御滿屋日本料理

營業中

休息中

同事移民了，臨別秋波相約一起兩個半小時吃過飽，選了就腳的旺角。先來一客自選刺身，種類繁多，最後選了油甘魚、馬刀貝，松葉蟹棒，帶子，赤貝甜蝦及大赤蝦。當中以蟹棒及帶子最味美鮮甜。由於想吃多種類，所以只選了虎蝦天婦羅，外層脆皮沒有萬年油那種油膱味，而啖啖肉的那虎蝦肉質彈牙，假如胃口再好一點真想再叫多一客。牛肉鍋暖笠笠，加左生蛋令肉質更滑，湯底清甜。L 一向喜歡吃火灸壽司，黑椒廣島蠔及火灸蒜蓉和牛都是濃味的租合，一口的份量剛剛好！個人認為這裡的燒物做得不錯，西京比目魚及鹽燒鯖花魚。鹽燒牛舌肉質保持外層香脆爽口，內裡嫩滑。燕窩瑤柱蟲花鮮蝦魚片粥軟綿綿，材料特多而且味道鮮甜。雪糕有多款及多種品牌選擇，最後選了Haagen Dazs 比利時朱古力及哈蜜瓜雪糕。飲品亦有多種選擇連日本清酒都有佐酒小食又怎能缺少惹味的鐵板羊粒呢最後以外脆，內裡濃列的貓山王榴槤炸彈總結，真想再吃多一球。

地方非常近地鐵，很方便! 食物中規中矩，還可以，但是款式有點少。通道很窄，枱很少，電子叫單方便快捷。服務生托著盤子經過，盤子在頭上上方掠過真的有點危險，還差點倒瀉食物(是熱的!有水!)，感覺不太好。

同朋友Book咗星期六12點（兩個人），準時去到入座.12點入到去已經有七成人左右地面有小小滑.安排比我同朋友既位置竟係四人枱值得讚.食物方面：熱食區得幾款炸物為主，推薦炸雲吞幾好味沙律吧選擇唔小.汽水，甜品叫做多款式.我係一個甜品控，所以一坐低就拎咗啲甜品試下，其實係人都知放題甜品都係個幾款大路，但見到都失控想試吓..一試之下😂甜品味道好似嗰個都一樣無咩味.刺身方面幾新鮮，上菜速度正常，樓面清枱面速度算可以接受.中午食3個鐘，計埋加一$210左右一個人，都推薦.

簡直就是垃圾中的垃圾，發誓以後絕對唔會再來。羊架整陣臭味，滴牛肉完完全全就係咸到出汁，其他刺身平平無奇。串燒雞肉吃的就是一陣咸味。全部食物幾乎都是冰鮮的味道。還有那些鍋煮類，吃的就是個寂寞，吃一口就完全沒了食慾。這二百多塊錢真會賺。而且上單的速度是🐢速。真是兩個小時都不夠吃啦。食材差 服務差 等結業吧！不過值得稱讚的是 全場唯獨一樣嘢另我冇咁失望，就係雪糕喇！！真係多謝你地唄我咁「好」嘅吃喝體驗，讓我一天的好心情頓時冇左。

位於旺角這間放題，本人第一次去食，覺得中規中矩啦！刺身新鮮，壽司大細適中，值得一讚黑松露醬，一啲都唔吝嗇，大大羹，燒物味道都可以，天婦羅粉漿本身做得好好，不過可惜油溫不夠高，令到天婦羅吸滿晒油，清酒味道都OK，不過甜品就麻麻地，雪糕只限每人一杯

星期六下午黎到呢間御滿屋食放題因為早幾日已經諗住過嚟食，所以一早已訂位，一上到黎一入門口嗰下就差啲跣親，佢塊地真係好跣，真係嚇到個心都離一離，好彩無跌低但入座後，有一個身型龐大既男人喺我坐位附近跣親，好彩佢無事咋🙈🙈‼️大家去食既話都真係要小心行📣入到去安排左坐嗰啲半邊卡位，佢張枱勁細張，我哋兩個算好彩，兩個人坐到兩張枱拍埋嗰啲位第一次叫既刺身，甜蝦算鮮甜，好食過赤蝦，吞拿魚無筋但都無乜味，赤貝都可以，八爪魚正常，帶子鮮甜👍🏻喺出面自助區拎既，螺肉唔凍，炸蟹鉗好粉，枝豆正常比想像中好食既鰻魚雙重芝士卷，中間嗰舊cream cheese配埋成舊壽司幾好食👍🏻細細舊既海膽手卷，海膽量雖然唔多，但難得地居然都鮮甜喎，水準唔錯😍細細舊都好既，一口一舊，想食既咪叫多幾次囉🤣牛肉鍋一鍋大概有兩至三片牛肉，都幾肥下，睇相就知喇😂呢碟野一上枱我心諗咩黎架，落錯枱？🧐原來係燒牛肉🙈比另一間相比賣相真係唔係好得呢個好食，好似叫蜜糖燒一口雞，熱辣辣既，蜜糖甜甜地，一碟有兩舊👍🏻👍🏻第二次叫既刺身，啲蝦好似中左毒咁，你話叫我點敢食，後來再叫第三次都係咁😵‍💫😵‍💫燒鰻魚，都算厚，唔錯既香葱吞拿魚蓉軍艦正常既，都

☟非專業最真實食評☟❀總評❀ 𝙤𝙫𝙚𝙧𝙖𝙡𝙡 𝙜𝙧𝙖𝙙𝙞𝙣𝙜 : 𝘼- （～$200）尼間200幾嘅價錢尼講真係無得輸👍🏻食物方面佢有少量熟食炸嘢係出面，仲有爆谷同零食呀～～～～ 😍😍刺身都算新鮮，燒物炸物真係好出色！！！甜品款式都算多，有Häagen-Dazs雪糕仼叫同埋大約兩櫃嘅甜品，但甜品質素就真係低🥲有啲真係難食，唔建議留肚同卡路里比佢最推薦嘅係尼到嘅熟食！炸芝麻雞翼，天婦羅同蜜糖炸雞都好出色！係我逢去必點架🤣另外有朋友都推薦佢哋嘅牛油粟米～❀超主觀推薦度❀（5分為滿分）：4

旺角滿屋放題🍖🥙就喺雅蘭嘅附近亦都好近朗豪坊見到樓下有啲姨姨派傳單見到寫住五點至七點有優惠178元，一位，另外加服務費抱住試吓嘅心態上去啦，5pm，點知原來有好多人都有book枱，我就冇book枱～ 我都抱住個心態唔知有冇位^_^如果冇位我就會走點知原來入面好多位職員安排我哋坐都好快手係用QR code自己落單，其實都算環保嘅因為之前嗰啲放題用一張紙嗰啲又真係有啲唔環保♻️又減少咗職員幫我哋收單又要睇吓個枱好啱唔啱嘅情況～個人來講都幾支持，不過有陣時個電話收得唔好會變到好麻煩我自己覺得嘢食嘅種類唔算太多串燒都好少，牛舌有啲鬚味，有啲失望，反而煎，焗 炸就多d，男朋友話啲甜蝦都幾好食嘅 飲品選擇睇落種類 都算多但係好似望極都冇乜心水，可能係飲品嘅選擇比較偏門，連正常嘅巨峰玉露，道地 解茶綠茶嗰啲都冇 不過飲品嘅喜好 都係好睇個人嘅～見佢雪糕可以叫Häagen-Dazs ，都算重本，仲要任叫，味道仲要係勁好食嘅焦糖脆餅落單之後食物都上得好快，而且都冇漏單嘅問題比較好食嘅就係芝麻雞翼，鹽煎雞翼，燒菠蘿好食 牛油粟米🌽都好食，牛肉粒都好食牛肉鍋個湯底甜到傻咗🥲 美國牛肉片唔好食，總括來講都算抵食

出單太慢又漏單勁食兩個鐘有一個鐘都係等緊上野食😓第一輪嗌嘅野食臨走先上😅嗌十樣淨係會上五樣落單系統又周不時用唔到無第二次😅😅就算免費都唔想食嘅程度放題中嘅垃圾之最無諗到會差過兆萬😓

D枱超迫，2人枱同隔離近到以為搭枱咁，仲要張張都係咁近，張枱仲要細到痴線，淨係為左做生意冇諗過食客感受。野食8成都係唔好食，刺身同壽司大部分都難食，較為好食係芝麻雞翼，榴連波波，羊架，牛舌同鰻魚，但鰻魚出得勁慢，好似有心拖單咁。真係唔好比佢個正評數昆到，唔會再有下次，門口竟然仲見到個2021年必食餐廳獎，真係O咀。其實佢如果佢冇心做或者做唔切不如menu比少d選擇但整好食d好過啦，好多野食都好似求求其其整咁。

第一次食，等左15分鐘入去，叫左4轉野食黎左2轉，之後再追問，侍應手寫落單等左15分鐘都無黎，黑名單，埋單走。食物質素一般般，服務質素放題唔會要求高，態度睇人好兩極，食過香港喜屋呢種放題不少於5間，不少於20次，唔係今次咁情況都未必會有下次。

以價錢來說只需二百五十左右就可以食放題其實都真係幾抵食的不過呢,放在外面櫃檯供人任拿的涷食海鮮例如東風螺,蜆同蝦唔算太新鮮任點的魚生水準還好不過最好食的似乎是熟食尤其碗花膠湯都幾大碗架食物來的好快,好快就擺到滿檯都係所以大家可以慢慢點食完一round先下一round

整體而言味道算中上，乎合對放題水準嘅預期甜品櫃雖然都係果啲方方一細件嘅但唔會有死甜/蛋糕乾爆/忌廉漿口嘅劣食感以放題嚟講算意料之外刺生/壽司類，雪糕上菜算快普通炸物算還好但天婦羅同小炒上菜極慢有時半個鐘都未有得食點餐系統垃圾天婦羅同小炒成日落單失敗明明同一log 落單嘅係得小炒同天婦羅會跌番落cart 到但因為佢天婦羅以放題嚟講算幾好成日失敗令人體驗特別差另外小炒份量飄忽一碟牛柳粒三件至一打不等鍋物唔ok仲甜過壽喜燒個甜豉油湯想食甜品牛肉鍋嘅可以挑戰員工服務態度幾好個別西面男傳菜除外食物7/10環境7/10服務8/10系統1/10短板太短，極待改善

初頭睇食評 多人好評 去到呢間真係好失望 用手機落單 單係已收 但成日漏單 上菜超級慢 食完一碟 其他都未黎 真係等到人都燥燥地都聽到周邊枱都話上菜好慢 不斷漏單 追左幾次單都未有野食上大概15分鐘左右先黎第一碟竟然係熟食 唔係刺身食物真係好一般 全部都好細細件例如羊架係生既 刺身唔算好新鮮環境坐位好窄 枱好細 整體感覺好逼 坐得唔舒服最差係 未食完野 就已經叫人買單啦…真係食咁多間放題 呢間係非常唔滿意仲係最差呀！大家打算去呢間既話，真係諗一諗先好去呀！

食物質數不錯，但可惜錯/漏單問題極度嚴重。全個食用時間內，10款我點的食物，我只吃到4款。點兩件，只來一件。飲品選擇確實比一般店多。但相比食物選擇類種又少了一點。總括這店還不錯，如能改善漏/錯單情況，相信客人滿意度更高。