御滿屋日本料理

營業中

休息中

上次過嚟食 因為身體不舒服所以無得食魚生刺身 真係勁唔抵🥹今次都終於可以食了 哈哈 是幸福的感覺這個放題其實真的唔差 刺身都很新鮮 起碼完全無食完會拉bubu的問題雖然選擇了個便宜的價格 沒有那些長腳蟹的食物但還是很多菜式選擇 刺身之外 熟食都唔錯 連乳鴿都有得食 蒜蓉生蠔🦪都幾大隻 唔錯扇貝就細粒咗少少 仲有羊鞍、雞軟骨、烏冬、牛肉粒、鰻魚、天婦羅炸物等等全部都可以食得到飲品、甜品選擇都係好多記得上樓前要問樓下派傳單的拿宣傳單張 有得打折扣喲！

又即將到母親節，緊係要提早去慶祝一下。原來哩度都有坐得舒適既座位，即使一行十人都唔會好擠迫。食物方面亦有好多選擇，最正係有榴槤任食。每一件都好穩定。長腳蟹腳都鮮甜，唔會好似buffet 果d咁咸。仲有海膽手卷都好高質，絕對係回本必食！不過第二次點的佛跳牆就有點失望，因為Round 1 果碗係好清甜 同埋湯水好清徹，但第二次order 已經完全唔同味 而且比較混濁，試左一啖都唔敢再飲了。其實整體黎講都算唔錯 起碼點餐既數量都比得足，只係哩個湯扣左分。

呢間野的待應只識講普通話，聽到已經掃掃地興plan B 為左食鵝肝，但完全無味仲好燶食左一舊就無再叫如果想黎，唔需要考慮叫Plan B埋單每人460左右，無咩特別好食，性價比偏低

閒日去食，食物出得很快，今日假期去食，變咗2個世界，又慢又拖唔追單唔出，明明壽司一張枱Order 10件，佢可以分開3~6碟出，獨件上都有真奇怪。Last order 燉湯等咗十幾分鐘追單，追埋last order 之前2件軍艦都未有，點知嚟咗2件軍艦燉湯都未有，再追佢，佢居然話燉湯無咁快，係即刻燉喎要15分鐘，我等咗都唔止15分鐘喇，咁嘅藉口都講得出，香港飲食界就係俾呢班人整死，唔好怪人上大陸食嘢，香港飲食界玩完喇

上星期同朋友去咗「御滿屋日本料理」食放題。五點就到餐廳，我哋揀咗$258嘅套餐。原本睇好多食評話好差，心入面仲有啲擔心，點知食落意外地唔錯。一入餐廳，就覺得座位好寬敞。我哋一行十個人，都有張大枱可以坐埋一齊，傾計食嘢都好舒服。呢度食物選擇好多，就算我哋揀嘅唔係最貴套餐。刺身好新鮮，蝦同三文魚入口爽滑，油脂香氣喺口腔散開。烤羊架烤得好香，表面微焦，咬落去肉質軟嫩多汁。芝士焗扇貝，芝士香濃，同扇貝鮮味融合得好好。有朋友最鍾意就係有成個榴槤食，不過榴槤質素每次嚟都有啲參差，有啲好甜好香，有啲就普通啲。好彩嘅係，我哋有人當月生日，我哋冇早通知餐廳，佢哋都好有心送咗個細蛋糕。蛋糕好精緻，上面有紅桑子做裝飾，我哋一齊影相，好開心。總括嚟講，今次喺「御滿屋日本料理」嘅體驗唔錯，有機會都想再嚟！

值得推薦之放題本人在星期日下午時段來的店內食客不多，坐得十分舒服所以店員都好友善，上菜都好快食物新鮮，款式好多性價比極高特別榴槤都可以任食質感軟綿香滑日後一定會再來！！

12月26號中午去到門口，先知話係特別日子，B plan要388再加一，由開始食到埋單都無7成客。刺身叫左鮟康魚肝等左一個鐘先黎。餐廳話必食既三味生蠔杯唔供應又唔講，凍鮮奶桃膠雪燕又無又唔講，榴槤冰糖雪燕榴蓮飄香都係冇架。個脆皮紅燒乳鴿王得層皮，有相為証，啲肉小得可憐，唔知以為食緊片皮鴿。睇youtube話自助區有麵包蟹，去到好失望，因為冇。蒸蠔同蒸扇貝上到枱得5毫子size咁大粒，拖羅第一次黎個啲仲要有好多筋咬唔開，果然圖片真係只供參考，智商稅。

好多刺身唔新鮮 尤其甜蝦同赤蝦完全無味熟食叫做好過刺身少少鵝肝又係唔知想點 又係淡茂茂😂如果一早知咁難食 就唔會加錢比最貴個套啲野食出餐等得耐 又成日漏洞食物質素真心麻麻完全唔值呢個價錢邊個去邊個中伏 我寫包單唔會再黎 因為真係完全唔值呢個價錢

今晚到荃灣吃放題。這間御滿屋環境寬敞，坐得舒適。一進門便能看到琳瑯滿目的飲品、甜品和凍海鮮選擇，包括各式汽水、啤酒和茶飲，食物應有盡有。自助取餐區自助餐區分為小食、飲品和甜品區。前菜和小食有多款選擇，炸餃子，沙律的章魚小丸子等等，湯類、熱葷、點心、冷盤海鮮、生果、軟雪糕、Haagen-Dazs及 Movenpick 雪糕任食。飲品有各款啤酒、紅酒、白酒，清酒及梅酒等，還有一些特製mocktail ，賣相和味道俱佳。刺身及壽司刺身和壽司的種類繁多，質素上乘。有三文魚，甜蝦，帶子，劍魚腩，油甘魚，大赤蝦，鮑片，赤貝，角螺，北奇貝，蟹棒，八爪魚，希靈魚同泰式生蝦，冰鎮上枱十分新鮮、三文魚肥美，大赤蝦彈牙，赤貝爽脆，帶子鮮甜，食材新鮮，味道鮮味。海鮮特色這裡的海鮮極具特色，最特別的是有三味生蠔、極品魚子醬、滿屋海膽杯、鮟鱇魚肝、三文魚子黑松露魚生杯、冰鎮新鮮阿根廷大蝦砂帶子等。不是每間放題餐廳都有的，所以非常特別，而且全部食材都很新鮮美味。其他菜色我們還點了一些特別的菜式如佛跳牆、蟹肉魚翅羹、泰式酸辣醬鮑魚、黃金蒜蓉熟蠔、鐵板西冷牛扒、鰻魚及雞軟骨等，風味獨特，讓人感受到日式放題的魅力，一個大

期待咗好耐，約埋朋友一齊去食荃灣大鴻輝嘅御滿屋，現場環境寬敞舒適，食物方面亦好有質素👍店員亦好有禮貌，上菜速度亦都超快！刺身、壽司、手卷好新鮮出色：整個刺身拼盤都非常新鮮，有多款刺身選擇：三文魚腩（好肥美）、油甘魚、赤蝦和長腳蟹等。海膽手卷好creamy，入口即溶，超高質。火炙壽司亦都係必食推介，例如火炙三文魚及左口魚壽司真係回味無窮！燒物及天婦羅恰到好處：非常推薦鹽燒牛舌（非常嫩滑）、雞軟骨串、西京燒比目魚。所有燒物的都能夠鎖住肉汁，肉質鮮嫩多汁。天婦羅炸漿夠薄夠脆，能夠保持著食材的鮮味，尤其推介大蝦天婦羅，肉質豐盈，過足口癮。鐵板及小食令人眼前一亮：冷鮑魚有彈性咬口，配酸辣醬汁，非常醒胃，可中和油膩。鐵板紐西蘭西冷牛扒經過烹調後保持了肉質的嫩滑，配上黑椒汁，非常惹味。自助吧選擇多元化：自助吧供應多款美食，包括炸薯條、麻辣豬耳、香炸雞塊及燜牛腩等，應有盡有。仲有各種飲料及甜品，特飲美常好飲，非常適合炎炎夏日解渴，還有海鹽軟雪糕，透心涼好味。仲有各款蛋糕甜品，一定可以滿足你嘅口味。總結，呢間日式放題非常高質！餐廳提供非常多款式，且高品質的食物選擇，加上地理位置方便，鄰近荃灣市中心，係一

平台有優惠買了A餐，先點魚生，鮮味和柔軟度一般，擺盤打卡不錯，之後點花膠，鮑魚，帶子和燒蠔，食材本身較硬身，跟着煱物海鮮煱、海鮮粥和卜卜蜆好足料，味道不錯。最後甜品完全唔好食，有HD雪糕和韓國雪條算係咁。最唔掂係個中湯完全無味。不過以優惠價算係咁。

繼上次五月今次又再食放題，實際上畀我有一個好大的驚喜，以前abcd四餐，現在縮減為ab餐(B=以前的A-D)而且多了一些不錯的食物，最新奇的是居然有乳鴿、魚子醬，不是說有多好吃但當某一刻魚子醬和拖羅一起上桌，一時間以為在吃什麼貴價餐廳，這叫門面...另外個人最喜歡吃的蟹腳(松葉蟹)，由以前的C餐降為A餐，若果不是想試下其他玩意，今次其實a餐就夠，另外，送了半隻芝士焗龍蝦，不過今天已經是公開優惠期的最後一日了。食物什麼的有吃的基本都在相片中，總結來說個人比較喜歡他這次變相減價，星期六午餐368加一，約等於以前的500-600加一。而且實際上，以前什麼中拖羅大拖羅，反正不太喜歡，油脂較多。話說openrice又send什麼未能刊登，搞到都唔想寫食評了...

本人選擇B餐兩位，可以放得落口嘅菜式只有：蒜蓉帶子、鵝肝、刺身，完。其他菜式：佛跳牆、天婦羅、蠔、飽魚、比目魚⋯⋯係冇乜味，連本身食材味道都冇，佢哋嘅自家飲品唔好飲太甜，飲品顏色就係靚嘅。唔明白點解啲留言會寫到咁好，仲要係一啲缺點都冇，唔係呱，啲人真係覺得好好食？抑或⋯⋯就不得而知啦，我同朋友覺得咁嘅價錢好唔抵得，不過講真現場嘅客人好似真心覺得好食，或者我哋唔識欣賞。最後服務態度係冇乜，又要趕收枱趕收錢⋯粗聲粗氣⋯唉！

荃灣大鴻輝中心係食放題嘅天堂🍣🐙🦐，作為曾經嘅荃灣友，我今日同朋友嚟到10樓嘅御滿屋日本料理，踏入餐廳就感受到濃厚日式風情，職員好親切招待，而家仲新增咗網上訂位服務，非常方便。小食，甜品和飲品等全部都係任飲任食㗎。連最新嘅häagen-dazs雪糕，日本清酒都有，魚生等食材非常新鮮，同大家推薦幾款必試嘅美食！🤤🐙 八爪魚嚼勁十足，但唔會太硬，配上Wasabi同埋豉油，鮮味出曬嚟！👍🐟 希靈魚入口即溶，充滿油香，非常滿足！同時魚味濃郁，無需太多調味都非常美味。柚子醋花海蜇清新嘅柚子醋味同海蜇爽脆嘅口感，食落去有種好refreshing嘅感覺！🥒🍋🦐 阿根廷赤蝦蝦肉肥美彈牙，鮮甜味濃，完美突顯咗赤蝦嘅原汁原味！無論生食定燒製都非常適合。🦪 北海道帶子刺身刺身超級滑溜，每一口都充滿海洋氣息，濃厚嘅帶子鮮味簡直無法抗拒！🔥🐚 赤貝新鮮到無朋友！鮮味濃郁又唔會有腥味，口感獨特，有啲微微嘅脆口，好正！🍤 甜蝦呢款甜蝦簡直係海鮮愛好者嘅夢幻，鮮甜多汁，令人回味無窮！😋🐠 蜜柑真鯛壽司帶有蜜柑清香，淡淡嘅甜味與鯛魚壽司融合一體，真係意想不到嘅清新組合！🍊🍣🍣 芝士厚切鰻魚玉子燒濃厚嘅芝士味同滑嫩嘅玉子

從來唔會對日式放題嘅食物質素有任何期望，但御滿屋真係令我喜出望外。滿屋早前改名為御滿屋，旺角、荃灣、大埔都有分店，我今日試荃灣午市放題。放題分幾個級數，我食最平嘅A餐，$238，中午十二點開店，可以食到三點落場為止。諗住最平嗰餐一定冇嘢好食，點知就算係最低消，食物選擇到極之豐富。🐟魚生非常新鮮，🦐赤蝦更加可以用大隻來形容，蝦頭超多膏。加$10可以加一隻大閘蟹🦀雖然係細細隻不過都有蟹膏、鮮甜，十蚊真係超值。依家仲免費升級🇲🇾馬來西亞燒榴槤任叫任食，而且叫咗好多轉全部香甜多肉，真係淨食榴槤都回本。另外仲有燒羊架、紐西蘭西冷、燒乳鴿、煎比目魚、燒牛舌等，全部高質。壽司卷物就正常發揮，火炙焦糖三文魚甜甜哋好味。自助區仲有麻辣小龍蝦，好受歡迎。呢個價錢已經包清酒啤酒梅酒等任飲。連🍨häagen-dazs同movenpick雪糕都係任食。出菜快、收碟快、食物賣相靚、永無扣單漏單、服務好、環境舒適，我畀御滿屋滿分。