御滿屋日本料理

營業中

休息中

因為工作關係，如果我約人出去食飯嘅話多數都要夜少少，同我男朋友出去就一定係就返我8:00收工，出到旺角差唔多8:40分呢排唔知係咪出邊靜咗，好多地方都walk in唔洗等位，即刻有得入去，或者可能次次都係我好彩原來入面都好多人食緊，接近爆場🤭好好彩有位我地點左最平既餐，竟然都有蟹腳食，可能我無睇清楚，真係十分有驚喜，好開心😁出邊攞熟食嘅區域就唔算太大，我出咗去兩次刺身就不過不失，呢個價格我地覺得都好值得既，少少覺得啲味道淡啲，應該雪耐咗蒜蓉開邊蝦好正，我地重點左一次🤭，因為方便呀嘛，唔使剝殼差不多樣樣都有點黎試，鮑魚好入味，返點左一次，海膽手卷唔錯但唔係勁好但會再食☘️最好笑係我喺出面攞左燒賣，竟然好好食😋可惜我見唔到有辣椒油，襯埋應該仲正⭐️羊架第一轉叫好腍好好味😋第二次差啲，可能一輪輪芝麻雞翼就同其他嗰啲冇乜太大分別，都係芝麻雞翼，間間都一樣整體都好味道啊，會再去🎵

十年前已經係御滿屋既粉絲，在十年後再去，一早book 左父親節，去到旺角分店安排不錯，12點入座即叫食物，要等到12:30先有第一批食物到，我地加錢食B餐，結果原來不是任食，B餐內既食物成個鐘先冇得出一次，最後忍唔住問職員追先15分鐘後（即係已經1:45）俾第一轉B餐內食物，池魚皇刺身全部都係魚鱗，碟上都是魚鱗，第一片食左先知，根本冇法入口，所以任食十個鐘都冇用，都唔出食物，下次都係去返另一層食算，人地又平又抵食，真係冇下次啦，都唔會推薦任何人去！

當日和屋企人預約了16:30-18:30，開頭打算避開晚飯時段，但可能因為父親節前夕，當段時間都全場滿，一直在荃灣分店食，今次就試吓其他分店，但旺角這間漏單情況嚴重，18:00截單，但仍然有好多叫左嘅野未出現過，當時有向職員提出過，之後出左兩碟，其他仍有很多未到，18:28有職員話要交枱，當我哋話仲有好多野未黎，個職員問漏咩未到，因為真係留得太多飯，根本唔能夠完全記得要做啲咩，最後同佢講有五舊榴槤未到，佢哋上埋我哋就走，但根本就勁唔抵，仲要食B餐，叫左又無，又無黎，又漏單

細佬生日就去食咗日本放題！依間放題啲刺身都唔差嗌幾多件就會俾幾多件你同埋每款刺身都新鮮，種類亦算多。其他小食都多種類，雜物係必須嘅另外仲有唔少熟食都幾出色有鮑魚、牛肉壽喜燒鍋、清酒煮蜆、燒生蠔、燒扇貝都幾多唔同海鮮！👍🏻👍🏻✨鍾意食日式放題嘅，唔可以錯過依間啦！

好耐冇去御滿屋食日式放題，佢嘅套餐有啲改變，今日揀咗個B餐。佢哋嘅刺身，基本嘅赤蝦、油甘魚、赤貝、松葉蟹腳… 都算唔錯。但相比以往最貴嘅C餐和依家嘅B餐，拖羅、帶子、海膽，鵝肝呢啲比較貴嘅食物，質素就就差咗啦。至於熱葷，味道同質素都麻麻。唔知係咪因為天氣凍，部分菜式唔夠熱，例如係佛跳牆。結果鮑魚瑤柱海皇粥已經算係最有印象嘅一款食物，因為夠熱，足料。馬來西亞極品榴槤無限供應，啱晒榴槤控。甜品方面反而有啲驚喜，凍鮮奶桃膠雪燕 唔錯，食咗兩碗。另外雪糕凍櫃選擇都好多，熱葷食得唔多，喺呢度補返。

宣傳單張內容有點是沒有的，4人已上網上訂桌，沒贈品也沒生日優惠。當日吃B餐，菜品中最好吃的煎鵝肝，外脆內嫩。刺身類，各種都普通。B餐有的貴價拖羅，位置不肥美，有腥味，不好吃。海膽杯，海膽色淺沒味口感還黏黏的，不敢再吃。凍蟹腳有蟹味，偏咸，水份多肉不飽滿。魚子醬，咸咸的，有泥腥味。馬來西亞榴槤，點了四次，有兩次是肉細核細肉黃榴槤味濃甜的，有兩次是肉生硬淺黃色的，明顯榴槤品質不同！佛跳牆，蟹肉竹笙湯羹，海鮮粥等，樣子不好看，也不好吃，浪費食材。那些煎炒蒸炸燒烤的味道普通到不會再點，炒蟹不旦過辣而且肉霉。冷盆的凍蝦很多肉不爽彈，螺和蜆有沙。之前看食評家片去吃的，四百多元一位應該無十成也有七成好吃的吧，結果就只有三成東西合格，其中有一成是生果，有一成是包裝的雪糕飲品。四人一千八百多元，兩小時吃些沒質素又不飽真不值！

行到旺角，突然想食日本野，見到呢到樓下有個啊姨宣傳叫人上一樓。上到去拿walk in飛，等佐一個鐘左右，成程叫預約的客人，遲到都有得入，就係無叫過walk in,呢個下一張就到我哋的狀態係維持咗45分鐘。唔做Walk in客唔緊要，唔好派飛俾人呀嘛，咪大大隻字寫住只係做預約囉。唔好俾啊姨係下面拉客啦⋯⋯成日話香港飲食寒冬，講咩啊，人哋大陸叫飛係幾個預約叫下幾個walk in…..呢d基本嘢都分流得唔好，要人無歐歐係到等成個鐘，無既，無下次囉。大家去食記預約啊，遲到都無所謂啊😁實俾你入的放心😁

近期見到很多博主幫promote. 總體感覺上菜很慢，漏單。絕大部分時間等緊食物。細路一舊烏東等足兩粒鐘，一催再催。如類似價錢，有很多其他餐廳選擇。應該唔會再幫襯。刺身正常。長腳蟹尚可，唔會好咸。泰式鮑魚，蒜蓉烤生蠔都ok.。熱食普通。羊架肉質麻麻。有馬來凍榴蓮提供。甜品及自助區選擇甚少。餐廳環境尚可，同其他日式放題差唔多。座位都鬆動。飲品選擇尚可，有汽水，清酒，茶水咖啡。亦有唔少雪糕供應。但總體感覺十分一般。

搵位度：🌟🌟🌟抵食度：🌟🌟🌟好食度：🌟🌟🌟🌟雖然今次佢係食晏，食返夜晚放題，都幾抵呀，去到平安夜夜晚食都唔使$300一位，唔錯嘅放題食物都有啊，例如雪蟹腳啦，連殼甜蝦同帶子，海膽手卷啦等等。依度比較特色，就係有任食榴槤食，本身唔係超級鍾意食都食咗幾舊，感覺上都唔錯硬身正正常常偏甜嘅榴槤。個人就覺得熟悉嘅款式偏少炸物得四種，自助區食物唔算吸引甜品的比較遜色，不過優點就有花膠嗰啲，黃金蝦就唔算好食，但都叫有鹹蛋味。

boxing day咁啱撞著媽咪生日，本身想去食酒店自助餐但實在太貴，研究咗好多間放題嘅menu，最後book咗呢一間，果然冇令到我哋失望首先想讚一讚呢一間分店嘅環境非常舒適，座位亦都好闊落，以前食過一啲放題，啲座位迫到死，兩個人去食，枱貼枱，張枱細到乜咁，幾碟嘢食已經塞滿成張枱好似逼你食快啲咁，但呢度卡位比例好多，有私隱之餘食得亦好舒服。我地揀左貴果個menu有魚子醬，拖羅，海膽等等，食幾round都回本。刺身全部都好新鮮，海膽都比得好豪下，超滿足點解我哋揀咗呢一間係因為餐牌裏面佢哋有好多海鮮食，啱曬我哋口味，蟹腳都拍得住酒店嘅級數，蟹肉亦唔會霉，佛跳牆好足料，有花膠又有鮑魚不過生蠔就比較辣，我食唔到嘢食上得好快，而全程印象中好似只係漏過一次單，放題嚟講已經算係做得好好，因為曾經我哋遇過一啲放題係成日漏單，但你又唔敢重新再點過因為你唔知佢係漏單定係整得耐，一陣一次過上咗好多份又食唔曬。雪糕雪條嘅選擇係非常非常之多（要睇下我拍果條片），真係好後悔冇留返個肚嚟食多兩支雪條，因為有好多喺市面上都未見過嘅款式。雪糕又有haagen dazs又有movenpick，又有勁多唔同牌子嘅雪條，見到

好耐冇食過放題啦朋友介紹我去✨御滿屋✨多選擇 食物質素高 價錢合理性價比高 食足兩個鐘揀咗✨經典兩重創新刺身江洋盛宴有多款刺身壽司特色卷物🍣 刺身都非常新鮮 味道鮮甜特色卷物有好多選擇仲有串燒熟食等等第一次喺放題可以食乳鴿同花膠仲有花蟹同埋蟹粥 幾特別自助區有好多小食、點心、麻辣鮑魚小龍蝦飲品同甜品都有超多選擇連清酒都可以任飲 雪糕可以揀Häagen-Dazs Movenpick 性價比好高環境寬敞舒適 食物質素高 值得推薦👍🏻

今日又約咗餓底特工成員出勤，目標係旺角#御滿屋 周末午市放題12pm 食到3pm，A餐$258/ 成人，B餐$368/成人幫襯時做緊88折，等同免加一🤔今次係睇中哩到B餐有拖羅🐟、魚子醬、長腳蟹🦀、海膽任食⋯⋯清酒、梅酒任飲🍶魚子醬盒上、鹹鹹哋冇乜味、平嘢係咁上下⋯⋯ 三文魚籽或蟹籽仲好食啲，起碼有爆䊢嘅口感😅拖羅切得太薄、其實反正都係任食、切厚啲賣相都好啲啦、不過個人覺得唔係真嘅吞拿魚腩，應該係另外品種，味道偏淡🐟馬來西亞榴槤都係任食😋上湯焗雪場蟹腳味道唔錯，哩個肉質少少霉，冇encore 🤔煎鵝肝有啲薄，反正任食切厚啲咪好囉⋯⋯🪿芝士焗龍蝦🦞B餐每人送半隻，熱辣辣係啲芝士好味⋯⋯其他食物都算中規中距、總括嚟講食番A餐抵啲⋯⋯

今日來到位於旺角其中一個最繁忙嘅交界，食日式🇯🇵放題雖然，人越大對食物嘅要求越嚟越高就少咗食放題；但係基於貪心仍係人性，有高質嘅放題推介又點會唔去試😏😏 滿屋的日式放題由$238起，提供超過50多款的美食、飲品和甜品，絕對是日式料理 fans的天堂。放題的選擇相當豐富，除了壽司、魚生、天婦羅，各種燒烤和煮物以外，還有大量海鮮，例如鮑魚，蝦，花螺，長腳蟹等等……除了日式料理，飲品方面，從傳統的日本清酒、梅酒，到樽裝盒裝飲品，汽水，薑茶， coffee and tea, 都是無限添加❗️甜品區更是眼花繚亂，有品質保證嘅Häagen-Dazs Mint chocolate 及 blueberry & vanilla，而 movenpick則有 espresso口味，仲有大量韓式及本地冰條、甜筒‼️生果方面，竟然有時令推介嘅榴槤‼️‼️$288 絕對係物超所值👍🏻👍🏻🌟食評指數：7.5/10💁🏻‍♀️人均消費～HKD300🗺️ 地址：御滿屋日本料理 (旺角) 旺角彌敦道655號胡社生行1樓

朋友超級鍾意食日本放題，今次去呢一間正正係旺角地鐵站出面，超級方便，一上到去都已經有好多人等緊位，而時段係8:30後入座，所以價錢有抵左$268🤭一入到去環境都尚算寬敞，出面分咗熟食區、飲品區、甜品區、雪糕區、亦都有清酒區。而一如以往食放題一定係會食刺身先嘅🤭好多款刺身都叫咗而自己最鍾意食係三文魚同埋甜蝦，全部都非常之新鮮，好好食😋🍣壽司方面都有超級多款式，當中自己最欣賞最喜歡食嘅就係鹽燒左口魚邊壽司，有入口即溶嘅感覺，超級好食，食完要再encore😋🐮熟食方面要大贊佢嘅和風牛柳粒，超級好食，味道超級濃郁，熟到控制得非常之好，口感唔會話非常之韌，出色😋另外佢嘅鹽燒牛舌，鹽燒雞翼，鹽燒雞軟骨等等都係超級好食，一定要叫🤭🥩另外因為天氣凍嘅關係，好想食啲暖笠笠嘅嘢，所以就叫咗雪花牛鍋，呢個超級驚喜，佢個牛肉嘅熟度係非常好，再加埋濃郁嘅湯底，非常值得推介😋🍦甜品亦都有好多選擇，自己就主力係食雪糕，因為佢有超多款式，塞滿咗兩個大雪櫃、非常吸引😍最後最後要提嘅一定係佢嘅馬來西亞榴槤，呢個榴槤雪到凍凍地，味道係超級有榴槤味，外皮係脆嘅而內裏係非常軟，超級好食，亦都係必定encore嘅一個項目😋大家快

御滿屋係一間好受歡迎嘅放題餐廳喎！佢嘅刺身同壽司新鮮靚味，令人讚不絕口。你可以食到各款生魚片，包括鮪魚、三文魚同埋章魚等等，保證新鮮爽口！唔單止咁，佢嘅串燒亦都係一級棒！有各款肉類同蔬菜可以串燒，燒烤出嚟嘅味道香噴噴，真係令人食完唔捨得走。串燒嘅肉質鮮嫩多汁，每一口都係享受！如果你係刺身控或者燒烤愛好者，御滿屋絕對係你嘅最佳選擇！食完啲刺身同串燒，再配埋啲清涼嘅飲品同多款口味嘅雪糕，真係一個食慾大開嘅用餐體驗。唔講你唔知，佢嘅性價比都好高，係一個值得一試嘅餐廳！立即約埋班友、家人一齊嚟御滿屋慶祝啦！