御品壽司刺身專門店 (已結業)

行行下街覺得肚餓 , 打算求其係附近買D野食醫下肚, 1望就發現左『御品』, 所以就去試下啦佢既包裝同平時SUSHI店既大同小異,冇咩特別地方~三文魚手卷;同平時普通手卷唔同既係, 佢塊三文魚刺身係特別大,食到落手卷底都仲食到配料, 唔會咬完塊刺身就得返舊飯要食。而且味道唔差, 三文魚同飯都偏凍, 飯都有小小水分~整體上稱得上1件優質手卷!呢個係迷你SHSUI拼盤~最吸引我既就係件花之戀, 賣相都尚算可以, 食落去令我有小小驚喜, 原來D蟹籽都幾多, 咀嚼既時候係感覺到有蟹籽既爽口,唔似一般便利店有等於無~ , 而且沙律醬唔會太多, 唔會有種油膩感覺。其他就同平時便利店質素差別唔大~…查看更多

見有多款套餐 就諗住試下店面好細 多數人都外賣一個set有6件壽司、沙律、小食、主食豉油和wasabi 細心地分開放主食要左烏冬烏冬太淋 應該係用左噹噹烏冬日本餐廳的烏冬應該要彈牙份量夠飽set C是火灸系列火灸三文魚壽司太熟可能燒過左頭食落似煮熟的三文魚鹽燒左口魚邊壽司舊魚好細 係咪呢隻魚特別d鹽燒帶子壽司帶子唔新鮮1d都唔滑唔彈牙壽司飯太濕唯讀個糖心蛋唔錯 蛋白都流心沙律是蟹籽＋青瓜食落幾開胃…查看更多

星期日下午趕著去看電影，已到午飯時間卻尚未醫肚，不想進戲院吃熱狗的我決定了在所在地點附近吃個極速午餐。本來看到不遠處有間麥當當，正往其走去的時候留意到這間小店-- 御品壽司刺身專門店，看到小小的店除了外賣還有幾個座位讓客人堂食，就進去一試。:)檯面放了紙條讓人組合自選魚生飯，餐廳稱之為勝手丼（勝手在日語中有"任意"的意思），這樣選餸有點像在吃車仔麵。我選了三文魚、蟹子、希靈魚、劍魚腩和油甘魚，配少飯的小丼。很快即點即做的【勝手丼】($79)已準備好，趕時間的我不理三七二十一，立即大快朵頤。小丼飯量的確較少，女生還好，男生的話必吃大丼。三文魚($3)和油甘魚($12)份外肥美嫩滑，劍魚腩($10)甘香，想多吃幾塊呢～ 黃色的希靈魚($5)不是人人也喜歡，有些朋友說它吃起來好像在吃沙膠... 我卻頗喜歡它爽脆的口感，最重要是新鮮…查看更多

今日又到開夜時間，夜麻麻吾知食咩好。記得天悅附近有間刺身未食過就去睇睇。佢有拉面，壽飯，飯，定食同酒類，大多都係外賣所以只有幾張桌 。 見到有勝手丼有大細選擇，刺身都係自已選擇多少隨意。今次試左個細丼（$60）加一個馬糞海膽（$16）.... 飯大約半碗剛好份量，刺身每款都叫左一二片 ，三文魚都厚肉新鮮，蟹子一份份量多，櫻花同黃金魷魚都新鮮仲有灶少黏口吾錯。吞拿魚吾會太乾身。海膽係馬糞都好鮮甜冇腥味。 比其他坊間多選擇同自由配都係一個不錯選擇，就自已食量而選擇。…查看更多

外賣了小丼,選了數款刺身配料[松葉蟹羔]味道香濃, 份量較少[三文魚籽]濃濃的鹹鮮味[希靈魚]咬落爽脆魚籽, 味道不錯[北寄貝]味道甘甜, 肉質鮮嫩爽口[三文魚腩]三文魚當中我最愛的部位, 肥美多肉 , 嫩滑新鮮[櫻花魷魚]粉紅色的魚籽配魷魚, 賣相精美, 有嚼勁壽司飯醋味剛好, 小丼份量適合女生…查看更多

晚飯時間到,只得一支公食飯,又想食壽司及剌身,剛經開天悅廣場見有間刺身外賣店 ~ 御品壽司刺身專門店.店裝修簡約雖少,可堂食,但坐位不多,主要是外賣多.有定食､丼､壽司､剌身､烏冬及拉面選擇.店員說自選雜錦刺身丼是最最迎新推出,咪試下囉.是即ORDER即製,約幾分鐘內完成.我點了小丼,選了希靈魚、左口魚、黃金尤魚、2片吞拿魚、松菜蟹羔及海膽,睇刺生顏色就知道新鮮.確實刺身食材鮮味滿瀉,特別松菜蟹羔及海膽海,甘腴鮮甜,入口即溶,令人回味無窮.…查看更多

最近同朋友係係長沙灣整完D野，由於天氣比較熱同本人愛食日本料理，咁岩見到有間小型壽司店，就入去買野食醫肚，店鋪雖然細細但也有幾個位比人坐係到堂食。我隨意揀幾款刺身加飯外賣帶回家做晚餐。外賣用發泡膠盛載，賣相保持得不錯，吃起上來味道也很好，刺身也很新鮮，同出面其他日本料理店比都唔輸蝕，價錢方面小店比較便宜一點，算係抵食，外賣黎講係一個好好的選擇。…查看更多

Lunch 時間在街上無意中看到這間日式外賣店，拿起外賣單一看，發覺只是幾元就可揀一款刺身，那當然要試試。店鋪雖然小小的，但可以選揀的款式可不少。我最後點了一個大丼，配上三文魚腩、玉子、希靈魚、北寄貝、帶子、蝦、吞拿魚、螺肉及芥辣八爪魚。刺身是即點即整，但等待的時間不算太長，所以雖然是外賣，回到家時吃起來也保持得很新鮮，幾十元就能讓我嘗到這麼多款新鮮的刺身，真是超值，看來以後買外賣時又多了一個選擇。…查看更多

工作關係, 路過長沙灣元州街,看到一間非大型連鎖店的日本刺身店,又到食飯時間,就入去吃了個簡單午餐.門面簡約,裝修不算華麗,但自有一份家庭式經營的親切感.老闆態度和善,簡單介紹餐單,原來店舖標榜"自選"的雜錦丼,跟我由細食到大的車仔麵非常相似,先選擇飯底,再依價格和自身食量挑選配料刺身.最後點了細丼(即少飯)甜蝦,魷魚,八爪魚,蟹棒,原粒帶子,劍魚腩,赤貝,每樣刺身份量不算多.製作時間10分鐘內,賣相豐富,食材也很新鮮,特別喜歡原粒帶子,異常彈牙爽口.同時另一位客人點了烏冬,但因為趕時間,只好下次再試.…查看更多

經常係附近出入都會經過依間壽司店，有時都有係到外賣番屋企食，因為依間係即叫即整，夠晒新鮮，唔係set好一盒盒果啲外賣壽司附近糖水鋪雖多，但壽司店就少之有少，所以有時口痕又見近都會外賣番屋企好多款式揀，又我就嗌慣set餐，食到壽司又食到烏冬有唔少街坊都會黎買三文魚頭番去煲湯，但手快有手慢冇～都有唔少日式有氣飲品，都飲過幾枝一共有六件壽司、沙律同小食，主食揀左烏冬，睇落都幾多野食，而且一餐就食到唔同種類，set餐做得唔錯火焰三文魚壽司，三文魚好軟身，入口即溶，味道香甜左口魚邊壽司，食落冇咩味，幾有咬口，不過燒得唔夠耐冇咩火喉～帶子壽司，咬落夠彈牙，鮮味十足，壽司飯有少少醋味沙律切絲夠新鮮，食落好開胃，螺肉正正常常，唔錯烏冬，雖然拎到番去已經有少少涼左，但味道依然唔錯，好中意佢個湯汁，咸咸地夠入味，烏冬口感偏淋，不過依然Q彈，份量好足夠，一個人食到飽一飽～一個set餐$38-$58，種類多之餘又夠抵食…查看更多

去開長沙灣打波, 經過見到一間賣相不錯既日本食物外賣店, 就入去睇下細細間既店鋪入面有兩三個位, 但主要都係做外賣生意, 主要既日本類食物都係刺身, 壽司等等打波前要補充營養, 就點左佢既SET　Ｆ　餐（有ＳＥＴ　Ａ至Ｆ）有，　三文魚，　吞拿魚，　劍魚腩，　鰻魚，　北寄貝，　焦糖鵝肝壽司各一，　小食再配以螺肉沙律，　主食我就選左烏冬。　壽司全部好新鮮，　最特別係焦糖鵝肝，　焦糖不太甜味道剛好，　鵝肝充滿肉汁，　正，　劍魚腩，　鰻魚都特別好吃烏冬比較彈牙，有咬口，　都ＯＫ！，　下次經過都可以再食。…查看更多

暑假的第一天，不用上班，無人陪食午餐，唯有自己一個人的浪漫。突然好想食刺生同壽司，咁就去屋企附近，位於長沙灣天悅廣場地舖嘅御品開餐啦！御品設有堂食和外賣，店內有3張枱，其實主要做外賣為主。店內餐牌是店主用心用不同顏色的筆手寫的，字體恭整，御品設有不同的套餐供客人選擇。此外，不定期會有不同的優惠提供給客人。今天我選擇了一份午餐組合，午餐組合包括了蟹子沙律、6件刺生壽司、糖心蛋一隻及昆布日式拉麵，價錢合理，只售$58。整體評分：5星最高刺生壽司⭐️⭐️⭐️⭐️⭐️非常新鮮及鮮甜，肉質爽口，物超所值！昆布拉麵⭐️⭐️⭐️個人來說，感覺有些單調，因為無配料的關係，感覺有點欠了什麼一樣。糖心蛋⭐️⭐️⭐️⭐️⭐️最愛糖心蛋，生熟度剛好，口感一流！蟹子沙律⭐️⭐️⭐️⭐️沙律好新鮮，蔬菜鮮甜爽脆，味道一流！…查看更多

今日去左長沙灣整d野，其實仲未lunch，一路在炎熱的路上搵吾到食店，冇意間搵到一間小型壽司店，就入去睇睇醫肚先！入到去，想不到裝修得很別緻，擺放著日式嘅木公仔同掛住吊燈，而且環境舒適，小小店舖，有坐位供人堂食，整齊乾淨，吾錯！店員友善咁介紹我試set 餐，她一一講左其分別，最後我選了較特別的f 餐！她是即嗌即整的，見到她即時煎鵝肝整壽司！其他都係即整的！雖然要等幾分鐘，但都值得！先講個日本珍珠米飯，其實吾選呢個都可以轉烏冬同拉，米飯又軟又熱，加左紫菜絲同特別醬汁，少少甜甜地好好食，小食我選了糖心蛋，中間流心好味道，沙律就普通不過不失，而壽司方面，有三文魚，吞拿魚，北寄貝同劍魚腩都好新鮮，鰻魚同鵝肝壽司都好食！尤其件焦糖鵝肝壽司煎到好香口！焦糖面層令到鵝肝外脆內嫰，熱辣辣，一口又有d肝汁流出嚟！勁好食！！係咁多舊最好食嘅壽司！！店員真係冇介紹錯，她都話d客好鍾意食呢個鵝肝壽司！！諗返都值得回味丫，如果我住近個邊都應該會常常幫襯，因為價錢都平丫！！…查看更多

早前同阿女去長沙灣行街時候無意中見到這間外賣店，難得來了長沙灣，當然要試下它,平時只知道有爭鮮，原來亦有其他店舖，今次光顧這間叫御品，阿女話網上有好多人都讃,我揀了壽司併盤,三文魚味道十分新鮮，又夠肥美,甜蝦又好鮮甜 ，這裡出品好新鮮，下次再去啦,店員服務又好好,環境都幾好,店鋪地方不大種類好多選擇。價錢亦不貴…查看更多

最近朋友"長毛"入左因為個頭撞親有後遺症，要入深水埗寶血醫院，陪下佢幾個鐘，見到佢心情不錯，醫生說他好快會好，但要再覆診，說真的還幾擔心，咪問佢要葡萄適定橙，佢條死伙話想食壽司，果到真係唔熟路，都唔知邊到買比佢，諗諗下係咪要番去西九龍定係旺角先有，跟住用APPS搵到附近有呢間壽司店，就隨便買左D比佢SHARE食，因為佢E家唔食得多野，只可以比佢過下口引咋。買左個SET餐，呢個餐比較多熟的壽司，而我就食左個屬於生既櫻花魷魚卷，都幾甜，有粒粒是卜卜脆好似蟹籽的，魷魚好滑唔腥，味道不錯，不用點豉油都夠味。而個烏冬我都吃少少，都算彈牙，係偏硬左少少，如果再"林"少少會好D。我和長毛都係愛蝦之人，都有點少少蝦比佢食，不過買既時候真係比佢吸引住，因為隻蝦好大隻，好新鮮，因為我食蝦會吸埋個蝦腦，吃個蝦腦唔腥就知道係真的鮮甜，這個真係幾抵食。…查看更多