從心素食 (東港城)

營業中

休息中

餐牌上有好多款式都好想試，兩個大人一個細佬最後點左6款野，福建炒飯、芋頭魚同脆鱔鍋巴好好味，魚香茄子同蟹鉗就一般，芒果吉列卷就麻麻地，買單先至$337(因為下午茶有半價)，真抵食！

今日同屋企人去食飯，一入去見到有卡位空咗，咁我就多口問句：「我想問會唔會有卡位坐嫁？」咁個位著皮褸長頭髮嘅女經理：「冇啊冇啊，啲卡位留咗俾人啊，人地卡位6個人坐嫁。」咁其實當場3張卡位，有2張都係兩個人食飯坐緊，所以我先多口問下，咁如果冇你咪話留咗俾人，冇咩必要咁嘅態度囉。但當時我都諗住算啦，當自己唔啱，要求得多咗就算，咁就跟住佢入去佢比我嘅位置。入到去佢帶咗我去全間舖頭最最角落頭嘅位，咁我都諗住是但啦照坐啦，費事好似為難佢咁。但係我一入到去，就見到張枱係上一手留低，全部碗碗碟碟食物殘渣都喺度，咁其實都正常嘅，咁我就坐低等吓佢過嚟執啦，點知我坐咗差唔多10分鐘，嗰位著皮褸嘅女經理先至施施然拎住兩套碗筷過嚟擺低喺我張枱度，然後就想直接走，咁我就忍唔住問佢：「你唔幫我執埋張枱？」然後佢先至轉身再留返低，一路執一路話：「好忙啊，唔得閒執。」講吓我已經想抱着西客嘅態度回應佢，但係抱着息事寧人，所以我完全冇出過聲。咁佢執完我照揀野食，揀咗5分鐘到就想叫人嚟落單，但因為我地坐咗係最最角落嘅位，咁就諗住等人過下嚟先，我嘅心態係正常一間餐廳知道自己舖頭有個咁山旮旯嘅位，仲要啱啱先有客入咗嚟，理論上都會

呢間素食館既齋真係好好味好多模仿肉既菜式無論口感同味道都好像真😋而且環境都好適合同朋友邊食邊傾計呀❤️🍽 蜜汁叉燒配刈包🍽 香芒魚生壽司及BB筍鮑魚壽司🍽 招牌山珍百合金磚豆腐🍽 鮮鳳梨糖醋骨🍽 舞茸菇雞絲翅🍽 籠仔蒸菜肉餃子🍽 紅棗雪耳木瓜糖水🍵 蕎麥茶最令我深刻係叉燒掛包同金磚豆腐用猴頭菇去整既叉燒整到真既一樣有好香甜既蜜汁味加上咬落去既口感都幾有彈性唔會腍batbat又唔會乾噌噌配埋刈包夾住食更加正呀😋👍🏻而金磚豆腐就炸得恰到好處完全係外脆內軟配埋山珍菌菇百合一齊食都幾好味😋👍🏻除左食物、湯品同糖水都好味之外蕎麥茶既味道微微甘都好好飲好香醇🍵✨而且埋單價錢都唔貴👍🏻我地四個人食左咁多野人均都係百幾蚊咋🤩

個menu有好多樣都想試如果下午茶餐嘅話有半價優惠所以下午茶去食其實都好抵同埋份量都好多猴頭菇👍🏻👍🏻👍🏻👍🏻👍🏻好味！好索汁同米通好夾！佢入邊個Menu猴頭菇係成版咁多有好多唔同猴頭菇嘅煮法所以下次都會想試吓其他嘅猴頭菇菜式羊串加木棉豆腐👍🏻👍🏻👍🏻👍🏻👍🏻個sauce 好正個羊肉串其實都係用麵筋整㗎不過個重點係佢個汁好好係類似沙嗲咁樣嘅吉列豬趴一般般👍🏻👍🏻👍🏻我覺得個咖喱汁偏鹹啦同埋佢本身佢入邊啲飯都已經係有調味過加埋就更加鹹個豬扒本身就個口感都OK嘅無咪特別囉

今日同朋友去試食將軍澳新開既素食餐廳。🥑🥦🥬🥒午餐時段，散叫咗三個餸：猴頭菇配飯焦：猴頭菇炆得幾入味，配上香脆飯焦，好正😋牛油果雜菜沙律：牛油果、火箭菜、沙律菜，食材新鮮😉牛肝菌雜菜煲：材料好豐富，有牛肝菌、木耳、竹笙、西蘭花，健康之選。☺️😌地方寬敞，坐得好舒服，值得一試！

還有2星期左右就開工，呢幾日成日都喺食食食，今日又約左中學同學她提議去食素，有間喺坑口下午茶時間半價好抵食，咁就約左去一試，同學訂枱咁唔需要點等，去到未夠2點半已經多人喺門口等，我哋訂咗枱等一陣就入得，雖然同學食過幾次，但次次唔係她叫，所以無提議唔記得邊樣好食，咁我就是旦叫咗幾樣，3個小食1盅湯同1個小炒，我哋叫咗未到，隔離已經有得食，應該喺常客叫咗一個人餐話下午茶半價抵食60幾蚊左右有個湯，1個小食同1個炒粉麵飯，我哋見到碟炒粉都好大碟，碟粉麵2個人食就差唔多，如果一個人飲埋湯同小食一定食唔哂，我哋叫咗小食以為好少但都ok，同學怕叫太多，食完剛好唔會太飽又可以試多啲款，埋單連加一都唔需要200，如果正價就覺得貴咗些少，唔怪之得下午茶時間好多人，如果唔訂枱有排等，除非果日唔多人，下次可以再嚟試其它

好耐冇食過齋，終於試咗朋友介紹嘅呢間新式齋鋪。最好下午茶時段嚟食，有半價，半價咗係好抵食。下午茶時段係超爆場，建議前一日打電話𝚋𝚘𝚘𝚔位。 𝙼𝚎𝚗𝚞有好多嘢食，連壽司都有，好盞鬼，但冇試到，有機會再試吓。今次嗌咗𝟼個餸、𝟷窩湯同𝟷款甜品： « 懷舊芋頭魚 »呢道餸必嗌，原本有啲驚會好漏，點知一啲都唔漏，仲好好食。炸粉唔厚，擺咗一陣再食依然仲脆。個配菜菠蘿勁有心用鹽水浸過，好好味，可惜得兩小塊 « 蜜汁叉燒 »呢道餸都係必點，好有驚喜，感覺好神奇。我咬咗一啖問咩嚟？屋企人以為我食到污糟野，但其實我想問係用咩材料整得咁似，個口感食落似半肥瘦叉燒，仲要有燶邊，正到一個點 « 沙嗲羊肉串木綿豆腐 »沙嗲有少少辣，唔食得辣嘅朋友要留意。個豆腐好好食，口感似魚腐，好少地方食到 « 冬陰功魚腐雜菜煲 »冇乜冬陰功味，微辣反而冇沙嗲咁辣 « 台式香煎琵琶豆腐 »呢個餸不過不失，都可以一試 « 翡翠薑蓉蒸鮮竹 »好多薑蓉係面，味道還可以，冇咩特別 « 足料明火例湯 »我哋五個人，嗌咗一窩，可以分到7碗。今日係木瓜粟米齋湯，好甜 « 迷你擂沙湯圓 »最後整返個甜品，劃上完美句號

偶然素一素。從心素食朋友食素，所以經常會周圍揾啲素食餐廳同佢哋去試😌 呢間餐廳走新派素食路線，非常適合一家大細食😆叫咗幾樣菜式，味道都相當唔錯，連賣相都有驚喜😃 特別推介個猴頭菇煲，新鮮猴頭菇好大粒，非常juicy, 個湯非常鮮甜，大推👍👍如果有素友，不妨推薦俾佢哋呀☺️☺️

我推介咁多好餐廳係時候真係寫下負評啦🤬🤬我都係到忍無可忍嘅地埗先咁大家唔好怪我😣跟完拍攝，好攰，諗住食餐好其實上網search個餐牌嘅時候係好高興架啲素菜菜式都好似幾新穎咁又有煲仔飯又有雞絲翅點知啲味道令人失望到一個點服務更加可以話係零😰😨😰😨Openrice見啦！☠佢啲前菜均以炸物為主只可以話成餐飯除咗個炸物之外全部都唔合格😠😠😠炸紫番薯夠脆夠熱嘅基本上好難唔好食而炸芋絲加塊素肉喺面都係比較特別屬喺出面比較少有嘅款式由湯品開始就係災難所謂嘅酸辣湯唔酸唔辣但咸到傻👎👎👎👎個雲吞啲皮厚到死飲2啖放返喺枱面另外雞絲翅…唉點解同酸辣湯差唔多味嘅？入面仲要係無咩料架😅搵到條竹笙算好嘢架啦主菜更加係不堪入目嘩！個煲仔飯…完全唔熱嘅？更唔好期望有咩飯焦成個飯基本上靠豉油先有味其他嘢都無味😣另外個滷牛展米線食唔到有滷嘅感覺🤣🤣🤣咪又係白煮素肉幾塊…份量多嘅但唔好食無用覺得佢係菜還菜米線還米線湯還湯素肉還素肉全部味道都合唔埋一齊非常唔夾😭😭😭😭啲姐姐態度勁差😔💦我同朋友食飯傾耐咗人哋就嚟收店一唔小心唔記得睇時間職員係唔會善意提醒一句就duck埋嚟:「你唔好掛住講啦！」我心諗咩事？😅😅😅😅佢再話我:「快

近來好多朋友轉食素，趕趕潮流、換換口味，今次來到東港城新開嘅從心素食，仲要做埋孝順女，帶媽媽同奶奶一齊趕潮流！餐牌上有咖喱牛腩、當紅炸子雞雞、有魚、有紅燒獅子頭豬、仲有三文魚壽司、賣相神似，是新派的素菜館。今次點了碗仔翅、酸辣湯、粟米豆腐湯、菠蘿咕嚕肉，麻婆豆腐，金菇牛肉卷、片皮鴨拼叉燒，另附夾餅，色香美味，份量充足、當然素菜味道不會太濃，亦不會太辣、但對於老人家而言，應該更加健康！最後更有香滑芝麻糊送上！

近期熱門之選。將軍澳及西貢區一向都係素食沙漠。好開心近來多了素食餐廳在此區出現。在西貢返工嘅我，放工後約朋友食飯，快靚正就係過嚟將軍澳啦 😊6點40分就到咗餐廳，平日晚飯唔使等位，仲可以任選位置，超正！🤣一時貪心，點選了二人套餐，份量足，味道好，飽到呢 🤣🤣🤣先來兩盅鮑魚榆耳雞絲翅，材料十足，在我來講，味道比較咸，個芡比較濃稠。朋友當然話好好味😋，真翅一樣 然後係籠仔蒸田園餃子，材料豐富厚實，略嫌餃子皮乾身及厚面皮了，黐住筷子🥢，於是加了冬蔭功湯一起吃，咁就唔同曬，濕潤有咬勁冬蔭功野菌魚腐雜菜煲，朋友喜愛冬蔭功湯，這個湯非常濃烈，番茄又多，菜又多，魚腐嘅質感同口感極像真，朋友話有驚喜我最愛猴頭菇，點了荷香杞子黑白木耳蒸猴頭菇，沒想到竟然會埋個芡係面，十分惹味，就係過濃了。一心諗住清淡嘅，有點訝異。依然係十分喜愛。吃完再減肥啦最後，仲有西米綠豆沙糖水送添，甜度適中，起沙之餘又有豆渣，好有滿足感 兩個人又食又傾，直至打烊比人趕 奉勸一句，如果想靜靜地傾偈，要揀門口附近位置。今次坐窗口位，回音噪音滋擾，搞到我哋兩個差唔多要咬耳仔先聽到 🤣🤣🤣

今次再幫襯，點了二人餐加自選菜式，二人餐包括三文魚鮑魚刺身，竹笙素翅，喇沙湯野菌雜菜煲，松茸湯舞茸菇肉碎泡飯，鰻魚玉子燒，越式牛油果芒果米子卷，西檸雞排，黑松露白汁意粉黑松露白汁意粉，西檸雞排全力推介之選😃

最近食得煎炸野太多，熱氣到極點，腸胃飽飽濟濟，沒有胃口再食，朋友介紹不如試新派素食-從心，坐低打開餐牌花多眼亂，有小食，炒粉麵，素壽司等等，有選擇困難症之下，最後點四款素食越食牛油和芒果米紙卷-感覺非常清新有芒果有大量蔬菜香煎田園餃子-同普通餃子差不多芝麻香橙骨-味道好像西檸雞還有四片橙，可以做飯後水果加州卷-新派素食壽司

所謂「世事如棋，每局都撲朔迷離」，邊估到素食沙漠將軍澳無耐之前先開左間聰嫂（坑口），咁快又有多個「二嫂」加入素食江湖先得架～雖然一夫多妻制一早冇左好耐，不過多個阿嫂即係多啲野食，你話幾盞！重要呢位阿嫂係講心架添！　無錯！今次要掃既對象就係從心素食喇！wow～從心呀師主！講得妙，食素只係口裡素，心唔素，不足矣～就等我地黎睇下呢間野又有幾從心先！　不過！我地先放低獸性既食慾，睇睇個殼先。整體風格清簡，店內唔算好大，座位數都算夠，最緊要係唔會好迫。最入位置係直身大玻璃，可以邊食邊望下出面冇咩野既景，日間黎食應該可以吸收埋太陽既維他命D。　雖然個殼冇咩好品嚐，不過外表既野冇問題，最緊要內在美嘛！素人A：「點攪呀，menu多野冇問題呀，樣樣想食先煩呀！」素人B：「為左寫report你可以去到幾盡？不如我地叫哂中西日佢啦！」就係咁，係食慾同理性之間既鴻溝中，做左6個決定～先進場既有日方代表佳麗！香芒魚生壽司雖然明知啲所謂魚生會用蒟蒻做，不過唔知係咪因為切到細細粒既關係，竟然真係好似（口感）！加埋芒果更加好味，而且塊紫菜都係脆既，証明新鮮！黃金雜菜天婦羅先睇下雜菜有乜雜菜先～目／口測下有三色椒、南瓜