得龍大飯店 (已搬遷) 新店位置

家人生日 book 了 20:00 十二位檯，不用等太久，安排上閣樓，自成一角的，僅得三檯客人，坐得舒適安靜，一讚。今次到得龍有點失望，最明顯是價錢貴上不少，雖說沒有收加一服務費，但都唔使每樣小菜最平都要 $80，小碟每碟 $16 x 4，茶介 $10 一位，我們只點了八碟菜，最貴燒味拼盤 (大) $198；埋單便要 $950。加上每碟份量少得出奇，最不值的是拼盤竟然只很雞、鵝、分蹄、豆腐、海蜇，叉燒燒肉都無舊，賣 $198 。梅菜扣肉不夠淋和熱；炸鮮奶拼燒鱔得五粒鮮奶；椒鹽魚鮫勁咸；一品煲水汪汪的"無料到"。全晚最對味的算是山楂咕嚕肉，肉是脆口，醬汁剛好掛上，味道適中。以前幫襯過好多次，恐怕再無下次喇。在附近選擇，我寧願去暌記潮州菜館，口味地道，價錢實惠得多。

今年中秋向得龍order888蚊6人盆菜及一只乳豬,只乳豬都算ok,個盆菜就認真0吾掂,冬菇及蘿白己變壞,有酸味,d魷魚就好似食橡膠,簡直冇法子咬得開,打電話去投數仲諸多推搪,平時我好多時都有幫襯呢間0野架,但水準就越黎越差,己大不如前了

古老當時興, 很多以前的普通菜色因造工繁複或飲食潮流影響而式微, 早前有朋友提議一試, 一行12人帶預私伙威士忌在一個橫風橫雨的晚上殺到.差不多出名的餸菜都全都叫齊:山渣咕嚕肉, 佛跳牆, 古法太爺雞, 金錢雞, 砵酒焗蠔, 焗魚腸, 鍋貼蝦, 野雞卷, 啫啫芥蘭, 蝦子柚皮, 鴨腳包, 魚雲煲....整體食物有水準, 但不是人人食慣接受到, 如鍋貼蝦, 野雞卷, 金錢雞屬油炸高膽固醇一類, 偶爾為之沒有問題......自己最欣賞還是砵酒焗蠔及魚雲煲, 夠乾身夠熱!惟一問題就是座位安排, 我們一伙人早到但卻被安排坐在門旁, 侍應出入時其中一人常被推門撞及, 反而有一枱遲一個鐘到只得4-5人卻被安排坐中間12人枱......相信此乃舊式酒家通病, 對生客熟客之分別, 但問心一句 ---- 沒有生客在先, 何來熟客在後??

金錢雞 : 技巧之作, 雖然不會人人都鍾意, 但試下又何況! (要訂)山渣咕嚕肉 : 好食, 雖然不是特色菜, 但味道剛好, 上了菜後20分鐘還是脆卜卜的.古法太爺雞 : 都好食, 不過不太特別.炸鮮奶拼燒鱔 : 燒鱔OK, 炸鮮奶一定要吃 (我覺得最好吃)蝦乾啫啫唐生菜 : 好香味濃.我吃的全部菜都有水準, 只有那個炒飯一般. 雖然價錢不算平, 都推展試試!

今次是慶祝爸爸生日的, 很久沒有吃過了! 以前因為工作的關係, 常常叫這裡的外賣, 挺不錯的~昨晚一行五人, 點了六道菜: 山楂咕嚕肉: 味道一般(雖是招牌菜)冬瓜盅: 多料好味椒鹽瀨尿蝦: 鮮甜野味豉椒鵝腸: 因本人不大喜歡, 只吃了少許, 尚可例牌燒肉: 好味, 皮夠脆通菜炒牛肉: 無乜特別埋單$758無加一, 但有茶芥, 酸菜(另外我地點了兩個白飯)因為不是太出色, 其他類似菜館味道也差不多, 但價錢較平, 下次未必會再來~

星期日下午三人行到上址試下飲茶, 內部裝潢已經很舊下, 不過星期日下午兩點半來說都算多人了, 有上年紀的也有後生仔, 四人枱稍嫌窄了一點, 枱面亦放不下四籠以上的點心, 所以我們亦相對分段落單, 這也有這樣的好, 先描述一下當日的點心如下:蝦餃- 蝦肉多,有筍絲只係一隻餃皮有少許破爛, 可以接受的, 味道不錯潮州粉果- 看樣以為粉果皮會很厚但其實不是很厚, 餡料也跟足, 有豬肉絲,粉葛粒粒,蝦米粒,花生珠,雖然外表看它並不太吸引, 但這粉果勝在有內涵,流沙奶黃飽- 這個是平平無奇的外表但內裏的流心則非常之實在,如果要彈的話,可以說是咸蛋黃的沙未夠多, 不過在一般"健康飲食"為主軸的潮流下, 難免要作出一些取捨的了义燒飽- 比較普通的一個飽豬肚燒賣- 其實是兩粒豬肉波波上加一片豬肚, 作為肉丸是合格的了但作為燒賣就....鳳爪- 沒有太多汁醬OK啦馬拉糕- 番蒸之作, 一般囉牛肉球- 比較實淨但味道又OK喎鍋貼石斑$21- 原來是將件石斑柳放在一小塊白麵包炸之, 看似蝦多士, 這個做得不錯, 炸得透之餘完全很乾身沒有油在碟底,尤其是它根本沒有放任何紙在碟底.值得”讚”炸大腸$18- 同平

新蒲崗的食店很多，當中有一間較出名的得龍大飯店，它多次在美食獎項，其實是它的懷舊菜了得，很多幾十年前盛行一時的菜色，它都保留著，而且味道都算唔錯，是香港少有的懷舊酒樓。這裏的價錢不是太貴，一般平民可以負擔得起，環境是八十、九十年代的酒樓設計，算是清潔，服務是老式服務，待應很有個性，食物出名有燒臘，另外的金燒雞、太爺雞也很出色，其實他的廣東小菜做也很出色，很有廣東小菜的特點就是鑊氣，這是現時很多酒樓都不能做到的，我就比較喜愛吃雞蛋焗魚腸和魚雲煲，雖然在假日這裏人客很多也較逼逼，可是這裏也是值得一試的食店。 http://icuteee.mysinablog.com/index.php?op=ViewArticle&articleId=2520617

三位同事的慶生日期相近，大家計劃一個慶生飯局，原來建議的地點也是吃中菜的餐廳，因為地點有點不方便，我當然把握了這個機會，建議大家到公司附近的得龍大飯店，來一次懷舊美食之旅。這個飯局真是一波三節，首先先要說服大家吃懷舊菜式，當然有人會覺得肥豬肉、雞肝等等的膽固醇有點過高，也有同事雀躍萬分的期待著，預定座位、預訂菜式等等，又要兼顧各人口味，又要預計大家時間，想著萬事俱備，一心只要等吃，豈料...到了那天，又有突發的事，大家比預定的時間等了好一陣子，這個飯局才正式開始。店面是和一般吃燒味的茶餐廳無異，牆上貼滿了菜式介紹及雜誌報導等的show-off。星期五的晚上，如果沒有訂座，要找一席位是有點難度。比原定時間遲了半個多小時才開席，同事已經叫嚷著肚子餓。先點了燒味拼盆，好讓大家先有點吃的打打底。不消一會已經好像蝗蟲經過沿線，一件不留。我吃了一件不知是燒鵝還是燒鴨，胸部位置，肉非常厚實，還不錯吃。預訂的金錢雞，可按人數喜愛續件預訂。金錢雞不是用雞做的，材料只有雞肝是雞的一部分，其他分別是梅頭(半肥瘦)叉燒，薑及薄薄的冰肉(肥豬肉)，把所有材料先裁成金錢的圓形，層層疊疊的用金屬針串起已預先醃製的食

有些店永遠跟西打絕緣。得龍大飯店就是其中之一。西打朋友不算多，人又懶，又不愛出席飯局。一些要多人才可以多點菜的店，總是只有空盼望著的份兒。像得龍供應懷舊菜的店，西打合上眼可隨時數出四五道名菜，但如果只有兩個人...又可以點幾多款呢...再加上那些懷舊菜，每道都是重口味。不是雞肝，就有冰肉，不然再來就是肥膩x肥膩，就找幾個愛吃又懂欣賞的人真的不易。西打有個懷習慣，如果同桌的人都不會欣賞那道菜，那寧可不要點，吃飯，品嚐美食，最重要還是背後帶來的快慰。同事間要搞生日飯局，前前後後湊後了十幾人，在這類場口西打一貫都是做個乖乖兒，大伙兒愛吃甚麼都會配合。想不到最後的落腳點會是得龍大飯店。朝思慕想的店終於有機會造訪了！15人的飯局，前後花了差不多一個半小時所有人才到齊。西打和幾位同事先行到步，坐下店員便送了前菜上來。看上去賣相不甚佳的小菜，吃過後覺得應該是油鹽水鳳爪和鴨翼。若果單說味道和質感是很不錯的，油鹽水的鹹香都有滲透到肉的深層，然而，不知是不是處理過程出錯，或是鹼水下得太重，鴨翼和鳳爪都在舌頭上灑下一絲絲刺鼻的鹼水味，很可惜。等了太久，終於先上了一個燒味拼盤。包括燒腩、油雞、燒排骨，滷水紅腸

同老朋友慶祝生日,專程訂位來"得龍"試試這兒的功夫菜, 久仰大名既"大良野雞卷-->>,一咬下去,成塊肥膏.....吐番出來又浪費,唯有硬食吧....點知,入面乾爭爭,又冇味既?? "脆奶拼釀鳳翼"--->>脆奶即是炸鮮奶,但..外皮唔夠脆,仲有少少淋身,入面既奶,食得出係奶粉開既奶,而且,入面仲係流質的,而唔係已雪硬身的奶來炸,怪怪的~ 至於個鳳翼即係釀雞翼,單是個雞翼外皮厚過我塊面,食完個皮都飽哂了~ 山渣咕嚕肉--->>同平日出面食既咕嚕肉有甚麼分別??有分別......價錢有分別,出面賣五十幾蚊一碟,呢度賣八十幾蚊一碟說實話,分別只是在於,呢間是專做懷舊菜的食肆,聽老人家說,在以前沒有酸甜汁的那個年代,便是靠山渣混合蜜糖來做醬汁的,味道不錯,只是唔值呢個價錢.海皇一品豆腐煲-->>本來老友知我女兒剛病完,所以,專程叫一個清清地的餸給我女兒吃,,可惜,呢個豆腐煲,莫名其妙的加了泰式酸甜醬去整,入面有少少辣椒,亞女都係唔啱食,唉~~蝦醬通菜炒牛肉--->>>吃不出有蝦醬味,牛肉嚡烚烚,唉~

今年的團年飯仍然係由我發板，自我執意地選了這兒吃懷舊菜，因為都真係怕太肥膩唔o岩人o既口味o架早早就訂了檯，由九龍城行過去都好近。舖位似乎有兩個，唔搵o下都唔知我o地坐o既偏廳o既存在訂檯時話大時大節，師傅唔會得閒整金錢雞，但，一問就竟然係仲有兩件囉 (都唔知開心定唔開心好)佢o地自己都會o係個菜牌list 出推介指數。11個人，叫晒呢o的就o岩o岩好夠食古法太爺雞(一隻) - 好好食，絕對食得出好突出o既煙燻味，雞味亦不失而且唔肥膩鴨腳包 - 有點肥肉，食落似叉燒，有層蜜汁，視為開胃小食？！雞蛋焗魚腸 - 細細個o係酒樓食過一次，覺得好腥好唔鍾意。是日勇者再戰，雖然唔腥，但食落又好似無咩特別金蒜蟹蒸糯米飯 - 呢個正呀，光是賣相都要一讚。蒸完o既蝦沒有"梅爛"o既質感，糯米飯亦較軟身唔油，反而有少少清新o既味道，可能係因為o的香蔥啦野雞卷 - 其實食完都唔係好肯定係咩o黎，淨係覺外層似係一o的肥肥o地o既東西砵酒焗桶蠔 - 果然係招牌菜，好香o既酒味，蠔身肥美，係真係想食多幾件o既佳作金錢雞 - 終能一嚐。有o的肥豬肉啦，一片薑啦，一o的叉燒肉咁。幾種味道加埋係我呢一代不輕易品嚐的。

再一次來到小弟其一摯愛的平民中菜館。不是得龍又是在哪裡 ? .....金錢雞、鴨掌包、太爺雞、砵酒焗桶蠔....這些菜差不多每次來都是必叫必全清枱的難得每次來吃時都能大致保持高水準(除了太爺雞，但是晚吃到的又回復了從前的高水平，煙燻味適可而止，幽幽的極吸引，再配上那自家製的葱油醬，令雞肉除了煙燻味之餘多了點鹹香。縱然是雪雞一只，在如此高班的烹調處理手法底下，也就沒大所謂了)....金錢雞內的雞肝極甘美而質地又夠"粉"，义燒蜜味足又不韌如在吃柴，冰肉爽脆而不油膩，若覺膩滯的話，又有夾在中間的子薑片可作一下調劑，實在是永不令人失望的一道"小吃"...鴨掌包外層的鴨腸不韌且帶彈性；內層的肝粒跟金錢雞的同樣甘美。又是一道美妙的經典懷舊菜。既做得出色，當然要支持一下，身體力行，用筷子夾多兩件入口啦....桶蠔的酒味仍然夠"出"，蠔件肥美，邊位帶微脆，弄得愛吃此品的舅仔連啪三大件......吃多了膩的東西，來一味梅菜芯蒸菜芯清一清也好。在這"兩芯"之中，以入口沒渣而又沒沙的梅菜較出色，味不過鹹而略帶甜。光用這來撈飯，想起也流口水；反而墊在底的菜芯就弄得太淰了....一向認為得龍做得較失色的便是煲仔

這是一篇想要寫很久的食評朋友們跟我補慶祝生日, 是我建議去德龍因為我真的想試很久了朋友先訂了金錢雞, 太爺雞, 鴨腳包, 佛跳牆到步坐下不到5分鐘便上菜了先上金錢雞, 一咬下去不得了叉燒雞肝冰肉這三個組合很能互相配合叉燒肉有些纖維, 雞肝的豐腴感加上冰肉的甘香冰肉處理得很好, 切得很薄而已沒有很膩的感覺我忍不住吃了一件半 本身我對於鴨腳包這菜式沒有太多興趣想吃但比想像中好吃得多, 因為鴨腳肉吃下去的質感很捧有韌度但很容易咬開咀嚼加上裡面的料, 芋頭跟鴨在味道上真的是很配合我很欣賞得龍的佛跳牆材料十分豐富,很稠但不會覺得黏口湯頭味道很濃郁,幾乎是可以品嚐得到每一種食材在湯中混合在一起的味道太爺雞算是整夜比較失望的一道菜式, 吃得出來是新鮮雞但煙燻味道幾乎吃不出來, 味道比較淡...雞肉亦有一點太老, 幸好只叫了例牌, 我們都沒有很快吃完這碟太惹雞還訂了蝦子柚皮, 柚皮比我吃過的要厚身一點, 沒有苦澀味算是處理得很好但蝦子沒有香, 味道吃不出來, 而且芡汁有點太酸, 有點失色大良炒鮮奶, 這是我第一次吃炒鮮奶, 奶味是有但不算突出如果蛋白不要炒得太過火, 我想我會愛上吃炒鮮奶很喜歡吃懷舊菜

今晚 (6月15日), 一行六人, 我們早幾日巳訂檯, 首先我和亞女早15分鐘到先囉檯, 入到「正店」,話比櫃面知訂左7點3, 貴姓啦, 佢就叫我們去了「後面個間店」, (我見這間正店只餘大檯), 好啦, 只好跟伙記去了後面個間店, 點知入到去, 佢地比張細檯, 路口位, 好勉強才放到六張椅, 心諗有無攪錯, 訂左位架,.......算,我也照坐, 沒有難為d伙記........到我洗完茶杯, 點知 「得龍」打電話confirm我們訂左位, 仲來不來? 喂！我已洗完茶杯啦！仲confirm乜野??? 結論: 佢地咪埋眼比檯人！！！入正題: 今晚叫了： 1, 蟹羔糯米飯，好難吃！是一pet pet 的，好濕, 吾係純糯米, 吾〝in un〞,蟹就好, 多羔, 有鮮味, 飯也有味, 但口感吾得, 好濕呀2,海鮮豆腐煲, ok, 起初以為是白色個d, 濕濕地個d, 點知係乾炸既豆腐, 有魷魚有魚, 辣辣地3,粉絲什菜煲, 無特別4,嗜嗜通菜煲, 油d, 咸d5,粟米班塊, 份量少左, 味道ok, 6,砵酒焗蠔, 無特別, 以前好食好

聽過呢間酒家已有一段時間，是晚終有機會約同三個老友一齊試場 ，點知換來難忘回憶----- 係相當可怕個隻！ 根據網上推介 ？我地先行叫左太爺雞、大良卷、柚皮、及梅菜扣肉4大名菜， 再加個是日例湯，即係木爪雞腳湯，一心希望可以嚐到坊間美食傳聞滋味。 首先來了一碟雞腳小食，亦誓估唔到，呢碟雞腳竟係全晚最精彩之處，值得一讚！ 不過接下來既時間，就進入左歷史災難時刻，首先係太爺雞，完全冇雞味，而且似食一舊柴，大佬呀，就算係冰鮮雞都唔會咁差丫！最終半隻雞食淨三份一！ 再試大良卷，成舊卷以油炸上碟，但好抱歉，味道就只得一個炸字，裡面既煙肉一d 鮮味都冇！結果好不願意下，8件食淨兩件！ 梅菜扣肉最災難，完全冇香味，梅菜同埋汁都一樣冇味，明白廚房係想肥油盡量減少，但最終出來既扣肉變得太乾身，就算掏汁撈飯，都冇一d香味，最終4舊扣肉食淨兩舊！ 跟住就係柚皮，又係徹底失望，以前食開既柚皮，都係有靚汁餵上，咁就可以成為一道美食，但今次則只有食到柚皮感覺，汁料完全冇味！兩件又食淨半件！ 感覺實在差得太令人難以置信，大家都