！而且牛肉既質素都好好，好淋，好有牛味！另外，待應既態度都值得一提，會係甘關心個火會唔會太弱，係甘幫我地加蠟燭，確保我哋可以煮熟！

約咗個friend食lunch，就佢方便响佢公司附近食，佢帶我去一間新開嘅日式石燒店試。店舖以灰色為主，裝修簡約整潔，座位闊落舒適。掃過QR code 落單，等咗大約10鐘，食物已經上枱。卸燒特級小牛排 $158.-小牛排份量足，一碟有8小塊。上枱時店員會詳細介紹使用方式及注意事項👍，之後佢會點著火爐加熱石板，見上面預先放上的牛油脂開始溶開，就可以放牛肉去燒，整個過程非常治愈😍。牛排燒到6成熟左右，肉香味滲出，質感又軟腍，點埋燒汁食，味道更加提升。卸燒吉列豬扒 $85.-吉列豬扒即叫即炸，薄薄嘅外層炸得香脆乾身，內裡肉質軟腍，點埋甜甜酸酸嘅燒汁一齊食，零舍醒胃又餸飯😍。加$22.- 跟紫菜味素飯+流心蛋+汽水/麵豉湯熱辣辣又軟熟嘅飯，再加上紫菜及味素，特別香口好食，流心蛋有陣陣醬油香味，又有流心效果🤩。

御燒極上級黑松露吉列牛+$35 可以轉紫菜味素飯，麵豉湯&溏心蛋吉列牛嘅炸衣有好多黑松露牛肉幾厚身 而且口感軟淋 充滿濃郁肉味就算唔小心overcooked都唔韌食得出係高質牛🤤跟肉有配燒肉汁不過覺得唔點調味汁 品嚐吉列香最好味😋御燒豚肉我地試埋佢嘅豬🤭豚肉肥瘦相間 脂肪分佈平均燒完滿滿油脂香🤤肉本身冇醃過所以點隨附嘅調味汁食更好味調味汁同吉列牛嘅唔同味道偏酸 同豚肉更夾👍🏻不過因為豬嘅油脂多啲所以燒嗰陣都幾彈油 要小心啲😗店員服務好好會解釋下點樣燒中途主動幫手加燃料好細心燒肉用嘅脂肪如果唔夠可以請店員添👍🏻

同朋友食晏，想搵個靜啲嘅地方傾下偈，又想食日本嘢，見御石燒新開，一於嚟試下，果然有驚喜御石特級牛小排($158)、紫菜味素飯、流心蛋、麵鼓湯($22) - 牛味香濃，肉質鮮嫩，點燒肉汁或者鹽都好夾，份量亦多；飯加咗飯素更香口，流心蛋同麵鼓湯亦好味御燒豚肉($88)、紫菜味素飯、流心蛋、麵鼓湯($22) - 半肥瘦嘅豚肉好正，份量同樣多，特別想提塊石好夠熱，燒出嚟嘅肉好香，肉面可以燒到好脆OOHA白桃烏龍味、道地烏龍茶 - 一邊嘆燒肉一邊嘆有汽飲品，感覺好爽，配茶亦好夾御石燒門面幾靚，木系條子配灰色，加埋玻璃門，好有日本嘅感覺入邊好新好乾淨，好闊好好坐，牆上啲掛畫又靚，感覺幾舒服餐牌嘅選擇都幾多，燒肉款式都幾多，想食定食嘅亦都好多選擇，價格相宜，久不久嚟食下嘢真係唔錯

喺旺角行街，睇完鞋之後見到呢間，我見到係石板燒，就決定食呢間做晚餐。兩個人一人嗌咗一款， share食都好夠食。職員好細心問我哋需唔需要圍裙，咁就唔怕整污糟啲衫。又會好溫柔咁提醒，小心彈油辣親自己。每個燒肉餐，都會配上一舊脂肪，係令到個鐵板上有油，令到肉唔會黐底，如果用完嘅話，可以問佢哋再拎多一舊。唔夠火，都會好快幫手換。$ 88 御燒豚肉 配椰菜絲沙律豚肉油脂分怖啱啱好，燒完之後，食入口後都唔會覺得油膩。椰菜絲沙律，有少少酸酸地嘅汁，配埋豚肉解膩啱啱好。$ 158 御燒特級牛小排+$35紫菜味素飯＋流心蛋＋麵豉湯呢一款係非吉列款，呢個價錢嚟講，份量都好多，大概有十幾差唔多二十塊。油脂分布好平均，唔會太多肥膏。肉質軟淋嫩滑，每邊煎一陣，已經好快食得晒。食入口好Juicy，爆出好香嘅牛肉汁，配埋素飯，一流。流心蛋多幾好食，應該醃製過，有少少醬油味。麵豉湯唔會太鹹，自己一路食，一路燒，好過癮。性價比高，可以再嚟過。

街坊地鋪都有高質有格調嘅日式石燒肉，店內通風冷氣都足夠，唔會一陣油煙味。御燒特級牛小排配椰菜絲沙律石板嘅都size 都夠大。 先用牛脂肪燒熱石板，咁樣就會另到牛嘅油脂香味更完整，牛肉質素都相當高，望落顏色同脂肪比例均勻。肉味亦都夠濃，淨落鹽食都夠好味，另外都有提供燒肉汁，另一種風味。想食飯嘅朋友都可以揀要白飯。上級吉列豬扒配椰菜絲沙律豬扒厚薄適中，外脆內軟肉汁夠多。份量亦都夠大夠哂抵食，新鮮炸起嘅吉列豬扒真係好食。建議配個沙律可以平衡一下。

出嚟廣華睇醫生，睇完醫生，有啲肚餓，周圍逛啊，睇下有咩食，發現有間係石頭燒牛肉，今日都幾想食牛肉，就入去食。裏面裝修都好日本feel、好整齊、好乾淨。侍應亦都好熱情招待，用數碼來點餐 ， 非常方便。這店主打係石頭燒牛肉，我叫咗御燒特級牛小排，佢係一個套餐，配咗白飯和椰菜絲沙律。牛小排好有牛肉味， 輕輕一燒就熟，肉質好淋、牛肉味很重、級數好高。跟白飯和椰菜絲沙律一起吃，真是一個好配搭。我朋友叫御燒極上級黑松露吉列牛，吉列牛幾特別，我比較少食， 想不到吉列牛有又幾好食， 脆脆的外皮，加上肉質幼嫩嘅牛肉，真係一個好有口感。牛肉一燒就把黑松露的香味好帶出來， 黑松露跟牛肉真係好匹配，好惹味、好特別。套餐也可以加錢增值：加配紫菜味素飯+流心蛋+麵豉湯/可樂。食起嚟更加滋味，更加享受。

🎪 御石燒 (旺角)旺角廣華街2-20號翠園大廈二期地下10號舖🪨又有新開石板燒小店😎店舖裝潢走型格風，用左水泥色做牆身，又有日式掛畫，最重要係坐得舒服，先可以燒得安全😌服務要俾五粒⭐️超窩心跟進服務～不停換火種又換石板，讚👍🌟御燒極上級黑松露吉列牛$138✨紫菜味素飯+流心蛋+麵豉湯+$35外層係酥脆既吉列黑松露，燒既時候有淡淡黑松露香氣，咬落去軟稔稔，肉質鮮嫩😋燒既時候🔥火勢吾弱架，要慢慢黎慢慢享受下啦🥰味素飯和牛肉好合襯☝️值得加配。🌟牛肉野菜鍋 $72✨半個讚岐烏冬 +$8套餐原先配白飯，而半個烏冬女孩子👧🏻都好夠食☺️牛肉和野菜份量都不吝嗇架☝️湯底好濃郁，全程都吾洗再加湯，配料好入味🤓

旺角廣華街上，原來有不少美食，這次來吃了石燒吉列牛，味道姣好。店員服務亦很貼心，關心食客的需要，留意到我們的石燒爐沒火時，會主動為我們的石燒爐加火。御燒極上級黑松露吉列牛 配溏心蛋、麵豉湯及日式飯素飯（+$35配）黑松露吉列牛肉口感鮮嫩多汁，外層香脆亦不會過厚炸粉。石燒的烤製方式保留了肉質的鮮美，亦能自行選擇生熟程度。黑松露的香氣令整道菜更加奢華，和牛肉的香味非常夾。溏心蛋熟度剛剛好，不會流太多蛋黃汁，帶有足夠的醬汁味。素飯清爽開胃，搭配恰到好處，配搭令人回味。御燒豚肉 配溏心蛋、麵豉湯及日式飯素飯（+$35配）豚肉口感豐富，肥瘦均勻分佈，放進口裡有點溶化的感覺，非常香口。菜品味道均衡，豚肉的鮮美與素飯清爽的口感相得益彰。

餐廳位於旺角廣華街, 非常易搵油麻地A出口行過黎都係10分鐘內餐廳坐位寬敞舒適, 唔會因為隔離台都係石燒緊而好焗促咁店員細心介紹QR CODE落單之後介面既選擇主食可以再揀配白飯 / 味素飯 / 味素飯加流心蛋配麵豉湯既套餐晚餐主食有7款咁多, 包括左有吉列牛, 石燒既豚肉, 鰻魚, 豬扒照顧到唔同需要御燒特級牛小排牛小排數量都幾多, 百幾蚊既CP值黎講算幾高牛既脂肪比例適中,入口嫩但又唔會太油膩隨餐既靈魂醬汁係帶少許酸味, 有醒胃作用牛肉野菜鍋野菜鍋配料都幾多, 除左菜仲有芋絲, 紅蘿蔔湯底帶點甜, 牛肉都有肉味最後加個可以掛湯既稻庭烏冬, 已經想冬天再番黎食個暖笠笠既鍋

好耐冇出旺角，發覺廣華街好多食肆都唔同哂～ 見到呢間感覺唔錯就走入去～ 簡約嘅裝修，寧靜嘅環境，加上店員親切嘅笑容令人好舒服～😊😊1.御燒特級牛小排 $158 牛小排油脂分佈均勻，口感彈牙，加上自己燒可以控制到自己想要嘅熟成度，唔會燒到死實實咁～ 另外加左$10轉素飯，素飯嘅比例好perfect, 啖啖都有飯素，超正！2. 御燒極上級黑松露吉列牛 $138 黑松露吉列牛燒完後口感外脆內軟，淡淡嘅黑松露味刺激著味蕾，跟牛嘅味道好夾，配埋燒肉汁，味道又昇華左另一個層次～我覺得呢間比嘅份量都幾多，完全係好夠食，但係又唔會好油膩～ 而且店員每一次上菜都會不厭其煩跟客人解釋牛脂嘅作用～ 對客嘅態度非常友善，令人好warm~ 📍御石燒旺角廣華街2-20號翠園大廈二期地下10號舖

在旺角找地方吃午餐，太多選擇，眼花繚亂。見到有新開的日本石燒肉店，當然要一試啦。餐廳典型日本風裝飾，乾淨企理，樓底高坐得舒服，入去即刻有店員熱情招呼，掃碼點餐，有咩唔明可以隨便問。餐點選擇很多，主打燒牛🐮肉，配搭各有不同，各款燒肉可以配飯配沙律，還有日本特色飲品送。我們選了松露吉列牛肉配飯，蒲燒原條鰻魚飯，還叫了一個特色小食，明太子雞翼。兩個特色飲品，一個白桃梳打🍑，一個荔枝乳酸飲品🥛。松露吉列牛要自己燒，在燒熱的石板上放一舊牛油，再放上厚切牛肉，燒到滋滋聲，半熟就可以食，牛肉鮮香有咬口，一啖一舊牛🐮肉，超好味。😋配埋芝麻味素紫菜飯，一個靚靚糖心❤蛋，越食越香，荔枝乳酸梳打，酸甜氣足，與石燒牛肉真是絕配。👍👍另一個蒲燒原條鰻魚飯，一大條厚厚的鰻魚，肥美鮮軟，油潤誘人。一樣都有靚靚糖心❤蛋，性價比超高。🥳🥳仲有填滿明太子的雞翼，炸得香脆，食得過癮，脹卜卜香噴噴，味道鮮美絕不油膩。每人百零蚊就有一個豐富的石燒牛🐮肉餐，真是開心，下次要試下其他味道的燒牛肉。 🐮🐮

之前喺朋友嘅IG po佢喺呢間位於旺角嘅日式小餐館食石板燒肉，覺得好得意，就決定黎試下。呢間餐廳係一間小店嚟嘅，所以唔係好大間，但都坐得好舒服。而且呢度冷氣充足，所以唔會有好大嘅油煙味！餐牌食物選擇都唔少，價錢親民。當晚我地叫左一份燒牛小排同埋燒豚肉套餐，兩份套餐都包紫菜味素飯、溏心蛋、一罐飲品同埋一碗麵豉湯，非常豐富！牛小排嘅脂肪花紋好靚，肉質鮮紅，所以睇得出係好新鮮嘅。食落去牛味十足，而且肉質口感好好。豚肉份量都好多塊，肉味都幾鮮味，肥瘦比例合適。可能用細細塊嘅石板燒肉感覺好得意，而且可能因為比較細塊嘅關係，只能每次燒一兩塊肉，反而令到每一塊肉都燒得啱啱好、熱辣辣。總結：呢間小店用餐體驗幾好，肉嘅質素相當唔錯，而且店員服務態度好好，值得推薦！

今日好開心同屋企人去咗油麻地附近嘅一間餐廳食燒肉，佢哋嘅鐵鍋燒真係好好食，食咗一次真係要推介俾朋友，好嘢一定要同大家分享呀，頭先呢一間餐廳位置於油麻地站A出口，一行兩至3分鐘，就搵到呢一間餐廳真係好方便呀，而且裏面嘅裝修都好靚，入到去好寧靜，攝影都好殷勤我嘅親切嘅笑容，好有服務，如果你咁講，食物方面，更加係頂呱呱，有吉列牛，有黑松露牛，仲有牛小扒，我哋叫咗個牛小扒，同埋一個豚肉燒，真係好好食呀，佢哋個飯仲有配有紫菜，真係好有心思呀，而且佢哋嘅肉多好多，分量十足，而且個價錢都係好經濟，響出面都搵唔到咁平嘅價錢，所以我覺得真係物超所值啊，而且呢度有糖心蛋，都好好食，好多選擇，而且我見到餐廳都有獨立廁所，好乾淨，所以我覺得喺度食飯都好重視衞生，好乾淨企理，所以一定要推介比朋友