彩

營業中

休息中

星期六下午約2點到訪，唔洗排隊。嗌咗蝦沾麵🦐✅蝦沾麵沾汁蝦味濃郁✅黑椒麵軟硬適中，有咬口，口感不錯，黑椒味同小麥味平衡❌店面冷氣不足，30度天氣下一邊食麵一邊出汗❌提供嘅水貼近室溫，好多拉麵店都會提供冰水，喺店面唔夠冷氣情況下更應該要俾冰水❌沾汁唔夠熱最大問題係，❌❌❌煮麵師傅不停索鼻同流鼻水，又冇戴口罩，戴住手套抹鼻，抹完只有輕輕洗手，之後就直接用手幫麵過冷河。遞麵俾顧客時都係索住鼻咁，希望多啲留意個人衛生

湯底： 好濃豬骨味，但以沾麵湯底嚟講都有啲偏鹹。叉燒： 雖然瘦，但完全唔會鞋，正常好食。麵： 黑胡椒味好香同埋意外地夾，食到咁上下可以解到湯底嘅油膩感。份量偏多。Overall：唔錯嘅，但唔值得排隊。

要數元朗出名嘅舖頭，彩就一定on the list😋主打沾麵，湯底勁正‼️食過唔少次但就未寫過佢，舖頭坐位唔多～次次都要早啲去，唔係就排長龍🌀蝦味增湯沾麵 $93蝦湯係佢地最受歡迎嘅湯底，一啖已經食得出蝦味濃，用上北海道蝦味增加上蝦油，湯底帶蝦鮮味，濃得黎又唔會鹹，推薦！！每一碗入面材料都有叉燒、原隻溏心蛋、「彩」紫菜同筍🌀黑蒜油湯沾麵$88沾麵底全部都係自家製，除左有小麥麵、黑胡椒麵，仲有每日嘅Special麵，每次都唔同，我今次去就係菠菜麵～麵質彈牙爽口，沾麵最重要都係麵質掛湯，豬骨湯底加入大蔥絲同蒜油，令到整體更入味。配料同蝦湯一樣都係有叉燒等等🌀完熟桃🌸$22汽水款式都係一般拉麵店有嘅日本汽水，桃汁果香馥郁，甜度柔和

1) 原味豚骨湯沾麵 hkd83雖然望落去平平無奇 但係個湯底超好味!! 好濃郁既豬骨湯mix日本醬油味 配料有兩塊大大塊叉燒 味道正常 仲有一隻切開既溏心蛋～驚喜位係on top仲有兩片柚子皮 令到本身濃郁既豬骨湯底有一絲清新既感覺 而麵條唔知係咪因為就黎收工 所以略顯有d碎 亦都唔夠凍>< 扣少少分2) 黑蒜油湯沾麵 hkd88而黑蒜油沾麵就係原味豚骨湯沾麵加上黑蒜油同炸蒜～比較適合重口味啲既人!! 麵條同原味豚骨湯沾麵一樣都係比較淋～整體黎講不過不失!! 麵條有進步空間

🍽原味豚骨沾麵黑蒜油湯沾麵🥢👀彩其實都開左好幾年，好多年前已經食過一次，一直評價都唔錯，唔少人話係好食既沾麵店😳比較特別既係佢有唔同口味既麵底可以簡，又會有d期間限定既選擇，可以每次黎都有新鮮感！麵質都好有咬口而且掛湯，湯亦都幾香，整體偏濃味🤔個人口味黎講其實又無話覺得好有驚喜，不過都可以一試

元朗彩餐廳，一間細細間但佈置得十分日本地道餐廳嘅地方，最近我喺度試咗一頓既獨特又滿足嘅晚餐。喺呢度，我選擇咗兩款麵條，一款係黑蒜油湯沾麵配小麥麵，另一款就係加咗半份黑胡椒麵。首先講吓黑蒜油湯沾麵，真係一個驚喜。黑蒜油湯底味道濃郁，帶點神秘嘅甘香，而且香而不膩。小麥麵條爽滑彈牙，同湯底嘅配合簡直係天造地設，每一啖都充滿蒜香，令人食完仲想再食。由於太好食，我加咗半份嘅黑胡椒麵，更加係提升咗整體嘅食感同味道層次。黑胡椒嘅辛香突出，唔會太搶鏡，反而係同黑蒜油湯底形成咗完美嘅平衡。每一根麵都包裹住黑胡椒嘅微辣同香氣，令整個麵食體驗更加豐富多變，啱晒鍾意食濃味口味嘅人。喺彩餐廳，每一道菜嘅呈現都細心，每一味調料都用心調配。喺呢度食麵，唔單止係填飽肚，更係一次味蕾嘅衝擊。加上店員嘅親切服務同舒適嘅環境，真係令人食完之後心情都好起嚟。總括嚟講，元朗彩餐廳嘅黑蒜油湯沾麵同黑胡椒麵都值得一試。無論你係想嘗試新口味，定係想享受一個人嘅靜靜食飯時光，呢度都係個好選擇。下次你喺元朗，記得要去彩餐廳試吓佢哋嘅麵食，肯定會俾你一個滿足同驚喜嘅晚餐。不過提提大家，如果係假日晏晝嚟食嘅話，記得早啲嚟排隊，如果唔係就可能

聽聞係名店，放工順道一試。位置比較偏僻距離大馬路有d遠，鋪面入口係對球場小巷入面。店員係我一坐低就係雪櫃拎左個雪凍左既杯比我，呢樣服加分。店內坐位係拉麵屋經典格局，可以望到師傅整麵。但我都見到兩位師傅係企係度玩手機，同網上見到話有職人精神有d出入，但香港地無傷大雅。麵有三種口味：豚骨，黑蒜，同海老味。麵條有小麥，胡椒同期間限定既椰菜麵。先講靈魂湯底，可能係我食過既最稀既沾麵湯，通常師傅為左更掛湯會將沾麵既湯底整得傑d。同樣考慮，沾麵標準應該要凍麵，但係店員並冇問我要凍定熱麵（冇留意有冇凍麵條）就比左熱麵我，有d失望。將麵浸落湯又拉番起可以見到唔夠掛湯。如果湯底本身果係拉麵湯底既話係唔錯，d筍係爽口，就咁飲亦都唔太咸。埋單$103，考慮大大份都應該幾岩學生哥食飽d。

星期六入左元朗做嘢醒起之前有朋友介紹過「彩」再睇埋OpenRice打哂飛機嘅好評咁就滿心歡喜試吓佢幾好食由於早前睇過朋友社交媒體app見到都幾多人排隊所以個日都晚上7點已到門口等位見到入面都幾多人心諗應該都唔錯等左一陣已經有位不過坐得唔係幾舒服但係環境就真係好似日本嘅餐廳👍🏻當日叫左「蔥蝦湯沾麵 小麥麵」蝦湯係幾濃郁但係個湯愈食愈凍食到最後已經又凍又膩個麵有幾款選擇包括小麥麵、黑胡椒麵、菠菜麵（定唔知係是日special?）唔係好記得麵就好普通 口感尚可總結應該係我食過嘅沾麵入面最差個間或者係食日本野食得最沉默又快個間因為餐廳環境/氣氛令人想快啲食完就走大約係7點入座 7點半已經走左🫣離開時間客人已經唔多了抵食程度：4/10好食程度：5/10 餐廳環境：5/10再食機會：0/10推薦程度：4/10

搬左入元朗先第一次接觸沾麵 就係呢間係巷仔入面既「彩」當呢間餐廳未發生風波前 係成日要排隊先有機會食到 一係就趁早上開門前排博頭10位就入到座 而家反而唔駛排隊 有時想食就買外賣回家食 最愛依然係蝦沾+是日special 有一次仲俾我見到有熟客叫「粗麵」 曾經貪新鮮叫過一次 但幼麵先係我既favourite每次去食都一如以往的好食 尤其係佢隻溏心蛋 真係超級好味大大隻 咬開就有流心蛋黃 又醃得夠入味湯頭唔駛講 雖然比起日本食的沾麵較稀 可能為左迎合香港人口味 但濃郁的湯頭我每次都想飲晒佢希望佢繼續Keep住水準

作為一個住係大西北既朋友，一直都未搵到機會去呢間好多人排隊既沾麵店。佢係主打自家製既，不論湯同麵都係，仲可以有唔同麵底配搭添。 每個麵本身會跟兩塊叉燒、一隻溏心蛋、紫菜同其他配料。 我同朋友分別叫左 🔴黑蒜油湯+黑胡椒麵 🟠蝦味噌+小麥麵 🟡蝦味噌+ today special 紫菜 佢地既溏心蛋正常發揮，我果款黑蒜味唔算太濃，但係都算香口，配上沾麵都幾掛汁入味。而朋友既蝦味噌都幾重蝦味，係佢每次黎到都必叫既，大家若果入黎大西北都可以試下架☺️不過就要有心理準備要排下隊。利伸：有試埋其他款既麵體再沾麵(黑蒜油湯)，感覺唔算有太大分別😂 沾麵黎講可能最緊要都係個湯汁😜

一碗由麵到湯都係自家制既沾麵，而且係日本人主理，衝著呢兩個原因，身為拉麵愛好者梗係要試下！店面小小裝修同日本拉麵店好相似，有哂係日本食拉麵既感覺。今次點左原味豚骨湯沾麵，配原味麵，因為拉麵係店家每日制造，所以有幾隻味可以揀，包括原味，胡椒味同每日限定，第一次食佢梗係揀原味啦。沾麵一上枱碗湯夠哂熱，配上微冷既沾麵真係完美配搭。食麵前食一啖湯，豬骨味濃厚，放入沾麵一食，真係一絕！個麵麵質彈牙，小麵味完全無比湯底蓋過，淨係食麵都已經好好食！食完一個麵完全唔夠，要追加多個先夠！真係食完想再來食！

「彩」是我最近光顧的一家午餐餐廳。我在星期六下午2點左右到達，稍微等了一會兒才有位子。這家餐廳的主打是自家制作的沾面，有常駐的小麥口味和黑胡椒口味，還有一款每天都可能不同的時日限定口味，而今天正好是黑芝麻口味。湯底的選擇有三種：原味豚骨、黑蒜油和蝦湯。我三種湯底都試過了，我自己最喜歡蝦湯，而我的朋友則最喜歡黑胡椒。我選擇了蝦湯配黑芝麻面。蝦湯濃郁，能清楚地品味到鮮美的蝦子味道，非常有日本風味。至於黑芝麻面，雖然沒有太明顯的黑芝麻味，但麵條的口感適中，有著彈牙的嚼勁，非常適合沾湯食用。我的朋友則選擇了黑胡椒口味的面條，搭配黑蒜油湯，這是他每次來這家餐廳必點的組合。這兩者的味道結合得非常出色，帶來了令人驚艷的風味衝擊。整體而言，餐廳「彩」的自家制沾面味道出眾。雖然有些許等候時間，但品味到的美味絕對值得等待。餐廳的氛圍也很舒適，讓人可以放鬆享用美食。👍👍

特登由九龍搭屯馬綫入去食，之前去過一次但太多人放棄左。估唔到平日1點都要等位。沾麵有幾款味道揀，我揀左黑蒜沾麵，朋友揀左蝦味噌湯沾麵，仲有得揀不同麵條，除左麥麵條，有唔同味道嘅自家製麵條，咁岩是日麵條係伯爵茶，咁特別就試下啦。沾麵湯唔會太傑，聞落香氣四溢。黑蒜湯唔會有人工黑蒜味，係淡淡嘅慢慢滲出來嘅黑蒜香氣。伯爵茶都有淡淡嘅茶香氣，係好清新嘅味道，可以中和湯底嘅肥膩感，都明白點解咁多人排隊！我朋友嘅蝦湯仲濃味少少，佢好鍾意。埋單大概$100/人，性價比高！會再黎～

是日過開去做野，問朋友就推薦咗呢間專門食沾麵嘅小店，原本都怕肥，不過一睇有最愛嘅蝦湯就唔理啦🤣 位置就稍僻少少，要行到賣裝修材料嗰頭。蝦味噌湯沾麵 ($93)蝦味噌湯：蝦湯幾濃，但唔會因為太濃而要加水/飲水👍沾麵：叫咗是日推介嘅柚子麵（另外可以揀小麥麵或者黑胡椒麵），就咁食慢慢品嘗真係食到淡淡嘅柚子味，幾得意☺️但沾麵咁食其實食唔出🤣🤣糖心蛋： 熟咗少少🤣一半流心另一半熟咗但都ok嘅叉燒片： 有兩塊薄片，入口即融😋整體其實唔錯，去開元朗嘅朋友可以去食下，但覺得未至於要專登入去食😌

沾麵又到啦。。唔鍾意湯麵嘅我緊食沾麵啦。。做野又去到啲我去唔到嘅地方。。黎到緊係食啲好野。。呢間沾麵次次都排晒隊。。經過好強次都食唔到。。難得過晒ᑭEᗩK ᕼOᑌᖇ時間。。唔洗排又食到😏😏佢位真係好少。。排隊都要嘅。。同最緊要早到😏鍾意蝦蝦蟹蟹嘅我。。我緊係揀蝦咪啦。。佢湯底好濃好正。。仲有佢啲麵底都係自己打。。同佢個麵麵有得揀下。。我揀SᑭEᑕIᗩᒪ麵。。佢係要問下職員。。可能日日唔同嘅😏佢嘅湯加埋個麵底係好出色。。口感+濃湯👍🏼👍🏼我當然叫我同事叫另一個咪啦。。佢就叫左黑蒜。。我當然試左佢一啖啦。。其實都幾好味。。都有濃濃嘅蒜香味☺️我就覺得唔錯。。大家都可以去試試👍🏼👍🏼..🍜蝦味噌湯沾麵 配 SᑭEᑕIᗩᒪ麵底🍜黑蒜油湯沾都 配 SᑭEᑕIᗩᒪ麵底..📍 彩 (元朗)元朗建德街26號益利大廈地下14號舖..@aya.tsukemen..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#dis