彬客料理

大埔最差兩餸飯，粟米雞柳，完全唔熱！茄蛋入邊，係有香煙嘅味道！糖醋排骨，完全冇糖醋，以為自己食緊擦子膠！亂咁收錢！三個淨餸收我$110，仲要同我拗數！$48有兩餸，何來三個淨餸要收我$110，我當被乞兒，費事同佢坳！三個淨餸，佢想放埋一盒，但但係我阻止咗佢，叫佢分返盒，佢又極不滿意，態度終極惡劣！仲話要收我一蚊飯盒錢，不過今次免咗，我話俾佢，佢又話唔要！人人都話大埔嘅舖頭好有人情味，我完全感受到！真係祝佢生意興隆！…查看更多

明明優惠推廣寫住學生證或校服會送嘢飲去買嘅時候，明明已經出示咗學生證，但係個阿姐係咁話一定要着校服，咁既然係咁點解個廣告標題要咁樣寫？係咪欺詐消費者？同埋我嚴重懷疑佢係歧視囉？染金毛就唔係學生？…查看更多

❌+店員態度差恐嚇人本身想近近地買個兩餸返屋企加餸，就試下間新開無耐嘅兩餸飯餐牌上面食明買淨兩餸 +$8可以升級一餸做蒸魚，咁樣咪頂多$45+$8=$53個啊姐夠膽死收人$65，同佢講明餐牌點計都係53蚊，佢哋講極都唔明仲三個人圍住一個老人家，加埋個廚房佬拎埋鑊鏟出嚟圍人 恐嚇人話一條魚都要四十幾蚊，係要收$65㗎啦呃老人家錢都唔係咁嬲到要專登出post比負評，提醒大家唔好去買，一陣又比人圍住就唔好啦…查看更多

餸的份量比其他雙餸飯舖頭少，而收費亦都比較貴，飯餸嘅質量同收嘅錢唔成正比，性價比好低。店員態度差，對顧客呼呼喝喝，好似欠左佢哋咁，影響進食嘅心情！收費欠缺透明度，每樣餸啲價錢都唔同，價錢任佢哋開，雙餸飯特色就係冇樣都一樣價錢隨着顧客每日唔同嘅心情去選擇，但係佢哋啲唔同價錢諸多限制，海鮮價！啲餸好似擺咗好耐咁，顧客流量小，建議大家食雙餸飯，去返街市嗰邊，嗰邊啲餸又好食啲，老闆對客人亦都好客氣！絕對不推薦這間！…查看更多