御名軒

營業中

休息中

食大閘蟹時節又到la, FB上已不斷有大閘蟹相「洗版」，睇到我流晒口水, 咁岩同事見到佢屋企附近有得食平大閘蟹, 48蚊一隻, 好吸引喎, 就同佢食啦雄蟹有4両重,蟹膏軟身而且滑口, 48蚊堅平! 蟹膏味道就最濃郁，黃油最豐富, 大閘蟹的肉質細嫩，滋味鮮美, 大閘蟹本身是非常寒涼的食物, 店員提埋薑茶驅寒, 好貼心因為蟹好寒涼, 所以叫個羊腩煲中和一下, 古法羊腩煲, 羊腩一點羶味也沒有，口感嫩滑將肉汁鎖緊南乳同煲燜, 控制火候幾好, 有骨有肉、柔而不爛, 燜得很入味，食完羊腩後用羊腩汁煮青菜，令青菜全吸收了羊腩精華味道, 正沙汁明蝦球, 沙拉骨食得多, 但沙拉汁CORSSOVER 蝦球係第一次喎, 醬汁好正, 好惹味, 令蝦既鮮提升, 明蝦球成個乒乓波咁大粒, 好彈牙!乳鴿肉嫩鮮美，帶點野味香, 外皮金黄肉質軟嫩多汁，微微的淮鹽鹹香提升乳鴿肉香，再點淮鹽吃更滋味, 正!!

今晚同班朋友去左天后御名軒聚一聚~原來已經有大閘蟹食啦！！初時都無為意到~真係驚喜呀睇睇個價錢~只係48蚊隻！？？初時都無乜期望架啦~黎到放左啖蟹膏入口就知不得之了叫左份八味豆腐，外層煎炸到好香脆！入口熱辣辣夠哂正，內層既豆腐好滑~豆腐香陣陣滲透出來！好味既前菜梨山醬手揸骨~熱鍋上台保持熱度！個醬汁味道濃郁~夠哂惹味！而個手揸骨入口鬆軟！肉汁鎖得好緊每啖都吸受哂d香濃既醬汁超得呀~古法羊腩煲~鍋入面既冬菇，荀好入味而個羊腩好有羊既香味，但又唔係羶味！啖啖咬落去都好香，再加少少腐乳調味！味道更升一層之後再放d生菜滾一滾~生菜新鮮！爽脆入味紅燒乳鴿~味道芳香樸鼻！外層燒到脆卜卜又夠哂熱，肉質鮮樕唔鞋口，識食就一定食埋個乳鴿頭~條頸d肉好樕頭既汁亦無得彈啦~太湖大閘蟹~48蚊隻！！沒有眼花嗎！？拆開蟹蓋後，蟹膏既金黄已經已經深深吸引著我D蟹膏多到係蟹蓋周圍湧出來！呢d就係傳說中既爆膏大閘蟹啦！！眼晴發亮了把蟹膏放入口！陣陣既蟹膏既甘香留在口内！鮮橙色蟹膏流出來，香滑綿綿！肉質好細樕點d醋食好鮮甜~真係人間極品最後仲叫埋個招牌鮑魚炒飯！夠哂足料~堅係有鮑魚粒的~無講笑炒飯好乾身一d都唔油！食

每年到了秋季之時，便自自然然地想起要吃大閘蟹, 今年也不例外, 所以友人發起大閘蟹聚會, 地點選了在御名軒, 這裡交通極之方便, 就正正在天后地鐵站出口對面, 地方相當寬敞，環境乾淨企理, 餐牌已由友人發板訂好，坐下來, 飲杯熱茶, 專心等吃。先來試試店子的小吃, 選了這一味八味豆腐，外表金黃色的豆腐, 外層炸得脆皮而內裡的豆腐嫩滑無比，香口好吃。再來的就是御名一品拼盤，一式五款的放在長方形碟子上的就是海蜇、叉燒、燻蹄、油雞及鴨肉。海蜇口感爽脆, 灑上了芝麻也添上香味; 叉燒不太甜, 肉本身帶半肥，玫瑰露的香味也襯托出叉燒的肉味來; 燻蹄切成半圓形的一片片整齊排列, 食落外皮煙韌，肉質鬆化而富有肉味; 油雞的雞皮薄薄而不帶很多的油脂, 雞肉嫩滑，雞味唔錯; 鴨肉帶有小許脂肪, 肉質嫩滑; 是個恰到好處的前菜。到了重頭戲清蒸大閘蟹，先把蟹身和蟹蓋分開, 再把蟹身分成兩件, 蟹肉是鮮甜無比,蟹羔是非常的豐富，味道鮮而口感軟糯，再把蟹腳肉已褪出來，蟹鉗也要剪成兩半方便進食, 原來大閘蟹是可以這樣討人的歡心。還有紅燒乳鴿, 每隻乳鴿的大細是剛剛好，鴿皮薄而炸得香脆, 鴿肉的肉質嫩滑，肉汁也美味

每月一次的 " 行家聚餐 " , 今次我們選擇了這一間位於 天后。地鐵站 對面的 御名軒 ~金磚豆腐 ( 忘了價錢 ) 外層的脆皮炸得夠脆口 , 外脆內嫩 , 入口質感層次豐富 , 味道微辣又帶鹹香 , 惹味又夠風味 ~大閘蟹 $ 48/隻金黃色滿滿蟹膏 , 膏香甘甜 , 白雪雪蟹肉鮮甜 , 肉質紮實 , 食蟹時沾上蟹醋 , 更為鮮美 ~吃完蟹 , 當然要喝杯薑茶 , 驅寒也有助消化 ~古法羊腩煲 $ 198 羊腩煲端上檯時已經熱氣騰騰又香噴噴 , 未吃羊腩先試湯汁 , 味道濃郁感覺啖啖精華 ~ 配料除了羊腩外 , 還有煮得入味的支竹、馬蹄、冬菇 , 羊腩的羊肉味濃郁卻也不帶臊 , 羊肉炆得腍滑入味 , 有質感也不會散 , 滿口肉香 , 的確很久也沒吃過這麼好味的羊腩煲 ~梨山醬手揸骨 $ 98 賣相討好 , 味道甜酸又帶鹹香 , 肉質爽嫩有咬口 , 肉味香濃又鮮美 , 相當惹味 ~鮑汁炆伊麵 $ 88 伊麵煮得軟硬極之適中 , 麵條既入味又非常煙韌 , 不油不膩 , 調味得宜 , 火候獨到味道極佳 , 可見廚師的功力深厚 ~ 本篇完 ~

幾十年沒見的老友從加拿大來，當然要敘舊一番。這次選了一個接近地鐵、從未去過、但評價不錯的御名軒。6個人叫了半個套餐，打算不夠再散叫。套餐內有冬瓜盅、炸子雞、片皮鴨、蒸海魚、炒飯麵等並奉送甜品（由於是大半年以前，所以忘了些菜）。也叫了一些啤酒。上菜時，都很大碟！我們問了兩位侍應是否是半個套餐，都回答是後，才放心吃。所有都很有水準！炸子雞的脆皮到現在還記得。大家都吃得很飽，還有剩下的打包。埋單時1200元左右，真抵！

自從在炮台山返工, 才發現天后炮台山一帶有不少食店, 不同國家的菜式也可以食, 今次我地返樸歸真, 決定去位於天后的御名軒食小菜. 御名軒地點非常方便, 一出地鐵站, 行過對面便到達. 夏天最好就是食個冬瓜盅. 我地先點了一個海皇燉冬瓜盅. 個冬瓜盅都幾大份量, 材料也相當豐富, 有蝦粒, 蟹柳粒, 冬瓜粒等. 個湯夠清甜, 而且夏天最適合食冬瓜, 能夠消暑解渴. 小食點了椒鹽九肚魚. 上枱時已經香味撲鼻. 炸粉適中, 夠鬆化, 唔會過厚, 我自己最怕食的時候成口也是粉. 而內裡的九肚魚夠嫩滑, 外脆內嫩. 肘子乳豬併田園沙律. 這個菜式幾特別, 較少在酒樓食到. 乳豬用錫紙包着, 食的時候幾方便. 乳豬薄而脆身, 入口香脆可口, 有點似食薯片的感覺, 卜卜脆. 而配有田園沙律, 可以起中和作用, 減去口中的油膩感. 主菜點了秘製話梅骨. 個醬甜甜酸酸, 好適合依加天氣食, 非常醒胃. 個骨的肉質幾嫩滑, 吸收晒醬的精華, 兩者好夾. 這個菜式配飯食是最夾. 所以我地點了瑤柱蛋白炒飯. 個飯偏向清淡, 飯炒得幾乾身, 不會太油. 也可以配上話梅骨

最近多左朋友約會，係屋企食飯既次數真係少之又少，所以偶爾都會想起住家飯既味道。今晚又一次錯過住家飯既機會，同朋友約左係天后既一間餐廳食飯。餐廳係酒家形式，晚市提供晚飯小菜。黑松露醬撈海蜇 $58海蜇同黑松露我以為兩樣互不相識既野竟然可以拉埋一齊，兩者既味道配合出嚟都唔錯，海蜇本身都爽口。不過對於鐘意食黑松露既我，對黑松露味接受程度當然可以更高。木瓜花生雞腳煲豬展 $128望住呢個湯，我諗起呀媽煲既老火湯。由湯渣可以見到，呢個湯落足材料去煲。湯既味道係平時飲開媽媽老火湯既味道。可以一路飲一路試埋旁邊既湯渣，平時係屋企我都當湯渣係寶。橙花脆酥骨 $88食之前有d擔心橙味勁果頭會破壞整體既味道，幸好橙味未算強烈，而且食落有西檸骨既感覺。夏日回味雞 $168好有驚喜既雞，食後真係會令人回味，全因佢既醬。起初從外觀去推算佢既味道，會覺得係似薑蓉伴雞。但食落係完全令一個感覺，味道酸酸又帶少少辣，有d似泰式既煮法，但食落十分開胃，同埋呢個味道同雞估唔到咁配合，餸飯一流！菠蘿咕咾肉 $78咕咾肉無骨，外脆內軟，岩晒我。酸酸甜甜既醬汁份量岩岩好，味道夠晒開胃。七彩麥皮凍糕 $24七彩麥皮凍糕外歡顏色同樣

近來吃得太多西餐，一聽到中餐便大為喜愛，因為中餐的變化很多，配搭亦很多，總是帶給我驚喜。今天選擇這個地點比較方便住港島區的人，而這間酒樓開業已經一段長時間，之前也曾經在這裏飲個茶，價錢公道，較為平實。要先上一條樓梯才能到達，入到去感覺有點像擺喜宴的酒樓，以紫色為主，非常光猛而且整齊。黑松露醬撈海蜇 $58沒想過黑松露跟海蜇可以混為一談，海蜇爽口彈牙，不過黑松露味不夠濃烈，或許這度中西合璧的菜，淡淡的黑松露味已經很好。梁太豬腳薑 $38豬腳薑這種女性補身之物，我尤其喜愛，想不到在酒樓都可以點，豬腳薑醋味濃郁，入口甜甜的不會太酸，豬腳浸得夠入味，慢慢咬開可品嚐醋味。木瓜花生雞腳煲豬展 $128老火養生湯，可見入面很足料，湯底濃郁清甜，不會很油膩，忍不住喝了幾碗。橙花脆酥骨 $88味道有點像西檸雞的汁，因為加了橙花所以味道酸酸甜甜的，脆酥骨炸得很脆口，細細粒啖啖肉很滋味。夏日回味雞 $168這碟雞是新菜式，為了迎合夏天而設，凍雞最適合夏天消暑，光看樣子還以為味道像口水雞一樣，但原來一點也不辣，帶有香蔥的味道，而且雞肉好嫩滑。菠蘿咕嚕肉 $78每次吃中菜都必點的一個小菜，因為小朋友一定鍾意吃，

近期突如期來的捉精靈狂熱，無論男女老幼都瘋狂地追棒。今晚相約朋友飯局，又話要去維園捉精靈。最近維園莫過於「御名軒」，街坊價錢信心之選。只是平日已經全院滿座，可見深得各街坊歡心。長長的白色樓梯與紫色的背景，悠和的燈光舒適度極佳。朋友終於到齊可以開飯，一行十人八個餸就最適合。黑松露醬撈海蜇 $58前菜永遠喜歡海蜇，清新又爽口。夏日炎炎有海蜇非常合適，不過黑松露味道極少；可以說微弱到不行。黑松露醬要稍微加強，為免失色這道菜。梁太豬腳薑 $38有朋友喜歡豬腳薑$38，那麼抵食的價錢又怎能抗拒？湯汁極度濃郁，豬腳滑溜無比並帶有骨膠原。還有薑及雞蛋滲透湯汁入味無比，薑是女性的恩物，多吃一點又無坊。肘子乳豬併田園沙律 $198這道菜會否太過Fusion，酒樓驚見西餐沙律的第一次。平時乳豬都是一片片，改用錫紙包著更方便。乳豬皮脆沒有半點肥肉，燒得恰到好處不需加任何醬汁，能夠帶出乳豬的美味。旁邊更有田園沙津配上芝麻醬，清新又健康。木瓜花生雞腳煲豬展 $128中式酒樓又點少得老火靚湯，原煲遞上更見足料。去捉精靈之前係時候要補下腳骨力，這個湯水就最好不過。木瓜生津滋潤，花生雞腳更添甜度。豬展份量都頗多令到湯

今晚來到了朋友常說不錯的御名軒。坦白說，地點真的非常方便，就算遲大到都唔會太遲，地鐵站行上去不用兩分鐘，一流location 。來得這裡都會吃中式菜式，一圍一圍有菜有肉有前菜，最適合一班人來吃。今晚目的因為朋友想食冬瓜盅，這裡的清甜得很，有蝦有蟹枊和冬瓜齊煲，點會唔甜，消暑一流。京式寒螃蟹好滿足，仲有大大隻蝦做點綴，蟹味滿載的蛋白送飯最好。肘子乳豬拼田園沙律，非常新的嘗試，這些中式餐館乳豬又怎會不好。前菜的椒鹽九肚魚是煮得非常出色，唔會炸到好勁但又好香口，泡椒豬手又是肥嘟嘟，好有肉。話梅骨的酸酸甜甜，比好多上海店做得更好。咕嚕明蝦球都算不錯，唔會做得過酸又過火，蝦球大隻到不行。最後的瑤柱蛋白炒蛋乾身得很，完全冇油，我停不了吃了兩碗。最重要價錢唔貴，菜式份量足，中菜如果budget唔大是一個好好選擇。

御名軒這家酒家，我已經不是第一次來這邊啦，今次呢，是好友的生日聚會。人大了，就會開始喜歡一大班人坐在圓台上，你一言我一語，而且可以清楚望到大家的臉蛋的。今次點的菜式蠻多的，就挑三款我覺得不錯的跟中家分享一下。 ($42)在這裡第一次接觸這道菜，看上去也蠻吸引的，至少賣相是美的。加上這是一道凍的前菜，吃的時候有種透心涼的感覺。豆腐比想像中的還要硬身，夾的時候相對容易，入口的硬度比豬紅軟一點，豆味是蠻重的，加入皮蛋以後令味道更香甜，口感更豐富。先不論它是否日式，它是不錯的涼菜；要是日式的話，就是全靠豆腐上的麻醬吧。是否日式並不重要，是美味才是重點吧。肘子乳豬併田園沙律 ($198)肘子剛放上台已經幽香撲鼻，利用錫紙包裹著，可以隨意用手拿著食用，十分方便。肘子的皮烤得十分香脆，而肘子本身肥瘦均勻，咬落啖啖肉。肘子其實蠻大隻的，要是吃得膩了，可以吃點旁邊的田園沙律，就當是清一清口腔，refresh一下自己，再繼續吃肘子，油膩感沒了，淨下的就是美味的肘子；旁邊的沙律也應讚一讚的，在中式的酒家，吃到這類型質素的西式田園沙律十分罕見，也算是蠻破格的。這道菜可算是中西合壁吧，也算是水準蠻高的菜式。濃湯

小時候並不喜歡食中菜,因為總是陪家人親戚食飯來來去去都是那些菜,整個過程太悶了,可以選的話總會選日本菜或西餐。 不過人長大了,偶爾突然會想和親朋好友坐在圓桌,用著公筷夾同一碟菜。因為前陣子常到大坑食飯,看到在地鐵站附近的御名軒,和朋友說,就來這裏吃吧。日式皮蛋豆腐 感覺很新鮮,凍豆腐加芝麻醬的日式食飯,加上皮蛋居然會夾!而且外面這麼熱先來一道透心涼的菜感覺舒服得多了。秘制杭州骨 排骨炸得香脆,外面酸酸甜甜,非常開胃,我一人吃了一半。老火湯 沒有味精味,湯清甜,而且湯渣也有不少,不過自己不好吃湯渣呢。乳豬拼沙律西式混中式 可以拿在手上吃還是第一次,皮很脆,油脂不多,吃完也不覺得膩。茄汁加州大虎蝦 好大隻虎蝦,肉質扎實,茄汁味道濃郁,夠入味,食完忍不住又食多隻。西檸煎軟雞 一看以為是魚呢,檸檬味道非常突出,軟雞炸過後香脆得來煙煙韌韌,非常有趣,而且酸味令人為之一震。濃湯蛋角豆腐煲 吃太多煎炸食物,還是得吃蔬菜,除了蛋角豆腐還有草菇和大白菜,比起剛才酸酸甜甜的菜味道清淡一點,但更能吃到蔬菜原始的鮮甜味。最後還SHARE吃了甜品,紅豆沙陳皮香,煮得夠沙夠綿。 甜奶脆麻花,是非常鬆化的那種香脆,

今晚約左屋企人黎食飯,地鐵站一出就到,好方便日式皮蛋豆腐好少喺酒樓食到呢類野,所以叫左個試下,麻醬好開胃,杰身,凍凍地好岩夏天食乳豬併田園沙律乳豬切好左可以拎住黎食,外皮脆卜卜,沙律又係用左麻醬,中和下D熱氣沙葛湯食中菜又點少得老火湯,沙葛湯好清甜,無味精茄汁蝦外殼係甜甜酸酸,蝦肉爽口又大隻送飯一流蛋角豆腐煲娃娃菜好清甜蛋角入面加左菜莆,有咬口甜品紅豆沙唔太甜,岩哂我口味5個人食左$250,好抵食~

今日同親戚食飯黎都天后食小菜，一出地鐵站就見到，好方便好易搵。人唔多，叫左幾個普通家常小菜。脆皮燒乳豬，皮好脆又香，肉質唔肥，切得大大嚿，用錫紙包住側邊好似雞髀咁攞住食好過癮得意。側邊伴一啲生菜沙律醬好開胃。一家人食飯最緊要有啖湯，叫咗個葛豬展湯，火喉夠，味道清甜，唔會太肥，有家嘅味道。西檸雞甜甜酸酸，醬汁唔會太濃或稀，薄切炸得均勻。上湯豆腐蛋角野菜， 湯底清甜一啲都唔油，蛋角中間有少少豬肉好香，娃娃菜吸收左湯底嘅清甜都好好食。茄汁加洲大虎蝦都好大，泡過油再炒香落醬，有陣陣蒜香。蕃茄味濃，肉厚。糖醋骨半肥瘦，送飯食最好。響茶樓食飯最開心就係有紅豆沙食，呢度嘅紅荳好大粒又起沙，唔太甜，真係我最喜愛的中式甜品。其實都係簡簡單單食幾味家常小菜，雖然味道各方面唔係好突出，但個人覺得簡簡單單都唔錯。

今天是母親節, 銅鑼灣的酒樓及停車場都沒有位, 所以我們改去天后站泊車及到御名軒飲中午茶.  酒樓面積不太大, 長長形, 裝修算時尚, 入門已見禮堂及三枝大吊燈, 以紫色為主色, 樓底也有很多天花燈. 整体算光猛, 但座位略迫.這酒樓的樓面, 侍應也很有禮貌, 招呼不差.  開茶快及送來点心紙, 我們叫了 "母親節午市行政套餐" @$218- 抵食.包括三個点心:  1) 御名軒蝦餃王, 蝦肉大粒又爽口, 夠新鮮, Good.  皮算薄, 上枱夠熱. 味道也不錯.2) 京滬小籠包, 皮略鬆也略硬, 內餡 OK. 品質一般3) 牛肉腸, 面皮柔軟, 牛肉餡很豐富,  醬味好. 很大碟.套餐包一個小食, 鮑汁炆雞腳, 看來很大窩.鳳爪好大隻. 炆得好入味.  如果燘林些更好.  鮑汁來味道好又不太鹹. 配料是花生, 夠大粒但最好也燘林些.套餐包一個主食, 我們選了銀芽肉絲炒麵炒麵炒得香脆, 有芽菜及韭黃, 只是肉絲少一点, 而那個芡較濃像糊狀, 不甚好看而入口也太膠.套袋餐除外我們加了兩款点心:蜂巢芋角, 一碟三隻, 但很小型, 外皮不很好看, 可能很早炸起, 真有点失望, 入口不脆內餡也