5
1
1
港鐵元朗站 K 出口, 步行約1分鐘 繼續閱讀
所有分店 (5)
開飯介紹
來自台灣高雄的手作抹茶專賣店。提供雪糕、窩夫和聖代等抹茶及焙茶甜品。 繼續閱讀
營業時間
今日營業
10:00-22:00
星期一至日
10:00-22:00
付款方式
現金
食評 (10)
等級4 2017-11-14
1 瀏覽
另一間近期密密到訪餐廳,是 御前上茶;除因囡囡參加小牧人讚美隊後,逢週一就要練歌,也由於店內的午餐 ($56) 及下午茶 ($42起) 款多又抵食~ 12:00-14:00供應的御前午市套餐 ($56) 包括前菜小吃(蟹子薯仔沙律或博多煎餃子)+ 主菜 (18款選一)+ 飲品(冷熱抹茶,也可+$10轉茶 / +$15轉咖啡或汽水梳打 / +$20轉拿鐵類)。 首訪那天前菜選了博多煎餃子,其實是炸的,一客三件香香脆脆,囡囡挺喜歡~ 主菜是她選的 蟹羔蟹肉親子茶漬飯,起初以為未必夠飽,原來都幾足料又飽肚,味道還十分豐富呢,兩母女分享也80%滿足!還有20%的胃納,在樓下一田買件甜品/芝士撻就剛好~ 這天+$20試了 焙茶拿鐵豆腐飲,又香又滑味道不錯的,唯一要挑剔的是只能是凍飲。隨著天氣轉涼,點了一次後,之後都乖乖轉回熱茶了~ 午餐抵食,不含前菜的下午茶 ($42-58) 同樣選擇多又划算,奉送冷熱抹茶,同時一樣可加錢轉其他飲品。另外,下午茶有多款特價小吃及甜品 ($28起),比起餐單散點便宜一截,上週五囝囝放學後也去了嘆茶~ 這裡出名吃霜淇淋甜點,霜淇淋鐵板抹茶鬆餅散點$62,下午茶$46;霜淇淋配紅豆白玉散點$48,下午茶$32,所以最近也吃了兩次之多,一次是雙色(抹茶+豆腐),一次是純抹茶味,都不錯吃~ 就在昨天,兩母女也看中這裡不用等位,又有充足空間可讓妹妹塗雅(自帶畫紙啦~),再來了吃午餐。 挺喜歡這裡的 蟹子薯仔沙律,挺好吃比餃子飽肚又美味,另外主菜的 玉子和風牛肉稻庭烏冬 也是美味推介,已是第二次來吃了,味道及份量仍然滿意。 其實場內還有不少目標,如 B.Duck Cafe、Patisserie Tony Wong,遲些慢慢試了再來報告~ 繼續閱讀
(以上食評乃用戶個人意見 , 並不代表OpenRice之觀點。)
等級3 2017-11-03
72 瀏覽
聽聞yoho mall開左好多新既食肆就同朋友去試下平時都好喜歡茶味產品所以見到呢間就試下啦我地叫左個菜漬飯估唔到有驚喜wor好香既茶味配搭啲飯同佢啲配料係好食既而且仲ok多我地仲叫左個意粉我覺得就一般普通pasta 咁啦 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-27
111 瀏覽
星期五晚放工當然係想食得好d加個甜品嘆下,唔算係咩特別要求,而綠茶甜品又一向是本人所喜愛,於是我倆看到這間又有甜品又有正餐的餐廳便決定一試。我們分別點了: 唐揚炸雞屋台炒麵和香辣蜆肉意粉。唐揚炸雞屋台炒麵一般,賣相不太好。就是炒拉麵上面加煎蛋和炸雞球,煎蛋求其,不合適作為餐廳的煎蛋,炸雞球無乜味,不合適作為餐廳的炸雞。一個字,十分十分HEA.更過份的一碟叫香辣蜆肉意粉,食物賣相係零分,味道係負分!香辣蜆肉又唔香又唔辣又極細粒,完全顛覆你對晚餐,對意粉的認識!我倆食得晒完全唔係因為好食,而係我倆都覺得不能浪費食物罷了。店員服務態度低下,明明角落頭有2人位,講大話話無位。得閒就企埋一齊喺度吹水。明明舖頭名叫御前上茶,但一杯茶都無。食到咁真係完全無信心再去叫個甜品來折騰自己一番。不信的話可以自己一試,但還是先奉勸一句: 人生有限,晚餐每日得一餐,無謂浪費你的消化系統在此等質素餐廳上。價錢跟食物質素不成比例! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-26
57 瀏覽
今日入左元朗同男朋友行下,夜晚食完飯之後想食甜品又諗唔到去邊,我地就係形點行下突然經過呢間御前上茶好吸引咁🤤我地點左個霜淇淋鐵板抹茶鬆餅,身為抹茶控既我地,完全停唔到口,抹茶味夠濃,雪糕又滑,鐵板鬆餅又好有創意,賞心悅目😍 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-20
102 瀏覽
今日係襯早左少少番到元朗,又去左商場覓食。未到6 點半去到商場果然係想食咩都唔洗排隊,於是又打算試新野喇!今次行到新一期商場嘅最入面,有一間御前上茶,之前經過門口以為只係有甜品食,原來仲有飯麵類嘅食物,所以決定今晚晚飯試下呢間先。鋪頭唔算好大,好典型似商場擺喺走廊嘅鋪頭,好彩佢D 位都唔算係好迫。原來佢都有好多野食,加埋甜品就更加多。最後叫左兩個飯:蟹羔蟹肉親子茶漬飯、香蔥玉子卷牛肉飯另加霜淇淋鐵板抺茶鬆餅。落完單之後等左大約20 分鐘左右仲未有一份食物上枱,眼見遲過我地落單嘅人都開始有食物上枱,追問之下佢先印張單放喺我枱面,而佢嘅落單時間係2分鐘前 =.= 可能真係人手唔夠,眼見樓面只係得兩個人,心裡面雖然不滿不過都忍一忍啦。經過呢次堅落單之後,等左一陣終於有野食喇。先上嘅係蟹羔蟹肉親子茶漬飯。賣相同佢嘅相差唔多,我一向都好少食茶漬飯,佢嘅茶同飯係分開上,所以鍾意幾多就加幾多,未加湯之前個飯都幾靚仔,加左之後就有D 似泡飯。由於佢個湯好和式,加上珍珠米味道真係唔錯。至於後上嘅香蔥玉子卷牛肉飯感覺上被蟹羔蟹肉親子茶漬飯比下去。香蔥玉子卷牛肉飯嘅汁比較少,感覺上好乾身,雖然佢嘅香蔥玉子卷幾好食,但係佢個飯實在太少汁,所以我加左少少茶漬飯嘅湯落去一齊食,味道又幾夾。至於香蔥玉子卷牛肉飯嘅牛肉味道都係偏淡,我自己覺得茶漬飯係出色D 嘅!食晒兩個飯之後開始等待我地嘅甜品喇,我又想食窩夫又想食雪榚,於是叫左霜淇淋鐵板抺茶鬆餅。甜品上枱之後見到侍應拎住張紙巾又唔出聲但係又遞俾我,好似佢自己都唔知發生咩事咁。原來呢個甜品係好似鐵板餐咁,侍應會喺你面前淋綠茶喺個甜品上面。由於個鐵板熱嘅,所以張紙巾其實係俾我地遮住塊面等我地唔洗蒸面。淋完抹茶之後個雪糕融得好快,個窩夫食落又好似燶燶地咁,呢個真係試一次就夠。食物質素普普通通可以試下嘅,不過呢度嘅服務質素就真係麻麻地有待改善。 繼續閱讀
(以上食評乃用戶個人意見 , 並不代表OpenRice之觀點。)