22
24
44
電話號碼
2780 3181
開飯介紹
御家是一間日本迴轉壽司的餐廳,它們每日有日本空運抵港的海鮮,而它們的裝修也很別緻,而且亦設有vip房,很受客人歡迎. 繼續閱讀
營業時間
星期一至日
12:00-02:00
付款方式
Visa Master AE 現金
座位數目
150
其他資料
深夜營業
酒精飲品
泊車 詳細介紹
電話訂座
加一服務費
招牌菜
和風清酒煮蜆 松葉蟹鉗天婦羅 芝士燒三文魚
食評 (98)
等級1 2012-06-08
13 瀏覽
8個人食, 其實唔只以下既野, 不過最多都係可以上載8張,咁就點指冰冰求其點幾張上載算啦,一切以簡短為主鰻魚味道唔錯, 如果厚D更好玉子唔差, 因為其實都幾難差, 玉子都差真係好大獲三文魚就睇個樣都知OK蟹子同吞拿都係睇個樣都知OK呢個唔記得名, 但幾得意, 個皮脆脆地都算幾好食芝士青口, 個芝士可以份量少返D炸八爪魚, 唔錯, 炸得幾岩時間炸蠔, 不過不失, 話好好食又唔係, 話唔好食又唔係鯖魚, 幾大隻下, 味道唔錯, 推薦, 特別係個汁, 簡直就係精髓 繼續閱讀
(以上食評乃用戶個人意見 , 並不代表OpenRice之觀點。)
等級4 2012-03-28
9 瀏覽
自從舊年開始經朋友仔介紹下,都食過幾次, 每次都係食壽司,感覺是中規中矩啦,同區的一壽司,元氣, 峰和monster都食過,哩間算係可以坐得幾耐, 又有卡位, 而且已經不再是迴轉了,而係剔紙仔, 是晚睇完戲又來, 服務生話9:30前主餐牌有七折,一貫的叫:壽司當中, 這裡的帶子和火灸帶子,三文魚都不錯, 火灸帶子壽司面亦放有蒜容,跟板長一樣,火灸三文魚,亦能燒出魚油香, 海膽壽司的海膽尚算新鮮,冇腥味手卷: 香荵三文魚和香荵吞拿魚,兩者的紫菜都不脆,紫菜可以話係手卷的靈魂, 唔脆真係好難食,後者的吞拿魚冇鮮味刺身:三文魚腩,厚切肥美有三文魚油香, 我們前後叫了2碟, 不錯!應服務生推介,叫了汁煮鮑魚,相信是將鮑魚仔略煮, 少少醬油味, 尚算弹牙鮮味, 我覺得刺身吃會鮮味一點熟食我們叫了七味雞軟骨,油淋淋,差這裡的提子rum酒雪糕,不太甜,有淡淡酒香和提子肉, 而且不會雪到好硬,好味到雙球打孖上 繼續閱讀
(以上食評乃用戶個人意見 , 並不代表OpenRice之觀點。)
等級1 2011-12-01
7 瀏覽
話說之前有朋友話有間sushi 好好味佢話佢又成日去食, 仲話鵝肝sushi 好香好好味咁有朋友介紹到我就同男朋友即管試一下一行到入去, 男朋友已經細細聲講左句 "中伏!"咁我地坐低, waiter 就咁放低左壺水要我地自己針我地坐果個位對正個廚房, 見到入面唔係咁乾淨跟住仲要前菜一定要叫!但係真係好唔掂, 全部都一樣味 好似咬緊膠咁仲好似有d 壞壞地既酸味! 離晒譜我地大約order 左 9 碟左右首先紫菜係完全林 pat pat !一係佢就包左好耐, 有人order 先放d 料上去, 一係佢就用d 好平既紫菜, 不過我睇佢都係以上皆是海膽墨魚冇海謄味仲要有陣尿味 好明顯係唔新鮮另一碟海膽軍艦情況一樣不在話下, 仲要用d 青瓜片佔左一半位置有多! 而辣味三文魚我估唔到佢懶得咁教關, 就咁倒d 汁上去就算個北寄貝好有味道! 好有雪味!飯又係一夾就散跟住到果碟45$ 既餓肝sushi, 細舊到呢...一咬洛去, 冇乜油脂味, 同埋係用鴨肝黎厄消費者... 真係好唔掂!依間野我真係唔會再去但係我走果陣仲見到唔少情侶等位唔知係咪因為佢930 後有7折不過我覺得佢依個價錢, 仲有唔少餐廳 quality 好過佢! 繼續閱讀
(以上食評乃用戶個人意見 , 並不代表OpenRice之觀點。)
等級4 2011-10-05
6 瀏覽
老細請食飯, 而今次就有點新意思, 選擇了瓊華的另一間日式食店, 御家. 卿家, 以我所知, 這是一家壽司店. 不過一入來就知道, 這一家日式餐廳, 當然不是純粹一間壽司館子咁單調.我們就點下每人一個便當. 不過, 首先要鮮畫一下點解我要說是服自慢, 因為, 上菜既速度, 又的確幾慢. 等了大半小時, 才把我的便當家食, 全數的奉上.我叫的, 是炒牛肉便當定食. 附送了一個前菜, 麵豉湯同一杯飲品. 先說壽司, 感覺是一分錢一分貨的, 食落, 魚生肉既新鮮程度只是一般般, 而餃子, 算是煎得夠香而且不油膩. 炒牛肉, 是帶有日式的風味既, 不過老是覺得, 此特製作方法, 是經過港人modify的港式日本食物, 味道雖好但係欠缺正宗....味道, 只能稱得上可以, 但是以serve中午飯既速度來說, 太慢了....... 繼續閱讀
(以上食評乃用戶個人意見 , 並不代表OpenRice之觀點。)
等級2 2010-10-22
6 瀏覽
噚晚超夜食晚飯, 11點先進食, 最後去左呢一間,去到有特價, 某o的指定食物平一半價錢, 其實款式都幾多!上到去唔駛等位, 枱上已經有齊所有食具, 連水壺都有.( 無水時就要自己加水, 但個壺無水時就當然可以叫職員加水啦!)杯衹得熱水, o係枱邊有一盒一包包ge茶包, 如想飲茶, 可自行放茶包,我地叫左以下食物, 但前茶原來一定要叫( 重要係要比錢o個隻), 真係感到有o的無奈......而味道......普通!跟住就叫左↓壽司還可以, 無咩特別, 但o的飯就比較實, 重有好得意, o的飯同隻碟貼得好實, 夾上o黎都要花小小力先夾到~!呢件係壽司, 不過食原隻軟殼蟹炸完放上去,不過我就覺得o的沙津漿比較多得濟, 如果少一半會好好多!食完發現呢度有Wifi可以用, 一路食一路上網都唔錯~!食完二個人平均$72, 都還可以! 繼續閱讀
(以上食評乃用戶個人意見 , 並不代表OpenRice之觀點。)