496
21
51
港鐵旺角站 E1 出, 步行約20秒 繼續閱讀
所有分店 (4)
電話號碼
36223338
36223336
營業時間
今日營業
12:00 - 15:00
17:30 - 00:00
星期一
12:00 - 15:00
17:30 - 00:00
星期二
12:00 - 15:00
17:30 - 20:30
20:45 - 23:30
星期三至日
12:00 - 15:00
17:30 - 00:00
付款方式
Visa Master 現金
座位數目
350
其他資料
網上訂座
Wi-Fi
酒精飲品
自帶酒水
VIP房
電話訂座
賞訂座積分
外賣服務
加一服務費
有關獎賞計劃
食評 (604)
等級4 2019-06-27
4300 瀏覽
再一次挑戰一間未試過既放題店🤘🏻呢間放題店都大既,兩個人都可以坐卡位夠曬寬趟,服務態度以放題店黎講亦認真出色,每次落單、上菜、收碟既時候,侍應都係好有禮貌😱▪️ 晚市放題(兩小時)💲228自助區冷盤:海帶、海蝦熟食:章魚燒甜品:葡撻、雪米滋、杯仔甜品、朱古力噴泉水果:哈蜜瓜、西瓜片🌟飲品:紙包飲品、罐裝汽水、酒類例如梅酒、Somersby Apple Cider、Hoegaarden🥂刺身相比起同一集團旗下既銅鑼灣滿屋,呢間既刺身相對地新鮮😛🙂帶子、八爪魚😶甜蝦、大赤蝦、泰式生蝦、三文魚☹️特級吞拿魚刺身:筋位比較多壽司、火炙壽司、卷物、軍艦、手卷、日式懷舊小卷鵝肝伴帶子:鵝肝略為細粒同埋乾身,另外個人鍾意帶子刺身多一點🙈白松露吞拿魚刺身:有陣陣既松露香,呢舊既吞拿魚亦比起特級吞拿魚刺身好👌🏻忌廉芝士鰻魚卷:蟹籽同芝士鋪左係鰻魚上面,不過蒲燒鰻魚既鰻魚厚身少少正啲🌟火炙和牛壽司:輕輕火炙過入口嫩滑,帶點微鹹既調味🌟火炙香蔥三文魚腩:沙律醬加上火炙既肥美三文魚腩,有啲入口即溶既感覺😍火炙香蔥左口魚邊壽司:左口魚邊中規中矩,如果魚油更加豐富就好了🌟花之戀:大量既蟹籽同肥美既三文魚腩天婦羅、炸物🌟貓山皇榴槤炸彈:呢個炸粉厚薄恰好,入面有熱辣辣既爆餡榴槤蓉炸芝心香芋丸:香芋丸既炸粉就比較多,香芋蓉亦都略為實身滋味一口芝士:有別於坊間放題常見既煙韌年糕皮,係以一口既芝士餡為主🧀芝麻雞翼:個芝麻皮炸得香脆,但肉質又唔會話太乾,不過不失🐥燒物、串燒🌟燒紐西蘭羊胺:羊胺肉質鮮嫩軟腍,帶點肥膏油脂香,而且調味適中🐏🌟蒲燒鰻魚:暖笠笠既鰻魚細舊但都有肉地,而且蒲燒汁味道香口☺️鹽燒牛舌:牛舌細舊薄片,椒鹽亦都落得重手左些少🍢蜜糖雞翼:微甜,再多啲蜜糖會更滿足鹽燒海蝦:海蝦個殼偏鹹🌟鹽燒雞軟骨:幾有咬口燒有機菠蘿:唔算好乾亦未係好甜普普通通一品料理、煮物、廚師推介香辣咖哩炒蟹:少辣,蟹蓋、蟹腳都有唔少肉和風汁牛柳粒:牛柳粒質素參差🌟日式牛油炒蜆:少少辣,幾令人回味避風塘炒魷魚鬚:呢兜有好多炸蒜酥,油溢感較重瑤柱鮮蟹肉粥:加左粟米粒既關係較為鮮甜日式煎餃子:入面係豬軟骨餡,頗有嚼勁黑蒜油叉燒拉麵:有黑蒜油味但唔會好濃,有🍥同埋叉燒,拉麵軟硬度適中雪糕每人限食一杯🍨🌟Haagen Dazs:要左杯季節限定既奇異果芒果乳酪,果味都幾突出,酸酸甜甜夠清新🌟Movenpick🌟Fruttalo Gelato🔎 整體評分(7.5/10) 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-16
240 瀏覽
想食午市放題又想去間未試過既餐廳,係openrice見到御滿屋既價錢合理,仲包一杯haagen-daz/Movenpick雪糕,仲有芝士竹輪,蜜糖雞翼等等係其他放題比較少見既款式,就決定一試。刺身:帶子甜蝦幾鮮甜,赤蝦標準,其他普通。最難食係吞拿魚,太un。全部壽司飯都太爛,扣分。火炙和牛壽司夠腍,火炙三文魚腩最好食,海膽手捲有少少海膽味,迷你size可以當軍艦咁食,其他壽司正常。螺肉軍艦低於水平,有八成都係醬,味道比平時食開既有d怪。咖哩炒蟹有半隻無肉蟹蓋,其他肉係晦既,唔好食。牛油炒蜆幾大隻,帶有少少微辣,幾惹味,但其中一隻有沙。香辣炒牛柏葉幾爽口,但調味麻麻。避風塘炒魷魚鬚超重油益味,炸到好實,難食。鹽酥炸雞一份只有一件雞,係有鹽酥味,但肉質太實,整體唔吸引。芝士竹輪卷有驚喜。芝麻雞翼正常。但尼間既香芋丸炸得麻麻,失望。天婦羅、焗帆立貝、鹽燒海蝦同雞軟骨都係正常放題水準。鰻魚好食。羊架肉質唔錯,調味惹味。比目魚煎得太燶,太乾身。椰冰楊枝甘露似楊枝甘露汁雪糕,味道都唔錯。窩夫口感似炸西多士。有漏單情況,第一轉叫左火炙芝士蟹棒同赤貝壽司都單,第二轉再叫先有。另外鵝肝帶子壽司同牛油果軟殼蟹卷同蜜糖雞翼叫左兩轉都無。侍應服務幾好,上菜收碟都快手。(個人口味:3.1+3.7/10) 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-27
4538 瀏覽
日本料理不嬲都係香港人至愛,香港咁多日本放題更加係香港人愛日本料理的表現,今次我地黎尼間地方就腳,野食種類繁多的御滿屋,施展我地渾身解數,一於食餐勁。火燄和牛壽司,經過火燄壇一下,令舍香口,火牛肉好嫩滑,火燄蒲燒鰻魚壽司,鰻魚夠肥美,汁超級香濃,蒜香牛油燒赤蝦壽司,簡直係完美配搭,蒜頭味加牛油香味混合一起將蝦的鮮味帶出,再黎梗係刺身啦,三文魚刺身,唔使講野,肥美鮮甜,北極貝刺身,爽口滑流,帶子,真係好新鮮好鮮味,泰式生蝦,好爽甜,我地叫完又叫,正。大赤蝦,大大隻,啖啖肉,好嘆呀!食得刺身太多有罪惡感,不如黎返兩件卷物,芒果蟹子花之戀,芒果香甜加上三文魚肥美,入口融合一刻,無與倫比。炎燒芝士三文魚卷,芝士加三文魚當然係絕配。這裡的燒野都好有水準,燒西京比目魚,燒係必煎好食好多,夠乾身夠香口,無晒腥味,鹽燒海蝦,基本上燒蝦係香到無朋友,牛油燒脆肉瓜,脆肉瓜好新鮮,爽口,燒有機菠蘿,D菠蘿太甜,食完又叫。一品鰻魚炒飯,炒得夠乾身,師傅功力好。牛肉熱烏冬,烏冬夠煙韌夠滑,個湯底好鮮甜。眼睇再食就要做運動減肥,於是食埋朱古力棉花糖同埋cake就收手。最後都係忍唔住食埋雪糕。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-10
3726 瀏覽
今日約埋三五知己食放題。《御滿屋》喺旺角地點方便又就腳。第一round當然係叫刺身先。我哋叫咗三文魚,北寄貝,甜蝦,大赤蝦,吞拿魚,帶子,松葉蟹棒,泰式生蝦。我最喜歡是帶子,甘甜肥美。三文魚亦很好吃,油份充足。甜蝦和大赤蝦肉質新鮮尤其彈牙。其他刺身也很不錯!鹽燒海蝦很好吃。蝦的質地頗新鮮不是梅的。大蝦天婦羅是另一推介。即叫即炸。天婦羅粉不太厚而且很香口。西京比目魚尤如銀鱈魚。魚油油分充俗,又香又滑。好好味。鹽燒牛舌肉質爽口彈牙,牛味膿。火候控制得不錯👍。牛肉熱烏冬也不錯吃。稻庭烏冬滑滑的口感不錯!一品鰻魚炒飯質素也不差。飯粒分明,味道適中,鰻魚粒份量不少。因為刺身質素很不錯,我們叫多了兩round, 可以返本!壽司我們叫了火炙和牛壽司,火炙香芒大蝦壽司,火炙蒲燒鰻魚壽司。其中火炙和牛壽司很好吃😋。和牛肉質不錯,有牛肉味,味道佳!離座前每人還有Haagen-dazz/movenpick雪糕一客😍😍。食得開心又滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-05
2927 瀏覽
喺朗豪坊睇完 Endgame, 實在有太多劇情需要討論啦!跟同行朋友一起齊附近食個放題,邊吃邊聊天。因為差唔多晚上九點,不用多想大家選擇了御滿屋。價錢不貴而且CP值高,由門口一直行到卡位行,兩邊都是滿滿的美食。沙律吧還有新鮮青口,食飽仲可以有朱古力噴泉當甜品。飲品是自助式的應有盡有,就連啤酒、清酒都是任飲的,喜歡飲酒的朋友真是物超所值!一坐下首先吃我最愛的刺身,大赤蝦、帶子、油甘魚都是我不能缺的最愛。全部刺身都新鮮美味,鮮甜彈牙。壽司我都要食返夠本,我欣賞佢刺身大過飯,唔會話食幾件就飽晒!黑松露赤蝦壽司味道濃郁;蟹膏皇帝蟹腳壽司 滿口蟹油香滋味; 忌廉芝士鰻魚玉子燒 有創意又新奇,口感味道層次夠晒豐富。另一款我放題最愛就係炸芝麻雞翼,出邊食一碟四隻都要幾十蚊,我食四隻已經賺到了,haha 皮脆肉嫩多汁,入口滿滿的芝麻香味。還有滋陰養顏的冬菇燉花膠,這個確實慢慢不能錯過,炆煮得非常入味,大大件花膠咬落有嚼勁。到最後店員話會遞上雪糕紙,我選擇了季節限定的哈根大師雪糕,桂花紅莓清香美味,今晚的放題有了完美結局。總結價錢合理,環境OK,食物質素好,店員服務細心,下次會再來。 繼續閱讀
(以上食評乃用戶個人意見 , 並不代表OpenRice之觀點。)