影片
食家推介
高手大廚低調藏身於聯發大廈地面有2個大企牌好易搵到燈光明亮嘅中式酒樓格局每張枱都以茶樓圓枱設計坐得闊落大方多間私人大房同功能房隨意改動無論大PARTY或私人聚會都靈活適宜菜式真材實料亦創意十足味道食得出其用心之處價格同坊間酒樓相約但環境更佳食飽仲有偉師傅贈送免費糖水親切態度包你滿載而歸 脆香薑絲龍躉包 $188/4件賣相富麗堂皇更香氣十足用中式腸粉包住炸好的龍躉厚肉夾住爽口的木耳同醃蘿蔔再加上新鮮炸好的薑絲淋上大量香噴噴的蔥花醬油每一口都是軟硬的磕撞陳皮欖角鮮肉排 $188聽說是店中招牌名菜選用優質上乘偏肥肉排確保每塊帶骨肉排都彈牙多汁猛火生炸至金黃酥脆再以陳年果皮及欖角炒至八面掛汁微酸開胃又富陳皮餘韻價位稍高但絕對值回票價自家製野菌豆腐 $148/4件厚實而端莊大方的自家製玉子豆腐每咬一口都散發濃厚的蛋香外層焦脆但入口柔軟即化各種菇菌香氣濃郁 每一塊都吸滿湯汁整個配合得宜亦份量十足滋潤燉湯 $48/盅 (午市隨餐附送)蟲草花螺頭炖竹絲雞姬松茸螺頭炖野生雞以古法製作厚盅蒸燉數小時湯色清澈而帶材料入味十分兩款湯品截然不同各有特色午市更隨餐附送十分抵食
繼續閱讀
呢間私房菜好近灣仔地鐵站同電車站，系一間樓上鋪。今次午餐時間過嚟，午市套餐真係好抵食，八十幾蚊有即整小菜、燉湯同飯，吸引唔少打工仔嚟幫襯，我就係其中之一🤣。❤️涼果雪梨燉川貝呢一盅燉湯真係好驚豔，加咗雪梨片同新鮮無花果，有天然嘅清甜味道。瘦肉唔柴，仲加咗少少南北杏吊味， 真係好好飲，午市套餐價淨系飲呢盅湯都抵。我仲專登留返少少食完嘢再飲，作為一餐美好嘅開始同結尾。❤️脆皮黑豚肉外層少少拔絲口感，脆脆地、酸酸甜甜好開胃，撈飯一流。豬肉肥瘦、軟硬度適中。有新鮮菠蘿，清甜多汁，解膩。❤️富貴蜆中求呢個係餐廳嘅招牌菜，無喺午市套餐入面，見到隔離兩枱都有點，所以嗌嚟試一試。賣相真係好靚，一睇就知系功夫菜式。 蜆殼入面除咗有蜆肉之外仲釀咗蝦膠，令到粒粒蜆都好飽滿，好似打邊爐卜卜蜆咁大粒。成道菜醬油唔多，可以突出餡料嘅鮮味。❤️金瓜蒸黑豚肉黑豚肉餅份量好多，有肉汁同彈性，上面仲放咗好多白飯魚仔，一上菜就聞到鮮香味。南瓜蒸得啱啱好，夠曬軟腍腍但又唔會爛。南瓜、魚仔同埋黑豚肉餅口感都唔一樣，一齊入口層次豐富。另外，餐廳仲有一啲獨立包廂，大房可以坐兩三圍，中房仲有得唱k，幾啱朋友同事聚會。
繼續閱讀
樓上私房菜，樸實低調，偉師傅資深有功架，家常小菜中添新意。脆香薑絲龍躉包 $188(限時推廣優惠價)龍躉肉粉皮，內藏木耳絲，薑絲炸至酥脆鋪面，調以豉油汁，層次豐富，魚肉頗厚，鮮嫩多汁。加埋粉絲更加錦上添花！咕嚕鬼馬油條 $168蝦膠與墨魚膠混合，釀在油條內，炸至酥脆，咕嚕肉的酸甜汁，啖啖肉，吃得開胃。蟲草花螺頭燉竹絲雞 $50湯清味甜，熱騰滋潤。蝦仁鮮炒蛋 $168滑蛋做得好，非常幼滑，蝦肉大隻有蝦味，唔會只得個爽。值得一提，中午的蝦仁鮮炒蛋餐，只收$98包燉湯，抵食！附上午市餐單，$100以下已經有餸有飯、且送燉湯，中午免茶芥及加一，CP 值超高。傳統中菜佈置，私房菜格局，服務態度親切，設有很多私人房間，沒有最低消費。
繼續閱讀
私房菜好睇廚師根據個人秘方製作，菜式獨特，可能品嚐到不同於一般餐廳嘅美食，亦好啱家庭聚餐或朋友聚會，價錢合理陳皮欖角鮮肉排 $188陳皮欖角鮮肉排色肉質鮮嫩，陳皮嘅香氣與肉嘅鮮味相互交融，令人垂涎。欖角嘅獨特風味增添了層次感，讓整道菜品更為豐富。每一口都能感受到肉排嘅多汁與陳皮嘅微苦，平衡得恰到好處，是一道既有風味又具特色嘅佳餚，配飯食一流！😋花甲釀墨魚膠 $188花甲釀墨魚膠，色澤誘人，肉質鮮嫩，風味獨特。花甲嘅鮮美與墨魚膠嘅滑嫩完美結合，帶來豐富嘅海鮮風味，尤其係墨魚膠嘅膠質感，讓整道菜品更加滑順。午市精選套餐 $88起一個主菜、一盅滋潤燉湯、一碗白飯好抵食我就試咗蝦仁炒蛋，大大隻蝦仁炒滑蛋色香味俱全，蝦仁鮮嫩多汁，與滑蛋相得益彰。每一口都能感受到蝦嘅鮮甜同埋蛋嘅柔滑，搭配恰到好處嘅調味是日滋潤燉湯 - 雪梨蘋果燉川貝湯，清甜可口，湯色清澈透亮。雪梨嘅清甜與蘋果嘅酸甜交融，為湯品增添了豐富嘅層次感；川貝則帶來獨特嘅香氣，對潤肺止咳有良好嘅效果。整體口感滑順，滋味鮮美，特別適合秋冬季節飲用，能滋潤喉嚨，舒緩乾燥，係一道健康又美味嘅養生湯品！
繼續閱讀
朋友推介話呢間私房菜嘅菜式好特別，所以去咗試吓😚-🦐避風塘羅氏蝦小編真係未見過咁大隻羅氏蝦😍外型好驚艷，味道亦都唔錯，蝦膏好多好鮮甜，而且蝦嘅外殼亦都炸得好酥脆，調味唔算好濃味，食落幾鮮蝦肉亦都幾彈牙😋🐖陳皮欖角骨排骨嘅皮一樣好夠脆，味道亦都好特別，充滿肉香之餘陳皮同埋欖角嘅香氣同埋味道都好開胃，忍唔住一嚿接一嚿咁食🤣🐚富貴蜆中球老闆娘特別介紹咗呢一道菜式🤣其實係蝦膠釀花甲，花甲大大隻而且冇沙味道又夠鮮甜，而蝦餃就夠彈牙，食得出淋咗滾油香氣好特別😍🌱上湯浸豆苗份量比想像中大兜，而且豆苗夠晒嫩，食落亦都唔會覺得太清淡，香味夠之餘亦都冇青味🫶🏻🍎蘋果雪梨川貝燉瘦肉冬天點都要試返盅燉湯，所以我哋叫咗呢一度燉湯嚟試，湯嘅顏色好清，飲落好潤而且好開胃，啱晒冬天飲🤤餐廳地方幾大，有包廂都有大廳位可以坐，我哋去嗰日大部份客人都訂咗包廂~員工服務好好亦都好熱情，另外特別之處係可以交俾師傅安排/推介又或者自己點想要嘅菜式🤩佢哋嘅菜式亦都幾有新意，味道亦都唔錯，啱晒一家人或者同公司同事聚會，嚟緊過年食團年飯都係一個唔錯嘅選擇🤓
繼續閱讀