得寶軒偉師傅私房菜

營業中

休息中

位於灣仔的私房菜餐廳。主廚是有多年粵菜的師傅，廚藝自然相當了得；因此也儲落不少熟客，而我之所以得知這家餐廳，全靠朋友在附近上班，經常光顧這間餐廳的午市套餐，88元起便有燉湯、青菜及白飯，相當實惠又味美；因此在某一天想吃中菜的晚上，便決定和朋友到此一聚了。⋆_____ᴛᴏᴛᴀʟ ᴏʀᴅᴇʀ______⋆✿ 雪梨川貝南北杏蘋果瘦肉燉湯雪梨和蘋果的果香與南北杏的藥膳相互交融，湯色澄澈卻滋味濃郁，入口清潤微甘。.✿ 野菌豆腐豆腐是自家制的，難怪豆香如此濃郁，入口綿密嫩滑；搭配野菌的鮮味，滲透每寸豆腐孔隙，素食也能吃出豐潤層次呢。.✿ 富貴蜆中求名字討喜，做法更見巧思！肥美蜆肉釀入蝦膠，整齊圓形排列，賣相已很精緻，味道更是驚豔。蜆肉肥美嫩滑，入口時更帶有蝦膠的爽彈，口感層次豐富！.✿ 脆皮咕嚕肉 粵菜基本功的示範！外層糖衣琉璃般透光，裏頭的豬肉卻保持多汁。酸甜汁用新鮮菠蘿熬製，襯著彩椒的鑊氣，比連鎖酒樓的好吃不少呢！.✿ 陳皮欖角骨✿ 薑蔥焗蟹煎腸粉這兩道菜都是餐廳的招牌，陳皮欖角香氣突出，排骨入味且外脆內嫩，難怪每一桌都有點這道菜呢！至於薑蔥焗蟹因懶人手懶，沒有品嚐，但友人表示蟹肉鮮甜，腸粉外

高手大廚低調藏身於聯發大廈地面有2個大企牌好易搵到燈光明亮嘅中式酒樓格局每張枱都以茶樓圓枱設計坐得闊落大方多間私人大房同功能房隨意改動無論大PARTY或私人聚會都靈活適宜菜式真材實料亦創意十足味道食得出其用心之處價格同坊間酒樓相約但環境更佳食飽仲有偉師傅贈送免費糖水親切態度包你滿載而歸 脆香薑絲龍躉包 $188/4件賣相富麗堂皇更香氣十足用中式腸粉包住炸好的龍躉厚肉夾住爽口的木耳同醃蘿蔔再加上新鮮炸好的薑絲淋上大量香噴噴的蔥花醬油每一口都是軟硬的磕撞陳皮欖角鮮肉排 $188聽說是店中招牌名菜選用優質上乘偏肥肉排確保每塊帶骨肉排都彈牙多汁猛火生炸至金黃酥脆再以陳年果皮及欖角炒至八面掛汁微酸開胃又富陳皮餘韻價位稍高但絕對值回票價自家製野菌豆腐 $148/4件厚實而端莊大方的自家製玉子豆腐每咬一口都散發濃厚的蛋香外層焦脆但入口柔軟即化各種菇菌香氣濃郁 每一塊都吸滿湯汁整個配合得宜亦份量十足滋潤燉湯 $48/盅 (午市隨餐附送)蟲草花螺頭炖竹絲雞姬松茸螺頭炖野生雞以古法製作厚盅蒸燉數小時湯色清澈而帶材料入味十分兩款湯品截然不同各有特色午市更隨餐附送十分抵食

呢間私房菜好近灣仔地鐵站同電車站，系一間樓上鋪。今次午餐時間過嚟，午市套餐真係好抵食，八十幾蚊有即整小菜、燉湯同飯，吸引唔少打工仔嚟幫襯，我就係其中之一🤣。❤️涼果雪梨燉川貝呢一盅燉湯真係好驚豔，加咗雪梨片同新鮮無花果，有天然嘅清甜味道。瘦肉唔柴，仲加咗少少南北杏吊味， 真係好好飲，午市套餐價淨系飲呢盅湯都抵。我仲專登留返少少食完嘢再飲，作為一餐美好嘅開始同結尾。❤️脆皮黑豚肉外層少少拔絲口感，脆脆地、酸酸甜甜好開胃，撈飯一流。豬肉肥瘦、軟硬度適中。有新鮮菠蘿，清甜多汁，解膩。❤️富貴蜆中求呢個係餐廳嘅招牌菜，無喺午市套餐入面，見到隔離兩枱都有點，所以嗌嚟試一試。賣相真係好靚，一睇就知系功夫菜式。 蜆殼入面除咗有蜆肉之外仲釀咗蝦膠，令到粒粒蜆都好飽滿，好似打邊爐卜卜蜆咁大粒。成道菜醬油唔多，可以突出餡料嘅鮮味。❤️金瓜蒸黑豚肉黑豚肉餅份量好多，有肉汁同彈性，上面仲放咗好多白飯魚仔，一上菜就聞到鮮香味。南瓜蒸得啱啱好，夠曬軟腍腍但又唔會爛。南瓜、魚仔同埋黑豚肉餅口感都唔一樣，一齊入口層次豐富。另外，餐廳仲有一啲獨立包廂，大房可以坐兩三圍，中房仲有得唱k，幾啱朋友同事聚會。

樓上私房菜，樸實低調，偉師傅資深有功架，家常小菜中添新意。脆香薑絲龍躉包 $188(限時推廣優惠價)龍躉肉粉皮，內藏木耳絲，薑絲炸至酥脆鋪面，調以豉油汁，層次豐富，魚肉頗厚，鮮嫩多汁。加埋粉絲更加錦上添花！咕嚕鬼馬油條 $168蝦膠與墨魚膠混合，釀在油條內，炸至酥脆，咕嚕肉的酸甜汁，啖啖肉，吃得開胃。蟲草花螺頭燉竹絲雞 $50湯清味甜，熱騰滋潤。蝦仁鮮炒蛋 $168滑蛋做得好，非常幼滑，蝦肉大隻有蝦味，唔會只得個爽。值得一提，中午的蝦仁鮮炒蛋餐，只收$98包燉湯，抵食！附上午市餐單，$100以下已經有餸有飯、且送燉湯，中午免茶芥及加一，CP 值超高。傳統中菜佈置，私房菜格局，服務態度親切，設有很多私人房間，沒有最低消費。

私房菜好睇廚師根據個人秘方製作，菜式獨特，可能品嚐到不同於一般餐廳嘅美食，亦好啱家庭聚餐或朋友聚會，價錢合理陳皮欖角鮮肉排 $188陳皮欖角鮮肉排色肉質鮮嫩，陳皮嘅香氣與肉嘅鮮味相互交融，令人垂涎。欖角嘅獨特風味增添了層次感，讓整道菜品更為豐富。每一口都能感受到肉排嘅多汁與陳皮嘅微苦，平衡得恰到好處，是一道既有風味又具特色嘅佳餚，配飯食一流！😋花甲釀墨魚膠 $188花甲釀墨魚膠，色澤誘人，肉質鮮嫩，風味獨特。花甲嘅鮮美與墨魚膠嘅滑嫩完美結合，帶來豐富嘅海鮮風味，尤其係墨魚膠嘅膠質感，讓整道菜品更加滑順。午市精選套餐 $88起一個主菜、一盅滋潤燉湯、一碗白飯好抵食我就試咗蝦仁炒蛋，大大隻蝦仁炒滑蛋色香味俱全，蝦仁鮮嫩多汁，與滑蛋相得益彰。每一口都能感受到蝦嘅鮮甜同埋蛋嘅柔滑，搭配恰到好處嘅調味是日滋潤燉湯 - 雪梨蘋果燉川貝湯，清甜可口，湯色清澈透亮。雪梨嘅清甜與蘋果嘅酸甜交融，為湯品增添了豐富嘅層次感；川貝則帶來獨特嘅香氣，對潤肺止咳有良好嘅效果。整體口感滑順，滋味鮮美，特別適合秋冬季節飲用，能滋潤喉嚨，舒緩乾燥，係一道健康又美味嘅養生湯品！

粵菜以其精緻的烹調技術和豐富的食材而著稱，做得好其實好考功夫，朋友推薦呢間係灣仔嘅私房菜，菜品好好味陳皮欖角鮮肉排這道菜選用了新鮮肉排，搭配陳皮和橄欖，經過醃製後煮制，散發出獨特的香氣。陳皮的清香與肉質的鮮嫩相得益彰，表面嘅炸粉脆而薄，入口鬆化 脆香薑絲龍躉包這道菜用腸粉包裹著鮮嫩的龍躉，內裡加入脆香的薑絲與雲耳，中間嘅粉絲吸收左魚及豉油嘅精華。腸粉的滑嫩與龍躉的鮮美形成絕妙的搭配，口感層次分明。鮮淮山上湯浸時蔬淮山的清甜與時蔬的鮮脆，經過高湯的浸泡，味道更加醇厚。富含營養，展現了粵菜注重食材本味的特點。蟲草瘦肉雞湯這款湯品以雞肉和蟲草為主要食材，湯底清澈鮮美，滋補養生。蟲草的獨特香氣與雞肉的鮮嫩完美融合，既能暖身又能增強體力。

地點方便，樓上舖設有包房，打牌、聚餐都幾合適。之前試過晚市私房菜，感覺唔錯，今次嚟試日常家常菜，睇下水準有冇保持菜式整體唔花巧，屬於穩陣路線。陳皮欖角鮮肉排炸得香脆，唔乾柴，味道調得恰到好處，配飯啱啱好。脆香薑絲龍躉包口感有層次，調味唔會太重，適合多人分食。甜梅菜菜心走清新路線，味道唔搶戲，但食落舒服餐廳環境方面，包房有一定私隱度，不過整體感覺比較casual ，氣氛就見仁見智。偉師傅依舊健談，態度親切，雖然幫襯過幾次都未必認得人，但都唔會覺得生疏。整體節奏悠閒，唔趕客，細節位有進步空間得寶軒嘅家常菜以傳統做法為主，味道有保證，炸物處理得唔錯，適合三五知己一齊坐低食餐飯、打下牌

不得不介紹之前朋友帶我去灣仔呢間德寶軒韋師傅私房菜，首先係你個富貴蜆中球，呢度菜係師傅特別喺蜆肉裏面釀咗啲蝦滑來蒸及放了西蘭花，食落去口感好有彈口，一次品嚐兩種海鮮味；第二道菜係陳皮欖角骨，呢度菜就係用煎嘅方法撈咗欖角碎入口非常惹味，不會太乾入口都有Juicy嘅，第三道菜薑絲龍躉包，呢度菜好佩服師傅嘅心思及手工，用咗餃子皮嚟包住啲龍躉肉裏面仲有木耳絲真係好考手藝，上面鋪咗粉絲及炸香咗嘅薑絲😋，再嚟就有蟲草花燉雞湯，鮮味到不得了！下次我都要帶家人去呢度試吓其他特別菜👍

今日晚上想輕輕鬆鬆食返個小菜就搵到呢間私房菜🌙 位置喺大廈樓上都有啲驚喜🥹有唔同嘅包廂可以唱K適合Gathering 🪕午餐都有啲小菜套餐抵食可以試吓呢☀️⭐️ 脆香薑絲龍躉包 🐟好有創意嘅一道餸菜😊用腸粉皮包住龍躉充滿鮮味🌊 配上粉絲同埋薑絲口感好豐富🫚⭐️ 咖喱薯仔蝦球 🦐蝦球飽滿又彈牙值得一讚🫶🏻配上咖喱同薯仔嘅味送飯一流🥘⭐️ 瑤柱豆苗 🥬豆苗鮮嫩配上瑤柱嘅點綴🐚整體充滿鹹鮮嘅感覺💚另外仲有姬松茸燉湯真材實料🍲加上雪耳糖水好滋補🍭聚會你講係好好嘅選擇

位於灣仔的「得寶軒偉師傅私房菜」，除了地理位置方便之外，菜式也很特別，用料上乘。除了大廳之外，還設有多間獨立房間，可供大家開party，打麻將，唱卡拉ok。蟲草花燉雞湯，火候十足。富貴蜆中求 $280每隻蜆都釀了蝦膠，脹卜卜，彈牙有口感又有蜆肉的鮮味，而且很花功夫，可見師傅的心思。脆香薑絲龍躉包 $180用粉皮包住龍躉肉、木耳絲、榨菜絲，加粉絲、蔥粒和醬汁一起蒸，面頭再加上炸過的薑絲，－口咬落去，除了龍躉的鮮味之外，木耳和炸菜的爽口，而且還有脆脆的薑絲味道。陳皮欖角鮮肉排 $188肉排外脆內軟，肉汁豐富，每一口都嚐到淡淡的欖角香味和蜜糖的甜味，趁熱食味道一流。木瓜雪耳糖水，最特別係好濃嘅薑的香味，但一點也不辣，非常滋潤。

話說呢間私房菜都開咗好多年，以前都好少留意呢類型餐廳，不過而家同朋友敘舊最緊要就係可以坐得耐同埋要多啲私人空間，所以揀咗呢間可以有包房嘅私房菜試吓第一道菜「胡椒海中蝦」一上枱已經聞到陣陣胡椒味，啲蝦新鮮彈牙，個胡椒味香而不嗆，啲蝦肉帶有少少咸香，配埋啲入晒味嘅洋蔥，簡直就係白飯殺手跟住係招牌嘅「菠蘿咕嚕肉」，睇落賣相已經好吸引。外層炸得香脆，入面嘅豬肉軟嫩多汁，配上酸甜適中嘅醬汁同埋菠蘿，香甜可口又唔會太膩。「鮮淮山惹菌浸白菜」就清甜爽口，啲淮山切片煮得軟硬適中，配埋各款菇菌，個湯底清而不淡，白菜入味又保持爽口，絕對係健康嘅一道菜。最後嗰個燉湯就真係無得頂！個湯濃郁無比，飲落暖笠笠，仲可以食到啲料軟綿綿咁，個湯底香甜得黎唔會太油膩，簡直係養生之選。總括嚟講，得寶軒啲菜樣樣都有講究，無論係配料定係調味都恰到好處。價錢都幾親民，以呢個水準嚟講真係抵食

呢日同男朋友去左灣仔食私房菜，餐廳非常高水準，全部都係充滿心機既菜式。首先，點左呢度出名既燉湯滋潤下，雪梨川貝燉瘦肉一上枱就已經聞到陣陣清甜香氣，好令人期待。入口果然冇令我失望，雪梨嘅甜同川貝融合得啱啱好，配埋瘦肉嘅肉香，飲完真係好潤喉又暖胃。對於成日喉乾或者天氣乾燥嘅時候，必點一盅！另外點左脆炸薑絲龍躉包，呢道菜都幾特別，腸粉包住新鮮既龍躉肉同黑木耳，上面再加上脆炸薑絲，層次豐富，薑絲嘅香味又唔會搶晒龍躉魚肉嘅鮮味。魚肉嫩滑得嚟冇半點腥味，呢道菜絕對係全晚嘅亮點！金瓜蒸黑豚肉同樣高質，金瓜即係南瓜，南瓜嘅甜配埋黑豚肉嘅肉香，呢個配搭真係一流！蒜蓉豆苗翠綠得嚟唔會過熟，仲保持住菜嘅自然清甜味。蒜香濃郁但唔會過頭，好有家常嘅感覺，簡單但又好好食。呢餐菜式有湯、有蒸、有炒、有炸，配搭得好均衡，每道菜都有特色又唔會搶風頭，成餐飯俾人一種好溫暖嘅感覺，值得再嚟！見到呢度既lunch set都好抵食，下次返工放lunch過黎試下！

喺香港覓食，想食到有鑊氣又有心思嘅中菜，私房菜往往係識食老饕嘅首選。呢間餐廳無論食材配搭、火候掌控定係調味層次都令人驚艷。而且佢嘅位置都非常方便！🔥蝦滑釀花甲私房菜講究手工，呢道蝦滑釀花甲正正體現師傅嘅巧思。選用厚肉花甲，再釀入手打蝦滑，一啖入口，花甲肉嫩滑無沙，蝦滑彈牙得嚟帶、更將兩者鮮味逼出，層次分明。最驚喜係花甲殼內藏滿汁液，好juicy。 🔥薯仔牛柳粒 坊間常將牛柳粒煮得過韌，但呢度選用高質嘅牛肉，再猛火快炒至表面焦香，內裡保持粉紅色；薯仔則先蒸後煎，外脆內綿。鑊氣十足之餘，和牛油脂香同薯仔澱粉甜意外地夾，食到尾都唔會話好鹹，而且我覺得味道都非常足夠，食到師傅嘅工架！🔥野菌自家製豆腐以為豆腐菜式平淡？呢道「野菌豆腐」絕對打破想像。每日用非基因改造黃豆即磨製豆腐，加入雞蛋同牛乳，質感比布甸更滑嫩；醬汁係用羊肚菌、雞油菌熬成嘅素高湯，再勾薄芡。豆腐豆香濃郁到似食緊腐竹糖水，野菌醬汁鮮味深邃，面頭灑上炸過嘅舞茸絲增添酥脆口感。全素菜式竟能做出媲美葷菜嘅滿足感，可見師傅對食材理解之深。 🔥姬松茸螺頭燉雞湯：時間淬鍊的滋補精華】 老火湯係粵菜靈魂，呢盅燉湯足見真章。選用高級走地雞、野

和朋友到灣仔一間樓上私房菜餐廳用餐，整體感覺像在家裡吃家常菜一樣，氛圍舒適且親切。這裡的料理簡單但用心，味道實在且充滿家庭的溫暖。陳皮欖角排骨炸過的排骨肉質鮮嫩，醬汁很惹味，帶有陳皮的微微果香和欖角的鹹香，帶有蜜汁的甜，單吃或伴飯也適合，而且份量也很足夠。金瓜蒸黑豚肉豬肉肉餅選用新鮮黑豚肉，肉質扎實且帶有自然的肉香。金瓜即南瓜綿滑甘甜，並配上銀魚仔增添風味，簡單更能吃到食材的原味。 鮮淮山浸菜苗湯汁較清淡，剛好配搭其他濃味的餸菜，白菜仔嫩綠清新，搭配蘑菇與鮮淮山香氣自然。 蘋果雪梨川貝燉瘦肉這碗燉湯非常驚喜，蘋果和雪梨的甜味融入湯底，又有肉香，搭配川貝的清潤感，剛好喉嚨不太舒服，喝了後感覺好很多。這間餐廳的午市選擇幾十元已包含一份燉湯，性價比極高。環境簡約、像家般溫馨，讓人放鬆享受每一道料理。

平時出街食得多、但係有無時間煮，點先可以食得健康啲？就係去私房菜啦！偉師傅私房菜位於灣仔，位置唔算難搵，都值得大家去試下。坐低無耐就上咗兩盅雞腳蟲草花瘦肉湯，湯色清澈，香氣撲鼻。雞腳慢煮釋放膠質，蟲草花增添獨特風味，令湯水十分清甜。瘦肉鮮嫩，與雞腳口感相得益彰，唔會太油膩，應該冇落味精令食材的自然鮮甜更為突出。作為年輕人食得中菜就當然有椒鹽鮮魷啦，魷魚新鮮彈牙但唔會韌、炸蒜的香氣濃厚，散發出濃烈的蒜香，帶有微焦嘅香氣，每一啖加埋炸蒜嘅焦香，特別欣賞鮮魷唔會炸得太老、炸漿亦都唔厚。不得不推介佢嘅經典牛氣沖天配wasabi汁，牛肉十分鮮嫩，香味濃油香重，脆口而且唔會韌，一定要講佢份量十足，兩個人都未必食得哂，wasabi汁勁香，又唔會太搶喉，反而解到膩。最後要介紹埋佢嘅金瓜蒸黑豚肉，本來係午市一人餐，跟飯同湯，午市價88蚊，包你食得飽，肉餅十分足料又軟腍，容易入口又唔粉；南瓜清甜，剛剛好可以中和豬肉味，加上無味精令成餐飯都好健康。