9
6
5
港鐵元朗站 K 出口, 步行約1分鐘 繼續閱讀
所有分店 (5)
電話號碼
27282889
開飯介紹
來自台灣高雄的手作抹茶專賣店。提供雪糕、窩夫和聖代等抹茶及焙茶甜品。 繼續閱讀
營業時間
今日營業
11:30 - 22:00
星期一至五
11:30 - 22:00
星期六至日
10:00 - 22:00
付款方式
Visa Master 現金 銀聯 八達通
食評 (28)
抵食午茶餐 焦點食評
等級4 2017-11-14
1182 瀏覽
另一間近期密密到訪餐廳,是 御前上茶;除因囡囡參加小牧人讚美隊後,逢週一就要練歌,也由於店內的午餐 ($56) 及下午茶 ($42起) 款多又抵食~ 12:00-14:00供應的御前午市套餐 ($56) 包括前菜小吃(蟹子薯仔沙律或博多煎餃子)+ 主菜 (18款選一)+ 飲品(冷熱抹茶,也可+$10轉茶 / +$15轉咖啡或汽水梳打 / +$20轉拿鐵類)。 首訪那天前菜選了博多煎餃子,其實是炸的,一客三件香香脆脆,囡囡挺喜歡~ 主菜是她選的 蟹羔蟹肉親子茶漬飯,起初以為未必夠飽,原來都幾足料又飽肚,味道還十分豐富呢,兩母女分享也80%滿足!還有20%的胃納,在樓下一田買件甜品/芝士撻就剛好~ 這天+$20試了 焙茶拿鐵豆腐飲,又香又滑味道不錯的,唯一要挑剔的是只能是凍飲。隨著天氣轉涼,點了一次後,之後都乖乖轉回熱茶了~ 午餐抵食,不含前菜的下午茶 ($42-58) 同樣選擇多又划算,奉送冷熱抹茶,同時一樣可加錢轉其他飲品。另外,下午茶有多款特價小吃及甜品 ($28起),比起餐單散點便宜一截,上週五囝囝放學後也去了嘆茶~ 這裡出名吃霜淇淋甜點,霜淇淋鐵板抹茶鬆餅散點$62,下午茶$46;霜淇淋配紅豆白玉散點$48,下午茶$32,所以最近也吃了兩次之多,一次是雙色(抹茶+豆腐),一次是純抹茶味,都不錯吃~ 就在昨天,兩母女也看中這裡不用等位,又有充足空間可讓妹妹塗雅(自帶畫紙啦~),再來了吃午餐。 挺喜歡這裡的 蟹子薯仔沙律,挺好吃比餃子飽肚又美味,另外主菜的 玉子和風牛肉稻庭烏冬 也是美味推介,已是第二次來吃了,味道及份量仍然滿意。 其實場內還有不少目標,如 B.Duck Cafe、Patisserie Tony Wong,遲些慢慢試了再來報告~ 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-15
0 瀏覽
晚餐,點了碗照燒雞扒飯,中伏。雞扒飯黎到時我呆左,因為得兩件超級迷你既雞扒,同細細碗既飯,成碗似好細份既下午茶餐多d,但收晚飯正價$68喎! 雞扒飯黎講,我從來未食過咁少咁細既雞扒架!完全無其他配菜,賣相好寒酸,一個普通女仔食都嫌唔夠飽!老公點既牛肉烏冬,好似約$62,份量同味道都算正常,黎呢間千萬唔好點雞扒飯或雞扒烏冬呀!因為個飯份量太少既關係,唯有點多個綠茶雪糕銅鑼燒,$80幾蚊,中規中矩,可食可唔食。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-14
0 瀏覽
位於元朗形點二樓御前上茶,在餐牌上點了三份主餐,分別是蟹膏蟹肉親子茶漬飯,玉子和風牛肉烏冬,蒲燒鰻魚炒飯,可以加飮品並轉為套餐。茶漬飯味道尚可,但可惜的是湯不夠熱。牛肉稻庭烏冬味道一般,牛肉的質素也是一般。鰻魚炒飯較為油膩了一點,炒飯𥚃面的蛋比較乾身一點,味道可以算是不過不失。另外,餐廳的佈置很簡單,位置坐落於商場的中間,設計為開放式,枱及座位的設計略為普通,舒適度亦只是普通。餐牌上的甜品選擇亦很多,但由於主菜的味道普通,所以沒有再試了。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-05
38 瀏覽
以前想食焙茶雪糕,第一時間都係諗起御前上茶,比較方便既得旺角個間,依家元朗yoho都開左,真係一件開心事。同母后大人去tea一tea,所以都係輕食。佢雪糕同旺角個間一樣,都係無得焙茶mix豆腐味,唯有叫抹茶mix豆腐。白玉團子都保持返佢一向既水準,有黃豆粉同綠茶醬配住食,我幾時都咁中意~因爲平時都係宵夜糖水時間先去食,今次tea time終於可以同媽媽試下佢地既茶漬飯,係好食,但湯就略微嫌咸左少少。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-07-05
17 瀏覽
放假最hea的節目莫過於下午茶時間去tea一tea,昨天下午正正沒有野做,所以便約了朋友到這間店下午茶了。之前好多次想去,不過我一直以為這店只售凍飲,所以便沒有去。不過,今日看過餐牌,原來有其他野食的,只不過今日是公衆假期,所以沒有下午茶罷了。我和朋友今日來Tea,想吃甜品啊!抹茶雪糕不可少,仲要食窩夫添。實在太幸福了。。。點了餐不久,我的雪糕窩夫就到了。侍應幫忙將抹茶拿鐵倒在鐵板上,哇!拿鐵即時滾起來,有差不多半分鐘之久,成枱都被弄髒了,噴到周圍都係。都唔明點解個侍應唔叫我地用紙巾擋一擋,好彩沒有弄髒衣服。雪糕好快就溶了,所以我吃得好快。味道不太甜,有抹茶味,好吃。下面的窩夫吸了拿鐵所以淋淋地,有些甜,但係抹茶甜窩夫,幾好味。之後我再叫了芝士肉醬薯條,兩人吃都夠了。薯條很脆,但肉醬有些鹹,芝士粉不夠多。另外,如果每人有隻小碟子食就好喇,因為有醬汁,我地食到周圍都係。But anyway ,下次我會試甜品以外的食物的。 繼續閱讀
(以上食評乃用戶個人意見 , 並不代表OpenRice之觀點。)