御名園 (鴻運中心)

營業中

休息中

今日同細妹去雞地飲茶, 酒樓環境舒服,座位撥落好坐👍好耐未試過飲茶La~每樣都想試下🤭點心放題最好不過，唔使就住就住，可以盡情食食食鋪滿哂成張枱👍每位奉送花膠灌湯飽一盅,鮑魚燒賣一件😚午市點心放題款式有蒸點、即蒸腸粉、 煎炸點、甜品、小食和主食超過40多款👍大開食戒之前, 我哋另外點咗滋潤足料湯水川貝海底椰燉鱷魚😋經過一輪急攻……😆以下必點~~黃色金邊飽滿蝦餃🦐 啖啖肉燒賣👍鬆脆香口一口豆腐粒和花椒香酥肉。皮薄餡靚潮州蒸粉果、黑松露素粉果。爽口清甜桂花鮮淮山、惹味彈牙沙薑豬手。原隻彈牙鮮蝦🦐滑腸粉。一口豆腐、蝦餃、粉果一再encore😚其實當中仲有好多點心未能食到,下次再來戰過😆晚飯都可以過嚟，佢哋嘅晚市套餐都實惠抵食。

已一星期BOOK了枱，為了確定枱已BOOK，再次致電確認，職員已表示已留枱，誰知今日去到職員話冇收到留枱資料，只是敷衍去查，再向佢哋同事話小姐取消左訂枱，但現在又嚟左，還聲大夾惡話客人唔啱，好想知，BOOK了話冇BOOK，跟住話客人取消枱又嚟左，咁即係點？其實你知唔知自己講緊咩？做緊咩呢？我要2張中枱，每張枱人數不超過8人，點解要我們出示檢測？擺明留難客人，服務態度差得不得了，奉勸各位，不要到這間，免得貼錢買難受。

$36盒叉燒飯，8成叉燒肥到食唔到。堂食就正正常常，外賣唔會即刻睇賣相就俾d咁嘅質素，做生意不太老實。職員服務態度不太好，對客呼呼喝喝的，工作態度散漫，收錢都慢吞吞。

其實餐生日飯食得好開心，但最後埋單時，餐廳營業經理同埋收銀阿嬸搞到好唔開心！我地5個大人加1個2歲BB，照正常都係收5個茶錢！老人家去埋單見到茶位收左6位 就叫收銀改返做5位… 收銀理直氣壯話：我只跟張單收錢！我無責任去幫你改！坐係佢隔離既營業經理聽到都講：係啊 我地跟單收錢 唔負責改茶位！請問營業經理唔係應該最大權嗎？連改茶位都做唔到？ 之後不停叫老人家俾錢 老人家問可以睇下張單嗎？佢地就話岩岩咪俾左你睇囉！再三要求之後，終於睇到張單，茶位依然係6位！最後老人家話咁我應該搵邊個改？佢地話自己去搵開單既人！！我地連邊個開單都唔知喔～ 唔係啊嘛！一係你一開始就話要樓面改，唔好為難老人家 搞咁耐都改唔到個茶錢！經理無呢個權利 我都係第一次聽！😒

=  =  =  =  =  =  =  =  =  =  =  =  =  = 💬 總括: 小菜同海鮮同樣高質，套餐抵食，海鮮火喉掌握好好，唔會Overcook 環境：★★★★★ | 味道：★★★★★ 服務：★★★★☆ | 抵食：★★★★★———————————突然間想食海鮮，又唔想去另一區 近近地係元朗都食到好野 坐底開好茶後食住小食睇下有咩食 - ▼ 羊肚菌南北杏燉花膠 先黎燉湯潤一潤，原盅足料燉湯 飲到材料原汁原味，入口清甜無味精 - ▼ 晚市組合A (蒸蟶子 + 小菜) $218 有份大大新鮮蟶子 炸蒜+粉絲蒸 蟶子厚肉，肉質爽口彈牙 用上粉絲墊底，索晒炸蒜蟶子精華 鮮味又惹味 - 配了小菜 ▼ 即燒脆皮文昌雞 可以用皮脆肉嫩形容 肉質嫩滑有肉汁 沒有多餘皮下脂肪 雞皮入口焦香脆口 不用額外醬汁，味道惹味 - ▼ 清蒸老虎斑 蒸魚來講，掌握時間好重要 御名園呢條蒸魚 時間掌握得好好，魚肉剛熟，保持肉質嫩滑 加埋蔥花、豉油食一流 - ▼ 瑤柱海味雜菜煲 雜菜煲加了海味同煮 用上鹹香蝦干仲有腐竹 味道豐富惹味 鮮甜充滿鹹香- ▼ 蔥香油鹽焗軟殼蟹 軟殼蟹上熱碟辣辣 軟殼蟹酥化 入

間嘢嘅外表平平無奇，但內裏蘊藏粵菜的精華。睇到裝修同杯碟都落咗好多心思，喺入邊食嘢好舒服仲有背景音樂。杯碟係襯埋一套，環境都好乾淨，值得來食。下次都想試埋佢啲點心。蟲草花百合浸菜苗✨✨✨呢個一定要嗌，個湯係精粹。飲得出係用雞嚟熬，飲落仲有少少膠質。百合唔會煮到散晒，仲要食得出冇落味精。超級推薦！蜂蜜柚子脆蝦球👍🏻👍🏻👍🏻炸嗰個脆漿好大隻好薄唔會好油膩加埋蜂蜜同柚子酸酸甜甜好開胃開，但係隻蝦就唔係好脆口。叉燒🤤🤤叉燒好好味，肉質好林。啲肉同肥係隔住一層一層。叉燒面仲要攞火槍燒一燒，面頭啲糖好似焦糖燉蛋咁好脆。好香charcoal 味，肉質好juicy。瑤柱海味雜菜煲面頭就有幾隻蝦乾，湯係奶白色菜煲到好林亦都有好多唔同種類嘅菜有四種菜，但係就見唔到有瑤柱。金獎蝦醬海山骨蝦醬唔會好鹹類似炸嘅五花肉，有少少骨。食落面頭仲係脆水蜜桃意大利黑醋骨食落有啲似薑醋味，但係醋唔酸，甜甜地。就算到最尾嗰舊同埋上面鋪滿執頭都仲係脆。水蜜桃就係罐頭嗰啲。鮑魚一品砂鍋飯入面除咗鮑魚之外仲有雞粒同埋冬菇粒，鮑魚就唔係好大，炒得乾身。有少少芹菜粒。食落有少少牛油味。

先黎一個點心 手磨紅米銀羅腸粉🔴 顏色夠晒特別 腸粉皮薄滑 入面包咗蘿蔔絲同埋一啲脆脆 口感勁正 係好嘅開始之後媽媽話想試吓佢哋個羊肚菌南北杏燉花膠 超級足料 湯清甜滋潤😉比較少地方食到羊肚菌 值得試試！另外 仲佢地午市有個$80任選兩款小食既優惠 我地要左👍🏻 鮑魚汁炆鳳爪同胡椒咸菜豬肚鴨紅 兩樣都超高水準 入味之餘 炆得煲得夠時間 材料腍身 超級推介呀👏🏻👏🏻重頭戲黎喇 薑蔥炒本灣肉蟹🦀豉椒炒蟶子煎米粉 師傅炒得好有鑊氣 特別係薑蔥蟹 調味剛好 食到我哋吮晒手指 而且茶樓好貼心 鉗既殼都預先扑好 方便食用🥰另外蟶子大隻鮮甜 肉質爽口 下面既煎米粉伴隨豉椒汁一齊食 都幾惹味總括嚟講 食物非常高質 而且值得一提既係店員服務態度好好 即使我哋坐喺房入面 佢哋都會不時走入嚟問吓你有冇需要😉茶類種類頗多 除左一般茶葉 仲有鐵觀音、龍井等等

👍🏻 薑蔥炒本灣肉蟹（2隻）以砂鍋方式呈現已經大大加分 上枱時仲會發出滋滋聲響🔥令人食慾大增 肉蟹大大隻 有膏 輕輕拖油能夠令薑蔥味道完全滲入🦀炒得有鑊氣 👍🏻 豉椒炒蟶子煎米粉蟶子都幾大條 啖啖肉 有口感😊底下既煎米粉 索左豉椒汁 入口味道豐富 唔會太鹹 最鍾意咪分嘅邊邊位 依然保持爽脆 值得一試！👍🏻 鮑魚汁炆鳳爪好耐都冇食過炆得咁靚既鳳爪 外皮保留完整 好輕力咬已經可以將皮骨分開😃鮑汁濃味同時鮮味十足 旁邊既花生都炆都綿晒🥜👍🏻 胡椒咸菜豬肚鴨紅建議先飲一啖湯 胡椒香氣及味道令到喉嚨好舒服👏🏻豬肚同鴨紅都已經煮到軟身 份量都足 正！👍🏻 羊肚菌南北杏燉花膠叫咗一個燉湯試吓 小小嘅一碗湯入面材料豐富 除咗主打嘅羊肚菌同花膠之外 仲有豬肉片、雞肉等 個湯唔正都難啦👻👍🏻 手磨紅米銀羅腸粉🔴見到隔籬枱嗌我哋都叫咗先 紅色嘅腸粉好特別 入面除咗白蘿蔔絲 仲包左一啲脆脆 但係一下 食到多種口感注意事項⚠️-茶樓有茶介及加一-現正做點心放題優惠 大受歡迎😉

幾個月前曾到 "御名園" 荔枝角分店進食，已經覺得好好味。上星期去開元朗就同好友一齊去它既分店，飲個茶食吓一盅兩件啦。酒樓地方闊落，枱與枱之間覺得有空間感，唔會擠迫，裝修雅致，環境舒適悠閑。餐紙上都好幾多選擇，巧手點心、即蒸腸粉、生滾煲仔粥、香噴噴煲仔飯、炒粉麵飯、燒味、燉湯、涼拌小食、田園青蔬、手工甜品、皇牌套餐等，種類非常多。蝦球福建炒飯     $108去酒樓食飯我就最喜歡揀福建炒飯，今次依碟有埋大大隻蝦，肉質鮮嫩，非常彈牙，另外仲有好多材料，混合炒飯同醬汁一齊食，口感好豐富，惹味無比。雪梨椰皇燉竹絲雞    $28.8好足料既燉湯，熱騰騰，飲到椰香同雪梨既清香，亦散發竹絲雞味道的香氣，湯頭清徹，味道清甜，好滋潤。鮮味蝦餃皇    $33.8大大隻嘅蝦餃皇，餡料豐滿，蝦肉爽口彈牙，味道濃郁鮮嫩，必食推介！蟲草花濃湯鮮竹卷    $25.8腐皮本身味道淡，但浸落去蟲草花濃湯裡面，味道即刻提升，清甜可口，鮮竹卷餡料滿滿，有肉有菜，好唔錯呢。巧手潮洲蒸粉菓    $25.8外皮做得唔算厚，包住爽脆嘅沙葛、花生、蔬菜粒，清甜好味。桃膠西施杏仁茶    $25.8依個糖水真係好香杏仁味，濃

朋友建議去三聖食海鮮，我話使乜去咁遠吖，就帶左佢嚟‘’御名園喇‘’😅 呢碟小食好香脆，用嚟送酒一流👍咁啱啤酒做買二送一，真係啱晒我胃口啦😍 晚餐組合A $218金蒜粉絲蒸聖子聖子好大隻，長過隻匙羹😅好鮮甜，肉質爽而不韌，蒜香味濃～ XO醬翡翠炒海螺片 西芹，黃椒，木耳都係爽脆嘅蔬菜，配黏滿XO醬嘅海螺片，味道好夾👍 陳皮蒸南非鮑魚 $96陳皮嘅香味沁入鮑魚，鮑魚大隻到可以用刀义嚟品嚐，每口都芬香味美，肉味鮮甜，新鮮是也😋😋😋 薑蔥美國桶蠔 $168桶蠔肥美肉嫩脹卜卜，廚師烹調時間拿捏得好好，外皮煎香，最正嘅蠔肉仲好juicy，一啲都吾腥，好有蠔味🤩蔥香油鹽焗軟殼蟹 $38.8外肥肉香，切開仲有膏，每人限時特價叫一隻咋～ 甜品係蛋白杏仁茶，一點都不馬虎，足料磨成的，香滑不太甜👍食都捧住個肚，飽飽滿足🥰

平時好少食飯中菜既我，今日同左家人黎御名園食晚飯🥣有2，3，4人餐，有散叫😎坐低之後感覺真係比普通中菜茶樓高質好多，連碟小食都唔同D😲✨蜂蜜柚子脆蝦球 $128⭐️⭐️⭐️⭐️⭐️呢款小菜真係好高質👍🏻👍🏻👍🏻完全要推介外脆內軟又JUICY，甜甜酸酸勁開胃完全唔需要擔心炸粉一堆，可以話係冇炸粉咁濟但又可以做到表皮脆口，蜂蜜有拉絲感覺，唔會好甜仲有柚子肉添，真係口感層次好好🤩蝦球唔細隻，份量都剛剛好😄😄👍🏻✨鮮味肉蟹炆雞煲 $268⭐️⭐️⭐️⭐️⭐️肉蟹真係好有肉👍🏻炒得好香好好味雞肉墊底，份量都好多肉質嫩滑多汁，都係推介既一款小菜🥳✨瑤柱海味雜菜煲 $88⭐️⭐️⭐️⭐️⭐️真係唔係講笑，海味真係有，雜菜都真係好多款係入面上湯底非常好飲👍🏻👍🏻唔會淡口，所有菜都入到味裡面仲有少少金菇。粉絲。雲耳等等鐘意食菜既朋友可以試下，真係唔差煮既菜都可以咁出色咁好味👍🏻最後贈送既糖水 - 薏米腐竹糖水熱辣辣，甜度剛好👍🏻如此高質素既中菜廳，價錢其實同出面D中菜廳都差不多，唔算太貴😎最緊要係D野食味道好👍🏻

新開張嘅時候去飲過茶，食物質素中上上，唔錯，不過價錢少少貴。早排發現原來佢有點心放題，所以就約埋朋友共四個人去試，如果網上買coupon就會平$10（指定日子時段）所以都係比多少少自己打電話去訂位彈性大啲。每位會送一個花膠灌湯餃一粒鮑魚燒賣，食物種類都唔少，冇試哂都已經好飽！訂位嘅時候有講去到可能要等，咁我哋book 11:00am去到等咗大約15分鐘左右，佢以前都有一個問題，就係佢人手似乎唔夠，我哋坐低陣都冇人執枱，因為限時90分鐘，所以我有去催佢，嗰位姐姐態度麻麻話你都見啦得我一個人，要逐張逐張執，佢話因為員工食緊飯。之後即刻落單，等第一輪嘅時候時間都比較長，等咗接近25分鐘先至有第一樣嘢，之後就正常，亦都見好似多返啲員工，不過人手都係唔夠，我都費事叫佢哋，自己加水、食完啲碟同蒸籠自己清。嘢食方面，以前食過佢嘅魷魚鬚好好食，不過今次麻麻哋冇乜味亦唔夠熱，芋絲脆軟夾以前第一次食覺得好正，今次亦普通，唔夠香脆又林身咗少少，燒鵝瀨麻麻，可以不試。推介就有蝦餃王、蝦長春卷、腐皮卷、蘿蔔糕、灌湯餃、鮑魚燒賣、黑蒜炒飯呢啲都唔錯，另外甜品值得一讚，全部熱辣辣，唔太甜，都好食，其他唔講太多，全部

御名園喺元朗都開咗一段時間，今日終於得閒試下佢嘅晚市，留意返晚市就收$15茶錢一位，依個價錢都可以接受啦。另外我哋兩個人食仲會提供一碟果仁$28畀你過下口癮先👍🏻前菜我哋揀咗黃金炸魚皮同埋海蜇青瓜。黃金炸魚皮夠脆，最重要係好多鹹蛋黃。海蜇青瓜水準正常，夠曬開胃。見到網上好多人推薦食海鮮，我哋就叫咗兩斤澳洲龍蝦伊麵$698。上菜嘅時候驚覺份量好多🤩，啖啖肉，連龍蝦頭下面都有好多肉。兩個人分左呢碟已經7-8成飽🙊。當然都張試吓依度好出名嘅燒鵝（例牌）。燒鵝就肥咗少少，不過份量就好多，我地最後都食唔晒。整體嚟講想食中菜嘅話都算係唔錯嘅選擇👍🏻

第一次嘗試點心放題，覺得呢間啲嘢食全部都好味又抵食😋午市放題每位$148，另外仲會每位送極品花膠灌湯餃同鮑魚燒賣，好正！特別推薦 : 蝦餃皇，粒粒大蝦真材實料口感豐富👍🏻灌湯小籠包，皮薄多汁😋香煎蘿蔔糕，椒鹽一口豆腐粒，香脆可口，做到外脆內軟個效果😍燒鵝瀨粉，個人好鍾意食，估唔到點心放題都有得叫，覺得好吸引🤩

薑蔥炒肉蟹(兩隻) @$328: 味道很足夠, 調味剛剛好, 但蟹肉不是非常的結實, 肉蟹新鮮度不足夠, 或許牠們不是活蹦亂跳的蟹, XO醬翡翠炒海螺片 @$0: 海螺片切得很薄很薄, 爽脆爽脆, 但有少量芹菜不夠熱, 只是微溫,  治味冰爽鳳爪 @$48: 冰凍的鳳爪吃下去是麻麻的味道, 夏天的一道前菜, 不錯不錯, 金蒜銀絲蒸聖子(兩隻) @$76: 聖子蒸過時了, 像在咬橡皮筋似的, 粉絲被蒸到乾涸了, 蔥香油鹽焗軟殼蟹 @$38: 整隻軟殼蟹油亮亮的, 完全不脆口, 而且真的太油膩了, 雪燕焦糖燉蛋 @$48: 酒樓都有西式甜品供應, 雖然焦糖真的燒焦了, 但很脆, 燉蛋也滑溜溜的, 不太甜, 合格!!!