御石燒 (已結業)

最近旺角新開左一間石燒店，主打吉列牛！價錢非常相宜，吉列牛套餐最平只需118 我哋點咗一個原味吉列牛套餐，同一個黑松露吉列牛套餐，黑松露味幾香，令到成塊吉列牛更有風味🥰吉列牛嘅肉質幾好，配左甜味醬汁，套餐包括一隻糖心蛋，糖心蛋處理得好好，無論係味道同質感都冇得輸🫶🏻呢度嘅店員好Nice，會細心講解餐牌同食法，仲會提供圍裙👍🏻✨✨.📍 御石燒 (旺角)旺角廣華街2-20號翠園大廈二期地下10號舖

位於旺角嘅日式御石燒，店鋪裝修都好日式🇯🇵，整齊企理又乾淨，店員亦都好熱情招待，服務好貼心，會主動幫手加火同埋會提供圍裙🥰食物亦相當高質，超推薦吉列牛系列👍🏻🤍御石燒極上級黑松露吉列牛 黑松露吉列牛嘅觀色澤深邃，散發出迷人嘅香氣，放上御石上燒完更加濃郁撲鼻，每一舊牛食落都鮮嫩多汁，融合埋黑松露嘅香氣，相當吸引，令人回味🤤🤍御燒豚肉 豚肉切身好薄，燒完之後油香迷人，食落肉質好嫩，而且油脂均勻，豬肉嘅香氣連帶燒出嚟嘅風味，配上特製醬料，令人一試難忘😋🤍紫菜味素飯 味素飯不僅賣相打卡able，口感層次都好豐富，食到紫菜同飯素嘅香氣，為整個白飯增添咗層次感，米飯食落蓬鬆而粒粒分明，不僅美味，營養都好豐富👍🏻🤍流心蛋 流出嚟嘅蛋黃口感濃郁，食落好滑溜，好襯個紫菜味素飯🤪🤍麵豉湯 麵豉湯加入了各種香料同昆布，，麵豉嘅咸香與昆布嘅鮮甜，味道濃郁滋味😍🤍烏龍茶 烏龍茶茶味香濃，飲落好清新愉悅😌🍚👨‍🍳 御石燒 (旺角)📍 旺角廣華街2-20號翠園大廈二期地下10號舖#hkfoodie #hkfood #香港美食 #foodie #hkigfood #hkfoodstagram #foodporn

和囡囡撐枱腳，叫了兩個套餐。好味！😋😋1. 特級牛小排：這道特級牛小排非常令人驚艷。肉質嫩滑，入口即溶，每一口都能感受到牛肉的鮮美。它在石上燒烤的過程中保持了肉汁，使得口感更加豐富。2. 黑松露吉列牛：這道黑松露吉列牛絕對是一道精緻的料理。黑松露的香氣濃郁，為整道菜帶來了獨特的風味。牛肉嫩滑無比，每一切口都能感受到它的軟嫩口感，完美地融合了黑松露的香氣。3. 流心蛋：這道流心蛋是一道令人難以抗拒的美味。蛋白結實細滑，蛋黃則濃郁而流動。如果你喜歡甜點，加點糖後的流心蛋絕對會讓你愛不釋手。食材新鮮：御石燒以新鮮的食材為基礎，這一點在每一道菜中都能體現出來。無論是牛肉還是配菜，它們的新鮮程度都非常令人滿意，這也是這家餐廳的加分之處之一。服務員細心有禮。他們積極回答問題，提供建議，確保每一位客人都能享受到優質的服務。食物在石上燒，這種方式保持了食材的原汁原味，並在瞬間將食物燒烤至完美狀態。這種即燒即食的方式讓食物的美味達到了極致。

餐廳新開啲爐具都比較新，塊熱石板都唔會好似其他果啲殘殘舊舊咁～御燒極上級黑松露吉列牛加$22有埋紫菜味素飯、流心蛋、汽水👍🏻 呢個吉列牛係我食過最好味嘅版本！佢嘅黑松露味唔會太濃，淡淡地已經可以增強吉列牛嘅香口度。將牛肉烤至七成熟，牛味香濃加上個邊脆脆地口感幾好！而且佢嘅份量都好多！要燒曬基本上要加一至兩次燃料😚上級吉列豬扒配椰菜絲沙律女仔想食香口嘢，又唔想太過重澱粉嘅話就可以將白飯改為沙律，可以邪惡得黎又輕盈。豬扒即叫即炸，所以都等咗一陣。豬扒口感唔會過實，亦都唔係嗰種落咗鬆肉粉好腍嗰隻～味道偏淡需要配上佢嘅醬汁一齊食。

今日和朋友去咗位於旺角廣華街的「御石燒」食lunch …... 「御石燒」店內裝修是水泥工業設計風，坐位都寛闊，感覺幾舒服…午市套餐由$58 起，價格都很親民🤭🤭御燒特級牛小排，牛小排肉質鮮嫩軟滑，油脂分布平均👍而且每塊牛小排厚度都不薄！有咬口🤭午市套餐可以另加$22就包一款飲品，紫菜味素飯和流心蛋一隻😙紫菜味素毫不吝嗇，配飯好好味🤭🤭蒲燒原條鰻魚飯，原條蒲燒鰻魚，肉質肥美，配以甜甜的蒲燒汁，很美味🤭🤭

今晚同朋友係旺角行街食飯，經過廣華街見到有間御石燒，朋友想食啲熱辣辣，咁就一於試下😆以木系簡約為主調，店內乾淨，坐位舒適闊落，牆上掛了幾幅日本風景畫，感覺舒服，而且有陣陣肉香令人🤤留哂口水上級吉列豬扒 | $120豚肉炸得酥脆唔油膩，油脂分佈均勻，咬落好軟腍，加埋醬汁仲好味；另加$35有紫菜味素飯、流心蛋和麵鼓湯，變成一個豐富嘅套餐。紫菜味素飯成碗都係芝麻紫菜，而麵鼓湯一啲都唔鹹👍御燒特級牛小排 | $158店員先將一件牛脂放係厚石板上面，令佢無咁黐底，然後就可以慢慢燒，自己決定幾成熟😆啲牛係薄切，所以好易燒，唔怕過生或過熟。牛小排肉紋靚，唔會太肥，肉質鮮嫩香噴噴，點埋燒肉汁一流。配埋無糖可樂，一邊食燒肉一邊嘆可樂，真爽

老公話抄牌抄到怕，見到呢間石燒店可以方便睇到車，咁方便就即管一試～御燒特級牛小排比呢個價錢，食得到呢個價值嘅食物。雪花平均得嚟，又唔會去到和牛嗰種成口油，好快膩嘅感覺，比足12塊，算幾有誠意。老公話放上去石台燒幾下（每邊慢慢數6秒），就食得～我就燒到完全見唔到紅色先食。的確，燒嘅時間短啲，淋身啲食口感；燒耐啲，肉味又會出啲，神石燒就係有呢樣好處，大家可以按自己嘅喜好去處理。蒲燒原條鰻魚鰻魚夠肥，加埋鰻魚汁基本上唔會炒車。反而係佢個流心蛋同飯素飯做得幾好。糖心做得啱啱好，少少甜味唔會過鹹，滿分。飯素、糖心蛋汁再加一啖鰻魚去送飯，滿足～～可能我地食得慢，食到仲有2-3塊就無咩火喇～ 職員姐姐好細心呀～我地都未講，佢就留意到我地燒到無咩火，好快就即時補燃料～ 繼續享受美食～有種去日本餐廳的細心服務～

今日出開旺角，想去啲冇咁人多擠迫的餐廳食飯。黎到廣華街見到呢間御石燒，小店環境簡約，食下即燒牛丼都好喎。一入去店長（定老闆🤣）哥哥超級溫柔啊，不斷觀察我地有咩需要，有禮得黎又唔會好Over，即刻加分加分😆我地叫左兩個套餐：御燒特級牛小排（$158）佢介紹呢個係三款牛入面最熱門的。牛肉本身冇咩特別調味，純靠啲牛有幾得，建議都係食好少少。自己燒牛好有儀式感😛睇住塊牛係石板上燒到滋滋聲，慢慢滲出油脂，釋放牛肉香氣，逐漸由粉嫩變成焦香外皮的感覺真治癒。好玩得黎仲可以自行調製唔同熟度的牛肉片。牛肉片一碟約有13塊，份量都幾足👌🏻個人口味鐘意食燒耐啲的，逼出更多牛油牛香之餘，口感亦唔會差好遠跟餐加$35，加配紫菜味飯素、流心蛋同麵豉湯。燒得剛好的牛肉配搭燒牛汁同飯素飯食，正～麵豉湯就正常，反而隻流心蛋個質感掌握得幾好，I like it!食燒牛加$12整罐道地烏龍茶會再Light啲。另一個Set係上級吉列豬扒（$85）。雖然寫話需時10鐘，其實都黎得好快。即叫即製呢樣野真係幾加分！酥脆可口的炸皮麵包糠熱辣辣，一定要醮埋個豬扒酸味提升個味道。加配無糖可樂，爽啊

石燒牛喺近年漸趨流行，旺角廣華街就新開咗一間石燒牛店，可能大家喺度就會諗石燒牛又系戈啲款啦，會有咩咁特別？御石燒又真系好特別，可以燒吉列牛同一片片牛小排，更有吉列豬扒、蒲燒鰻魚飯等菜式供客人選擇。我地首先叫咗御燒極上級黑松露吉列牛，系一個大家都會好中意嘅組合。炸粉上佈滿黑松露🖤吉列牛放上熱石後燒一陣🔥牛肉油脂分佈不俗，牛肉味香濃🐮另外我地叫咗蒲燒原條鰻魚，鰻魚充滿鰻魚汁，味道香甜🤎啖啖肉充滿口感。套餐配流心蛋蛋味香濃🥚蛋黃甜甜哋好好味🧡紫菜味素飯味素超多，撈飯一流😋

旺角雖然餐廳多但質素較參差也不便宜只有四家店我會重覆去御石燒是其中之一在香港吃燒肉大約平均是五百元一位吧所以這家燒肉在晚市吃到飽才百來元真的很划算下午茶時段的價錢是十年前的價格吧很久沒有見過香港除了連鎖餐廳以下有$50以下的套餐了而且質素和服務都很好什麼肉配什麼醬也有解說也細心地附上了即棄式圍裙很適合帶小孩來也是可以一去再去的餐廳點了御燒極上級黑松露吉列牛和御燒特級牛小排牛小排較嫩吉列牛則較香牛的雪花分佈很均勻肉味也很濃套餐有溏心蛋、麵豉湯和飯非常豐富

星期六黎到旺角御石燒食午餐呢度舖面細細，但好搶眼店面外餐牌吸引呢個係御燒特級牛小排餐可以簡紫菜味素飯加流心蛋加麵豉湯呢一個午餐喺一放上台已經擁有一個隆重同埋豐盛嘅感覺，映入眼簾已經覺得啲牛又滑又可口，細細塊一片片，肯定第一下放入口必定多汁到融化！喺牛小排中間放住一小嚿豬嘅脂肪，畀我哋添加油分而用嘅，令d牛無咁容易黐底。將一片片嘅牛小排放落去塊滾燙嘅石度，喺迅雷不及掩耳嘅速度下，已經好快咁熟左一面。好快已經將一塊塊嘅牛小排燒熟咗，再配以紫菜味素飯入口，成個食物嘅享受度簡直一流。講起個紫菜味素飯，入面嘅味素多到不得了，用黎佐飯同配以牛小排去入口，呢一個味道完全對得起個價錢。另外不得不提佢仲有兩個半隻嘅流心蛋，都係超級好味道！蒲燒原條鰻魚（需時十分鐘）因為要即場製作，所以佢哋鰻魚上菜時間比較長，需要大概等十分鐘。但係等十分鐘完全係值得嘅，因為鰻魚嘅肉質非常嫩滑，口感更好。而佢係鰻魚嘅份量都係一大條，對於無論係男士定女士，都可以令佢哋食到飽肚，而且滿足咁離開！真係好多人食！

假日午餐揀咗呢間食。坐低餐廳有水供應。QR Code落單。我們點了兩款：御燒特級牛小排$158 紫菜味素飯＋流心蛋+麵豉湯+$22牛肉野菜鍋$72御燒特級牛小排以石燒方式烹調，讓顧客可以親自將牛小排放在爐子上烤。這種烹飪方式讓每個人都能根據個人口味掌握牛肉的烤製程度，帶來一種互動和自主性的用餐體驗。加$22搭配上紫菜味的素飯、流心蛋和麵豉湯。牛肉野菜鍋有牛肉、芋絲、金菇、菜，揀選了配白飯。分量剛剛好，一定夠飽。

想當年係日本排隊食吉列牛，番香港都食唔番個種滋味，今次竟然比我係廣華街食到哩間有質素既吉列牛!門面同店內裝潢都係簡約既和式風情，餐牌價錢公道，有定食，鍋物，石燒等選擇。本身配珍珠米飯，加$ upgrade可配味素飯，流心蛋同埋麵豉湯，蛋有鰹魚高湯味，蛋黃香都幾濃👍🏻中意哩款一人前石板setting，精緻又有儀式感，火夠猛板夠熱，放上牛脂粒迫d油出黎就開始燒肉😋朋友既御燒特級牛小排色澤同油花都靚，入口柔潤牛既油香突出。但係我都係鍾情自己既極上級吉列牛 ，order完即製上枱，就咁夾落去都feel到吉列皮既脆，個人喜好同埋靚牛唔洗燒咁熟，兩邊各煎10秒，粉嫩粉嫩咁就最好食，中意哩個厚度食落更有口感，外脆內軟熟，同時食到吉列皮既香口同埋牛香，再扒啖飯，超正⭐️另外配左個甜甜地既燒汁，不過我就中意原汁原味👍🏻出品有質素之餘份量亦好足，再加上小店店員親切有禮，有令人驚喜既感覺，會再回頭!

今日旺角買野, 夜晚約左朋友食飯, 試下呢間新開既石燒牛肉餐廳, 餐廳位於廣華街附近, 附近有好多食肆, 上次經過呢間餐廳還未開張, 我都幾鐘意食石燒牛, 可以自己燒, 控制生熟程度。餐廳亦有圍裙提供, 燒肉時唔怕整污糟自己件衫。我哋今次試左特級牛小排, 份量十足, 肉質嫩滑, 燒一燒就食得, 只係加少少鹽幾亦很好食。另外亦叫左吉烈豬扒飯, 即叫即製, 豬扒炸得好鬆軟, 上菜時亦好熱，配合特製醬汁, 味道幾好。如果同小朋友黎, 可以俾佢哋邊燒邊食。

御燒特級牛小排 $158一份套餐咁上㗎!好有儀式感😍店員首先會將一個肥肉放上面令石燒無咁黐底！之後就可以燒牛啦😍我哋特登燒到啱啱熟就收手，再放落飯面，啲牛油迫哂出嚟🫶🏻wowww!!! 真係好正！牛小排肉紋好靚仔，唔會太肥，好鮮嫩！紫菜味素飯& 流心蛋 &麵鼓湯 +$35變成一個好豐富套餐！食物質素好高😍略略覺得其實個飯就咁食都好好食🤤唔一定要味素！牛肉野菜鍋 $85湯底好濃😆用石燒形燒打邊爐咁！有好多菜，有芋絲，金菇，健康指數提升哂！我地加咗$15要個稻庭烏冬🤤好得！好夾！好好食👍🏼石燒黎講，價錢絕對食得過！